Paths Koffee & Rest Stop (已結業)

很喜歡到觀塘一帶覓食，因為除了距離自己家不遠外，這裏還有許多不同的工廈小店。某個Weekend約了兩姊妹來到這家新開的咖啡店吃下午茶💕💕飲品賣相有點令人失望😞手沖咖啡賣相似中藥，幸好味道不差。抹茶latte偏甜...椰子latte最有驚喜，帶有椰香，味道不錯，唯拉花有待改善，更精美就好了。好在蛋糕櫃內的芝士蛋糕$42 夠綿密香濃，值得一試。而且環境非常寬敞舒服，適合閨蜜好友靜靜地聊天👍🏻👍🏻

係觀塘行街無意中saerch下就試下呢間坐低飲野，估唔到幾靚同闊落，好近駱駝漆同觀塘廣場，環境ok唔會太迫感覺，同朋友談天時隔離枱有少少距離，我最怕好似starbucks 咁坐到好迫，Starbucks 完全比我感覺透唔氣，又多人又嘈。啲食物飲品呢個價錢可以接受，主要係輕食all day breakfast 加甜品。個老闆好後生，而且好有禮貌。原來呢間cafe shop 室內都有塊招牌可以同朋友影相打吓卡。下次會再同朋友去🥳

周日見悶悶地，同老公女女想搵間cafe舒舒服服坐下，食下野。朋友係同坐大廈做野，佢介紹呢間Coffee shop, 原來就在觀塘地鐵站幾分鐘，尚算方便，去到大約11點幾，見店內有3個人準備緊食物，唔知係味太早，人唔多. 環境算寛敞，格調是清新原木加淺灰Tone，很舒適....先生飲咖啡，店員介紹左二款味道唔同既咖啡，一款是較濃，另一款果味較重（唔記得左個名），最後佢選左果味重既，另外我唔太飲coffee,但都選左杯Mocha，上檯跟埋幾塊朱固力咖啡豆形既餅，呢個係加分位！食物叫左All Day Breakfast, 疏乎厘旦煙肉多士，肉醬闊麵，以這個價錢來說，食物質素算中上，女兒都食左好多。特別推介肉醬闊麵，是手做既闊麵所以口感特別好，味道都好好味😋😋😋😋最後食埋檸檬芝士cake,好滿足的一餐👯‍♀️👯‍♀️👯‍♀️👯‍♀️

去30士多買野 search到呢間新開cafe係隔離大廈。唔知係咪新開無咩人～所以可以無限打卡試左手造意粉 同出面常餐A嗰d好唔同好有質感 份量仲好足地方夠大 好舒服 一路睇書就消磨左兩個鐘.......

下雨天，搵個地方坐下，放下忙碌，撥走不快，新開嘅cafe ,喺工廠大廈，外在環境當然麻麻，不過小店內裡裝修好文青，好悠閒，黑色嘅櫈，木色嘅檯，好多小盆栽點綴，有bar 位對大窗望街。半自助形式，自己出去order , 除咗收cash, 可pay me , 點咗朱古力窩夫56蚊，半價可加咖啡，加我最愛嘅mocha 只需18蚊，餐具都係自助，有水提供。窩夫先到，木嘅托盤，黑色嘅碟，呢個配搭我幾鍾意，窩夫4件，上面有oreo 同藍莓，cream同雪糕球份量都大，窩夫賣相雖然靚，不過唔太脆。mocha 好夠熱，好怕唔夠熱嘅咖啡。雖然食物唔算話好高質，但都不錯，而且係我鍾意嘅環境，staff好有禮貌，人唔多，感覺舒服，chill