Oliva (已結業)

做冬嗰日去咗和民！哈…餓鬼食唔飽咁！難得今日同朋友聚舊，經過做冬食唔飽的經驗，今日三個人又去返oliva 食飯！( 冇計…大埔對我暫時嚟講：都係得和民同oliva 裝橫寬落d 坐得舒服d！)都係照叫凱撒沙律！( 但孤栆咗, 麵包少咗, sauce 少咗 ~ 即係開胃度少咗啦！)貪得意叫咗個羊肉包！可能我太天真, 見到包就以為係一個個~ 但到嚟到時原來唔係，因為係有兩塊似白麵包直徑達六寸咁的圓形薄餅夾住塊羊肉等等嘅食材！冇驚喜唔緊要, 但由廚房炮製嗰一刻都已經知個賣相係咁, 明明唔係包, 結果到上菜都係要搞到開口要求拎返去廚房十字咁切！但侍應個愕然樣俾我睇到, 搞到我好似諸多要求咁！一. 一咁普通西餐刀切唔齊分唔勻俾我哋三個食吖嘛！都係照叫pizza ( 海鮮嗰隻)。但同曾經有個食評所言：有羊的羶味！( 嘩！點解咁啱架呢！？等我仲以為啱啱食完個羊肉包, 跟手就用返同一個碟食PIZZA 間接索咗 D 羊肉味添！anyway, 已經冇之前喺度食的pizza 咁脆lu…)至於個海鮮墨汁意粉雖然都係ok, 未至於唔好食！但又係同返之前比較, 個汁係差咗 d！杰咗同好快乾晒索晒…傳說中話每逢一多人

除夕夜~~31號同一大班朋友去食飯. 聽朋友講先知, 原來呢日分咗2個時段既, 我地係食part1, min. charge係100蚊. 我地order咗pama ham, pizza (三文魚x香辣燒雞), 豬仔骨, 燴牛膝, 千層麵, 墨魚汁意粉, 千層酥. 大部份既野食都幾有水準, 但有食過既朋友仔話, size好似細咗.特別係送既salad.上次佢地2個人黎, 會有1set, 今次我地8個人, 都係得2sets. 問waiter, 佢話8個都係咁多架喇.所以我地每人都係分得2塊生菜同幾粒粟米咁..另外, WAITER既數量真係少, 難以SERVE 客人. 但一大班人黎計, 價錢真係OK, 係地方遠咗少少, 同埋附近無咩行.

個多月前第一次去食，叫左半份pizza同一個fish and chips的dinner set，個海鮮pizza好好味，而個set dinner就ok，不過抵食。31/12晚，再與朋友去食，他們set了每人最低消費是$100，我們再叫了一個1. Pizza (一半海鮮，一半是辣雞)辣雞好好味，而海鮮就出事了，當我一放入口，就有一陣好難吃的味道，很臭且很"show"...之後問店員，他們逆大廚話近一個月都沒有改變過芝士的味道...總之，我地一行四人，有三個都接受不了這味道，朋友說，他們應該用了blue cheese，所以有這味道。因為我們吃不落，店員後送了兩件cake比我地。2. ribs個汁幾好味，不錯。3. 辣汁煮炒意粉OK 很好味，不過多油一點。4. 沙津太乾，但加了麵包用的黑醋就好味d。

聖誕節一早就訂左檯同男朋友食出黎做野之後第一個既聖誕大餐~ 記得第一次黎食係一位老師帶我黎食... 當時已經俾哩度既環境同食物吸引...今次係第四次黎食... 訂左六點到八點~ 所以六點去到未有得入都要等一等~ 同上三次唔同既係今次個餐牌改左~ 好多野唔同左... 無左吞拿魚釀大蜆殼粉~ 好鍾意哩味個賣相同埋佢真係會用一個類似蜆殼既碟黎上菜...我地點左海鮮pizza(half set)~ 茄汁鮮蝦燴車輪粉~ 同埋燴牛膝... 十五分鐘左右就黎啦~ 都幾快... 個海鮮pizza真係唔錯~ 好好味... 不過後黎凍左真係無咁好食~ 個車輪粉都唔錯... 唔會太濕~ D粉係真係一粒粒... 唔會黐埋一堆~ 燴牛膝真係有D失望... 賣相唔錯~ 但係好硬...之後叫左個taramisu... 係我心目中都叫好好味~

星期二例牌番晏，所以帶妹妹來吃午餐。入到去，感覺有點像快餐店，侍應衝峰陷陣，但人客卻不是多。甫坐下後，侍應端上香早包，我見枱上有橄欖油和黑醋，於是想請侍應幫忙，誰知叫了兩次都冇回音，第3 次先有反應。包幾好，頗軟熟；要了忌廉汁會銀柳跟意大利菜湯，湯ok，只是番草落得重手；魚煎得太老，勁嚡，幸而白汁弄得夠稠滑，可掩蓋魚肉的不足，最後餐飲的熱咖啡，一點咖啡香都冇，好唔得；埋單發現午市免加一，難怪侍應態度如此懶懶閒。

早排阿sir闊佬請食飯～於是一行四人到呢間大埔西餐廳食飯～都叫左幾多野食～侍應先上唔駛錢既麵包＋木敢木覽油黑醋汁～個麵包好唔得～凍冰冰唔好食，翻熱左都無補於是！個沙律基本上係冇撈過，得ｄ粟米同生菜～咁冇誠意既”沙律”不如唔好送仲好～費事扣分啦！墨魚汁海鮮意粉：必點！真係好味～我阿ｓｉｒ都話好食～試過你就知～值得叫！茄汁辣青口：好濃郁的蕃茄醬味～青口雖然細細隻但配埋汁食真係好正～食到一口接一口～份量又多～滿足！食完仲可以將麵包蘸汁吃～雞肉薄餅叫左六件：好普通，應該辣味款會好食ｄ芝士雞肉卷：ｍａｍａ地，雞肉冇咩味，芝士好淡味～個人認為如果加ｄ香草落去會更有意式風味！肉醬意粉：又是一普通的菜式，沒留下什麼深刻的印象！最後點左火焰雜果燉蛋：焦糖變脆皮～ｏｋ！蛋味不足但尚算滑～算是一個不錯的甜品～但我的食友就嫌份量小同酒味太嗆～整體黎講如果餐廳以西湯代替送唔好食的麵包和生菜沙律會更好～所以這次評分只值ＯＫ！

黎過食幾次一開始對佢既期望都唔係太大始終收咁既價錢是次菜式:1. 燒牛肉芒果木瓜沙律今次無上次咁好食，牛既部位明顯唔同上次，亦都唔係燒，睇得出係切完再煎既，同上次應該係成舊燒好再切好唔同，亦都無上次咁有牛味同Juicy。2. 燒羊肉中東包一般，無平時出去食果ｄ咁好味，羊肉無咩香料味，同埋只食得出好咸。3. 雞肉南瓜忌廉汁扁意粉之前響第二度食過個好好味既南瓜忌廉汁焗飯，所以想睇下呢度個汁整得好唔好味，不過有ｄ失望，汁太傑身，而且無咩南瓜味。但意粉keep到佢既水準，依然充滿彈牙口感同面粉香。可能過要一段時間再試過了，希望下次會進步返。

重臨此地,墨汁海鮮意粉依然好好味,老都讚不絕口; 蒜香辣油炒意粉,好辣,不過好香,麵質好好,係有史以來,我覺得整意粉整得最好食0既一間餐廳; 羊架,依然好香好味服務態度比上次好左,仍有待改善仍然離晒譜0既係,今次比上次坐後一張枱,仲係有蚊咬,痕得好緊要,忍唔住望下地下,係唔係真係咁污糟呀?點知發現地下有一枝應該用過0既飲管+一枝檸檬茶用0既棍,我諗......下次要帶蚊怕膏0黎先得喇!!!

Generally good value for money for tasty and fairly authentic Italian food.<br /><br />Charge HK$100 per bottle for corkage on two bottle of wines we brought along - which is un reasonably expensive.

點解咁講？！同行友人剛去完意大利，有感而發啫！要合香港人口味嘛！太正宗嘅意菜未必所有香港人識欣賞！我就第一次嚟呢度食，店內修修的確下過一點心思，牆上掛的都是一些外國人照片，全店燈光昏暗，好聽就叫有情調，否則認真暗，連晚黑睇餐牌都睇得好辛苦！可以嘅話應該光返少少！我都認同之前有網友話個雙拼(意式什椒肉腸及煙三文魚)pizza好味，不過真係要趁熱，凍咗唔好食！另外一讚嘅係海鮮墨汁意粉，雖然成碟嘢黑蚊蚊，不過食落啲味道非常好，汁不會太「傑」，意粉亦夠煙韌，不會太林！個燒羊架都唔錯，雖然我唔鍾意食羊，因有「鬚」味，不過見其他friend都食，即管試吓，六成熟對我嚟講啱啱好，而且羊又不太「鬚」！友人就話個意式生牛肉好食，只見一片紙咁薄嘅生牛肉嚟到，八個人真係唔夠分，同場除咗我唔食牛之外，還有一位女友人不食生嘢，咁六個人都唔夠分架，卒之叫多碟，不過一碟盛惠$55，其餘還叫了牛肉芒果木瓜沙律及燴牛膝，味道唔知點喇因我唔食牛，不過只見燴牛膝個碟就大，啲肉亦好有條理咁切咗件，不過啲牛骨太多太大，無咩肉食！服務真係一般，並唔係對你口黑面黑嗰隻，而係唔醒目！黎明都話出街食飯要用公筷啦，雖然呢間係西餐廳，但我

意大利飯唔係好濕,好有咬口,好味.火焰雜果燉蛋童叟無欺,真係搵人點火,$38有火焰喎!(雜果西米露都$28啦)算唔錯喇.燉蛋表面有層脆焦糖,如果個碟深D,份量多返少少就更加好.建議大家不妨一試.環境都唔錯,又水晶燈又壁畫又盛.Service都OK.可能我去果日唔係咁爆.我諗佢\播Jamie Oliver都係想食返Oliva個音架o者,唔通播\"肥田喜事\"咩有時個要求都要對應返個價錢o既(睇食飯),要求極高唔一定代表有品味,你唔會要求Oasis Airline有一流服務, 去到每個國家,亦唔會奢望新特蘭可以擊敗車路士.因此,我以上o既主觀意見係依據$69一個set dinner的.

星期六又去左大埔oliva食野同我老婆家姐做生日個日都叫左好多野食..其中我覺得最好食就係雙并pizza有海鮮同煙三文魚..仲有龍蝦天使麵..呢個好正可惜冇影佢...睇下個雙并pizza幾大...下次又去食過先...

昨晚到訪朋友在大埔的家,上openrice睇睇大埔有什麼好野食,見到呢度有咁好的comment,於日決定一試.我們一行四人要了一個什麼荔枝魷魚salad,三文魚闊麵,雜菌意大利飯和一客燒豬肋骨. 先來了那個荔枝魷魚salad,味道怪怪的,勸大家不要試,正於三文魚闊麵和雜菌意大利飯己經是比較好的....但跟Pizza Hut的沒有兩樣.最差還是那個roasted rib,不香不脆,連醬汁的味道也是淡淡的,本來$198一客roasted rib不算貴,但這裡的quality,我只願意給$98....這裡裝修的確下過功夫,但食物的質素同樣重要,朋友是飛機司有什麼未吃過? 不是整晚播著Jamie Oliver的video便是正宗(更何況你這家好像是意大利餐廳,但Jamie是英國人啊!),再說,waiter門的服務亦有待改善. 逢勸識飲識食的你可以省回車費. =D.

係呀!大埔真係有裝修豪華0既意大利餐廳呀!我經常同人講不過冇人相信。今次和住大埔的好友SANSAN0黎呢度補慶祝我生日。裝修幾靚,3棧大吊燈都好靚,佢就鍾意周遭0既小燈仔,天花板都經過特別處理。麵包+醋+橄欖油- 因為我唔食醋0既,不願置評。SANSAN覺得好味墨汁海鮮意粉- 本來我又係唔好墨汁,見食神SANSAN極力推介,試下先。嘩!麵質+好CREAMY0既汁,出奇地好好味WOO,低B婆SANSAN唔知點解會用好"FRESH"0黎形容呢度菜囉牛肉PIZZA - 嘩!好難食呀!撞鬼咯!初初新鮮個底脆脆地都仲食得下,之後凍左就好似食普遍麵包鋪果D所謂0既PIZZA咁。PIZZA最應有0既蕃茄味都冇,芝士又冇味,得個漏字。蒜汁羊架- OKEY啦!不過不失!D薯仔甜左D,味唔得真Tiramisu - 同34D意見一樣,D酒多到滲晒去D cheese位,攪到D cheese好水,頂0既朱古力粉都唔苦0既,一d味都冇,失望侍應生們似乎要多加training,唔夠professional。其中一位侍應哥哥,由下面嗌上0黎問我地要d咩,當時我地都呆一呆,好啦!以為佢會聽我地想要咩,我地照講,但竟然我

估不到大埔竟有一間如此好環境和情調的意大利餐廳，如果不是朋友介紹也不懂得來光顧。第一次來是去年的中秋節，那時一班朋友歡渡佳節，一年後仍是中秋節前後，為的是慶祝一位朋友完成浸禮。是夜我點了一客巴馬火腿做前菜，口感令人滿意，但朋友們好像不太懂欣賞。麵包的質素只屬一般，而且只有醋和橄欖油而沒有牛油。三文魚薄餅也不俗，但我個人不太好薄餅，所以只吃了一件。服務方面，侍應的態度積極，例如最初我們坐近門口，他們也主動提出稍後能安排更好的梳化座位給我們。有時食飯都要講心情同狀態，由於之前連日的舟車勞頓，加上同共的人關係己變，因此難免會影響胃口。儘管如此，６０元一個人又真的非常相宜。