OK德海南雞專門店 (天晉滙)

營業中

休息中

訂了外賣自取，一入門口，就好惡咁話...外賣自己去睇下有冇啦! 跟住我話冇，就問我order no，講完之後又話...乜野order no呀!? 我話你乜野態度呀? 然後佢就走左去，我企左係度冇人理過我!!我想講，你幾好食都好，咁嘅態度我諗大部分客人都唔會like! 好在只係外賣，如果堂食我真係食到背脊骨落，疫情之下咁嘅服務，其實係未想唔做? 超級極之差嘅體驗!! 冇下次了! 新都城分店服務好好多!

員工亦冇耐性 唔知發咩脾氣 大聲鬧客人 將自己嘅 怒氣發洩喺客人身上 而且落單嘅時候 冇人主動招呼 要不停叫佢 佢先肯過嚟 但係 乜嘢食嘅速度幾快 我希望佢可以改善下一對嘅服務態度 食物質素其實ok 正正常常冇咩特別 你話下次會唔會再食我諗應該都會 但係會考慮其他先 主要都係因為員工問題, 超級反感 成間舖頭啲人都望住佢 連少少耐性都冇就唔好做服務業喇 總結返先 嘢食質素其實可以 我叫咗個海南雞飯 基本上係坊間 可以食到 但係 員工嘅態度 淨係得嗰度先可以感受到😵

午市時間，過黎OK德試個海南雞飯，友人叫左香茅豬扒湯河，同生牛肉湯河。海南雞飯我就食過幾次，以下系兩次既分享，第一次食真系嫩到無得比，彈牙，剛好熟嫩絕不鞋口，個醬勁好味，甜得適中，配油飯完全不膩，有個小蕃茄同青瓜先開胃，份量很好，最後更有一杯大既熱奶茶，雖然話飲奶茶唔系計份量，系睇茶奶甜適中，距奶茶OK。正！之後食，有啲邊位剛好熟。友人既M & K餐，豬扒河同生牛肉河。生牛肉系做得唔錯，可以一試。附圖：

popcorn啲餐廳太貴所以過咗天晉食飯見到呢間門面個名寫名海南雞飯覺得應該係最出名係海南雞飯即管入去試一試以份量嚟講都好足夠，飯量充足，至少有一碗雞肉份量都唔少，但咩部位就要睇自己好唔好彩3款海南雞醬汁都齊中間仲有青瓜同蕃茄做前菜點綴兩者夠清爽幾開胃以味道嚟講都尚算OK油飯唔錯，好香，唔算太油膩雖然係有雪藏雞味，但質感算滑今次我食嘅有雞胸肉雞髀肉不過恕我都係要俾一個負評因為我碟雞肉未熟晒仲有粉紅色，我都唔敢咬得太入唔熟嘅豬肉就話可以用嚟砌姐唔熟嘅雞肉可以要嚟做咩？

OK德海南雞專門店將軍澳唐俊街12號天晉滙地下02號舖今日lunch自己一個人嚟咗呢間舖頭度食飯， 淨係睇個招牌都知道呢個最出名嘅係海南雞飯啦，我冇理由就仲叫其他嘢食啩， 即管就試下佢呢度嘅招牌菜，睇下咩料先1點鬆D黎到，餐廳已經好FULL啦，如果再遲多一步黎應該就要等位啦其實除左海南雞飯， 餐廳午市套餐meun入面都仲有好多粉麵飯既其他選擇嘅，大家都可以不訪一試主角黎啦，望真D 真係幾吸引，雞既部份 肥瘦均勻，而且全部都已經去晒骨，啖啖肉食得好舒服。另外，個油飯都好香架，平時我本身唔係好食飯架，但都可以清晒最後嘆埋杯奶就完美啦加埋凍飲盛惠$64 蚊

間唔中過黎天晉匯食飯總有新驚喜，作為海南雞飯嘅超級擁躉，今次決定幫襯呢間OK德海南雞專門店，坐左半個鐘，餐廳差不多full house!睇黎食物質素不錯我就叫左呢度招牌菜式去骨海南雞飯，海南雞大大件好足料，而且無雪藏味道，去骨食起黎亦非常方便，做法細心。肉質嫩滑juicy，啖啖肉，一共有3款醬料選擇，包括泰式酸辣汁、薑茸、秘製醬油，個人最中意甜甜地既秘製醬油香濃惹味。另外，不得不提佢地既雞油飯！！熱辣辣送上，飯粒夠煙un，粒粒炒到金黃色，配埋薑茸送飯一流，最後完成整碟海南雞飯。總括嚟講，招牌去骨海南雞飯係非試不可!呢度仲有其他菜式例如Laksa、香茅豬扒飯、滷豬脾飯，下次會再黎試試。

呢年將軍澳開左幾間有海南雞飯食既店，身為海南雞飯控既我，當然要食儘佢。豪不猶豫就入左去啦，可能係新開，並沒有太多人，而自己就點了飯加一杯凍奶茶。等左唔係好耐，飯就上枱。賣相正常，雞皮幾香，咬落雞肉還算鮮嫩滑，但雞的份量略嫌不夠，醬汁來講中間橙色的，十分醒神開胃，我個人好中意用來撈飯，而黑色既都好濃郁。飯來講，確實有足夠雞油香，佢落左唔少炸脆，的確好香口，但我覺得比例多左d,味道搶左，以$70的價錢，我認為少少不值，合格啦

經過附近太肚餓，隨便找了一間就食😂 這一條路有好幾間餐廳，見到這間幾抵食就試試。✨海南雞飯友人點了這個海南雞飯不用等即叫即送上大概從廚房盛出來就是賣相不錯味道普通雞皮偏厚雞肉不夠嫩滑普普通通合格但不會再encore ✨pad Thai 炒大蝦金邊粉見到Pad thai就想吃點了一個金邊粉試試等了一陣子送上時香氣撲鼻賣相不錯味道也不錯材料豐富但食食下有一大舊未溶解的鹽再食還是有味道真不錯，只不過調味料沒拌好有點失望希望會改善。

住在將軍澳早已聽聞OK德寶琳店口碑不俗，最近在將軍澳站附近開了分店，於是第一次去食，點了一個海南雞飯套餐，包老火湯和油菜。雞肉很滑冇乜肥膏，配埋醬汁好好味。黃油飯份量適中，伴菜只有一兩塊青瓜和一舊蕃茄仔，蕃茄好fresh好味，但只有一件仔，冇得encore! 套餐包左一碗老火湯，味道似例湯，有少少湯渣的，夠味但好細碗，油菜也很細碟。整體味道唔錯的，但對於一個男人來講份量真係唔多夠飽，我是女人唔算大食，但係都覺得勉強夠吃呢，吃完回家還想吃個甜品才満足呀$80一餐都食唔飽嘅話就唔太抵囉！好彩唔洗加一服務費。

今日一早同同事去將軍澳開會，到Lunch時就決定去PopWalk食OK德海南雞飯。聽同事講，PopWalk呢間分店新開大約一個月。既然呢間舖頭招牌菜係海南雞飯，我就一於決定試下佢個招牌去骨海南雞飯🤤個飯有好多舊海南雞，而且個飯跟左3款唔同既醬汁：豉油、酸辣汁同薑蓉。由於自己本身都鍾意食辣，所以我覺得海南雞點酸辣汁好好食🤤但個豉油汁原來係甜甜地，我自己就覺得都幾甜😂仲有就係如果佢個油飯熱啲咁就會更加好！有三款不同醬汁好多舊海南雞🤤Lunch跟餐送熱飲

今日來咗將軍澳探朋友，到了夜晚肚飯便在附近搵野食。見到呢間ok德海南雞專門店便被佢的海南雞海報所吸引，和朋友一起嘗下佢的招牌海南雞。鎮店之寶 原隻海南雞顏色鮮艷呈淺黃色，雞肉嫩滑鮮甜，雞皮薄而不油膩，多汁豐盛，食得出係用雞湯煮成，香氣撲鼻。龍蝦喇沙摻摻係一碗無用味精的麵，賣相已經好吸引，大隻龍蝦鋪在面，龍蝦肉飽满鮮甜，彈牙爽口，吸收晒喇沙湯底的精華，奶香味濃。摻摻係油麵同米粉兩樣溝在一豌內，口感特別有層次。越式生生肉湯河一端上檯熱騰騰，湯底鮮甜美味，牛肉味濃郁，生牛肉夠薄身嫩滑，加上爽滑的河粉一齊食，口感豐富。今晚呢餐價錢相宜，食物質素都不錯，下次來到將軍澳食飯又有多個選擇了。

一向都好鍾意去寶琳ok德度食海南雞飯，因為佢啲雞好滑，好好味！最近佢響將軍澳站開咗分店，而且而家新張期內有9折，就諗住試吓啦！海南雞飯：海南雞冇咩味，啲飯好硬，但個湯幾好味！肉骨茶：排骨有軟骨，但係啲肉太硬，唔夠淋，而且胡椒味太濃！但係好足料，煲入面有原個蒜頭，好多藥材！唔知係咪因為新開張嘅關係，漏單情況好嚴重，落左單之後，每一枱啲食物都要等好耐都未送嚟！問完啲員工，佢哋都冇反應！而且啲食物水準又一般，令我有啲失望，希望遲啲會有進步啦！

3個人第一次試食，新店，試了招牌海南雞飯餐及牛肉湯河，不俗。但暫時只收現金。另不用等太久已經有位，比起其他要等起碼半個鐘以上食店好得多，地方也很乾淨，效率很快。