Oliver's Super Sandwiches (德福廣場2期)

營業中

休息中

行街行到個人攰攰地，到咗七點幾，淨係想搵個地方食嘢，點知德福間間餐廳都排曬隊等位。。。 見到呢度有位即刻坐埋去！ 然後望到餐牌選擇好似唔錯～～挪威三文魚·蜆肉·刁草忌廉汁拼肉醬扁意粉餐 ($70)Special Dinner包咗一個main course，一個酥皮蘑菇湯，再加杯熱飲， 都只係$70。賣相唔錯， 而且顏色吸引，麵質適中彈牙， 尚算入味，略嫌醬汁偏少。酥皮忌廉湯啱啱新鮮出爐， 酥皮香脆可口，但係比較薄身。忌廉湯滑身，又重忌廉味！三文魚凱撒沙律餐 ($79)沙律菜新鮮，麵包糠比較林身，煙三文魚份量適中。芝士略嫌淡味，同埋比較少。加上忌廉蘑菇湯，同一杯熱飲，對我嚟講份量剛剛好！咁啱有位，而且對又行得攰嘅我嚟講， 呢個晚餐我都幾滿意！

趕時間或者一個人食晚餐的話，呢間都係唔錯既選擇。好似快餐咁，嗌左等叫numver去拎餐，野食好快就上。有意粉，酥皮湯同埋咖啡。意粉普普通通，有啲淋，醬比較少。酥皮湯唔錯既，湯比較濃味。

母親節，不求小米報恩，但求可以舒舒服服享受一個美味早餐，所以選擇獨自去偷食早餐。剛好找到會員50%早餐優惠劵，一於要小米請食早餐，賀一賀母親節。當然，屈小米付正價。終於成功氹到小米在荷包拎出４草～四十蚊。因為時間尚早，店內有大量座位，付款後，慢慢等得食物來到。B10早餐  炒蛋很滑，自己肯定煮不到這種滑蛋。 烤蕃茄跟煙肉一同享用，以煙肉的鹹來中和蕃茄的酸。 茄汁焗豆　味道跟那個罐頭品牌很相似。七穀包  包包外皮煙韌，內裡軟綿綿，再配真牛油，是傳統的配搭，是多麼好吃。   最後來一杯港式伯爵奶茶。  這個早餐真美味，不單有人請食早餐，而且可以全心全意享受享餐。　十點半左右，小米來到德福，一起到MEGA BOX逛街去。

🎐一到放假日🗓，就係熊妹出街覓食的時候喇！📌熊妹最鐘意著數特價野，係網絡世界💻得知位於九龍灣隸屬於UNY旗下百貨公司🎏的PIAGO將要結業，進行清貨大平賣🛒，今日特登約同阿豬媽放工後去九龍灣大掃貨！🛍📌要有力氣先可以作戰架⚔️，所以熊妹帶阿豬媽黎到近近地PIAGO入口的《Oliver‘s Super Sandwiches》食個方便西餐。🍽📌7點半🕢黎到，正直晚餐時份，全場都坐滿人，幾受歡迎喎！🎊📌門口大大塊餐牌📋顯示著晚餐combo推介，真係好吸引，主食有意粉🍝，焗薯🥔或者三文治🥪揀，包酥皮湯🥣同咖啡☕️或茶🍵，總共$68，真心抵到爛。挪威煙三文魚·蜆肉·刁草忌廉汁拼肉醬扁意粉，$68📌阿豬媽被招牌相的意粉深深吸引💕，一於就揀佢。呢款招牌意粉真係唔話得，扁意粉份硬度剛剛好，唔太淋又唔太硬，又嚼口。肉醬就典型茄汁牛肉碎，白汁蜆肉三文魚都好濃稠，不過料唔算多。一碟份量唔算多，但以女性份量就很足夠。📌阿豬媽係無辣不歡群族，都係要點啲tabaso🌶先食得過隱。蜜味火腿·車打芝士·蘑菇配意大利包，$68📌本身想點🅱️餐焗薯，貪佢有點沙律拌菜🥗，點知賣哂❌，只怪選擇困難症的熊妹左揀揀右揀揀🔠，最後得個桔

有時就會好想食焗薯！嚟到九龍灣咁遠都喺揀左super sandwich 無諗過星期六下午一點半左右，都開始過lunch tea 都要等位E11 三文魚蛋沙律焗薯 賣相唔喺好好，但味道都喺一樣好味加$6可轉 cappuccino 都幾滑

Superwich好耐都無食過。今次第一次係九龍灣德褔食。竟然多人到要等位，可能相對座位唔算多。叫左招牌菜三文魚碎蛋焗薯配沙律 無要湯，要左熱茶朋友叫左 雞肉焗薯 有少少辣，都幾惹味 磨菇湯升級左酥皮 係絕配

續會之時，得到不同的贈劵，有的送食物，有的送飲品。這次路過德福，純粹想嘆返杯，稍作休息。奈何，某連鎖咖啡店爆棚，唯有改到這裡來一杯。客人不多，環境寧靜，比高分。幸好有帶飲品買一送一優惠劵。朋友要咖啡，自己要港式熱奶茶。原來不是茶包熱奶茶，而是港式伯爵奶茶。顏色跟平常的港式奶茶無異。可是Earl Grey本身帶有濃濃的柑橘味，加在奶茶中又是新嚐試。有點鞋口，濃度很接近港式濃滑奶茶，但Earl Grey特有的柑橘香味卻很明顯。希望這個並非用茶粉沖調出來吧！　朋友點的即磨美式咖啡。今天兩杯合共三十多元。按買一送一優惠，即是半價。抵！

近排做返gym 嘅關係PT教練叫我戒飯食low GI嘅粉麵（所以嚟緊有好多食評都係圍繞意粉發展😂😂😂）同同事浩浩蕩蕩去咗德福食lunch兩點先食嘅關係即使我地一行有八個人等都唔使等就有張大檯fit 晒我地🦄見到有個特別menu有雞胸意粉諗都唔諗就點呢個😂係健康啲啲嘅選擇💖個set 幾靚🌸雞胸有五片都唔少食落唔算好鞋😭好感動係意粉煮耐咗少少太淋唔是好好食因為啲汁都會整淋啲麵所以煮耐咗麵質就會好梅菠菜汁方面我覺得還好有淡淡嘅菠菜味同芝士做基底都叫有啲質感但唔算特別出色🐷小結：難得有比較健康嘅雞胸係開心嘅所以78蚊一個lunch 係就係有啲肉赤但係為減肥計都叫過得去😆😆

小時候到Super Sandwiches不是吃焗薯, 便是吃飛碟. 長大後雖然熟悉的味道沒有了, 但卻被它的$68酥皮湯套餐吸引着!只要是在漫無目的的情況底下經過, 都會考慮一下..(不過好像週五至週日都沒有優惠)♀▴ ▾ ▴ ▾ ▴ ▾ ▴酥皮忌廉磨菇湯• 把整碟意粉吃下去才喝湯, 依然保持應有的溫度▴ ▾ ▴挪威煙三文魚•蜆肉•刁草忌廉汁拼肉醬扁意粉• 意粉軟硬度適中, 醬汁份量剛好▴ ▾ ▴西柚汁(跟餐) +$16• 有果肉, 甜酸度適中• 與坊間的西柚汁無異▴ ▾ ▴即磨咖啡(跟餐)• 下次會考慮檸檬茶...⓻

這一天本身沒有甚麼胃口, 來到商場逛了很久, 完全唔知食乜好。行下行下來到 Super Sandwiches 門口, 醒起自己係 member, 又見到各式各樣的 salad, 即時諗到食乜喇。先來一客香草燒雞凱撒沙律, 沙律菜新鮮香脆, 燒雞切成薄片。雞肉估唔到竟然又嫩又滑, 吃得出的新鮮, 份量也不少, 絕對不會又乾又柴皮 (我最怕)!仲有煙肉碎, 脆脆麵包粒, 大大片 parmesan 芝士, 全部都好好食。湯是露筍忌廉湯, 又香又滑, 夠濃又夠熱。配上黑胡椒更好味。沙律真的好味, 唯獨 salad dressing 不太夠, 要另外問店員拎, 不過很快就送上來了。我的沙律被淋滿 salad dressing 之後, 吃得一點也不剩。價錢不貴, 食材新鮮, 算是不錯的連鎖店!

諗住食個快快趣趣既午餐，又見Super Sandwich 好耐無食，就食下啦。入到去人都多，但都搵到位。派隊條隊都算清得快，買完就返埋位等食物。都等左幾耐先有野送上來。。。上到枱見少左個湯，佢又未收牌仔，咁我食住等啦。。。諗住搞下個咖啡，點知又無糖又無搞搞棒。。。見店員行過，叫佢都唔應我，最後要我只好自己去攞。食到中段，個湯都未同，行去同佢講佢話轉頭俾我。又轉頭五分鐘都未有，再同佢高級啲既員工講，先話即刻俾我。我見佢都沖定。。。都要我等咁耐，都嬲嬲地。食物質素就唔使太多講，正正常常有肉有蕃茄有芝士有澱粉質。都唔使話好唔好食既🙈不忙到無服務又真好難再想去。。。

2人行食返個豐富早餐先～成日食大家樂同茶餐廳冇咩特別～所以專登嚟試吓煙三文魚粟米炒蛋、蜜味火腿、早餐腸、烤蕃茄、意大利包多士加$7轉熱鮮奶～煙三文魚粒少得可憐～不過配起粟米同炒蛋都幾夾嘅～火腿同雞肉腸冇咩特別～蕃茄似係水煮嘅唔係烤嘅～意大利包多士亦都冇烤切完成片上～不過勝在都算軟身炸魚柳、黑松露炒蛋、牛角包加$7轉cappuccino～炸魚柳配tartar醬都幾好食~不過早餐嚟講就唔太健康囉～黑松露炒蛋完全食唔到黑松露味～牛角包都甩皮甩骨賣相麻麻地每個餐都跟熱咖啡、茶～但特色咖啡、鮮牛奶之類就要另加$7

今早又到了九龍灣上堂，先吃一個豐富早餐。朋友介紹德福的super sandwich，曾經吃過晚餐，感覺一般。今次第一次試早餐，截然不同。餐廳主題是Eat is... Eat is your life, Eat is Hot, Eat is Sweet....好一致，環境簡約風。令我最意想不到是，原來早上的super sandwich 是那麼多人，差不多九成滿。說說食物，早餐選擇不算太多，就是差不多食物不同配搭。朋友選了炒蛋輕盈早餐全接觸 $39，烤蕃茄，茄汁豆、腸、牛角包，配熱即磨咖啡或熱茶一杯。我選了蕃茄濃湯螺絲粉、紐倫堡腸、炒蛋、烤蕃茄、薯餅、多士 $43。這份早餐份量多，蕃茄濃湯超級濃，好味，可惜螺絲粉比較硬感覺未煮夠，烤蕃茄多汁，炒蛋不會太生，薯餅脆身，重點是，熱即磨咖啡香濃，而且夠熱，放久了還是熱的，好欣賞。另外，餐廳提供自助斟水，杯細細的，水是熱的，喝咖啡後，飲杯水不錯。總括而言，一份高質的早餐，可以令你有一個good morning！ 放假的周未，要尋找豐富早餐！

响德福行街，Lunch 唔知想食咩，於是揀左Super Sandwich，佢响二期比較入位置。地方都好寬敞，坐得舒服。牆上有句幾有意思的字句。今次揀左香草燒雞凱撒沙律，羅宋湯配凍檸檬茶沙律菜十分新鮮，份量亦很夠，燒雞唔會好 dry。可惜羅宋湯偏咸了。檸檬茶就正正常常。另外係挪威煙三文魚。碎蛋沙律意大利熱烘三文治，羅宋湯配熱咖啡麵包有香草味的，餡料足夠，味道不錯，再配半份凱撒沙律，已經好夠飽。咖啡就唔係咁好飲，很苦。

這天想吃得豪氣點！便去了super sandwich！這裡地方不錯，通常坐中央的枱！我都是首次坐在梳化椅上吃晚飯!叫了個挪威煙三文魚蜆肉刁草忌廉汁拼肉醬扁意粉一次滿足兩個願望！意粉的軟硬度處理得剛剛好!不會太腍！而且彈牙又有口感！刁草忌廉汁那邊醬汁香濃滑口！三文魚和蜆肉的分量也不少！但用上的煙三文魚味道不夠咸香！否則效果必定更好！此外這邊的焗肉醬，充足芝士！鮮蕃茄醬也勁多，味道濃郁!而且肉醬也多！意粉充分黏住肉醬及肉碎！同芝士的味道!絕對能令人得到滿足！酥皮湯彼大碗！破開酥脆的酥皮是熱熱的磨菇忌廉湯！那般鮮忌廉香滑！味道很濃！飲完暖立立，好幸福呀！即磨咖啡倒是不俗！夠大杯！不過晚餐上菜的次序是先來咖啡!意粉跟住來！最後來了酥皮湯，感覺很有趣的！可能即叫即焗！不過我有時間等埋個湯先一齊食！