Pause It

營業中

休息中

✨黑芝麻拿鐵灰黑色夠型格 加上精緻拉花 打卡一流奶泡細密 黑芝麻味道香濃突出 又唔太甜 芝麻控必試✨意式鮮奶咖啡一樣有靚靚拉花 咖啡香濃 比例唔錯✨鹹蛋黃單骨雞翼單骨雞翼炸得香脆 鹹蛋黃落足料每件雞翼都包住起沙鹹蛋黃 味道甘香帶微辣 好惹味另有沙律伴碟 味道酸酸地幾清新 可以解吓膩✨鮮茄龍蝦汁香煎大蝦螺絲粉醬汁幾鮮味 螺絲粉軟硬適中大蝦爽口彈牙 加埋清甜多汁蕃茄仔 唔錯總結：食物唔錯 選擇夠多 環境服務正常 價錢合理 少有地冇加一收費 可以一試

呢度環境舒適, 樓底高, 提供一系列輕食, 必試特色拉花飲品！𓌉⸝⸝ Salmon Eggs Benedict(另加配牛油果片🥑)一切開個水波蛋🥚, 蛋黃就緩緩流出, 流心度高！Sourdough外皮脆口, 入面煙靭軟熟, 搭配厚身嘅煙三文魚、牛油果🥑, 再加上hollandaise sauce, 好滿足！𓌉⸝⸝ 南瓜慢煮雞胸意大利飯慢煮雞胸肉質鮮嫩, risotto同南瓜醬汁比例平均, 充分吸收到南瓜汁嘅甘甜🍵 𝒫𝓊𝓇𝓅𝓁𝑒 𝒫𝑜𝓉𝒶𝓉𝑜 𝐿𝒶𝓉𝓉𝑒拉花精緻又可愛🦙！轉咗做燕麥奶, 所以顏色相對冇咁明顯💜

旺角The forest有一家Pause It Cafe, 落大雨入去吃野，店很寬闊，燈光明亮靚麗！牛肉芝士漢堡配薯條牛肉鮮嫩厚肉，芝士融化在牛肉上，為漢堡帶來豐富的奶酪風味，讓每一口都更加濃郁。薯條都幾大份，金黃酥脆，外酥內軟，口感香脆可口，是漢堡的完美搭配！西班牙辣肉腸鹹蛋黃忌廉螺絲粉鹹蛋黃忌廉是亮點，兩者結合既帶有鹹蛋黃的濃郁味道，又具有忌廉的柔滑口感，螺絲粉的口感彈牙有嚼勁。朱古力濃郁輕盈的朱古力上面有一個好得意的哈巴狗拉花，毛茸茸令人都捨不得喝了！西柚紫蘇梳打色澤鮮艷，夠嗮酸爽清涼！

Pause it呢間餐廳以純白色裝潢為主，樓底高而且空間感，仲有落地玻璃，感覺好舒適休閑～煙文魚班尼迪克蛋 煙三文魚好大片！水波蛋上面放咗啲荷蘭醬咸咸甜甜咁好夾～而且下面塊酸種麵包口感好煙韌，夾埋好好食！🥹南瓜慢煮雞胸意大利飯 雞胸都幾大塊下，而且因為係慢煮肉質保持到好幼嫩唔鞋，Risotto 軟硬度適中，索曬南瓜汁好夠味好好食！抺茶拿鐵伯爵朱古力伯爵朱古力好少見，伯爵味幾突出！估唔到同朱古力幾夾幾balance！#pauseit #pauseithk #咖啡拉花 #打卡咖啡店 #coffeehk

呢晚友人帶我嚟旺角呢一間Cafe傾吓偈☕️ 環境幾光猛 仲有落地玻璃可以睇到街景🏙️ 店員嘅服務仲唔錯添㗎凱撒沙律晏晝食得太飽 打算嗌份沙律清清地食吓🥗 份量幾充足 適合兩個人分享 我哋嗌咗最Classic嘅Caesar salad 配料有香脆蒜蓉包粒 煙肉碎 同埋大量嘅芝士🥳 牛肉芝士漢堡配薯條幾欣賞呢度嘅burger🍔 入面嘅牛肉漢堡非常Juicy 有生菜 番茄 芝士等嘅配料 連個包都有特別製作 先塗上牛油 然後再煎香㗎😂 側邊嘅薯條份量好多 食得出係即叫即炸雞肉墨西哥餅呢個有大量芝士喺入面 熱辣辣時仲做到冇芝士拉絲嘅效果😝 入面嘅餡料主要有茄汁 雞肉 墨西哥辣椒 側邊有sour cream可以點嚟食薄荷朱古力咖啡呢杯咖啡係一隻獅子🦁 個拉花真係夠晒有創意呀 味道方面有淡淡薄荷嘅refreshing 又有朱古力嘅甜味 真係好啱同朋友傾偈嘅時候飲呀呢度嘅環境同食物質素都唔錯 店員不時為我哋加水👍🏻 咁好服務 竟然仲冇收加一服務費 真係好抵嚟啊

在旺角極少有的咖啡室 ☕️📍 旺角 THE FOREST地下G11號舖地理環境方便，室內空間幾大，白木色裝修，悠閒舒服 😍坐一個半天同朋友傾偈感覺好舒服自在 🩷🍵 Hot 抹茶Latte 拉花手勢好好👍🏽 整得好靚 🤩 淡淡抹茶香，奶滑香甜🍔 牛肉芝士漢堡配薯條 厚厚既牛肉漢堡加半溶芝士，每口爆汁 juicy 🤤佢地配搭既係幼薯條都炸得幾好 😌🥚煙文魚班尼迪克蛋薄切煙三文魚鹹香中帶微微煙燻味包烘到外脆內煙韌，水波蛋唔會過熟岩岩好👏🏻做到流心一切開蛋黃汁流晒出黎 🤤包+蛋黃汁+煙三文魚一齊食 🈵💯我去10配沙律菜清新開胃🥗科布沙律牛油果三文魚菜組成 含豐富蛋白質，而且蔬菜新鮮，醬料配搭啱啱好 🈵💯

不論番工還是當媽，日常生活都是忙忙碌碌地過。忙左忙右，就過了一天。 終於可以同朋友聚一下啦～ 信義妹揀咗 地點方便大家的旺角 Pause it。店內裝修屬小清新風格。簡潔鮮明，舒適光猛，休閑輕鬆既感覺。我地叫咗芝麻吞拿魚配柚子醬沙律 $78吞命魚算是厚切，芝麻包著吞拿魚既香又不帶腥味。沙律菜新鮮不帶苦澀味，爽脆口感加上南瓜籽和果仁，再淋上酸甜柚子醬，夏天食就夠清新啦～ 作為前菜亦都開胃～西班牙辣肉腸鹹蛋黃忌廉螺絲粉 $98喜歡濃味的就不能錯過啦～ 鹹蛋黃的鹹香配上忌廉掛汁在螺絲粉上，每一口都能食到～ 辣肉腸屬香辣款鹹香微辣，係近期熱天吃上一口既惹味又開胃～伯爵茶朱古力 $46有美美又精緻的人馬座拉花朱古力香濃，伯爵茶味道突出，下次信義妹都要試這個呢～薄荷朱古力咖啡 $42信義妹的是獅子座拉花，遠遠就已經聞到薄荷的香氣了～味道不太甜。 基本跟朋友都不捨得喝，這麽美的拉花，唔知下次再去的時候會再遇到咩拉花呢～pause__it地址：旺角奶路臣街17號THE FOREST地下G11號舖

Pause it 全港現時有3間分店，呢晚約左朋友來到 The Forest旺角分店晚餐，餐廳屬於同區鬧市中少有的落地玻璃休閑寧靜咖啡店，以純白色裝潢，搭配木系枱櫈，休閑舒適度十分滿意。特別要留意中間有張超大的雲石檯，有種想叫埋一班同事開大會的職業使命感XDD樓底高而且空間感啱哂同朋友傾計又或暫一個人慢活，早午餐有日光通透餐廳，日夜用餐會有兩個唔同感覺。進店已留意到佢地有舉辦咖啡拉花班以及有自家品牌咖啡豆買，純白色MENU餐桌簡潔樸素有種十分蛋烈的文青氣息。Cappuccino $40 & Victorian Earl Grey $42人馬座拉花用心製作，加埋餐具裝坐修整體氣氛十分治癒。兩款味道到位，咖啡豆偏香少運許回甘，皇牌伯爵紅茶一向著重茶味香濃的朋友仔都十分滿意，原因好簡單，佢地係用茶葉浸泡而非普通茶包沖泡，細節滿有誠意。鹹蛋黃單骨雞翼 $68Salted Egg Yolk Chicken Wings推介:⭐️⭐️⭐️⭐️⭐️鹹蛋黃香味十足落足份量，每年雞翼都被蛋黃醬緊緊包住，邪惡得寸來入味滿足，而黃香更加多到放滿雞翼山之上，粒粒金黃誘人，旁邊有沙律菜及番茄仔解油膩，係性格比唔錯的小食。煙

今日飲咗咖啡未？☕️Pause it 舊鋪喺山東街我已經成日去旺角the forest 地下呢間大咗好多成間鋪面白色為主環境好舒服每次出親嚟旺角都會過嚟飲杯拉花嘅咖啡因為呢度啲圖案真係好靚呀試過佢哋手沖都唔錯嘅今次普通食個lunch🍝螺絲粉配香腸和鹹蛋黃奶油🐙炸魷魚🍵洋甘菊☕️朱古力咖啡嘢食都係keep住有水準👍🏻之前同啲閨蜜都有喺度食甜品大家都好鍾意😬經過旺角不妨過嚟飲杯咖啡坐低chill吓啦

平時係旺角食親lunch都要迫餐死，今日同朋友去呢間cafe唔迫之餘，食物質素仲幾好，而且係波鞋街附近，非常方便🍔牛肉芝士漢堡配薯條（$108）呢個漢堡個份量好足，牛肉好 juicy，裡面仲有好多新鮮爽脆既蔬菜。仲有新鮮炸起，脆卜卜既薯條～🥓全日早餐（$98）呢個全日早餐真係好豐富，有煎蛋、煙肉、腸仔、薯餅、多士，仲有沙律，食得真係好飽。☕️印度香料拿鐵（$42）奶味好濃，仲有陣陣印度香料嘅香味，好特別。🥤冷泡白蘭花茉莉綠茶（$38）呢杯茶個味道好清香，唔會太甜，好啱食完嘢飲。

有去開旺角cafe既朋友都應該對Pause It呢間Cafe唔陌生，呢次帶左個新界牛友去食Pause It 試一試，係佢印象旺角成日都好多人好迫，不過佢話冇諗過呢間旺角Cafe 都可以旺中帶靜，比佢覺得好Chill 呢😃😃抹茶拿鐵 Matcha Latte 🍵$42 抹茶同牛奶嘅比例調教得啱啱好，拉花都好靚👍🏻推薦薄荷朱古力咖啡 Peppermint Mocha☕️ $42呢杯朱古力既口感勁濃郁，重點係咖啡師整既拉花都好靚添☺️打卡一流雞肉墨西哥餅Chicken Quesadilla🌮$68呢個夾餅有少少spicy，但係又唔算係好辣，作為開胃前菜係一個好選擇🤭牛肉芝士漢堡🍔配薯條🍟Beef Cheeseburger with Fries $108薯條大大份，Burger 牛肉好juicy好有肉味又多料，大食既朋友食多幾個食都吳怕啦😎😎紅酒慢煮鴨肉意大利飯 Risotto with Red wine braised Duck $98鍾意呢間意大利飯嘅口感軟硬適中，慢煮鴨肉嘅方法去烹調，紅酒嘅味道浸晒入去鴨肉度，肉質好腍，口感一流😋🏠環境：8/10🌟味道：8/10💰性價比：8/10🙇🏻服務：9

鬧市中的一遍休閑寧靜之Café Pause it 以純白色裝潢，搭配木系枱櫈，休閑舒適感 up，坐落旺角 The Forest 地下，樓底夠高，地方又寬躺‼️呢度嘅重點係佢哋嘅咖啡，咖啡有埋拉花，令一整天嘅心情變得特別美好，重點係佢哋嘅拉花咖啡睇得出好用心製作！🌟 薄荷朱古力咖啡狗仔圖案拉花，微甜嘅薄荷朱古力，朱古力味濃，清新薄荷香，十分突出！🌟 伯爵茶鮮奶咖啡獅子圖案拉花，伯爵茶味濃配搭咖啡好突出，喜歡茶味嘅必點！🌟 西班牙辣肉腸鹹蛋黃忌廉螺絲粉鹹蛋黃味濃郁，配埋西班牙辣肉腸，鹹鹹辣辣，特別惹味！🌟 牛肉芝士漢堡配薯條份量十足嘅 Burger，牛肉超厚身又 juicy，仲有超多芝士，食完都好飽😂 配埋熱辣辣又脆嘅薯條🍟，滿足！

失業期間，時間多，可以安排時間與朋友相聚。餐廳位於旺角鬧市，裝修以白色為主，樓底高，環境十分舒適。在位置坐低後，揀好食物，就可以出去Counter點餐。朋友點的是薄荷朱古力Latte ，見到拉花是人馬座，十分精緻。因為最近腸胃不是太舒服，所以沒有點咖啡，選了伯爵茶朱古力，原來就不是點咖啡都會有拉花﹗可能第一杯是人馬座拉花，所以覺得這一杯是獅子座    (雖然有點似猩猩)，剛好我就是獅子座呀~~~朱古力味香濃，入口順滑，滲有少少茶香，伯爵茶味不算太重，個人認為可以再加多一點伯爵茶味。芝麻吞拿魚配柚子醬沙律 吞拿魚比想像中厚，夠鮮味，沙律菜十分新鮮爽脆，配合柚子醬，口味清新，酸酸甜甜，十分開胃。西班牙辣肉腸鹹蛋黃忌廉螺絲粉 餐牌上有辣椒圖案，只是提醒辣肉腸會有少少辣味，但其實一點都不辣，我不能食辣的也可以入到口。一向愛食鹹蛋黃菜式，即不加思索點了這個。鹹蛋黃醬不油膩，螺絲粉都掛滿鹹蛋黃汁，夾有少許的鹹蛋黃碎，入口充滿鹹香味。

Caesar salad 凱撒沙律 🥗 $62呢一個凱撒沙非常大碟，裏面有大量清新嘅羅馬生菜🥬、煙肉🥓、脆卜卜嘅麵包粒🍞、巴馬臣芝士🧀同埋特色凱撒沙律嘅醬汁，撈埋一齊食好夾，而且相當健康，素食者都啱食Tomato & lobster bisque fusili with tiger prawns 鮮茄龍蝦汁香煎大蝦螺絲粉 🍝$128龍蝦汁大蝦螺絲粉聞起上嚟已經香噴噴，面頭有三隻好fresh 嘅爽口大蝦🦐，配料方面有車厘茄粒🍅、橄欖🫒，mix 埋濃郁又酸酸甜甜嘅蕃茄龍蝦汁，開胃又好食，值得推介呀👍🏻Black seasame latte 黑芝麻拿鐵 $42餐廳嘅拉花飲品確實好出名，好有驚喜✨，今次叫咗黑芝麻latte，面頭有個天鵝形狀嘅拉花🦢，好考咖啡師嘅技術，飲起上嚟黑芝麻味道好濃厚，而且又唔會太甜，確實高質！Peach green tea 蜜桃綠茶 🍑🍵 $42清新嘅一整壺蜜桃綠茶配Cafe食物好夾🫖，蜜桃味夠natural，綠茶味唔會太過苦澀🍃，仲可以解食物嘅油膩感

有無諗過係旺角街頭你都可以搵到間甘韓式既咖啡廳🍽️喺商場附近 落地大玻璃 😍咖啡廳叫PAUSE IT名副其實 即使再忙碌生活都可以俾你停下腳步 重新充電🔋今日叫左兩杯咖啡 都幾滿意但係唯獨唔理解點解竹炭鮮奶咖啡 個拉花甘快化開😂另外 黎到coffee shop 當然要整返個all day Breakfast啦😍😍$98薯餅呢就要加$10嘅 但梗係要加啦精粹嚟㗎嘛不過酸種麵包有啲硬 如果脆啲就好啦COBB SALAD $68都幾多配料，煙肉牛油果雞肉蛋白質滿滿😗😗😗然後下午茶時段～竟然可以食埋法式吐司 （$68）完完全全滿足到我夢幻咖啡廳的心🥰