Outback Steakhouse (將軍澳中心)

營業中

休息中

Outback食左over10年，估唔到會開到入來將軍澳！期待左好幾個月啦⋯⋯當然最期待的就是個任食的黑糖包啦！仍然是熱辣辣送上檯，附上小小冰凍但軟硬適中的淡口牛油，真的是心頭好！明知仲有主菜未食都忍唔住食多塊！Yummy !叫左個套餐，用HSBC卡85折。埋單連加一約$700 for 2. 餐湯cream of mushroom, ok濃郁得來唔太漿口。Caesar Salad 就一般啦，菜算脆口但份量偏小。主菜半隻龍蝦加西冷扒medium, 鐵板上。龍蝦普通冇咩好唔好，西冷算幾好，準確地medium。Service都好好，算多server而且比較有standard. 唯一嬲豬係門口帶位係咁俾d過左好多個號碼的人插隊。喜愛西餐的應該會一到再到！

將軍澳中心食肆林立， 星期六下午二時許，在芸芸的食肆中outback門外特別多人輪候， 沒有下午茶套餐，只供應午市套餐，為何還有這麼多顧客在等候？價錢相宜午市套餐價錢由＄88到＄218不等， 選擇繁多， 漢堡丶三文治丶意粉丶飯丶各式肉類均可選擇， 而每個套餐都包括沙律丶湯丶主菜和飲品，主菜份量十足，沒有因午市套餐價而減少份量，食量少的女生們可考慮二人分享－個套餐，再加甜品；如有男有女，三人同行則可考慮叫兩個套餐加杯飲品已很足夠。燒肉醬味豬肋骨伴菜薯條炸得香脆，豬肋骨烤得骨肉分離而不鞋口，能保留肉汁，同行友人略嫌醬汁不足，可能與上桌時間太久才開始享用也有關。烤美國帶子白汁燴飯用煙肉包著帶子煎得兩面金黃，帶子的鮮味與煙肉的鹹香十分配合， 伴以帶有微微胡椒辣味的燴飯來吃，帶來不同層次的美味。加拿大有骨黑毛豬扒用上真材實料的黑毛豬，落單時服務員會問要幾多成熟，考慮到同行朋友不喜歡生吃，選擇了全熟，份量十分足夠，燴飯十分飯惹味，可惜搶了豬味，由於黑毛豬以橡木餵養，不吃雜糧建議，有興趣的朋友建議不妨嘗試七成熟，肉汁可能會較佳，全熟較為乾身。在繁忙的週末下午仍提供價錢相宜又份量足的套餐，味道與招呼也

星期六朝早返完工，諗起將軍澳開左outback，就一於黎試下啦。星期六都有lunch set，選擇都幾多。叫左一個ribs，一個angus ribeye，跟餐有黑糖麵包，沙律同湯。黑糖麵包外脆內軟，超好味，個湯係蘑菇忌廉湯主菜黎喇個ribs有大約七條骨嘅份量，一切就離骨，非常嫩滑，起哂骨再啖啖肉咁食十分滿足，以128再加一呢個價錢黎講，係好抵食個ribeye上枱嗰陣冇影到相，呢碟係切完嘅，我地叫左medium，黎到啱啱好，伴碟嘅薯條都好好食呢餐除左等位等得耐少少，其他野都十分滿意呀

將軍澳新開outback。即日打去book唔到枱。可能岩岩新開。5點幾去walk in都要等15分鐘。相比其他分店呢間個場唔算大。被安排坐喺一個角落。好困聲好嘈。😖侍應好明顯都係好新。不過服務唔錯。由於咁早食所以都唔係好餓。散叫左蟹餅沙律同拼盤。蟹餅沙律個蟹餅好足料。值得一讚。食到好重蟹味同一絲絲蟹肉。沙律菜都新鮮。可惜個dressing冇咩味。拼盤有芝士薯條。炸雞鎚x6。ribs x6。第一次上黎食物唔夠熱。似係放左一段時間。同侍應講即時幫忙換左碟。明顯換左之後熱勁多。芝士薯條雖然啲薯條係翻整。不過依然好味。雞鎚炸到有啲黑。味道過咸。ribs有足夠bbq醬包圍住。肉質有啲乾不過夠惹味。碟上蕃茄仔有驚喜。seasoning過酸酸地好開胃。拼盤menu寫係3人份量。最後2個人食唔哂要拎走。

行到商場都唔知食乜好，見到新開張，又有HSBC嘅優惠，所以試吓。等左15分鐘到就有位，真係好！最鍾意嘅黑糖包包 - 正正正😋😋😋第一次飲呢個湯！超正！飲嘅時候啲芝士溶咗一絲絲! 超肥但好好味😋正正常常嘅Caesar SaladStrawberry Smoothies - 今日熱辣辣，飲佢非常正👍🏻Steak and Lobster - 個steak 非常好，剛剛好medium, Lobster鮮甜。Garlic又甜又好食😋最後個雞肉蝦意粉都不錯啊！本身想叫埋甜品，但太飽冇叫🤣

將軍澳中心商場翻新後，加入了很多新食肆，期待已久的’Outback’，亦已可始營業，今早在Popcorn 看完電影便來到此店。雖然是早上11點半，人龍已顯現門外，此處環境舒適寬敞，看過餐牌，點了两款套餐，分別是烤雞和黑毛豬扒。麵包鬆軟，還可添吃，烤雞燒得皮脆肉香，加入酸甜燒肉醬汁，配以炒飯和時蔬，十分滋味。燒加拿大黑毛豬排配炒飯和法國扁豆，加上冶味蘑菇汁，值得推介。最後來一杯香濃咖啡，埋單每人平均$141，享受了一頓美味的午餐。

最近將軍澳中心開咗好多餐廳，其中一間就係我平時成日食嘅outback，一直覺得呢間餐廳好平，啲嘢又大碟。我見人人都會叫牛扒，不過我就吾甘鐘意甘多肉，所以叫左碟意粉及漢堡個汁好入味，又有好多隻蝦好足料，連配系隔離嘅蒜蓉包，都炸到好香脆，好香蒜蓉味👍朋友好鐘意食burger，好多料，牛肉都好多汁，加上芝士生菜蕃茄，食落冇甘流！薯條又新鮮熱辣辣，好味👍最後叫左個甜品，等左20mins，不過應該系即叫即做。熱辣辣嘅朱古力脆脆蛋糕配忌廉加雪糕，又熱又凍，正！最後，要讚讚佢地服務，Keep住會幫我地加水，又會主動問下d食物味道如何👍👍👍

見新開張叫了兩個set lunch ，已先問了可加＄15元改特飲，結果埋單時個別獨立計收再加一，變成餐飲沒有還要另付費飲特飲，跟下單的服務員說，卻說當天暫時暫停了此優惠⋯