Nonsense

約咗朋友喺土瓜灣 tea time , 大家都無意見去邊度食，我就建議去試吓呢間 cafe｡因為我聽人講話呢間 cafe嘅巴斯克蛋糕唔錯，我都好想試吓°Cafe 環境乾淨企理。 下午茶時間， 客人唔算多。 呢到嘅巴斯克蛋糕都算有唔少味道選擇， 我揀咗一件抹茶味嘅軟心巴斯克蛋糕配焦糖燉蛋。 件蛋糕雪凍咗，抹茶味道未算太濃， 質地非常順滑， 件蛋糕幾好食，幾有水準。 焦糖燉蛋味道偏甜， 啱我。不知不覺與朋友傾到7點， 離開前順便買咗個大蝦蟹肉，蝦頭油 日式煲仔飯外賣返家當晚餐 。 幾足料，米似用珍珠米，蟹肉蓋滿飯面，大蝦爽口， 米飯吸收咗蝦，蟹，高湯等， 味道唔錯。 但飯似未完全焗透，有些少生米，可能是日式煲仔飯特式掛！ Haha

親愛的家人生日特意搵左一間比較特別餐廳食飯（5/9當日懸掛8號風球(魔羯），諗緊餐廳還開不開門，點知是正常營業，我地當然gogogo)一進去，我們選擇了靠牆的座位坐低（牆上有美美少女畫像）3個人傾左一陣就點了不少食物🥘😂🥢澳洲和牛封門柳·大啡菇和牛封門柳肉質唔會好韌，一口同大啡菇一齊放落口，味道唔錯🥢大蝦蟹肉·蝦頭油·日式煲仔飯大蝦蟹肉好新鮮，我地就撈撈飯，再試一啖，覺得唔夠味就加醬油❤️🥢黑毛豬脆片卡邦尼扁意粉黑毛豬脆片敲碎再撈埋扁意粉一齊食yummy😋🥢炸軟殼蟹芝士咖喱海鮮烤油餅我地簡左小辣，因為小辣真的好微辣，食鍋內海鮮餐配上烤油餅，我地都食到停唔到口🍰鐵觀音巴斯克軟心芝士蛋糕軟心芝士配上鐵觀音茶味，食而不膩，淡淡鐵觀音茶味配上芝士，味道好夾😋仲要配上靚靚畫碟，唔只食得，都望得❤️🧉Yoyolemon檸檬味冰沙，味道十分清新🧉Butterfly Peach有三層不同顏色（紫、白、桃🍑色）飲前記得攪勻，如果唔係，只飲到最尾果層味道P.s.當初選擇呢間餐廳，其中一樣是因為被生日畫碟吸引了🤩 見到實物真係好靚👍配上蛋糕加蠟燭，食同影相都不錯（壽星公都好鐘意❤️）

以前流行的是傳統的芝士蛋糕；疫情期間，巴斯克蛋糕卻莫名大熱起來；而之所以叫巴斯克蛋糕，原來起源於西班牙的巴斯克地區，某一戶當地居民在家自製蛋糕時，因為一次失誤的製作過程，卻意外獲得好評而流傳至今。所以有時意外意外，總有意料之外的驚喜及收獲呢。.而這間是朋友推薦的巴斯克蛋糕，以我所知有幾間分店，位於我曾經無比熟悉的土瓜灣就有一間了。而當天因有要事需港九一日遊，完成任務後，為了犒賞自己的辛勞，便決定入手最愛的蛋糕嚐嚐了。⋆_____ɪɴꜰᴏ______⋆𓏲 原個巴斯克蛋糕：⧐黑芝麻口味 + 開心果果仁脆脆 $168 (5吋）蛋糕採用低糖及低油配方，不使用植脂奶油及防腐劑 ，並且採用進口忌廉芝士及牛奶，吃用時更安心。而且巴斯克軟心或流心的ʙᴜʀɴᴛ ᴄʜᴇᴇꜱᴇᴄᴀᴋᴇ更有多達24款口味，總會有合其口味的心水呢。.味道方面，蛋糕雖然其貌不揚，但味道濃郁充滿焦香；一刀切下去，軟心滑溜的黑芝麻內餡，加上綿密滑順的口感，美味又可口；加上頂層舖滿了海量的開心果果仁脆脆，口感更豐富呢！..𓏲 巴斯克蛋糕切件：⧐百利甜酒⧐開心果吉士⧐朱古力⧐奥利奥因為想多試幾款口味，便加購了幾款心水口味的切件蛋糕。幾款

👨🏻‍🍳Nonsense (土瓜灣)📍土瓜灣北帝街143-155號順輝大廈地下4號舖📍美孚（取蛋糕）：Street Bomber（美孚）美孚百老匯街69-119號美孚新邨四期3號地舖 「世一開心果巴斯克芝士蛋糕🥹」 男友生日，今年有 @eat.nonsense 既開心果巴斯克芝士蛋糕🤤生日配有生日牌（可發光😆）美孚分店拎蛋糕，美孚站A出口一出，直行見到惠康，隔離就系😆 撞岩佢地做緊優惠：‼️免費加(free)‼️果仁脆脆‼️勁lucky!!🥹🥹一定要加，超好食！！ 成個都系芝士🥹開心果味同芝士奶香，各保留其味，撞埋一齊竟然好夾！！佢地烤到蛋糕皮好有口感（好似月餅個皮），大愛🥹🫶🏻蛋糕質感軟滑綿密，連埋開心果果仁+開心果果仁脆脆（脆脆有D似脆米批🤤），一啖多重口感，癲！！5吋蛋糕，我同男友清晒🙈🤣吾會太甜，同埋巴斯克芝士蛋糕黎講，呢個真系吾算膩👍🏻 另外，呢間既「茶味巴斯克蛋糕」都好齊全‼️今次仲另外揀左4款茶味切餅：伯爵茶、鐵觀音、烏龍茶、小山園焙茶我同男友都系茶味愛好者😆每款獨特既茶香都好濃郁！！大愛伯爵茶味😆仲有抹茶、玄米茶，下次再試❤️ #nonsense #eatnonsense #巴斯

今日隨意去食一個下午茶～行過門口見到開心果甜品又幾吸引喎😋 坐好之後我叫左紫菜和風牛肉飯同埋加左大啡菇，個啡菇味道都不錯～好多汁，跟餐開心果Latte 22蚊，拉花好靚，再加左開心果碎，22蚊算係便宜啦～ 👍👍 跟住再叫左個開心果芝士蛋糕加雪糕58蚊👍👍 ～如果餐加指定甜品就29蚊，不過就沒有雪糕，真心呢度甜品唔錯😋黎到個甜品整到好靚呀～加左七彩色既M&M 朱古力皮咁～ 雪糕都好有特色，我叫左朱古力～ 甜品影相打卡唔錯👍👍

今日想食個下午茶～想搵有牛扒又有開心果甜品既店舖😋咁是但行落街睇下啦～ 平時食開蠔吧～但就無開心果～而且食蠔可以但牛扒就一般～咁我四圍看看～ 記憶中我朋友屋企附近有甜品～ 去到有2間店舖開左門～ 我就睇左OpenRice 對比2間店，2間食評都差不多，還可以吧～雖然這間沒有牛扒，但我都想試下個開心果😋 我就叫左紫菜和風牛肉飯加左18蚊大啡菇，不過就沒有我心目中咁樣既大，只算是中小的啡菇，紫菜同啡菇都不錯，和風牛肉個汁一般～ 68蚊就不算便宜了～ 吉野家會好食好多～ 開心果Latte 22蚊，有些開心果碎，22蚊算係便宜啦～ 可以接受，個拉花都幾靚👍👍 最後就再叫左開心果芝士蛋糕，因為呢度應該甜品比較出色👍👍 但個朱古力雪糕就無乜朱古力味～ 餐加指定甜品就29蚊今日唔係開心果，餐呢個唔跟雪糕，而另叫甜品58蚊就跟雪糕，無得只叫一件開心果芝士蛋糕，但出門口又見到一件32蚊，不過我埋左單就無再返轉頭細心研究了～

講真，而家好多人都係拉手拉袋，又唔係拉個旅行喼，只不過一個普通袋有支拉桿四個碌，佢都要求人哋放門口，如果我個袋冇四個碌一支拉桿，個size就係一個普通嘅袋，唔通有碌就要放門口咩？我堅持唔放，我朋友就放咗啦，結果佢成餐飯望住自己個袋，因為張枱同門口係有距離，萬一個袋俾人偷咗點算呢？我覺得啲店員唔係從客人嘅角度去諗。講真，我嗰個唔係太大個只係多咗四個碌嘅袋，入面放咗好多貴重嘢，所以我好堅持，一定要拖埋去自己枱底，個袋其實唔大，係可以放喺枱底。結果佢哋見我咁堅持就冇出聲，但係面口唔算好好。如果唔係因為趕時間，冇時間再去搵第二間食，一早就起身走咗。

今次朋友揀左呢間餐廳同我食生日飯，叫左幾樣野食一齊分享，黑松露炒雜菌：黑松露味好出, 大家食第一啖都係話好鮮甜同埋好食，菇困味都好濃；海苔炸單骨雞翼：無加好厚既炸粉既單骨雞翼，食落唔會話好油好heavy~揀左最出名差不多每枱都有叫既日式煲仔飯：松葉蟹甲羅盛·海鮮·煲仔飯，呢個蟹膏味好重, 店員好貼心喧叫我地撈完試左味先，唔夠味先再加豉油，飯焦就唔算多，咋外仲叫左帶子白松露油蒜香炒扁意粉：不過不失, 但帶子都幾新鮮最後又點少得必試既甜品，分別揀左以下兩款口味: 🔹開心果吉士巴斯克軟心芝士蛋糕 配 法式焦糖燉蛋🔹榴槤巴斯克軟心芝士蛋糕 配 海鹽雪糕朋友預先同餐廳講我鍾意Happy Potter, 所以佢地用心咁畫左一幅甜品畫，第一眼就認到係哈利，仲有隻貓頭鷹-嘿美🦉真係畫得好似，勁靚呀❤️❤️即刻令到成個甜品視覺上更加升華，巴斯克蛋糕做到軟心既效果、甜而不膩；我自己就比較中意榴槤果個，因為食得出好重榴槤味, 好食。#Nonsense #birthday #celebration #dinner #foodie #suprise #eatliveplay #instafood #instafoo

🎂🍝🍰超靚畫碟慶祝好選擇▫️畫碟不用加錢✅海膽濃蝦湯 - $88份量比較少，只有一小碗，性價比有啲低，不過真係幾好飲，同埋都足料，蝦味香濃，裏面亦都有蝦肉同埋一啲海膽肉。✅青芥末醬北海道唐揚魔鬼魚 -$98呢個炸魚粒好特別，外皮炸得香脆，但係咬落唔係好似炸魚柳咁樣入面係腍，反而有少少雞軟骨嘅口感，幾有咬口，個青芥末醬嘅調味都唔錯，芥末味幾出但又唔會嗆鼻，食到停唔到口。份量都OK有十幾粒。✅大蝦蟹肉.蝦頭油.日式煲仔飯 -$148呢個煲仔飯唔係中式嗰款用瓦煲，輕身好多，都幾特別，但個煲仔本身都好熱，店員好細心會俾個隔熱手套你方便你搬位。嚟到嘅時候佢地先會打開蓋，再細心建議你試咗原味先，唔夠味都會有豉油俾你加上去。面頭鋪滿咗蟹肉，仲有四隻彈牙大蝦，一啲蘆筍同埋一隻生蛋，撈埋一齊食，本身都已經好有鮮味，但可能會覺得有d寡，加咗豉油嘅就會更加甜同惹味，但係就會冇咗蟹嘅鮮味，不過2種食法都吾錯，去到最後仲會有脆脆飯焦🤪🆗炸軟殼蟹椰香喇沙扁意粉 -$168意粉用扁意粉，所以口感幾好，唔會好腍，呢個意粉都偏辣反而冇咩椰香嘅味道，裏面有啲蘆筍同埋魚片做配料，炸軟殼蟹好大隻放喺上面都好吸睛，但係軟殼蟹就因

見到廣告話有日式煲仔飯同生日畫碟服務慕名而來。點知真係不枉此行！本身訂左1845 但怕趕唔切 電話問餐廳可唔可以轉1900 。餐廳彈性處理。最後又趕得到1845 轉番如期入座😇 餐廳表示限時90 mins 不過如果冇客等位都唔會趕我地走好貼心溫馨提示☺️最後真係冇趕我哋走仲不斷主動refill 水俾我哋chic chat 好有人情味～龍蝦湯好濃洧。沙律份量好多。煲仔飯味道好別具風味。薯條有兩款醬。咖哩好好味。配海鮮有d 蹝。如果配肉類好似更惹味。甜品好多款都賣哂可惜。不過有生日碟拉番好多分數。真真真真係好靚。原本要求一隻fatty 點知得到fatty and puffy with birthday cake and chips and cookies …. Omg … really really best birthday gift to me 😍 可惜餐廳表示畫畫的同事放假。見唔到他真身說謝謝有d 可惜。真係爆like 。多謝晒！ I will be back~

土瓜灣近年出咗好多特色小店，今次嘗試呢間，因為見佢係西式餐廳，但又整特色煲仔飯，幾得意。二人前，叫咗「龍蝦湯」，「大蝦明太子忌廉扁意粉」，同埋「松葉蟹甲羅盛 •海鮮•日式煲仔飯」。意粉個cream好味，不過🦐就應該係雪藏🦐，未算鮮味，整體中規中矩。至於個煲仔飯比較出色，啲飯都吸收晒材料嘅鮮味，淨係食飯都有味👍🏻甜品叫咗「Pistachio Custard」，「Creme Brolee」，兩個都唔會令人失望，加上佢提供生日畫公仔服務，真係好有心思❤️，每個客人都唔同，值得加分👏🏻

🍵Pistachio Latte: 開心果味好香，開心果控必試🐤海苔炸單骨雞翼👅參巴辣蝦醬牛舌: 起厚切牛舌，好有咬口🥘大蝦蟹肉、蝦頭油、日式煲仔飯：用料豐富，加埋少少飯焦，💯🍝龍蝦尾海膽汁扁意粉: 龍蝦啖啖肉，個海膽汁做得唔錯🍰🍦原味、開心果 basque cheesecake, 豆腐/沖繩海鹽雪糕：賣相同味道都值得一試

西班牙風乾火腿蜜瓜芝士沙律 🍖🥗 $88沙律有加入甜醋，酸酸甜甜，十分開胃，而且蜜瓜超甜🍈，有意外驚喜！火腿味道唔會過鹹味，加入芝士，配合得好出色！☺️#salad鵝肝．和牛封門柳🥩．日式煲仔飯 $268封門柳超軟腍腍，牛味濃郁，而且鵝肝非常香濃不油膩，淋上帶有淡淡酒香嘅甜豉油，大推薦！😍#煲仔飯松葉蟹甲羅盛．海鮮· 日式煲仔飯 $198海鮮煲仔飯有香脆嘅飯焦，口感豐富😋#煲仔飯#甲羅盛Rum 葡萄巴斯克軟心芝士蛋糕 🍰 + cream brulee 🍮$58芝士味香濃🧀，質感軟滑，有淡淡酒香Cream brulee 蛋味香濃，性價比極高#芝士蛋糕#Cream brulee#巴斯克Smoky Highball 🍸 $88蘋果木做煙燻，加上檸檬🍋

朋友已經黎過好多次，推薦咗我哋食招牌煲仔飯。我地揀了鵝肝和牛封門柳日式煲仔飯及松葉蟹甲羅盛日式煲仔飯。 煲仔飯煮得好香，好入味，亦都好有特色。另外，我地叫了炸軟殼蟹海鮮芝士咖喱鍋•烤油餅，最意外係烤餅，整得好香，點咖喱係好好味。 咖喱好足料，軟殼蟹好入味香😙😙，食緊時候老闆不時關心我地食物質素。 芝士蛋糕，我地叫咗好幾隻味道，慶祝朋友生日❤️❤️師傅幫我地擺得好靚，碟上畫畫得好靚❤️❤️朋友好開心。

5/5/2024📍Nonsense 呢間係土瓜灣嘅cafe 主打巴斯克芝士蛋糕同埋日式fusion菜即日係open rice 訂位就得 餐廳環境冇特別靚 但都坐得舒服嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨開心果巴斯克芝士蛋糕 配焦糖燉蛋（$58）超好食！開心果味好出 中間位做到軟心嘅效果 店家標榜係低糖少油 但一樣好好食😋焦糖燉蛋細細粒 焦糖面夠脆又唔會太苦 燉蛋夠香夠滑 🉐✨松葉蟹甲羅盛海鮮日式煲仔飯 （$198）蟹膏撈勻蛋黃同埋啲飯之後 味道唔太出 海鮮方面有帶子、蝦子、八爪魚、青口、蠔有提供甜豉油 撈埋落去好食啲我哋都覺得煲仔飯最重要嘅係飯焦 但唔知係咪呢個煲嘅關係 我哋整唔到飯焦🥹 有啲失望✨炸軟殼蟹海鮮芝士咖哩鍋 配烤油餅 （$248）咖哩有得揀辣度 我哋揀咗小辣 唔覺得好辣 好易入口 芝士份量好多 下面keep住開火熱住個鍋 令芝士有拉絲嘅效果 軟殼蟹索咗啲咖喱汁好好食😋下面鋪咗好多紅蘿蔔粒、薯仔粒 海鮮種類同煲仔飯果啲一樣烤餅得兩塊 有啲少✨Mango smoothie ($58)還好 有少少人工感覺⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我哋食咗$618 （連加一）主