影片
港鐵堅尼地城站 B 出口, 步行約6分鐘
繼續閱讀
營業時間
今日營業
13:00 - 22:00
星期一至五
13:00 - 22:00
星期六至日
12:00 - 22:00
以上資料只供參考, 請與餐廳確認詳情
係堅尼地城海旁新開嘅 【NOOK. Eggwaffles & Gelato】
呢幾日勁熱 食雪糕真係啱晒🥵🥵
雖然多人買 但都出得好快 唔洗排好耐隊~我哋要咗一個雞蛋仔加兩球Gelato $78
同一杯兩球Gelato $68Total試咗4隻味😄 店員好好人會不斷介紹有咩口味係同雞蛋仔襯 亦都不斷俾你試咗味先 可以比你揀到啱心水嘅口味😋
日式焙茶 🍵呢個大推！我哋一試已經覺得呢個勁好食茶味好香濃 而且唔會好甜
波本雲呢拿 呢個係店員推薦 話佢配雞蛋仔係好match甜度啱啱好 好香雲呢拿味 質感幼滑🍨
椰子斑斕 🥥帶濃濃椰香味 鍾意食椰子嘅朋友就一定唔可以錯過😆
Tiramisu 咖啡味出 層次豐富 食到有少少嘅酒味 相比上面嗰三隻就冇咁突出雞蛋仔即叫即整 大約等3至5分鐘外脆內軟 配雪糕好正🧇🍨 但蛋香味唔算好重
而且佢哋個份量都幾大杯 如果以兩球計其實兩個人share都完全冇問題😚 佢個價錢其實幾抵食🤓等冇咁熱嘅話喺海旁食雪糕 影相打卡會好Chill😆 不過近排勁熱要快啲食，如果唔係好快溶😂
繼續閱讀
星期日難得有陽光最啱去海邊走走，曬曬太陽食個雪糕行到海邊有點熱，見到有間靚靚日系雪榚店，叫左Gelato 開心share 消下暑店員好熱情介紹唔同口味的雪糕特點，仲不吝嗇俾我地試左幾隻味先決定叫邊款雞蛋仔配雲呢拿雪糕$58雞蛋仔即叫即製熱辣辣，蛋香味唔算好重雲呢拿雪糕系大食妹目前食過最好食的雲呢拿味雪糕食落系天然雲呢拿籽的味道，非平時平價的香精味，真系好推介開心果加杜拜朱古力Gelato$68開心果唔會太甜食到開心果碎碎杜拜朱古力味朱古力味超rich ，因為加左開心果的麵包糠，所以會夾雜脆脆的口感 雖然Gelato價錢唔平，但系質素真系值回票價，下次黎西環再試埋其他味先
繼續閱讀
堅尼地城海旁新開咗間細細嘅雪糕店，勁多人特登去打卡！呢排天氣熱，行完海濱長廊，忍唔住走咗入去試下,吹着海風品嚐雪糕，實在愜意。叫咗兩款招牌：杜拜朱古力味雪糕配雞蛋仔，同白桃雪葩配日式焙茶雙球雪糕杯。杜拜朱古力真係名不虛傳，勁香濃，又滑又香，食完成口都係可可嘅餘韻，配上即叫即整嘅雞蛋仔，食落外脆內軟，份量十足！一冷一熱，冷熱交融口感好過癮～令人難忘。另一杯雙球都有驚喜白桃雪葩好清新，酸酸甜甜，好似食緊真嘅白桃咁，係夏日清新之選，白桃雪葩酸甜清爽，暑氣頓消。日式焙茶雪糕茶香濃厚，與白桃的果香清爽好夾，相互輝映，層次豐富，甜而不膩。店員又nice，值得encore。下次黃昏再嚟，睇住日落食雪糕，應該仲正。
繼續閱讀
堅尼地城海傍一向多打卡食店，近排又開多左一間。今次係Gelato 加雞蛋仔。Gelato 全部都係受歡迎嘅口味，有杜拜朱古力，開心果。有時令水果口味，包括白桃雪葩同呂宋芒雪葩。店員態度亦非常親切友善。推薦左椰子斑蘭口味，入口好香濃，十分出色。雞蛋仔gelato 我揀左配杜拜朱古力。朱古力味濃郁，仲有滿滿嘅開心果醬同脆絲。雞蛋仔即叫即整，新鮮鬆脆。另外仲食左開心果同白桃雪葩雪糕，開心果雪糕鋪滿左開心果碎😋，白桃雪葩相當清新。值得一提係佢嘅性價比頗高。一球雪糕$48 +$10 就可以加埋雞蛋仔。食物高質，賣相又一流。拎住雪糕一路行海邊，真係假日一大樂事。
繼續閱讀
雞蛋仔配杜拜朱古力雪糕⭐️⭐️⭐️⭐️⭐️雞蛋仔新鮮熱辣整嘅🔥，攤涼咗一陣就外脆內軟，食落超軟熟，仲好有蛋香🧇。杜拜朱古力雪糕超重朱古力味🍫，但唔會太苦或者太甜，入面仲有好多開心果✅，配埋雞蛋仔一齊，一凍一暖咁，好正🥳！白桃雪葩雪糕 & 芒果雪葩雪糕 ⭐️⭐️⭐️⭐️⭐️兩隻gelato都好正👍! 食得出係用新鮮水果整嘅，唔係平時啲果汁味，味道好fresh🥰，好似食緊一個真芒果🥭同真水蜜桃咁呀🍑！夏天解熱啱晒☀️！雪糕都好大杯，雪糕塞滿晒喺隻杯入面。🤩呢度雪糕仲有好多款味道揀，有選擇困難症仲可以請店員俾唔同味道你試，試啱先買😋呢度喺堅尼地城海旁隔離，去開附近打卡嘅朋友仔記住去試下呢間gelato喇！🌅
繼續閱讀