Pepino 意大利餐廳

營業中

休息中

星期五book了這裡慶祝生日，由於見食評咁多笑，而我這天又到附近training，所以便一於試一試！六時半到達，全場都無咩人，裝修及情調都不錯，因為如果是自助餐一定很嘈吵，而這裡最適合靜靜地傾計，環境值得一讚！而食物方面，選擇不是想像中多，頭盤是已set好，包括Cesar salad、雞肉、三文魚、雜菌、巴馬火煺、蝦等，食完不夠可以再order，生蠔要另外order，要幾隻可有幾隻，由於我不吃生蠔，只有他吃，他說不太鮮味及size細，其他酒店的比較好，但他也吃了一打呢！主菜基本上都唔係太突出，個帶子就真係好大隻，但係比較鞋，個汁我覺得唔錯，但他說他喜歡那種味道。肉眼排及燒羊骨排唔會太熟，很嫩，他覺得最好就是這兩樣！而我覺得意大利雲吞唔錯，但給的份量太多而且又是忌廉汁都幾溜，另外石斑都唔錯，尤其個汁幾醒胃，迷你Pizza都係好，千層麵多芝士，個汁都OK。有幾款都沒有試，因為實在太飽。意大利飯太淡又飽肚，試唔過。食物比起外面自助餐的少，尤其是甜品只有兩個cake，一件mousse 及生果。由於主要係意大利菜，所以冇魚生、新鮮海鮮等，但價錢同呢間酒店的自助餐差唔多，自助餐仲有八五折。而侍應也

我都係6月25日去喎~唔通剛留言的朋友都係尋日去??我見大家的評語都唔錯，所以尋日去左慶祝週年紀念。環境方面我俾4分，唯一唔好的是落地玻璃對住一些舊樓，外觀唔係太好。食物方面，我首要推介頭盤，好好食，生蠔雖然細左少少，但其他都好好味。餐湯我飲貝目湯(我唔記得個名，總知唔係意大利湯)，幾重蝦味，但又幾好飲！主菜我推介虎蝦、雲吞、帶子同扒茄子，其他都唔錯，各花入各眼啦！但千層麵好難食，茄醬味太重，我想唔啱我口味，所以我頂唔住！甜品方面有：意大利芝士蛋糕、紐約芝士蛋糕同杏仁冧酒朱古力奶凍。但奶凍唔係好適合我。不過唔明點解個餐唔包飲品，所以成晚我只係飲白開水。見大家評語都話有個女待應服務好差，但我尋日只見清一色男人，而且個個都服務好好。黑衣人雖然無笑，但見佢專業的服務態度，我覺得佢好pro。仲有一個菲律賓等應(佢自己話)，笑口滿臉，我覺得好nice，同佢講英文又得，中文佢又識少少。我覺得大家值得一去，不過我發現星期日都人咁少，真有點擔心遲了去會否仲有咁質數的服務呢~180

食物唔係想像中咁好,不過以環境取勝, 我是在數年前(好似98..99年)去食過,當時可供選擇的款式較現在多..品質亦比現在多得多,價錢和現在差不多,所以同今時相比.....相信唔會再去檯比以前密了很多, 但人比以前少..唔知是否將價就貨..或散叫是否會好些??同其他網友差不多,羊扒可以,雲吞麻麻,牛扒ok,燒帶子好多沙甜品方面,有芝士cake,tiramisu 同水果併盤,仲有一個唔記得是what, 其實唔需選擇,因他們會每樣執一份上檯...tiramisu 冇乜酒味..芝士cake硬些更好但我覺得服務很好.

由上年話試.. 試到今年終於真係試左lu.. 總體黎講.. 一個平字.. 2個人任點任食.. 都係3百幾蚊.. 好抵.. 不過食物質素一般.. 本人覺得最好的.. 都係個頭盤.. 不過唔計生蠔.. 生蠔有d鯹.. 頭盤都有幾多野.. 一盤的.. 有我鍾意既凱撒沙律.. 巴馬火腿.. 煙三文魚等.. 主菜黎講.. 共有十八款可以選擇.. 我地兩個人.. 最初叫了3款.. 原來份量真係好少.. 所以食完後我地再叫.. 最後共點了十款.. 但無乜邊款話真係好好食.. 算比較好味的.. 燒羊骨扒同埋咸豬手.. 甜品方面都係一般般.. 不過我覺得呢間餐廳d服務唔太好.. 環境方面都算幾ok.. 但配d好似茶餐廳既服務就唔係太得.. 始終呢間都係一間酒店.. 但服務就冇一般既酒店既水準..

今晚係我同我女朋友"箍牙仔" 第1次慶祝生日，因為我買左隻２千幾蚊既錶俾佢，所以想省少少食飯錢，但又想俾少少浪漫俾佢，結果黎左衣間ｈｏｔｅｌ俾少少評語啦1. 每張枱有1杯仔洋燭仔,有一點點的浪漫2. 當晚可能係星期三,十分少人同靜,一點都唔會嘈3. 推介食物: 羊扒,牛扒,長著條,雲吞4. 留意甜品都好好味,有酒店既水準5. 頭盤有生蠔<--- 俾個180蚊係酒店有生蠔食喎(間餐館做緊PROMOTION: $ 328 套餐買一送一)當晚食左: $３６０／２位(已經包埋加一) * 服務一般,有1個女人waitress黑口黑面差D , 其他staff都好有笑容同禮貎

Romantic interior design (poor view though)Super enjoyable starterMain dish..可能因為任叫,fair啦~推介羊架及鴨胸Super dessert,好大份的platter,首選意大利布丁及tiramisu!fruit就食唔落都罷~but....really poor service!!慢(唔夠人)+送錯+態度差,食到我燥晒~破壞晒心情~一班朋友就冇所謂,想2人世界就唔好喇~

幫朋友慶祝生日,見呢度食評寫得唔錯,價錢又唔係好貴,星期三去左試,晚上7:00到達,全場空無一人,只係得兩個侍應,反觀出面食自助餐既有八成滿(個個忙於取食物),對比都幾大呢度地方比想像中細,(兼且樓底唔高),不過佢地d檯唔會擺到好密,我地選左吸煙區既窗口位坐.都幾有privacy依家惠顧$328兩位餐(任點) 加$4x 就可以任叫非酒精類飲品,見佢drink list 上既非酒精飲品都要$3x一杯,加$4x就可以任叫都幾抵個餐包餐湯&面包/頭盤/主菜/甜品1)餐湯& 面包 餐湯有3款供選擇- 南瓜湯, 雜菜湯, 是日餐湯 選左南瓜湯,幾夠味 面包有六大塊.食唔哂2)頭盤 己fix左,唔駛選,整個頭盤有沙律(少許),煙三文魚(一塊), 生蠔(一人一隻), 蘑姑等, 成個頭盤味道一般, 不過值得一提既係沙律既面包粒出奇地脆3)主菜 有成十幾款俾你選, 我地叫左:- 炒田螺- 一般,無驚喜 咸鴨胸- 由於佢響塊鴨胸中間釀左d野,所以口感有別 於平時食開既,不過論味道, 真係有d失望,得 個咸字 羊架- 上菜時熱辣辣,無騷味,唔錯 燒牛

看過所有食評，無不讚賞這間酒店內的意大利餐廳。於是，滿有信心地約朋友去試一試。結果，失望而回…先講頭盤，叫生蠔、凱撒沙律等等，生蠔極之唔新鮮，應該係隔離自助餐過！絕對唔係即開鮮蠔，食一隻就停手喇！等我仲叫一人一杯white wine諗住配生蠔，唗哂！講到主菜，叫燒羊架、燒牛扒、青口、炒田螺、鴨胸、炸軟殼蟹、西蘭花等等…最好味就係燒羊架，都算鮮嫩。牛扒沒有什麼牛味，有點"鞋"，青口及田螺一般，沒有太深刻的印象。鴨胸帶"騷"，亦不算十分好吃。炸軟殼蟹略嫌多油，吃罷滿口都是油，油膩感從口腔湧出來，感覺不太好。西蘭花非常一般。而大家都讚不絕口的麵飽，我倒覺得一般，不是難吃，但是普通。而且，講明是任點任食，當然無賣相可言，無配菜無裝飾，細小的碟子盛著一兩件食物，有點可憐，只談外觀肯定不合格(但這方面我接受，因這個價錢你不能要求有很討好的賣相哦！)。最令我耿耿於懷的是，本想約朋友高高興興地吃頓飯，結果他的評語是：好似有人serve自助餐囉，不過選擇少好多！唔覺得係意大利餐廳！...hmm...我即時無言以對...(因為我都有同感！)值得一讚是那位醒目的女侍應，服務態度很好！

10月1日係地既4周年拍紀念日，都唔知食咩好，就上Openrice Search意大利餐廳，意大利餐廳黎講，呢度既comment都唔錯，價錢又ok，聽的網友講，環境好浪漫，拍拖一流，於是就book左呢度，會一會佢。今日黎到唔算多人，6成滿吧﹗國慶黎講算好好~~ ^^呢度好近煙光匯演，可惜就唔到時間一齊睇~我地今日唔係好肚餓，所以叫個態度好好既女待應幫我每樣點半人份。最後order個時，係個好cool既男待應幫我地order既，佢幫我地每樣都點左一人份，攪的食淨野，又試唔晒的菜。今晚共有三個待應，女待應，一個好nice既男待應，和一個好cool既男待應。呢度氣氛真係唔錯，有燭光。我地order左兩個湯，一個洋chong湯&一個海鮮雜菜湯。我地覺得洋chong湯一般，可以不試。但係個洋鮮雜菜湯就好香，我地最後order多一個share。的麵包真係如網友所講，好正，可試我地唔係散叫，食晒的包，就食唔落其它野啦﹗1. 個頭盤唔錯，幾有心思..咩都有的咁~的油幾吸引2. 什箘田螺-- 好香好味3. 西蘭花--OK, 但可以不試4. 炸軟殼蟹-- 好好味5. 酒煮青口-- 好滑好香6. 素菜雲吞-

其實各位網友都推介這間餐廳，本人試過後都感到不錯．週四預先和男友預祝生日，我便因為各位的評論來到這兒，價錢不貴，始終都是酒店，一定有一定程度的水平．我們幾乎都全試所有菜式，最欣賞的是羊扒，本人一向都不食羊，但食這個菜式是什麼酥味都沒有，且肉質很滑，完全沒有酥味．而青口和意大利雲吞，我都覺得非常好味．但本人覺得牛扒真是遜色了點，因為真是很硬，比肥牛還要”硬”此外，雖然當日是週四，但還是很多人在外面食自助餐，我都很怕如各網友所講，會放食自助餐的人入內．可幸的的，當日他們都沒有這樣做，否則，這兒的氣氛真是大受影響．本人見意各位如果想靜靜地兩個人共晉晚餐，可要求book在窗最邊的位置，因為自成一角，好像很浪漫呀．

其實都已經係成個月前去幫襯,但到而家先有時間寫番.之前見大家寫得佢咁好, 就一於去試o下. 果然唔錯. 以價錢黎計, $400度兩個人(買一送一) 有得任食, 算咁上下啦.個晚初去時都未算好多人, 環境都唔錯. 而且就算後黎多人o左(其中有幾多好似我咁, 睇完介紹而黎呢?), 佢地都會盡量隔開每一檯o既客(特別係卡位個d). 唯一小小麻煩就係我坐二人檯, 檯面細, d 野食黎兩碟都無晒位. 不過基本問題不大.野食方面, 味道我唔再詳細講啦, 反而係有小小提議比第一次去o既朋友. 大家都知佢餐牌上乜都係任叫, 要食多d, 記得點菜時講明要幾人份量(通常一人份,每道菜都有約2-4 件). 要知道其中不少好味o既菜都係肉, 食多兩啖都已經有d 飽. 分分鐘叫兩轉, 就已經半場休息, 或者已經吹雞完場. 到時食淨晒就唔係咁好啦.服務我都覺得相當唔錯, 個女侍應好好態度. 但可惜係我去個晚都幾多人(8-9成滿), 但侍應就得2-3 人. 3頭6擘都攪唔掂啦. 不過, 反正去到都係慢慢食, 就無乜所謂啦.只要大家抱住慢慢食, 嘆世界o既心態去享受的話, 呢度確係個唔錯o既選擇. (雖然咁會攪到人地

I tried with restaurant with my b/f to celecbrate my birthday on 16th. It's really beyond expectation.The starters consists with varieties and the soup is just fine. I want to emphasise on the main menu. There are over 15 choices of selection. We have ordered 3 rounds in order to eat as much varieties as our possible.High Recommend :Lamb chop, must take, above average.Linguine, al dente, excellent, beyond standard.Duck Breast, baked potato, lasagne, crab, are all good choices.Although there

9月17日係同男朋友5週年紀念，又唔想使咁多錢，又見到尼度有買一送一，就攔尼度啦！！去到見到餐廳環境唔錯，不過如果有窗簾遮O下出面個大大榮華招牌仲好，一去到有個叫JANET O既WAITRESS SERVE 我地，佢幾好笑容，又好詳細咁介紹MENU，食物方面：STARTER-- 好大碟，有SMOKED SALMON，小小沙律，蝦，大大隻O既蠔(好甜好肥美)，仲有...唔係好記得SOUP-- 我要左個露筍忌廉湯，味就幾香，但係冇料O既，男朋友就要左個海鮮什菜湯，佢話我O個個香D喎，不過我見佢個湯就好多料囉...MAIN DISHES-- 有成19款咁多，我地第一ROUND 就要左：1. 什箘田螺-- 好香好味2. 西蘭花-- OK，幾香3. 炸軟殼蟹-- 好好味，食完我地再ORDER ^_^第二ROUND：1. 酒煮青口-- 我覺得唔係好夠咸，但都OK2. MINI PIZZA-- 麻麻，唔多講3. 素菜雲吞-- OK 啦，我覺得個皮唔夠"煙un"，味道幾好。第三ROUND：1. 燒羊架-- 好好味，正！！2. 香橙鴨胸-- 都好食，唔un，甜甜地3. 脆瓜茄子-- um .... 唔係

買一送一真係幾抵，但d野食唔係話超好食囉......甜品更加唔洗提.....今日好多外國人，攪到後尾冇人理我地囉~~~~

女友生日,之前去完法國牛扒屋据扒,今次就走去食意大利野,見到呢間餐廳好似唔錯,一於去試下.去到做緊$328買一送一任食,完全under budget,仲送ice tea添,都算幾抵食.去到waiter安排左我地坐卡位,都幾舒服,滿意.跟住聽完個waiter講左一輪我地都聽唔明既中文之後,野食就開始黎喇.先黎個湯,我地試左洋蔥湯同甘筍忌廉湯,兩個湯都ok,唔算有咩驚喜.跟住黎餐包,涷既,又係冇驚喜.頭盤係由parma ham配蜜瓜,三文魚沙律,蘑菇等既platter.由於我有幾樣都係麻麻,所以都係女友食多,不過見佢都食剩,應該都係一般貨仔喇.跟住就試佢個主菜,我地試左肉眼,鴨胸,西蘭花,雲吞,千層麵,軟殼蟹,薯仔同pizza等.主菜方面全部都ok,比個頭盤吸引.所以都食左好多個round.我個人黎講鐘意食個肉眼,沙律,鴨胸同雲吞.至於個甜品就麻麻地喇,cheese cake都k,tirunisu跟本都唔係果回事. 生果都還可以.總括黎講整體都ok,女友都好滿意,service又幾好.有機會都會再黎食多次.