Peek-A-Poke (heath慶方)

營業中

休息中

重慶大廈原來地庫翻身中，頂著個H字頭主打嘅餐廳食肆都配合H元素。唔好諗歪，H 係for health。由銅鑼灣開入九龍區，尖沙咀返工嘅朋友又多個健康之選。Poke Bowl呢幾年大行其道，最重點係可以自由配搭高纖、高蛋白、低碳低醣等唔同嘅組合，加上食材都係原味烹調極低鈉，點mix and match 都絕對喺健脾領域之內！睇相都知三文魚刺身份量足而且好新鮮，另外自選配料豆腐、蟹子同青瓜都一樣份量十足！沙律茶底亦畀得豪爽，整體嚟講都算幾抵食！店舖比銅鑼灣大，裝修係走熱帶風情，喺地庫小角落中特別搶眼醒目！

最近受朋友影響多左食Poke，呢間響重慶大厦地庫商場新開張既Peek-a-poke，落單比錢先知原來做緊全單八折優惠，好抵食！溫馨提示: 下列標示為原價① 加州風味 $98刺身三文魚，青瓜，雞蛋絲，三文魚子，果仁芝麻醬② 吖嘻先生 $88刺身吞拿魚，枝豆，香菇，青葱，山葵乳酩醬個底可以單選或雙拼壽司飯，珍珠糙飯及沙律菜。第一次食無自由配搭，試下餐廳推介組合。份量唔算少，配料幾多。個果仁芝麻醬無乜特別，山葵乳酪醬比較有後勁。但我覺得醬汁就唔太夠，食到後期我覺得似乾啃緊個飯。有比較就有傷害，之前食開另一家 Poke 店雖然位置無咁就腳，但賣相及味道都好似比較吸引。③ 炸雞 $48六件炸雞新鮮炸起，但肉質有少少乾，食到炸粉。醬汁味道唔錯但食唔出係咩味，有少少辣椒碎，不過味道唔太出。.④ 桂花烏龍茶 $20熊仔樽裝冷泡茶，飲唔晒仲可以拎走。

💛呢排有少少熱氣 所以打算同朋友食啲健康啲嘅野搵餐廳發現人氣Peek-A-Poke係尖沙咀開咗分店!!!Poke Bowl有預設 都有自選 總有一款啱食本身想食迷你bowl $68 但14:30-17:30先有🥲最後都係叫regular 勁勁勁大份呀尖沙咀店裝修好chill~ 夏威夷style 好夏日 座位仲有牛油果公仔🥑🤤-🍣【加洲風味】$98刺身三文魚 • 青瓜• 雞蛋絲．三文魚子．果仁芝麻醬三文魚always賣非佛😋 主食可以揀壽司飯/ 珍珠糙飯/ 沙律菜/ mix 乜都想試所以揀mix✨ 揀咗壽司飯+沙律菜醬汁可以揀另上～ 如果唔揀會撈係配料到成個bowl係勁大份!!! 主食雖然揀咗mix但飯好多食完真係都幾飽主食份量多 配料份量都好多！滿滿餔咗係面食材新鮮 雞蛋絲&三文魚子都幾正 特別係三文魚子 真係幾鮮甜～-🥑【吖嘻先生+牛油果】$88 +$15刺身吞拿魚 • 枝豆 • 香菇 • 青蔥• 山葵乳酪醬 +牛油果山葵乳酪醬幾特別幾正！淡淡wasabi味 幾fresh魚生同配料嘅配搭都幾好😋 特別鐘意菇～-✨推薦指數：7.5/10💰人均消費：$80.5⏳等候時間：0mins (平

同事發現一間新開小店，所以就去試一試😄好在不用排隊等位😁一入店就有位店舖裝修給人一種好舒服置身於海邊沙灘的感覺！當然啦！餐廳環境好都要睇下佢哋D野食好唔好食的同事點了加州風味👇（刺身三文魚、雞蛋絲、青瓜、三文魚子、果仁芝麻醬）配壽司飯我就點了吖嘻先生👇（刺身吞拿魚、枝豆、香菇、青蔥、山葵乳酪醬）配壽司飯+珍珠糙飯賣相唔錯及份量都好足如細食的女仔可以選迷你款！味道沒什麼特別，普普通通！我自己就覺得個醬汁少，應該加多點，才能食完全部飯。不過食完後，就覺得口渴回到公司飲了一肚子水😂現在新張期內有8折

當年喺銅鑼灣一試就愛到不能自拔，尤其是個山葵乳酪醬🤤但銅鑼灣舖頭細細，成日都排晒長龍🥲今次開到黎九龍區，仲要係尖沙咀呢啲咁中心嘅地帶，無理由唔過黎試吓掛🫣由於仲係試業階段，所以暫時都淨係收現金去到坐低會有個Qrcode可以掃，落完單都未得住㗎🤷🏻‍♀️仲要出去收銀處埋單先叫做完成！買完就可以坐定定等食喇，不過餐具同水都係自助，要拎就要自己行出去喇。今次繼續係自選飯，都係山葵乳酪醬，再加杯牛油果奶昔🤤個飯黎到有啲失望，一入口啲飯有啲未熟feel😢個醬太少，唔似得銅記咁每一啖都係飯加料加醬咁滿足，不過啲野食都仲係好食嘅，希望啲飯太硬同醬少呢兩點可以改進吓就perfect~不過牛油果奶昔就完全係極度失望🥺而家見佢有得揀少甜就姑且試吓，點知上到嚟係勁甜嘅假糖味，好似飲緊糖水奶昔咁😢雖然嚟咗九龍區插旗，但如果係咁嘅食物質素嘅話，我寧願返銅鑼灣排隊等位好過🤷🏻‍♀️希望會有改善啦😢加油呀

Peek-A-Poke開咗黎尖沙咀 新店仲要有8折 真係好抵(⁎⁍̴̛ᴗ⁍̴̛⁎) 餐廳以自助形式點餐 餐具同水都係自己去拎 但唔知係咪因為岩岩開就只收現金 大家黎嘅話記得帶夠cash啊(˶‾᷄ ⁻̫ ‾᷅˵)ℙ𝕠𝕜𝕖 𝔹𝕠𝕨𝕝 - 𝕋𝕦𝕟𝕒 + 𝕆𝕔𝕥𝕠𝕡𝕦𝕤 ($108 折後$86)自選可以揀1-2款主食 有三文魚、吞拿魚、八爪魚等 我就揀咗雙拼吞拿魚同八爪魚🐙吞拿魚味道上唔算話太新鮮 但就每一粒都算大粒厚切🐟八爪魚都算彈牙 而且份量都算多～配料就揀咗車厘茄、蛋絲、豆腐 真係超足料❗️多到淨係食配料未食飯已經飽飽地🤰🏻豆腐係一大舊 而且啲蛋絲食極都食唔完咁 都幾滿足🤤🤤朋友揀咗菇 啲菇多到我以為係主菜 真係好誇張😂😂醬汁可選鏗魚醬油、果仁芝麻醬、山葵乳酪醬、蜜糖香醋汁、香菇醬油、香檸辣醬 我就揀咗山葵乳酪醬 但食落就唔算特別 唔係好攻鼻😂見啲人話鏗魚醬油同吞拿魚好似仲夾啲🥺但加分位係佢啲醬汁唔會太多太漏 岩岩好可以撈埋啲配料同魚生食🥰調味料可選紫菜絲、芝麻、木魚絲等 我就梗係全部都要(*¯︶¯*) 紫菜絲同芝麻必加 為pokebowl增加不少口感❣️❣️味道方面都唔錯 但配料真係大加分 份量極多極滿足

自己好耐以前曾經同朋友係希雲街排咗成個半鐘，為嘅就係入去呢間小店食佢哋嘅poke，當年曾經見到佢哋短暫停業以為以後冇得再食，後來又重新開返，而家仲開埋分店，其實真係幾感慨的(˶‾᷄ ⁻̫ ‾᷅˵)上次同朋友係食自選combo，今次決定食佢哋嘅pre-set combo，呢到係scan QR code落單，落完單去門口收銀畀錢之後等一陣就上菜，每一次上菜都係會畀佢個超～慷慨嘅份量驚訝到😳California($98 ☞ $74)係三文魚、雞蛋絲、車厘茄同青瓜，Ahi-san($88 ☞ $70)就係吞拿魚、枝豆、蔥同香菇，整體嚟講用料算係正路，三文魚比起吞拿魚有油香，但自己鍾意Ahi-san多啲，因為口感比較豐富，不過配菜口味真係人夾人，兩樣都唔錯😛如果大食嘅當然可以揀全飯底，但係佢呢到半飯半菜底嘅飯都有差唔多一碗飯，份量都少癲🙌🏻 如果到訪推介大家試下佢哋嘅珍珠糙米飯，上菜時溫度微暖，飯粒幾有咬口，帶淡淡嘅米糠香，飯桶approved🫶🏻 沙律base都幾新鮮爽脆，而且有切做bite size，都算係貼心嘅🥗特登揀sauce on the side，咁樣可以同朋友share個醬，每樣撈啲感覺

又係快樂的？上堂日💪🏼上完堂就直奔Peek-A-Poke插旗尖沙咀嘅新店食健康飯💛過到去問保安叔叔先知重慶大廈地庫Health係卓悅隔籬嗰個門口入去😂落扶手梯直行就到，店員全部著夏威夷衫好有feel🌺店內係自助掃碼落單，落完單去門口收銀付款，付完款先算落單成功，跟住就可以直行去自助區攞餐具紙巾同水，我拿完餐具回到座位個飯已經上到😍根據經驗我都係覺得自選bowl更啱我食🤣今次就揀咗三文魚，珍珠糙飯×沙律菜，加雞蛋絲，青瓜，車厘茄，紫洋蔥，蟹柳，配青檸辣醬（醬另上），topping有紫菜絲，芝麻，木魚絲，海鹽，果仁，辣椒碎，脆蒜片可選，我梗係全部都要😌自助區返嚟見到滿滿一碟已經送上真係好吸引😍同埋個碟想撈勻啲嘢都比較方便，雖然好多料但都唔會好容易跌出嚟👍主食配菜個量全部都好慷慨😂三文魚雞蛋絲嗰啲食極都有，車厘茄都係切咗一半方便食，全部食材都好新鮮，topping有齊口感更豐富，青檸辣醬少少辣，有啲似另一間嘅辛味蛋黃醬咁🤭同三文魚非常match，果然自選bowl賽高！三文魚自選碗 8.0/9店員都比較nice同埋都可以掃mee儲分💛每張檯都有洗手啫喱可以自己選用，新開仲有8折真係又健康又抵食