Papa (已搬遷) 新店位置

Papa breakfast 太油味道較普通加左12蚊義式咖啡飲唔出同普通咖啡既分別叫左小冰我都‘不’到半杯冰...應該唔會再黎食除咗坐得舒服野食就好一般可能下午茶唔係主打啦不過都唔平

上次去咗石門覓食😋嘅時候，見到有間Cafe裝修幾靚，再睇👀Menu嘅時候，覺得好似唔錯🤩。於是今次就嚟食呢間餐廳啦😋！餐廳環境幾舒服，聽住背景音樂🎶，有啲輕鬆嘅感覺！-🍴炭燒美國安格斯牛肉芝士漢堡配煙肉伴松露薯條🍔🥗🍟($132) - 份量好多，會包括左沙律、松露薯條、同埋一個漢堡。當中牛肉漢堡好重牛味🐮，加上有芝士🧀、煙肉🥓、生菜🥬同蕃茄🍅嘅配搭，唔會太乾或者太濕，係食到肉汁嘅同時，品嚐到漢堡嘅美味。薯條一放入口，好濃嘅松露味就湧出來🤩，而且炸到啱啱好，好脆👍🏻！沙律配有意大利黑醋，正正可以解膩！-🍴菠菜煙三文魚扁意粉🍝($78) - 菠菜切成段，而煙三文魚係比較碎，方便可以一口放曬菠菜、煙三文魚同意粉😆。扁意粉比較偏硬，也米😍認為如果可以再煮多少少會好食啲🤭。-🍴餐湯(薯仔湯)(跟餐) - 食得出裏面有好多薯仔蓉，裏面仲有洋蔥🧅嘅甜味，幾好飲，不過會飽腹。-🍴凍經典朱古力🥤(+$15) - 店家係提供紙飲管，比較環保。面層有忌廉同碎朱古力🍫，而且朱古力味幾濃，唔錯！-🍴凍薄荷朱古力🥤(+$15) - 有薄荷葉做裝飾，面層仲有忌廉同碎朱古力🍫。首先會飲到薄荷味，然後慢慢有濃烈嘅朱古力

要係石門揀一間環境同食物都有水準嘅餐廳🤔，非Papa莫屬！淺藍色配木色嘅清新風格，大玻璃窗引入天然光，營造出愜意休閒嘅氣氛🌱。以幾次用餐經驗嚟講，味道同賣相都唔錯。雖然價錢係石門工商區偏高，不過餐牌標明食物不含味精🙅🏻‍♂️，間中lunch想食好啲都會支持下~————————————————👅香燒穀飼豬鞍配白飯／扁意粉／薯菜 ($128)👍🏻 半肥瘦豬鞍厚厚一片，外圍一小圈肥肉令肉質保持柔軟多汁🍖，肉味香濃，切開啖啖肉，扁意粉同蔬菜味道清淡，要用醬汁調一調味👍🏻 Set Lunch配是日餐湯，飲品除咗茶啡，仲可以揀橙汁/蘋果汁/西柚汁👅紅酒燴牛尾配白飯 ($88) 👍🏻一份4塊牛尾，肉質軟稔而唔散開，可惜牛尾有少許牛膻味🤭。醬汁茄味較濃而紅酒味唔重，帶有洋蔥、西芹、甘筍等蔬菜香，係配搭白飯非常合適嘅主菜👅Papa Yellow Salad ($88)👅炭燒美國安格斯牛肉芝士漢堡配煙肉伴松露薯條 ($132)————————————————🚩總結： 區內食物水準一致嘅西餐廳👌🏻，set lunch推薦豬鞍同沙律———————————————— 🌟注意：另收加一服務費，平日午市較繁忙————

我地叫兩個下午茶餐配冰茶同凍檸茶，之後黎左兩杯野，無講係咩，我男朋友就飲咗一杯以為係檸茶，點知係蘋果汁，就同店員講係蘋果汁黎錯咗，之後對返單發現店員落錯單，黎翻兩杯嘢，之後有個男店員就好惡話：唔係你哋既又飲。之後就同佢理論話以為係杯檸茶。好似我哋做錯咁？下午茶有有個沙律餐，點知係法包夾沙律，好誤導人，雞肉好硬嗰張非常酸，要問我嘅話一定係食過最難食嘅雞肉沙律。服務態度同食物都一定係香港試過最差嘅一間。沒有之一。

工作地點喺京瑞廣場附近，雖然呢個廣場近馬鐵站。但係佢平日嘅人流唔算特別多，而且食店非常之多。今次去呢間餐廳，經常都會路過。而且每一次都有相當多嘅食客係入面。今日拎左半日假咁就決定食埋飯先返屋企啦。同同事入到去嘅時候有一半食客坐咗喺入面。入面環境舒適，而且非常光猛。我哋被安排坐喺窗邊嘅位置。可以望到出面嘅人人流。同事叫咗個沙律，賣相夠鮮艷，而且味道亦都值得一讚。而我就叫咗煙肉漢堡配薯條，老實講任何一間餐廳做呢類食物都唔會有出錯嘅機會。薯條上到嚟嘅時候仲要係熱嘅添。不過京瑞廣場實在太多嘢食啦。所以我諗我試咗其他食店先再會回頭呢一間餐廳。

一入去無侍應帶位，咪自己入去搵位囉，有個男侍應勁惡死話「入面有人book左台㗎」😑okay,咪等佢帶我地坐邊囉！坐低之後，爭15分鐘就下午茶，因為下午茶先有我想食嘅窩夫/pancake，咪諗住等陣先叫，有個女侍應就過黎想落單，同佢講左想等下午茶，佢竟然用怪責嘅語氣叫我下次入黎前講聲等下午茶先，唔好哂左佢啲位😤明明出面無人等位，裡面又好多吉位，同埋只係15分鐘，唔明白可以點哂佢啲位🤬最後激到我走人，成間鋪啲人都傻架😤已經blacklist 左佢😡

又系疫情關係 唔出咁遠食飯冇錯 😅又係京瑞廣場 食午餐呢間藍色店面既小店 又系黃色小店💛🤣🤣🤣(見到店入邊有一小角落有pepe出現).香燒穀飼豬鞍扒配扁意粉🐽望落都唔錯 都幾大塊豬肉雖然好厚身 食落一啲都唔差 好腍👍🏼.PAPAWHITE (烤雞肉、螺絲粉、水牛芝士配番茄沙沙醬)食唔0出雞肉有烤過？好普通嘅一個凍螺絲粉⋯番茄醬都冇乜味🙊另外配上是日餐湯蘑菇湯同埋飲品店員話餐湯系⋯蘑菇湯 🤔感覺似麥皮蘑菇湯多啲我覺得入面應該加咗麥皮？令到個湯多咗種層次⋯好有咬口但整體感覺我唔太鍾意.P.S店員服務態度比較麻麻✖

Papa 💛沙田黃店💛-難得過嚟沙田石門呢邊，估唔到喺京瑞廣場都有咁多黃店喺入面😍💛 見到呢間papa環境裝修幾靚，氣氛唔錯，作為聚會嘅地方幾好🥰-🔍 香燒穀飼豬鞍 $132份量都算大份，而且仲可以配飯、扁意粉或者薯菜，食落啖啖肉，而且唔算好多肥膏位，幾好～-🔍 比目魚蕃茄意大利飯 $98果然係勁強烈嘅蕃茄味🤣 有好多蕃茄汁嘅感覺🤣 整體來講唔錯，不過覺得比目魚如果大份啲會開心啲🤭-📍Papa (沙田)沙田石門安群街3號京瑞廣場一期地下G09號舖

今日入到石門開工💄好耐無入過來對上一次來都兩年前🙈 食過呢間既早餐幾好味😋今日同朋友心有靈犀選左呢間食午餐。Mixed Mushroom Risotto with Spanish Fried Shrimp $108珍珠米扮risotto😅個飯太淋既呢😅😅仲要係入口一陣酸味😅😅😅我諗吾明點解會係酸😏 放棄它🙈🙈Mentaiko Linguini with Crab Meat $98意粉軟硬適中😋粉紅色明太子汁夠濃味😋😋呢個扁意粉又靚又好味😋😋😋呢個比我地清晒😆Lunch set有餐湯 紫色好鬼靚 味道都不錯😃嘆埋杯咖啡就工作去了😀

海鱸魚配紫蘇蕃茄意大利飯$128醬汁幾好食 不過飯似乎太多水 所以有啲似粥咁 海鮮菠菜麵$ 128個調味同意大利飯有啲似 都幾多海鮮 魷魚 蝦Papa CAESAR $ 78覺得啲沙律菜 切得有啲大 識落嘅時候有少少唔方便 不過都係正常味道

朋友生日, 普普通通揀了石門一間西餐. 裝修幾舒服，上午11 點3 來到, 見到有個早午餐牌,  除了PAPA Breakfast and MAMA Breakfast, 其它 菜單加價錢不太似早午餐牌.是叫左個 " 明太子蟹扁意粉" , SET 包餐湯,餐飲. 是日餐湯西蘭花湯, 較淡味, 但感覺健康明太子蟹肉扁意粉, 買相不錯, 那堆蟹肉 都挺OK, 多D 就好喇. 他那張枱影相幾不錯有休閒的味道 餐飲咖啡就没有很特別, 就是餐飲的質數吧. 它有其它Cafe 飲品, 不知質數如何.還有PAPA 早餐同MAMA 早餐. 2 款ALL DAY BREAKFAST 主要分別爸爸有多2條腸,牛角包大粒D. 媽媽就個炒蛋大D, 同有草食.  有休閒的環境和菜式, 可惜没有休間的時間, 得75分鍾用餐時間, 剛聊得開心時 待應已來不好意思地請我們要離開了.   星期日的時間, 餐廳還有吉枱,  可惜可惜不能CAFE 式 HEA 一下吧.

石門咁多好野食，為何偏偏選中我🤮叫左個all day breakfast , 明太子意粉。隻太陽蛋係凍既，沙律菜係苦既，意粉pat汁多到以為係湯意粉🤢cafe裝潢，快餐店水準都不如，價錢當然都唔平啦！BLACK LIST

十二月下旬和幾個朋友相約在石門聚餐，原本要到那間深黃的Explorer Fusion 的，可惜太多人爭住要懲罰，去到已沒有位子，我們轉為去附近的PaPa。PaPa的空間相當闊落，很適合一大伙人吃飯閒聊。👍🏻我點了最愛的法式洋蔥湯，一般喝到的法式洋蔥湯都是用牛骨湯煮，戒了牛的我問店員，他說他們家的沒有用牛，我即刻就開心地order了！胡椒味很重，味道就不過不失😛主食方面🐖香燒穀飼豬鞍扒配薯菜$208很大份！而且肉質很不錯，彈牙不靭，燒得很香，我覺得比隔離店的好吃😋。另外2款是🐂炭燒美國肉眼牛扒配紅酒燒汁$238 / 🍔炭燒美國安格斯牛肉漢堡$158他們說味道普通，就是夠大份。我吃了薯條，熱辣辣香脆好味。

一年前食過一次，味道也不錯，今日非常極度失望，價錢也不便宜，平均一個餐都要$80以上，今日點了明太子蟹肉意粉和papa salad，salad味道還👌🏻，但意粉味道極差，醬汁有好多細起泡和非常稀，以後也不會再來😖😖😖😖😖😖😖😖😖

見裝修幾舒服，間舖又當眼諗住唔衰得去邊，點知。。叫左個pizza, 個餅底好似隔夜面包咁死實實又冇咩味仲叫左個set, 安格斯牛肉芝士漢堡+松露薯條，點知連薯條味都冇，究竟係邊度入貨？可以係冇味ga? 個mini burger 令我更躁，個burger靈魂係塊肉，佢又乾，又冇味，個包皮又係硬ga, 凍ga! 係咁易加塊生菜，加塊冇味蕃茄，賣幾錢？$132價錢又唔係平，麥當勞都好食過佢100倍，呢間野真係離晒譜！嬲到相都冇影呀！冇下次！