Pause It (已搬遷) 新店位置

朋友聚會想搵個靜靜既地方傾計之前都好想試下竹炭latte 今次終於一試啦 幾特別既味道 飲落幾順口 唔會好奇怪 影相好靚呢 食物方面 意粉味道唔錯 好好味 酸酸甜甜好中意佢食物器皿 影相令整個構圖好靚

穿過重重人潮，行到有比較多餐廳嘅麥花臣附近，搵到一間裝修舒服嘅cafe，就打算入去坐底抖陣。 餐廳裝修以白色同木系做主調，樓底頗高所以坐得幾舒服。有個小小bar枱可以望到岀面街景，見到岀面繁忙嘅人潮，同裹面悠閒嘅裝修，好大對比。 餐廳打理以年輕人為主，所以坐得耐hea下，無壓力。由於位置係中旅社附近，以為會有較多大陸人，點知餐廳顧客都較多本地同外國人。見到店員偶爾會同客人傾下計，幾nice。 餐廳menu選擇不多，以輕食爲主。我諗大家志在坐底，歎下咖啡☕️ 我叫咗一個牛油果意大利飯醫下肚。整體幾高質😋 灑上檸檬汁之後，感覺好fresh。飯粒分明，但又不會太乾。芝士片同牛油果份量剛好。 由於有日光照射入嚟，影相好靚打卡一流🤤

係人來人往嘅旺角街頭你間Cafe就好似一個俾你休息嘅地方咁餐廳裝修好有格調全白色牆 配一盞好靚既調燈坐入去好舒服 我今次揀咗坐窗邊嘅吧枱位望住人來人往嘅街道食個晚飯💖🍳Bacon Egg Benedict $72麵包係好軟熟 個包邊超香脆 而且唔會介口同太硬流心蛋面頭有用火槍炙燒過 有一陣煙燻香味🍝煙三文魚菠菜忌廉汁扁意粉 $88不過不失 意粉唔會太淋 煙三文魚份量都足夠撈成個意粉食🍟芝士黑松露薯條 $62薯條炸得好香脆 芝士醬好正阿🤤有香草調味 就算無芝士醬嘅薯條都唔會無味Non-coffee Latte☕️-💙Blue orange latte 藍橙拿鐵 $40蝶豆花茶天然藍色色素加雲呢拿味鮮奶🥛💗Red Velvet latte 紅絲絨拿鐵 $40白朱古力加好立克味鮮奶🥛

今日去左旺角shopping，成日都去波鞋街果邊掃貨。皆因我好鐘意買鞋，咩波鞋見到就好鐘意，今日lunch去行街經過想醫肚，入左間cafe食飯！餐廳選擇都唔少，有all day breakfast，pasta，risotto⋯想食咩都得。我叫左煙肉benedict！荷蘭醬超正，外層輕輕烤香左，醬汁味道濃郁又唔會太膩，流心蛋時間控制得剛剛好，蛋香重。麵包又脆又香口！我叫多左一個salad！紅石榴沙律！酸酸甜甜醋汁好好味！加左合桃更加香口！

今日去左旺角食飯，經過見到有間cafe，環境夠簡單，以白色為主，好舒服，好岩影相！cafe入面座位唔多，lunch time都要等位。我平日2點到都要等15分鐘啊！menu食物選擇唔多，反而飲品就好豐富呀！我叫左煙三文魚菠菜意大利粉，意粉掛汁力極高，忌廉汁濃郁夠香口，煙三文魚份量好多卷成花花形狀，意粉夠彈牙，有水準！另外加點一個salad，紅石榴沙律，配以酸甜醋汁，超健康！有青瓜、車厘茄、合桃、紅石榴，清甜夠哂開胃！「pause it」，間中可以停低休息下呀！

旺角嘅cafe有好多 但有好多都係食物好伏嘅 難得遇到有質素嘅cafe 當然要同大家分享吓👍🏻 餐牌選擇雖然唔算太多 但都好啱我地幾個食 另外呢間餐廳冇收加一😮 收費都唔算貴 所以座無虛席 要等吓位喇😗 我地嗌咗紅石榴沙律 煙三文魚意粉 煙鴨胸肉辣椒炒意粉 同竹炭鮮奶咖啡紅石榴沙律 有啲合桃係面 紅石榴都幾新鮮 都有好多唔同嘅沙律菜🥗煙三文魚意粉 煙三文魚份量都幾多 意粉好creamy 幾個人share就唔覺得好膩🐟煙鴨胸肉辣椒炒意粉 個意粉黑椒味幾重 但有辣椒都唔算太辣 食落口幾惹味🦆竹炭鮮奶咖啡 淨係打卡都抵 竹炭嘅顏色再配埋拉花好靚😻 飲落口都好有奶味 唔落糖都唔會太苦呢間cafe咁受歡迎可能係因為環境同食物質素都ok啦 下次約朋友可以再考慮

好食既, 依間舖頭仔, 有心機, 不過真心睇到香港人係幾咁自私.個日我同老母同老豆去排隊, 我地前面有一對人, 我地以為都好快到.裡面D人食完晒嘢, 一路吹 一路吹 一路吹, 冇諗過走.大佬呀, 人地要做生意架, 冇限你時間食飯姐, 洗唔洗懶死呀?等咗9個字, 走. 希望佢地下世投胎做棵樹, 咁咪唔洗走囉!講番食, 好食, 食咗都好多嘢, 個火雞三文治, 好食, 包皮脆, 肉嫩, 多汁. 仲想點?

難得旺角鬧市中稍作休息的地方⋯⋯命名為「Pause It 」。快到聖誕節，所以周圍都有充滿氣氛的佈置，好有心思！炒蛋牛油果多士 🍳🥑🍞 $72想吃簡單輕食，所以點了這個！賣相好吸引！好大份，牛油果切得好精緻，一片片的，熟度剛剛好，牛油果醬配香味濃郁的炒蛋，好足料，麵包亦好煙韌。還有黑椒可以隨意添加！S’mores Chocolate 🍫 ☕️烤棉花糖 x 朱古力 x 焦糖 這個組合不得了！在寒冷的冬天裡，給我大大的溫暖啊！但點焦點好香！整體來說，這裡好舒服，食物和飲品的製作都有心思！會再來啊！

位於旺角近麥花臣球場的一間文青食店，旺中帶靜，假日來這裡吃飯，寫意非常。這個對著窗外坐的位置很文青吧！食店開揚，有一個開放式的沖調天地。聖誕特飲-薑餅鮮奶咖啡，隨飲品附有一塊可愛的薑餅，咖啡的奶泡打得厚實，拉出別緻的天鵝拉花。薄荷朱古力咖啡-朱古力咖啡配上清新的薄荷香氣，呷一口，感覺清新醒腦。芝士黑松露薯條- 份量挺多，粗身的炸薯條澆上香濃的黑松露芝士醬焗，忍不住吃了一條又一條，是必食推介香辣炸雞翼- 炸雞翼上有點泰式辣醬，酸酸甜甜，帶一點微辣，很開胃。Pause IT 是一間文青食店，在這裡喝咖啡，吃吃喝喝和朋友在這裡談天，是一個不錯的地方。

行過呢間Cafe 好多次🚶🏾‍♂️🚶‍♀️今次終於去試下💁🏻‍♂️💁🏻‍♀️環境都真係幾舒服🤓係三五知己黎食個lunch吹下水既好地方😙H先生同P小姐就揀左坐窗邊位置貪影相效果靚d😝.當然都係選擇P小姐既最愛😍Cappuccino 啦☕️拉花好靚 P小姐見到已經好開心🙆🏻‍♀️味道飲落都好balance 😋咖啡味道唔算苦澀入口感覺都幾香濃😋

這間走白色簡約路線的cafe深得我心，在繁忙的旺角鬧市中顯得特別乾淨舒服，忍不住要走進來pause一下。中午客滿，還好有一枱食客剛走，可以不用等就入座。藜麥素沙律，清新可口，為待會的邪惡食物打個底。All Day Breakfast，份量夠，最特別的是有炒菇，大滿足！再點了一個黑松露芝士粗薯條，嘩！不得了！好食到停不了口！這個配搭實在是無得輸！唯一缺點就是脂肪爆登🤣，為了美食，今晚去跑圈都值！🏃‍♀️💪🏻今次太飽，肚子沒空間，下次再來試試飲品！

香港人步伐急速，個個都爭分奪秒，每日都生活起壓力下。有時想抖抖氣都唔係易事！旺角都有好多cafe ，不過都係玩board game 為主！今次朋友帶我去呢間位於旺角既cafe ，就係走舒服簡約路線，無遊戲玩，但係就加添一份寧靜！裝修簡潔清新兩個人叫左好多野食凱撒沙律$48加配煙三文魚$15沙律份量大，煙三文魚都多，唔會得一兩片，沙律醬加上芝士同麵包粒，就算唔係特別食菜既我都覺得好味蒜片辣椒雜菌炒意大利粉$78一望都見到好足料！好多雜菌! 個人覺得味道唔錯，不過蒜味再重啲會更香！適合素食者！芝士黑松露薯條$58朋友重點推介呢個薯條，所以期待已久！一黎到，差啲嘩左聲，好香黑松露味，好多芝士，完全蓋住啲薯條！未食都已經覺得好正！呢個要趁熱食，薯條熱辣辣加上半溶既芝士同好香既黑松露，真係好好味！啲芝士多到每邊薯條都沾到，雖然份量好大，不過好味到兩個女人都清灑成碟！竹炭鮮奶咖啡$38好少見到有竹炭味既鮮奶咖啡，望落都幾吸引！飲落竹炭味唔算好濃，不過都幾香滑！呢間cafe 雖然起旺區，不過都好舒服，適合想靜一靜既都市人！

有時候在旺角做gym，做完gym都想食得light少少，或者搵個地方坐下。Pause it 雖然要行得遠少少，但好啱weekend放鬆一下! cafe有一排對街座位，呢個設計令到整間cafe採光好好，再者餐廳樓底夠高，室內用左白色同原木色，覺得自己享受緊天然日光浴，陽光簡直係weekend必備。有次自己黎飲左個竹炭咖啡，成杯咖啡黑色係幾有gimmick，但硬係覺得咖啡味唔夠出。今次星期六兩個人都等左10分鐘左右先有位。今次試flat white，比竹炭咖啡啱口味好多！野食方面就叫左Salmon Eggs Benedict同埋all day breakfast。Eggs Benedict表面有torch 過，食落少少煙燻味，加上蛋poach得啱啱好。不過覺得麵包用左法包太硬，加上toast得有點焦，所以就算有蛋汁，都做唔到個種soak既感覺...All Day Breakfast同樣係麵包有啲太硬，不過煙肉係steaky個種，腸仔亦都煎到外皮夠脆。加上蛋可以選scrambled或者sunny side up，加分！綜合幾次經驗，覺得無論咖啡、食物定室內計設都有比心機，加上價錢中等，係呢區

本來跟同事們約定了來個happy Friday lunch，但臨時被召喚外出工作，決定自己找間café relax一下。行經這裡，被這間café 的名字吸引着 — Pause It，正適合這刻的心情。選擇了近窗邊的位置，看着街外人來人往，我則安坐在內靜靜地觀察着，恍惚四周空氣都凝住了一樣。看看菜單，於Salad跟Egg Benedict 中掙扎許久，便交由旁邊的Decision Board幫我做決定，出來結果兩邊都不是，大概是叫我Why Not Both的意思吧，反正都是輕食，便兩款都點了。Cobb Salad科布沙津 $58其實我不知道科布沙津是什麼意思，只是看到菜單所寫的配料都是我喜歡的，有牛油果、烤雞肉、煙肉、粟米、車厘茄跟沙律菜，淋上混入Tabasco的沙律醬，帶點辣勁，清新得來非常開胃。Spinach Egg Benedict 菠菜班尼迪克蛋 $68想說沙律已有肉，Egg Benedict便配菠菜好了。非常欣賞這裡的Egg Benedict，選用帶有獨特風味的酸種麵包；水波蛋處理得很好，口感嫩滑，不會流於水狀；淋上荷蘭醬後再略為烘烤過，令味道更突出。Café雖走簡約落線，但

美食：PAUSE IT📌坐標：香港|旺角⏰排隊：約40分鐘🌈想來一個愜意的Brunch，就尋到這裡。很幸運地被安排在窗邊的位置，大面積的玻璃將陽光篩得很透明。⭐️環境：白色主色調的搭配金色的裝潢，再配合一些小盆砸和迷你裝飾。具備網紅咖啡廳的基本素質。時間是週六的下午，店裡比想象得擁擠。⭐️食物：我們點了粟米蟹肉意大利飯和芝士黑松露薯條。意大利飯四平八穩，米飯軟爛，蟹肉的味道比較突出，不喜歡類似腥味朋友慎點；個人覺得可能黑松露雜菌意大利飯會更好吃。芝士黑松露薯條，意外的好看和好吃。厚重的芝士醬撒上黑松露碎末，薯條酥脆；以分量和美味程度來看，58HKD的價格很友好。飲品：小粉和小藍拿鐵咖啡，相貌出眾。但味道來說，喝不出太多咖啡味，與其說是咖啡，更像是一款咖啡味飲品。除了小粉小藍，還有小紫和小黑，都非常上相，拍照必備。⭐️價格：人均100-150HKD，在此類咖啡店中不算貴⭐️評價：是一家，如果在附近，可以來打一打卡的網紅餐廳。因為我們點的菜有限，評價僅對於所點的食物或飲品。