Panash

營業中

休息中

我就覺得呢兩樣野最值得推介喇~一口芝士波好香芝士味,咬落去煙煙un un咁~好有口感~做小食就最好不過喇~^^ 但係就要新鮮食lor,如果唔係就變左一舊普通ge飽仔...朱古力扭紋就外面脆,入面軟軟的~仲有好香ge朱古力嚮而頭~賣相,香味同味道都同樣吸引~係每次去都要買ge一樣產品~

以前o係側魚涌返part-time時成日買佢個蘋果批食, 覺得好好食. 但係尋日再買個黎食, 唔知點解, 覺得無咁好食. 個餡太酸, 而個酥皮又唔夠燶, 亦無牛油香味.有d失望...

新推出的法式軟朱古力包，用朱古力奶油取代純奶油，保留原來的香滑口感，亦滲出淡淡的朱古力芳香，甜度適中。誠惠$6.5。

但是全港不是只有太古城先有Panash~ 全港仲有好多地方有佢~ 你搬左去邊一區?

咦得一間分店既？照我所知炮台山,新世界中心,何文田都有架喎,但詳細地址我唔知添.以前炮台山返工都久唔久會去,佢包包都係偏向日式,唔係好岩我口味. 不過佢個芝士波波同Italian tomato(應該係同一集團)一樣,幾重芝士味,夠煙韌得又唔會硬實實，好味！正過山崎. 北海道包十幾蚊大大個,包身幾鬆軟,個面脆脆地又甜甜地,鍾意食甜包既應該會幾鍾意的. 試過佢個cream cheese scone, 三角型還面有合桃同cream cheese, 不過芝士味唔濃仲幾淡口, 質感都麻麻,可以唔試.

呢個朱古力包係新產品. 佢係一個mini面包loaf, 中間有朱古力twist.雖然話係mini,但都幾大個.我食左半個做早餐.panash o既面包o既優點就係個外皮香脆,裡面軟熟, 呢個包都唔例外! $9分兩餐食,都抵呀!

以前住鰂魚涌既時候,每一天既早餐都是吃panash既麵包,日日食都唔會生厭,自從搬左去宜家住既地方之後,我就要隔好久,突登去太古城先可以再品嚐panash美味既麵包~好在panash 既麵包永遠都keep到最好既水準,可能佢個老闆知道香港呢幾年經濟唔好,所以一直無加價,不過我發覺佢d包比以前細個左,但依舊好食....都唔緊要啦~佢d包細個左,我仲可以同時間食多一款麵包添~

我尋日幫趁左何文田o個間panash. 佢地有隻家庭裝麵包,係variety pack($13.5), 裡面有各式各様o既包,每款2件. 而且款式唔係pack pack都一樣. 真係o岩晒我多心o既性格...我揀左個pack裡面有提子包,紅豆包,芝士包,五穀包.整體黎講d包都好軟熟,係水準之作!p.s.呢個variety pack唔係間間分店都有...

朝早十點幾同兩個同事帶住架生來太古城開工，在停車場走出途經止地，香味非常咁吸引﹝其實個香味係由Beard Papa傳出！﹞，有個同事話不如食麵包做早餐，見有新鮮麵包出爐當然不能錯過，所以就一人買了一個麵包同咖啡去Food Court坐低食。我見鄉村法包﹝9蚊﹞在陸續出爐，當然唔執輸買了一個，個包有十寸咁長，新鮮熱辣又軟熟，又有淡淡的牛油味，好好食，吃了一半給另一同事食埋；另一同事就買左合桃忌廉芝士鬆餅﹝6蚊﹞，依左少少，唔熱，有牛油味，似牛油餅多過鬆餅，上面的合桃又淋淋地又苦苦地，麻麻地好味；剩下的同事懶健康地要了黑糖提子蒸蛋糕﹝6蚊﹞，佢話味道一般。Panash的咖啡只普普通通，早知去太平洋好過。總結來說，在所有麵包店的攻略都大同小異，就係邊樣新鮮食邊樣，實唔差得去邊。呢度又有幾個鐘標示不同麵包的出爐時間，要買麵包可以睇時間做人。

佢o既芝士法包都好好味!不過係貴左dd...呢間分店o既面包係最最最齊全嫁!

以下乃水準之作：綠茶年糕紅豆包, 紅豆包, 牛油法包, 皇帝卷, 炸薯蓉包, 五穀全麥包, 北海道巨蛋包$12, 提子直燒$9, 紅豆方包, 迷你泡芙$2.5, 白大褔$7, 小倉抹茶蒸蛋糕$6最唔掂：咖哩軟心包$7 抵之作：香檳包$6 <== 抵！三文治（燒牛肉拼車打芝士蕃茄）$16 <== 抵！三文治（雞蛋沙律拼日式炸豬扒）$16 <== 抵！

新年出o左個「綠茶紅豆年糕包」，紅豆加日本年糕係perfect match，用綠茶包包住幾特別。七蚊一個。

呢度既白大福, brownie, 朱古力丹麥條同埋超熟方包都好好味!!

以價錢計，呢度真係貴過一般麵包舖，連一個普普通通o既腸仔包都賣成$6.5。之但係，呢度有好多其他麵包舖冇得賣o既法式包包；以下呢兩款就係小妹最愛之一：->一口芝士：size比一般乒乓球大DD，軟淋淋，賣相好可愛；不過$9只得4粒，一D都唔平。除原味之外，好似仲有綠茶同芝麻味；不過小妹都係最喜歡原味，整番熱之後，一次過閒閒地都食7-8粒。->迷你牛角酥：$12/100gram，大約5-6粒。D牛角酥好肥，但好味~~除麵包以外，呢度仲有類似Supersandwich o既即整三文治，普通餡都係$22一份，加$2就有汽水，仲平過Supersandwich添！

我同意patzzz所講﹐都唔鍾意食呢度既日式蒸蛋糕呀﹗以前買過栗子味﹐咬落D口感好怪﹐入口一團麵粉甘﹐但再咬又覺得好散﹐D栗子味道又係古怪﹐搞到我唔想再試其他味道既蒸蛋糕。以前食開迷你牛角包﹐而家D水準一時時﹐因為D包時大時細﹐其實係要細先至咬落夠脆﹐如果大左﹐反而似普通size既牛角包。<br />好彩仲有其他美味麵包﹗個好似火山甘樣既脆牛油粟米法國包(唔鍾意粟米可以揀薯茸法國包)剛剛出爐時個外皮脆卜卜,好好味﹐鍾意食法包又嫌冇餡"寡"就可以食?啦。試過食炸咖哩牛肉包同炸腸仔包﹐又幾好食呀﹗