Pepper Lunch Express (朗豪坊)

營業中

休息中

同友人又黎到朗豪坊搵食今次試下Pepper Lunch 我黑椒芝士雞肉飯 - 栗米同芝士份量足夠，撈撈撈，芝士溶化係熱飯中，我覺得本身以夠味，無需要再落其他調味，食時有一絲絲芝士，雞肉薄薄的，但我覺得份量偏小，吃完未必會飽喔！

個日係朗豪坊睇完Movie都差不多就10點了..見呢間重咁多人食+比佢既香味吸引就決定試下啦...食左佢個..煎蛋漢堡扒..都幾正WOR..有D應該係butter+sauce既野..係個漢堡扒上再+上呢個egg同飯同呢個正呀 蒜容汁/醬可以任+ & 混埋好好味..個漢堡扒仲好juicy..好好味呢..我覺得..值得推介既一間food court餐廳..

朗豪food court係得呢一間野有部大電視做宣傳...我同個fd都比佢吸引左去試下...由於係food court, 就冇service可言...我覺得呢間食店可以做多少少, 就係幫人客預備定d醬汁唔駛要人客自己用手去拎住支肥林林既醬汁, jit到唔拖唔水...我地兩個人叫左兩個牛扒, 一隻係霜降, 一隻係西冷...個鐵板jer jer聲, 煎扒diy的確係幾好玩~可能係第一次煎, 我就唔係好識得敏捷地反轉d肉去煎...味道一般...可能係醬汁問題...舊肉咬感還可以...如果佢真係霜降牛...咁就真係差到暈...份量更加唔駛講...舊肉我唸一定唔超過150g...果碗白飯就好襟飽la, 一定唔會餓親你...總括來講, 試下玩下都ok既...晚餐連野飲每人要八十幾蚊...以food court既quailty來講, 咁就真係非常唔抵la...

於APM睇戲，諗住先食個飯，就來到呢間最近網友勁讚既PEPPER LUNCH，諗住試下牛肉飯既滋味。我自己就叫左個黑椒咖哩牛肉飯，因為呢個飯d牛肉薄d，我一來就要反d肉。反左一陣已經熟透，一試之下真係唔錯，牛肉幾鮮嫩，可能且我手勢ok有關。不過黑椒牛肉飯份量略少了一點，可能因為佢係最平既餐。我有朋友叫左個霜降牛肉飯，不過整唔熟，大約整到五成熟，佢自己覺得口感差左少少。似乎去呢間野食，好唔好食同自己既技術好有關係。

前幾日同同學出開去見有時間就搵d野食啦見到呢間野幾得意就試下一人叫左個黑椒牛肉飯套餐$38蚊仲有野飲叫野食果時佢有個電視教你點食唔睇過到食果時真係可能會亂左d睇完就冇問題喇叫左一陣就有得食鐵板咁上....熱辣辣返到位就整喇....有d似玩煮飯仔1分鐘都唔駛食得38食個lunch....真係可以一試

去到food court,有一間特別多人排隊,所以都吸引了我,走近睇,原來要自己炒炒炒,仲有電視播放片段教你點樣右燒左燒同反轉燒,有新鮮感之餘,人氣又夠旺.買飛後,等左10分鐘先有,攞飯果陣攞埋蒜蓉汁同蜜糖汁,所有配料都準備好,一埋位馬上炒炒炒,亂咁兜嚟兜去,都玩得幾開心嫁,炒好之後落醬汁再炒就大功告成牛肉飯初試感都幾好味,牛肉就薄身左D,相對味道都少左,牛肉味就輸了~~~反而成個飯係由個醬汁味帶起,飯粒都索晒蒜蓉汁,加上粟米粒好爽甜,蔥花夠香口,三個加埋都好配合.麵豉湯都幾有日本FEEL味(不過要湯就無汽水)鰻魚飯我兩個都食過,我覺得鰻魚好味D,一樣有粟米粒和蔥花,老公用蜜糖醬汁,但不會甜味過重,4樣合併之後,味道豐富了好多,粒粒飯都有鰻魚既香味.沙律老公好鐘意佢個沙律醬,蔬菜都係新鮮,唔會有黑邊,唔錯唔錯.

一直都知道朗豪坊food court有間叫 PEPPER LUNCH o既東東但由於旺角有太多好o野食了總係覺得去food court食o野好唔明智咁... ...直至PEPPER LUNCH o向觀塘再開多間舖兼尋日返工o既同事話試過好食 (仲形容到好吸引咁!!)所以今日放假, 決定同好友o黎試一試佢有成12個set俾你揀跟汽水 +$6跟汽水&沙律或湯 + $14跟多碗飯 +$8 {一般扒餐都已經會跟一碗飯}今次試菜叫了 漢堡扒+小牛排 (配白飯) 跟汽水 total $74份餐差唔多等o左20mins先有得攞聽到鐵板o既"沙沙"聲, 再加上佢o既香味{著實佢唔洗多做宣傳, 只要有入過food court o既人都會被吸引到!!}不禁令我o既胃液分泌增加~ 我依照指示, 先反o下o的扒煎到自己想要o既熟透度再淋上汁料 {共有4款汁料俾大家揀~ 可以自己隨意攞幾多!!}好似玩煮飯仔咁, 玩兩玩, 就有得食了~兩款扒之中, 我個人喜歡 小牛扒 多o的因為肥瘦適中, 唔會太"un"漢堡扒就一般... (或者 小牛扒 把風頭搶過了

試pepper lunch 既原因係"好玩" 而唔係"好食" & "抵食"...三個人, 叫左一個牛小扒, 一個霜降牛扒, 一個三文魚+雞扒好快就有, 唔駛等好耐, 睇過之前既食評仲怕要等好耐霜降牛扒好細舊, 牛小扒份量都ok la...但係個三文魚+雞扒真係少得過份, 塊三文魚1cm厚都無面積大概只有半隻手板咁大...雞扒只有半塊...(切成四小塊only)咁就$7x...實在貴到有d 不敢想像味道都唔錯, 不過又唔係認真好特別...純粹想玩下自己煎牛扒0者...試一次夠晒數咁既份量同質素, 價錢實在係貴...

見到好多人都盛讚呢間食店好, 就試了一試! 真係無諗過咁好味~真係要熱辣辣先好食, 食落口, d牛肉真係有少少溶...嘩! 唔怪得之有咁多人排隊食啦!一分錢真係一分貨!!!

黎到後人不算多,等左大約5分鐘就有得食點了黑椒牛肉飯套餐包括黑椒牛肉飯一客+飲品(7up)+味噌湯聽到沙沙聲,感覺到個鐵板好熱一路撈就已經聞到牛肉的陣陣香加上有栗米粒(又甜又脆)蔥粒,撈埋一齊食真係好正最緊要係飯入面有牛油,令整個感覺更可口牛肉都算幾多,切得簿簿的,所以唔會咬到牙都痛 : D整體感覺: 好好味!一定有下次但個味噌湯就好淡,下次都係揀沙律好d, haha。

另外仲幫襯左pepper lunch...本來諗住食個咖哩牛肉飯就算,因為四十幾蚊,但係諗諗吓都係食貴少少啦,反正唔係成日嚟...於是就叫左個霜降牛扒餐..都要成八十四蚊呢個鐵板不知是否不夠熱,塊扒未熟哂就已經凍了,所以我件牛扒唔夠熟不過件牛扒肉質真係好好,好淋同好有牛味,只係咁樣整法真係浪費..伴菜味道幾好,芽菜爽口,蘿白好甜,但係如果下次要我再嚟食就一定要有塊熱既鐵板呢

雖然成日都行朗豪, 但係好少係度食野, 見有PEPPER LUNCH, 我之前係KT 食過, 所以都想俾女朋友試下,----------------------------------------------------------------環境就係FOODCOURT 樣, 不過冷氣口勁凍----------------------------------------------------------------野食係小牛排同雞扒, 兩個都好好食, d燒汁同牛扒汁都幾好,而且仲有得自己玩自己煮一陣, 都幾過癮 不過對FOODCOURT 0黎講, LE 個係一個幾貴GE 選擇, 同埋都等左好耐先有得食, 可能因為太多人.--------------------------------------------------------------------------------------------------------------------今日係178日

之前同早兄食過一次, 覺得好好味... 尋日我地要去進行特別任務, 行動前係旺角會合兼食埋lunch... (實情係食過番尋味, 夾硬約係個度, 哈哈...)我地嘅目標係... DaDaDaDa... 霜降牛扒... 4A級... 都只係$78... 自己買o黎煮都未必有咁平!!!套餐跟飯, 配埋飲品要$84, 以美食廣場o黎講, 一D都唔平!!! 我地之所以比佢深深吸引住, 係因為佢香味撲鼻, 外型又夠特別, 自己仲有得玩(一路反D肉一路聽到"吱吱"聲, 好想快D吞晒落肚), 最緊要係好好味, D肉仲一D都唔韌... 醬汁有蒜蓉燒汁同蜜糖燒汁, 仲可以加黑椒同鹽, 煎香咗塊牛扒先落燒汁... 相片 : http://hk.myblog.yahoo.com/ken-merry/article?mid=2123

星期六晚上經過被那香味吸引.不過點菜後要等足四十分鐘真的十分誇張.絕不是快餐應該有的速度等等等...終於有得吃嚐了牛扒和漢堡扒可能待得太久 , 其實不見得牛扒口感有什麼特別 , 也沒什麼牛肉味漢堡扒也屬很一般一次就夠 待它沒那麼多人漸再說.

朗豪坊間間食肆都要排長龍....行過....岩岩有人走....梗係即時坐低啦....food court 咁多間.....見呢間鐵板燒燒咁.....貪得意...貪過癮之下叫左個咖喱牛肉飯.....拎番埋位...由佢吱吱喳喳一陣....再倒D汁入去.....再兜下佢....感覺似細個小朋友玩煮飯仔......味道一般啦...志在玩下唧.....