OK德海南雞專門店 (新都城中心) (已結業)

超唔抵食， 每份食物 嘅份量少得離譜 ，仲要收兩蚊一個外賣盒， 個盒係比平時正常嘅外賣盒矮一半， 一定唔會再幫襯！！！ 呢個時勢，堂食已經冇乜人，其實你外賣係咪可以做好d呢? 咁嘅份量咁嘅價錢， 真係想趕客？

三月頭， 星期三夜晚六點半去食飯，當時堂食得四、五枱客.. 叫咗個麻辣雞飯餐同海南雞飯餐， 有湯有飲品，埋單～$160食物：就okay啦，唔難食，有待改善係兩碗湯一齊黎到，一碗成層油係湯面，而另一碗係無咁既情況... 兩份set食物份量都適中。環境：其實間舖都唔算細.. 個四、五枱客集中晒一邊，而另一邊一個客都冇。 我一行兩個人入去都係要繼續加落去同一邊「有客區」.... 其實疫情情況下，老闆、侍應都冇諗過要啲客坐疏啲，會安全啲？二黎餐廳 不設收加一服務費係絕對正確，班侍應係半句都唔講多，送餐上枱係就咁半飛狀態咁上枱.... 整體野食普通，但其他嘢就真係令我唔會再幫襯..

將軍澳有好多家食東南亞菜的餐廳，不過如果想食海南雞🐔🐔🐔的話， 一定唔不可以錯過這一家坐落於天晉樓下的海南雞飯啦！ 今次lunch time決定食這一間， 非常不錯😀😀😀招牌海南雞份量都不小， 肉質非常滑嫩，味道也很好。油飯很香，吃下去並不會有太油膩的感覺，還有三種醬汁搭配，好味！星洲炒米推薦！ 其實本身對星洲炒米沒什麼特別期望，但是嘗試了這家的之後，覺得太好吃啦！好香的咖哩味，又不會將粉面炒的太油😋推薦！

.🔻OK德海南雞專門店.去開寶琳食個晚飯，有段時間冇黎，開阻呢間我未食過既餐廳，見到有雞食就去試下先😋.🔻招牌去骨海南雞套餐 ($80)雞件冇骨啖啖肉，又唔冇皮肉分離，食得好開心，佢仲有3個汁點(甜豉油，點生蝦果隻酸辣汁，蔥油), 點雞食我鍾意食酸辣汁，攪到好想食生蝦😂😂,個油飯有d飯煲乾阻既焦，扣阻少少分，食到最後試下甜豉油撈油飯原來好正😂晒阻好多啖飯tim.🔻四川麻辣口水雞套餐 ($80)雞件一樣冇骨(除阻雞尖雞翼呀😏), 佢係白飯+甜豉油好好送飯，麻辣醬堅辣，我都唔係好食到，食阻2件辣阻個咀痺晒😂返到屋企又菊花爆開了。。。.🔻秘製潮式滷豬脾湯河 ($52)呢個好特別，真係好少地方有得食，我都係第一次食呢個餸，豬脾肉好淋，佢連埋豬皮，但一d都唔漏，d醬汁甜甜地，好似食緊豬腳薑咁😍😍所以襯越南河其唔係好夾，跟飯應該好d☺個河粉就普通出面都食到既果陣味啦，都好大碗下😯.🔻總結係坐得舒服，食物質素幾好，飯餐價錢偏貴，$80 跟個菜仔同湯仔冇野飲，不過跟果碗椰子雞湯真心好正，飲完好想飲多碗😍服務都好好，員工好有禮貌，抵讚！

星期一的下午4pm，店內客人不多，揀了光猛嘅窗口位坐，雖然梳化有點舊，但感覺好舒服。下午茶餐款式多，上次已食過招牌菜海南雞，雞胸肉也是滑滑的，好味！今次試了另一款「咖喱牛腩飯」，香滑不太辣，係我喜歡的味道，除了牛腩，也有一大塊炸薯角及少許洋蔥，份量輕盈，女士們應該足夠飽肚。$42已包飲品，奶茶香濃。免加一。會再去幫襯的！

見呢間嘢啲食評咁好，又近屋企，就去試吓啦。第一次食點咗招牌海南雞飯，不過不失。雞肉嫩滑， 不過油飯就一般， 口感太硬。點知今日第二次幫襯就出事，下午茶時段叫咗個海鮮參參， 食咗幾啖成碗食唔落。 碗湯無味都算啦，啲蟹柳係凍嘅， 豆腐卜有怪味，啲蝦條腸無挑走， 油麵一大浸鹼水味。收五十幾蚊個下午茶都俾番啲正常貨仔呀，應該都無下次啦。不過要讚吓個哥仔啲態度幾好，環境都可以，尤其是下晝冇乜人。落地玻璃如果想hea下都ok嘅，不過千祈唔好點參參。

今晚阿媽無煮飯，專程黎到呢邊試試佢地既海南雞飯🤤🤤舖頭位於寶林地鐵站對面，一眼就望到，地段方便👍🏻環境幾好，都算寬躺舒適，我地兩人被安排到卡位，平日七點左右黎到，人流唔多呀，只有三四枱客人。食物選擇幾廣喎🤣越式粉麵飯都有，最估唔到有西式意粉tim 😂咁我地叫左海南雞飯+秘制潮式滷水豬脾湯檬😊😊唔洗三分鐘海南雞飯出場😆份量幾足👍🏻賣相睇見都開心🤤滑滑既雞件都有十件八件，肉質滑溜，又有雞味😆油飯幾香，油膩油唔重，整體幾好😋😋另外湯檬都黎埋，有五六件肉連皮既豬脾🤤🤤🤤大大舊架！！肉質好稔😆皮位煙韌唔肥膩，不過可能滷水汁太入味😂😂😂略嫌咸左啲，改善下會更好😚😚

好耐冇嚟到寶琳 , 上網見到呢間幾多好評就嚟試下啦 ~ 假日晚飯時間都幾多人 , 差唔多坐滿 , 座位係梳化椅 , 坐得好舒服 🤓🤓坐低一望好多人都嗌海南雞飯 🧐餐牌 :海南招牌無骨海南雞飯 ($70)擺盤好靚 , 雞已經拆骨 , 冇骨碎 , 雞肉非常嫩滑 , 雞皮唔肥 , 好食 !! 真係做得唔錯 !!! 👍👍👍雞肉份量合理 , 唔可以話好大份 , 正常食量女生會夠飽 , 3 個醬料都足料 , 略嫌薑蔥唔夠香 , 最鍾意係酸辣汁 ! 😋😋 雞油飯偏乾身 , 唔重雞油味 , 味道正常 四川麻辣口水雞飯 ($70)口水雞同海南雞一樣好滑 , 又香又惹味 , 都幾辣㗎 , 不過越食越過癮 ! 綠野仙蹤 (跟餐 +$21)餐牌話呢杯係椰子同班蘭味嘅特飲 , 酸酸地 , 有班蘭同椰子味 , 不過冇想像中咁重 , 有啲椰絲可以咬下 , 冇驚喜 見到隔離枱嗌咗杯有青檸嘅特飲 , 我估係青檸梳打 , 入面有 5 - 6 楷青檸 , 好足料 😳😳 平時通常得半粒 整體嚟講食店食物質素唔錯 , 佢地嘅海南雞絕對做到主打海南雞食店應有嘅質素 ! 😀

上次與同事係到食左lunch set, 四川麻辣口水雞飯真係好推介，不過今日天氣熱，所以都係想食返啲湯粉，所以我揀咗越南雞絲湯河。佢個越南雞絲湯河仲可以揀多一個餸，我揀咗牛坑腩。送上來嘅時候見到咁大碗，我真係wow一聲份量對我而言有點多，最後都是吃不完。不過味道尚可，牛坑腩有點硬，但雞絲都OK我諗我下次都會食返四川麻辣口水雞套餐🤣

夜晚9點幾未食飯經過, 本身都好鐘意食海南雞, 就入左去試下. 地方十分寬敞. 座位亦舒適.咁佢話自己係海南雞專門店, 就試下個海南雞.佢成個碟都係為海南雞去設計, 3個汁都高質, 做得十分唔錯.雞肉夠嫩滑, 而且去了骨. 成個飯失敗之處係佢個配菜, 唔係海南雞飯應有既配菜. 另外價錢稍貴, 索價$70, 調低10%會比較合理.

味道不錯，但個碗勁大河粉的分量太少，女仔都食唔飽，性價比不高。海南雞飯好食，套餐有湯和菜。服務不錯..............................

將軍澳坑口寶琳全部食肆星期六日多數全部都趕人走冇計太多無飯家庭呢間係少有俾你慢慢坐慢慢食慢慢飲埋杯飲品嘅餐廳海南雞上菜速度快雞多飯香帶住bb可以慢慢嘆係好好嘅地方

幾個朋友睇完早場後，就先去吃午飯再繼續下個行程。幾個人毫無目標，不知吃什麽的時間， 突然眼前看見一間食海南雞飯的店舖。。。店舖內都坐了好幾枱人，而每枱都會点海南雞飯，所以我們也不例外。海南雞飯真的不錯，油飯不油膩，但很香，而海南雞味道亦不錯，肉質很好。另外還有口水雞飯，看外表已經覺得用料充足，雞的肉質跟海南雞一樣很好，而味道也很香很辣，相當不錯。至於香矛豬排湯金邊粉及扎肉湯河粉，也不過不失，豬排味道也很好。

今天路經將軍澳😊，隨意找間餐廳醫吓肚！朋友點了海南雞飯餐，約80蚊！湯足料，海南雞亦不錯，但分量偏少！惹味麻辣石鍋雞煲餐$98熱辣辣好惹味，麻辣味亦剛剛好，好好味！但雞全是雞骨，好少肉，明顯是海南雞起肉後，餘下的雞骨！收＄98有點貴吧！

午餐黎左呢間食海南雞飯，70蚊1個set，唔洗加1，唔算特別抵食，但呢到既海南雞飯真係好正，久唔久就會心思思想再食海南雞飯，有3種醬汁，青色係蔥油，好香，橙紅色係泰色甜酸醬，好開胃，黑色好似係甜豉油，但好食好多，店主應該烹調過點唔同既汁，令件雞同飯有唔同既味，一碟雞飯，3種味道，正！另外仲有啲醃製蘿蔔，青瓜俾你開一開胃，貼心。薑黃飯有乾蒜片調味，但又唔會太油太濃味，健康好味主角當然係肥美嫩滑既海南雞，唔會太肥或太瘦仲叫左個四川麻辣口水雞，有少少辣，如果完全唔食辣既朋友唔建議食，但如果食到三哥酸辣個啲一定食到呢碟雞，對比海南雞飯較野味，個飯又淋左自家製甜豉油，好好味，個辣雞同個飯既味道超夾呢到既待應招呼得都好好，好快有反應，食物都好快上，係一間有效率既小店，會再黎！