NUTTEA (兆英商業大廈) (已結業)

係度叫左兩杯NUTTEA飲品,第一杯當然係招牌朱古力奶蓋紅茶。朱古力奶蓋好厚好綿密,可用個SPOON畢來食!食唔晒可以同紅茶混和,就好似飲朱古力奶咁。好有特色!一定要試!另一杯我叫左綜合堅果奶,紅色既DRAGON FRUIT再加唔同種類既堅果MIX埋黎食!飲到好濃既堅果味,而且DRAGON FRUIT又好健康,值得一飲!呢期都有期間限定既PINEAPPLE同MANGA特飲,都好吸引架!呢間店都幾多分店!可以試下!

奶蓋呢啲咁邪惡、令人咁滿足既野真係忍唔住想飲🤤🤤 見到咁特別既堅果奶蓋又忍唔住試下！估唔到真係幾好飲，好creamy又挺身，奶蓋綿密軟滑～ 而且堅果味好重，裡面用左杏仁、榛子、腰果、核桃、夏威夷果仁，口感豐富細膩，鹹中帶甜，放耐啲都唔會溶晒落個茶到，飽肚得嚟唔漏，同埋有個迷你鏟可以畢個奶蓋食，有啲似食雪糕咁，玩味幾濃！因為用既唔係一般既芝士同牛奶，所以連素食同對奶類敏感既人都可以一嚐奶蓋既滋味 😋 同時感覺健康好多，要keep fit但又忍唔住口腹之慾既foodie都可以試下，飲完無咁罪惡😎伯爵朱古力堅果奶蓋茶 🍫🌰🥛☕️ (好味指數：😍😍😍😍) - $47鋪頭話呢杯係Number 1👍🏻 又限售100杯，所以第一次就迫不及待試左呢杯😍 朱古力奶蓋上面有一層薄薄既可可粉，朱古力味既濃度似黑森林蛋糕上面既cream，奶蓋好creamy加杰身，堅果味好重，以榛子味為主，所以有食緊金莎既感覺～ 加埋獨特清香既伯爵茶做茶底，居然出奇地夾！茶味濃郁，一啲都唔馬虎，做到店家所講既「沁涼香醇」😌 同時亦中和左奶蓋既漏，飲完好滿足 😌 雖然只係叫微甜，但有奶蓋既甜味所以飲落夠甜，飲完又無咁大罪惡感🤩不過

個人唔鍾意食「堅果」(除咗開心果 同埋唔知點解鍾意食榛子朱古力之外)估唔到呢間又覺得幾好飲同埋叫奶蓋茶都會有隻羹比你就咁潷起食幾貼心伯爵朱古力堅果奶蓋茶 $47 🙆🏿‍♀️佢個奶蓋都幾重榛子味唔怪之得上網睇話似繽紛樂啦😂完全好容易handle 好正唯獨上面有啲堅果碎我想走咗佢🤣🤣🤣加埋朱古力其實真係好正但飲到最後都幾漏吓蘋果脆脆楓糖堅果奶蓋茶 $38 🙆🏿‍♀️見佢有楓糖就叫咗無糖但嚟錯咗微甜 可接受👍🏿佢有啲蘋果乾喺上面 食落有口感榛子味奶蓋撈埋啲茶又別一番風味佢杯杯滿滿嘅奶蓋真係好邪惡😈❎加一服務費

-呢間台灣過江龍 Nuttea已經唔系第一次飲了主打5種堅果製成堅果奶蓋 好香果仁味#用鏟子喝堅果奶蓋 正😛😛🤩純素 / 素食者都飲得🤩#乳糖不耐症 人士都岩飲喔！#伯爵朱古力奶蓋茶佢個 #朱古力奶蓋 好特別勁creamy 好香朱古力味 同堅果奶蓋一樣咁濃郁完全飲得出真材實料👍🏼每食一啖都真系好似食雪糕咁🍦可以含喺口一陣🤩#伯爵茶 茶香味都好出 😍/#宇治抹茶堅果奶蓋茶 #堅果奶蓋 好香濃👍🏻奶蓋非常厚 好似食雪糕咁🤣就算擺放左半小時有多亦唔會走樣！叫左微甜 就飲得出抹茶味濃郁 🍵 😂飲完一杯好似食左餐飯咁咁飽😂

在半年前，發現中環皇后大道中的台式飲品店 <茶湯薈> 附近的永吉街，開了一間飲品店 NUTTEA！ 不過最近， <茶湯薈> 也結業！拿了傳單一看，供應堅果奶，聽起來都覺得是健康飲品；相對價錢較貴！由半年前至今，我間中都會幫襯！起初幫襯，小店很受女生歡迎，大排長龍之餘，買杯飲品，隨時等約 15~20 分鐘，以一小時 Lunch time 來說，實在奢侈！店內的背景影相也不錯！店方選用紙飲管夠環保！備有紙巾及消毒用品！Menu店方供應冷熱飲透明膠杯主要盛載奶蓋系列凍飲！紙杯配合杯蓋設計，適合冷熱飲，一舉兩得！熱香芋堅果奶 $39堅果奶口味出奇地似合桃糊， 質感濃稠，略帶細碎的果仁碎！凍香蕉燕麥堅果奶 $39第二次幫襯，等5分鐘！起初，我想像香蕉、燕麥加堅果奶，口味會唔會似香蕉奶昔呢？入口富有香蕉的天然香甜，原粒燕麥的嚼勁，比熱香芋堅果奶較稀！熱藜麥燕麥堅果奶茶 $38入口和暖，水溫不理想！剛剛夠甜，坊間見到藜麥的種類，有白藜麥、紅藜麥及黑藜麥，店方選用白藜麥；嚼勁的口感卻不及燕麥咁強！茶味淡薄， 完全被堅果奶掩蓋！伯爵朱古力堅果奶蓋茶 $47每日限定 100

NUTTEA有售不含奶成份嘅飲品，特別係佢嘅堅果奶蓋奶！適合純素食者/對奶類製品敏感嘅人飲用而且仲含有減肥恩物 - 堅果😍 含高蛋白及大量Omega 3，增加飽肚感之餘，仲可以燒脂🔥伯爵朱古力堅果奶蓋 $47每日限定100杯! 仲攞埋2019年台灣奶茶節金獎! 呢款🐥大讚！厚到要用鏟去食！朱古力堅果奶蓋好creamy好好食、夠濃味，食落就好似Nutella榛子味奶蓋咁，口感似食緊雪糕咁。啖啖都係cream入口好滋味！而伯爵茶味幾濃，唔會被奶蓋味cover左。食到覺得膩的話，用飲管溝勻奶蓋同茶一齊飲都好正！粉紅莓好堅果奶蓋茶 $45賣相好有少女感好吸引！甜度啱啱好，士多啤梨味好夠天然，仲食到果肉！奶蓋更加唔洗講，夠挺身又香濃，正！整體成杯都酸酸甜甜好開胃！

Nuttea原來中環都有，位置係內街，食完飯實在太多外賣單，所以今次特登早啲食完飯過黎飲下。今次我同朋友就揀左手沖咖啡奶蓋（$40），仲有芒芒堅果奶蓋茶（$43）呢款係季節限定，宜家芒果真係好甜，呢款茶我特登揀左無糖，居然依然味道豐富，甜度充足，無一點酸味或苦澀味，非常有驚喜。奶蓋好厚身，用個細匙羹畢起黎食都超美味。呢度仲有得賣淨奶蓋，真係好吸引，可以自己沖茶飲。另外仲有堅果奶，可以做代餐添！～～

Nuttea 我成日會回味同埋掛住佢堅果奶蓋嘅味道 不過飲一杯真係好飽就好似已經食咗半餐飯🙈 所以都係間唔中飲一次！好多味道都已經試過例如火龍果、蘋果脆脆、牛油果堅果奶等等～ 每一杯都有佢嘅特色 最鍾意係蘋果脆脆堅果奶蓋茶 不過今日就試吓季節限定😝 因為見台灣嘅鳳梨當造🍍 而且係黃店 之前仲有醫護優惠添呀😻 估唔到開到中環都有分店～ 堅果奶蓋茶最出名但都有其他例如堅果奶、水果茶、精品咖啡等等有個位可以企係度食🤣菠蘿堅果奶蓋茶 $41 🍍叫左微糖小冰 因為本身奶蓋都有甜味所以個人鍾意叫微糖或者走糖 食到最後成杯野撈埋之後就可以中和～ 可以先拎個匙羹試咗堅果奶蓋先 係好厚實 creamy 到爆 而且好重堅果味 仲有啲真花生喺面 個菠蘿水果茶就好清甜 中和翻 到最後可以試吓撈埋嚟飲😝 就會好似飲緊奶昔😆 朱古力伯爵堅果奶蓋茶 $47 🍫呢杯係全店最貴 每日有限定100杯 朋友叫但係我都有試 個朱古力奶個超級濃味 仲有啲可可粉 奶蓋好順滑輕盈 但食多兩啖就開始膩 因為真係好真材實料 所以最後撈埋清淡無糖嘅伯爵茶 就啱啱好 仲帶點朱古力嘅苦味👍🏻😋

天氣熱，係條街度行簡直係酷刑，行到上環某小巷見到Nettea🤩之前係公司附近已經飲過👍🏻覺得超好飲，而朋友未試過，梗係要帶佢試下四季春堅果奶蓋茶（$35）茶底好香，可以調整甜度同冰度，堅果奶蓋超creamy有d咸香，感覺好邪惡但又好健康💕超鐘意👍🏻推粉紅莓好堅果奶蓋茶（$45）有得調整甜度但冰度固定，草莓味沙冰酸酸甜甜🍓配上奶蓋好香甜，感覺似乳酪👍🏻推💫 好鐘意佢地既堅果奶蓋☺️好好味💫 堅果奶蓋幾飽肚，可以當代餐又得

呢日同屋企人去中環到行街，經過呢個小巷既時候見到有呢間我至愛既飲品店，平時成日幫襯屋企附近嗰間，估唔到中環都有分店。打開餐牌，見到有好多款既飲品，包括堅果奶蓋茶、堅果奶茶、堅果汁、堅果奶、水果茶、精品咖啡等等，勁多選擇。呢度除左regular既飲品之外，呢排仲有新出既seasonal飲品，有我最愛既芒果啊😍我地諗左好耐，分別點左芒芒堅果奶蓋茶同埋火龍果堅果奶。呢杯芒芒堅果奶蓋茶超級好飲，佢下面係芒果茶底，甜甜既芒果加上清香既茶底，好正。上面係厚厚既堅果奶蓋，好濃郁。一大啖咁飲，可以飲到堅果同埋芒果茶，層次豐富。火龍果堅果奶都好正，感覺好健康！下次可以再試埋其他野飲！

星期一放工同男朋友一齊食飯，晚飯前見到呢間NUTTEA，我其實一直都想試下飲堅果奶蓋茶，甘就擇日不如撞日，一於買兩杯黎飲。除左有堅果奶蓋茶，仲有堅果奶、堅果奶‧茶、堅果汁、水果茶、奶蓋、冷手沖精品咖啡、特選好茶、純堅果乳等。我地揀左伯爵朱古力堅果奶蓋茶同粉紅莓好堅果奶。揀完仲可以揀冰度同甜度，前者揀左正常冰同半糖，後者揀左無糖，呢杯唔可以調冰度。杯蓋上有教學，首先就甘飲，之後撈埋啲奶蓋飲。除左有吸管提供，仲有匙羹俾你食奶蓋用。伯爵朱古力堅果奶蓋茶好巴閉，每日限定100杯，吸引左我。分開飲時伯爵茶味好出，奶蓋就好香濃幼滑。我更鍾意撈埋飲，配合得好好，口感變得順滑。粉紅莓好堅果奶好靚，好少女。我覺得叫無糖都夠，因為同甜既奶蓋撈埋飲就岩岩好。我鍾意飲堅果奶可以同時咬到堅果粒粒，增加口感。

呢排天氣又濕又熱，都無乜胃口，聽人講飲水果茶又解渴又健康， 咁好的理由， 無理由唔去飲既。作為一個中環上班的小職員， 收工由公司行去皇后大道中151號都好近啫。 平時午餐時路過Nuttea都係大排長龍， 今日可幸收得早，等3個人都好好運了。今日叫左2杯飲品， 分別係: 伯爵朱古力堅果奶薑茶, 滿杯葡萄。伯爵朱古力堅果茶，茶味香濃配朱古力味奶蓋，堅果茶味無被朱古力味蓋過，可以飲到奶蓋口感又唔會無左茶味。滿杯葡萄，成杯都係紫色的葡萄，十分吸睛， 打卡一流。 滿杯葡萄質感似沙冰， 葡萄味香甜，重可以食到碎碎的葡萄籽，夏天飲呢個果茶真係消暑解渴，男女都啱飲的欣物。

Lactose intolerance /生暗瘡（皮膚科醫生話生暗瘡唔可以飲牛奶）嘅人有奶飲啦。所以一直想試下nuttea，佢menu 好多唔同味！原來係由咁多種nuts整成嘅奶。有新出鳳梨系列，下次再試！不過朱古力控最想試都係呢杯。最後叫咗芒果堅果奶蓋伯爵茶朱古力奶蓋。個奶蓋係佔咗成杯嘢飲差唔多一半，同埋最重要係成杯嘢飲冇冰。你睇啲奶蓋打到好厚同creamy。芒果個杯奶蓋好重果仁味。朱古力呢杯就淨係有朱古力味遮蓋左原本嘅果仁味，個伯爵茶底都好香。之後兩層溝埋就變奶茶咁飲都好好味。呢杯我哋兩個都好鍾意，下面啲茶底係有芒果粒粒。睇睇下原來仲可以電話落單，不過中環呢間出飲品都好快，我哋都係等咗幾分鐘就有。

有無唔飲得奶嘅朋友但又好痛恨有得飲奶蓋奶茶嘅朋友😂？雖然我並非不能喝奶人士，但呢間台飲店吸引我嘅地方係佢用堅果做主題，我係nuts迷！再加上係啱顏色嘅店舖，無理由唔幫襯。環境店舖都唔難搵，店內有張小枱可以企係到飲埋先走。餐牌選擇都好多，唔係用鮮奶整嘅奶蓋真係好特別！伯爵朱古力堅果奶蓋茶 $47標明只有堅果沒有牛奶的奶蓋茶，堅果「奶」蓋可以用匙羹舀嚟食，cream質地，但食落唔會好甜，朱古力味濃，茶底清新，同堅果奶蓋撈匀之後再飲，朱古力同茶底混合互相中和。芒芒堅果奶 $43 試咗佢嘅奶茶，當然要試吓淨係奶，並非鮮奶，而係用較高成本嘅堅果奶。同芒果打匀之後，沙沙融融嘅口感好正，堅果奶飲落無咁水。總括而言，推薦！飲完之後真係飽咗好一陣子，尤其是係夏天飲又消暑又填肚，太熱無乜胃口果陣代一餐都無問題。

伯爵茶朱古力堅果奶蓋NUT TEA獨特的茶飲配搭以果仁做成的仿奶泡作賣點 ，呷一口綿滑、濃厚的泡沬，一陣強烈的榛子味，遇上伯爵茶茶底的清新，沒想到竟然如斯配合。奶蓋一般配茶飲或朱古力帶苦澀的飲品，而nuttea卻有新鮮水果茶的組合。最當紅的一定是紅肉火龍果，亦有季節限定的台灣鳳梨，而鮮果價錢與伯爵茶奶蓋相差無幾。底層是果泥配淡淡的茶底，清甜毫不酸澀。中層是少量冰塊，保持奶蓋冰爽温度。上層為全素堅果奶蓋，還有一些果粒丁。夏日當造的芒果堅果奶蓋配上原味堅果奶蓋，比剛才的伯爵奶蓋榛果味更突出。記緊要於店中取小匙，方便剷起奶蓋品嚐。甜度不高，果仁奶泡的密度高，飽肚感十足，作為兩餐之間的小吃其實也不錯。當然，本人點了微甜，一杯冰凍的飲品，除了有消暑之效，喝罷也不會滿口糖漿。值得推介 ！