Pepper Lunch (已搬遷) 新店位置

13/06/2010 驟雨多謝openrice 給我的戲票, 放工後我和嘉豪一起去看"驚動了愛情", 之前我上網都查過在什麼戲院還有得看, APM的時間都可以趕到去看, 時間是5:50pm, 時間方面非常充足,看電影之前我們去了APM的food court 食點東西先去到food court 看見設有不少食店, 在food court 不少人都選擇了pepper lunch,聽聞是日本的連鎖店, 主力都是賣鐵板燒飯, 看來都十分惹味, 不斷有霧煙和沙沙滋滋的聲,我也來食番餐先, 去到店前已經有不少人正在排隊, 店中門外設有一部電視機介紹如何享用店中的食品, 教我們怎樣去撈些汁醬和注意事項到了門面的時候, 店員都熱誠介紹他們的招牌菜--黑椒牛肉飯, 之後我點了黑椒鰻魚飯, 購買了票後等候半小時已經可以取食物, 鐵板的溫度有260度, 將黑椒鰻魚飯放在鐵板上熱辣辣, 裡面的黑椒遇熱後更是惹味, 香味四溢, 之後我取了一些醬汁, 有三款選擇, 我就從不喜歡食辣椒醬, 所以我不會選擇, 之後剩下的蜜糖醬汁&蒜蓉扒汁我都有舀了少少將鐵板放下來後,上面灑上鮮磨黑胡椒,辛香惹味,也有粟米和蔥花伴碟,

因為約了朋友在觀塘,我又早到了..所以在food court 坐下等她們邊坐邊聞到周圍的pepper lunch味...好香呀!!所以決定左今次都要食lee間~~買左個最平的牛肉飯, 但真係等左好耐~~我地另外買既野都已經整好晒佢都未得~最大問題係...佢一路叫住我地既number..我地每一次行過去都未出..都唔知點解成日都叫住~同埋佢0個個顯示牌就唔應該寫"下列號碼可取"啦!!!因為我地個號碼出左好耐...都未拎得...佢只係gather d 人去等...攪到佢counter好似好多人既假象~唉~!!今次試埋佢d汁料...但倒左太多入去..好似over左d味~但熱乎乎吃還是很美味~只稍嫌份量太少...嘿嘿!!

很多次經過都見不少人排隊，今晚約了兒子放工到來試試，約6.45pm已見有8人排隊。由排隊至食物上枱約需20分鐘，比預計的快。切開的牛扒在熱板上翻兩翻已差不多全熟，不需任何醬汁，入口有牛的原味香，有咬口之餘亦不覺韌，不吃生肉的我最適合。我分不出霜降牛扒（$78）和特選牛肉眼扒（$73）的分別，老公說霜降牛扒多一份油香和較軟滑，我們加了少許咖喱汁在飯面吃，咖喱不香不辣，老公將飯全倒在鐵板上加鼓油蒜汁撈勻吃，他說方便好吃，吃完飲蕃茄菜湯，湯色吸引，味微酸。在food court吃$84一餐貴不貴，見仁見智，在普通的餐廳，很多時都吃不到這麼原始、不加任何味料、又好吃又好玩的霜降牛扒。

考完試就同女朋友去左 APM 行下街同食飯Pepper Lunch 唔係未食過，但一路都冇叫霜降牛扒呢類貴＄2X 既餐，今日晚飯決定試下睇下抵唔抵食 食飯時間排隊， 20－30 min 先有得食 買完先去揾位啦～ 霜降牛扒 ＄78 ＋＄6 飲野，有擔心過實物比模型頹，幸好不是！霜降牛扒食落係 “淋” 同 “入口即溶” 中間既感覺，黑椒味好重芽菜 ＋ 粟米中和番強勁既黑椒味同牛扒既油膩 醬汁自己攞兩三隻都 ok（辣醬，蜜糖同好似係蒜汁），又可以玩下 DIY 鐵板燒，＄84 除左食物都仲買到下樂趣既 假如你食量係 avg 以上咁可能就唔係太夠飽 如果你坐得離 Pepper Lunch 太遠，好有可能攞到番位有一邊已經太熟，坐近 d 就穩陣

同男朋友每人一個饅魚鐵板飯好好味, 好夠熱, 但有少少骨想食既朋友就要小心d佢整出黎果陣真係好香同埋佢d栗米好甜, 同埋佢都比得幾多所以抄埋一碟真係好好味..難怪每次我都會食不過衰就衰在要等好耐但今次因為我有事要過觀塘所以好早就唔使點樣等..如果係下就lunch時間, 我就真係寧願唔食啦因為我真係試過等成9個字-_-

排隊聽見要等45分鐘...真係想走....不過又好想食....最後都係乖乖地俾錢......然後等真係等足45分鐘先有得食....呢個"黑椒牛肉飯"...真係百食不厭.....炒到乾身既白飯配上香甜粟米粒....蔥粒...口感豐富....牛肉有牛香.....味道不錯.....如果有多D"飯焦"一定仲正....不過服務就麻麻......呢度扣左D分.....

可以自已拌起飯和牛肉又可自已選擇醬汁混合得很"野味"和有"獲氣"值得一試xd

今晚既晚餐決定係apm解決, 係citysuper food court打左個round, 見到pepper lunch係最多人排隊既一間食店,就一於扑搥試下呢間啦~~最後我揀左一個黑椒三文魚炒飯, 友人原本想試厚切牛肉, 但話咁快就賣曬, 橫掂都係貴廿蚊, 就豪一次試下個成七十五蚊既霜降牛肉...我試左佢一舊, 貴d果然唔同d, d牛滑d腍d, 係個汁鹹左d, 不過係惹味既~~唔錯架, 大家可以一試!!講番我個三文魚炒飯喇~~d三文魚好快熟, 攞到埋枱d三文魚已經熟左九成...有d栗米粒配搭,食落 新鮮甜美, 再落埋佢地附上的 扒汁, 好味道~~由於個人覺得佢地個汁偏鹹既關係, 所以最好有野飲餸口~~下次一定會再試其他款式既鐵板~~

行去apm food court, 遠遠都聞到佢陣鐵板味, 真係好香...最近出左新野, 牛骨汁漢堡扒飯 ($54), 諗住其他幾款都食過, 就試下呢款~排隊買果陣, 打飛果個姐姐仔同我講話要等40分鐘, 不嬲都知佢等得耐, 反正唔係好肚餓, 等得黎就肚餓架啦~實際等左半個鐘左右, 個賣相好似好普通, 但食落口出乎意料之外咁好食, 塊漢堡扒好有肉汁又唔靱, 夠熱又夠juicy, 正！ 仲可以配蕃茄湯, 好過飲汽水, 蕃茄湯落左好多茄膏, 陣味好濃郁好香~

好早去左apm食lunch~好開心~因為啱啱12pm~未到peak hour 食lunch~pepper lunch 好少人~平日鬼死咁多人嚇怕我~呢日終於可以一試~叫左個黑椒牛肉飯~好好味ar~果然名不虛傳~好香不特止~鐵板燒的方法仲保留左牛肉的肉汁~正~d飯仲好熱辣辣~個蜜糖汁又好好味~lunch 仲包杯野飲~都幾抵~

今日和男友想起很久沒有吃 pepper lunch, 所以就到apm開餐.這間餐店依然都是這麼多人, 我們7時到, 點了餐都要等差不多20分鐘我點了咖哩黑椒牛肉飯, 這個飯加有咖哩味, 我個人很喜歡, 很惹味,男友點了煎蛋拼漢堡扒, 也很好吃, 鐵板熱辣辣的, 加上蜜糖汁把飯炒香,我們都比較喜歡蜜糖汁, 比較杰身, 蒜蓉汁比較稀, 撈落炒飯裡比較濕身, 炒飯當然是吃乾身比較好吃啦~

每次吃完也想為這店寫食評，但每次也沒時間寫。今次把多次的經驗一次過打一篇吧。Pepper lunch 在apm 開業大約兩年，這當年的新貴氣勢至今還未有下降的跡象，可見其吸引力。今日如常來foodcourt，看到一半以上是吃pepper lunch的，每一個客人最少要等三十分鐘。點了菜後不得不出去逛一逛。自Pepper lunch 開業後，我和女友久不久也會來一吃，而每次來到，也有一款新款式，價錢平加上較吸引，所以十次來十次也不會厭。很記得吃過芝士鰻魚，芝士三文魚，蝦等等，也是很滿足，特別是有芝士的，溶在飯中間，味道是相當吸引的。今次點上特盛黑椒牛肉飯($42)，半小時後來，還未到自己的號碼，就自己盛一杯蜜糖汁和蒜蓉汁。鐵板熱騰騰的上碟，那些煙湧上來，那鐵板帶出滋滋聲，那香氣撲鼻，真的每一次也未吃先興奮。特盛，只是多了數片牛肉吧。一上碟，加上自選的蒜蓉汁和少許蜜糖汁，個人覺得兩種汁也很夾這個飯，蜜糖帶甜，蒜蓉就夠香。之後快速地把飯、汁、粒粒香甜好吃的栗米、蔥花等等撈均，那拼拼湊湊出來的確香濃美味，口感豐富，不難想像為什麼會在主打年青人市場的apm 中大熱。有得玩，又好吃，想不到吃什麼，

牛扒系我至愛, 但由於而今 d friends 個個諗住 keep fit.巳好難搵人一齊去据扒了.Pepper Lunch 開左好耐 ga 啦. 今次第 1 次試.佢既模型好靚, 好似好吸引咁. 我系牛扒迷, 當然食他的 啦 $78. 佢跟芽菜, 我又好鍾意食芽菜 Wor. 下午茶時間, 2, 3 分就出到.塊扒同模型很像, 雪花很均勻. 扒樣無失真.我密糖同蒜蓉汁混合, 個味都幾得意,日本醬汁不溜都偏甜的. 算吧食日本野系咁ga 啦. 個扒份量不大, 跟 1 個飯.入口無 jar, 其實塊扒質素好高, 賣 $78 唔貴. 滿意.咁既扒, 系吉之島, 雪住果 d 都要佰幾蚊啦. 份量不大, 女人食還可以, 太好了, 當据扒引起可以自己來呢度, hehehe~

平時行apm都會聞到好香黑椒味今日終於試到叫左黑椒牛肉飯份量其實幾少.不過都夠我食牛肉幾薄.d黑椒真係好香栗米粒粒同蔥好襯d飯.好有咬口整體上我好鐘意.下次會再幫襯

同同事去apm打算食個lunch...一向都知e間野多人等而且又耐，都諗住食唔到，點知經過果時佢寫住只要等二十分鐘就諗咁好啦都未食過就試下，點知一等等左三十分鐘，我走過去問佢個時佢仲話要等因為未出，一係就退返錢，我返埋位再等，但最後都係算，好地地一餐飯比佢攪成咁，最後等到四十分鐘個時我同事幫我退左錢...走好了....如果佢唔係寫個牌係到話二十分鐘我都唔會等啦，一早食左其他野開開心心咁走左啦，你估lunch好多時間咩，咁既手法真係好差，都話晒有幾間分店都咁樣做生意，希望佢地可以改善下啦