noc (形點 I )

營業中

休息中

突如其來的黑雨令我可以享受一個寧靜的早餐時間，上了巴士才發黑雨逗號於是就在yoho town落車，然後就揀咗呢間我好鍾意嘅coffee shop，叫咗煙三文魚牛油果吐司同埋一杯latte，煙三文魚好肥美、牛油果都好靚好熟，咖啡唔使講，因為一向都好有水準。

📍🇭🇰由於喺上面樓層嘅餐廳食完午餐落嚟同朋友傾陣計所以就只係試咗佢嘅茶🍵✨環境我哋坐喺餐廳外面嘅座椅🪑但都屬於商場入面坐得好舒服，有涼涼嘅冷氣🌬️小清新風格，環境非常乾淨🤍 🫖飲品🍊柑橘洋甘菊茶 淡淡地黃綠色💛聞落有陣清新嘅柑橘香味仲有少少洋甘菊嘅花香🤍兩者味道交融，恰到好處有種淡淡的甘甜味帶到種清新而平靜嘅感覺🍓果莓國寶茶淺淺嘅紅茶色🤎聞落有陣酸酸甜甜嘅莓香味飲落有少少帶酸嘅莓味味道比起柑橘洋甘菊茶嚟得衝擊但都值得一試👍🏻💁🏻‍♂️服務 店員服務態度好好，好有禮貌👍🏼 ✨推薦分數 : 9 / 10

元朗NOC Coffee Co.（形點I G010號舖）以日式禪意設計聞名，環境清幽舒適，一試難忘！招牌全日早餐（$148）份量十足，包含香煎大蘑菇、太陽蛋、煙肉及薯餅，食材新鮮，牛油果蓉與酸種麵包完美搭配，健康又滿足。咖啡是亮點，玫瑰拿鐵（$48）花香濃郁，拉花精緻；元朗限定煙燻伯爵茶薑味梳打（$52）清新消暑，帶微辣薑香。甜品如酥皮青提撻（$58）外脆內軟，果香撲鼻。店內以木系裝潢與綠植點綴，採光充足，適合打卡或悠閒小聚。服務親切，QR code點餐快捷，住客享折扣優惠，性價比高。作為亞洲50大咖啡店之一，NOC以高質咖啡與輕食，成為元朗文青咖啡廳首選！

好好食！閑日早上，突然想食西早餐，對呢間cafe本來無乜期望～點知個all day breakfast 超好味🤤！ 有圖為証！加左一之後係$19x….杯matcha latte 茶味適中～ 正👍🏻但價錢係貴，佢呢個價錢$200，再加多一百幾十蚊就可以食酒店既breakfast buffet 了～環境乾淨、簡潔、明亮，店員有禮貌～非常好👍🏻 其實係咪閑日，無乜客先有既質素😅？揾日再試試先！

木系簡約裝修，環境清靜全日早餐$148煙肉腸仔烤菇西蘭花芝士薯餅都好熱辣辣，還配有半隻牛油果，兩隻流心蛋，還算豐富牛肉沙律碗🥗$148牛肉五成熟，配有溫泉蛋，無花果，牛油果，南瓜，蕃茄仔，下面沙拉菜，還有兩片酸種麵包，好健康，吃了一個餐都幾飽腹除了貴沒有什麼缺點晚上人唔多，得幾張枱，可能呢個價錢仲有其他選擇

唔知而家係咪真係少咗人，出街食晚飯，晚上6:00左右，Cafe不是太多人。 以環境嚟講： 清靜舒服，可以同朋友食吓嘢傾吓計都唔錯。食物就OK啦，杯咖啡都幾好飲，幾香滑。呢個All Day Breakfast 唔錯， 個大蘑菇幾香，仲有一個好似薯仔咁嘅鬆餅物體， 都幾好食。NOC Benedict 還可以。 不過配嘅汁就唔夠惹味。跟一個藜麥沙律，就幾清新，同埋都幾新鮮。整體OK 啦， 不過就真係貴咗少少。 可能係咁，所以人流唔係太多。

好奈冇飲NOC嘅咖啡今日久違飲下 叫左個oat milk cappuccino 好好味一啖就飲左半杯😋比錢嘅時候同咖啡師講今日杯咖啡好好飲 咖啡師笑得好開心話自己都喜歡飲oat milk咖啡😆 都唔知係咪咖啡癮發作 夜晚又想去飲多杯咖啡🤣諗住去食埋個dinner啦 點知去到見到係個冇着制服嘅人沖緊咖啡 睇清楚D係以前嚟食嘅時候好鬼死串又態度幾差嘅白毛男😥嗰下即刻有啲退卻 都係等下次見到係啲妹妹沖咖啡先再嚟食啦🫡

☕️NOC Coffee Co📌元朗形點1 G樓G010號舖·元朗探朋友，她帶了一隻小貓出來用餐所以要找個合適的地方。原本去的餐廳仍未開始營業，於是我哋選擇咗NOC，來這裡要講運氣，因為這兒只得「一個」可以供給寵物的位置！好彩，有。希望他們可以增加可以容納動物的位置。來這裏當然都係欣賞佢哋啲食物和咖啡，多次再訪。今日天氣太熱，要了一個冰涼的飲料。·濃縮咖啡氣泡特飲飲一口冰涼有氣的咖啡，濃縮咖啡加上湯力水和冰塊，爽。Flat White 拉花漂亮，入口柔滑。香煎三文魚手工扁帶麵三文魚柳煎得外皮香脆，熟度剛剛好，手工扁帶麵吸收了湯汁的味道，濕潤好味。墨西哥雞肉餡餅軟糯的墨西哥包外層烘得少少脆，滿滿的雞肉和芝士還有洋蔥碎蕃茄等，健康美味。跟餐還有一個穀物乳酪，加上蜂蜜的吸引，好美味。香煎牛肉沙律碗牛肉叫3七成熟，熟度是可以的但牛味唔濃，沙律碗食材豐富，有沙律菜、櫻桃小茄、無花果、南瓜、牛油果等還有一隻水波蛋，顏色繽紛引起食慾。

由西營盤食到過嚟元朗，咁多年最鍾意都係食佢既Chicken Quesadilla配Homemade Granola❤️ 雞肉墨西哥餅雖然聽落比較普通，但蘑菇熱熔芝士配上熱辣辣嘅墨西哥餅皮，永遠都係王道配搭！而且Noc Version嘅餡料較多(雖然價錢都不便宜🥲），小小一碟每次食完都好有滿足感。而額外配搭的Greek Yogurt Granola烤得香脆可口，同時亦不會太甜，當飯後甜品感覺就好似比較健康🫢

今晚1953落了order： 2 杯飲品+ 2 份食物。2 杯飲品很快送到，但等到2035 ，2 份食物未見蹤影。追問之下，回覆是廚房收不到單😥。 可否立刻補做？ sorry ，廚房已收工，所以幫你唔到。😡真心希望店方檢討究竟是system 廢？ 還是人為錯誤/ 疏忽？

行完山，減緊肥嘅我，係yoho唔知食乜好，睇睇下都係揀NOC食嘢，因為NOC嘅嘢食又健康又好食，呢度嘅環境正正常常啦，服務都係普普遍遍😂黎呢度都係為咗食佢嘅麥芽糖烤雞肉沙律,啲雞完全唔鞋,好怕食鞋嘅雞胸,仲有牛油果,無花果,水煮蛋,南瓜.蕃茄,沙律菜,完全係減肥恩物.唔想自己喺屋企整好食然後 我都好鍾意食佢嘅墨西哥鹹餅入邊有烤雞啦，芝士,菠菜等等,非常健康，仲要有一個迷你香蕉藍莓乳酪添簡直係健康之選 正👍🏻

7月1日5點幾黎食嘢 坐低店員告知今日sourdough賣哂所有有sourdough嘅菜式都會換沙律菜問店員係咪冇其他包代替店員話係 佢哋得一隻包雖然明明睇到menu仲有個炒蛋多士仲有牛油麵包 但算數 都唔緊要啦 避過有sourdough嘅菜式叫咗burger同雞肉餡餅配乳酪杯點知個乳酪杯黎到 店員話今日冇哂granola如果你想可以俾啲沙律菜你😂😂？？？？？又沙律菜？大佬啊 你咁大間嘢又係咁開分店又剩 三日連假你都可以冇預夠食材granola仲要已經唔係咩新鮮食材 冇哂叫人去附近超市買住幾包頂都得啦如果你話你哋特別來貨冇得超市買 為咗保持食品standard唔可以隨便替代 都ok但你哋可唔可以識變通下呢？ 乳酪配料冇咗樣 你咪俾返多啲其他乳酪配料囉 點都唔會係又話俾沙律菜咁九唔搭八啊嘛？你哋啲定價已經唔好平嫁啦完全係冇諗過點樣做去comfort啲客俾人嘅感覺係乜都換沙律菜俾你 又成本低又去到呢啲料咁與其係咁開分店 不如諗下點樣做好每間舖先

I found a good western style breakfast cafe. The coffee is good for sure, but the breakfast menu have many choices and all ingredients are very fresh and nice. Very worth it for money and the price was reasonable.我發現一間好食嘅西式早餐咖啡廳。咖啡肯定好好飲，而早餐菜單有好多選擇，所有食材都好新鮮好味。物超所值，價錢亦都合理。

海鮮意式雲吞伴龍蝦汁🍝意式雲吞皮薄，而有咬口，幾好食。🤭但係個餡令人有少少失望，成個餡係芝士，其實好香，但如果淨食個雲吞會覺得過重鹹香味。🤔如果夾埋其他一齊食就會調整番個味😉所以都ok~ 啲蝦食落都彈牙，無腥味，感覺都新鮮👍🏽酸種包焗到幾脆身，外脆內軟，點汁食應該一流。不過龍蝦汁不夠味，😿食唔到龍蝦汁嘅味道，有少少可惜檸檬氣泡特飲🍋🍋飲品去cafe飲嘢就一定係貴，正常味而唔係難飲其實係幾好食同分量都多，不過178再加一嚟講，我覺得有性價比更高嘅餐廳。😹不過都係我依啲窮L想法。😂😂😂😂

星期日點零鐘去到noc ，見到都有成10 個人等緊位，但見到入面其實又有吉位...執枱同帶位好似都係一兩個人，同出餐既人又分開，所以就應該人手唔夠都招呼唔切。等左5-10分鐘其實都已經安排到入座，餐廳最旁邊有兩pair 類似打座咁既位置，餐枱高度係座位水平，職員直接將我地分左埋去坐，好彩我地都只係飲杯野食件pastry，如果食正餐就唔會了。Pastry 選擇唔算多，可以去cashier睇到display，或者直接係QR code 落單都有張細圖睇。兩個人叫左：- Latte (中）- Flat White (大）- Rasberry Danish Rasberry 都幾酸，下面配住吉士醬，夾住食可以中和一下，都幾好食- Ham & Cheese Croffle 食落反而冇咩特別，薄薄火腿上面有焗到半溶既芝士，被芝士蓋住既Croffle 就自然冇咁脆見到餐廳都有BB highchair 提供，coffee shop 黎講都照顧到有小朋友既家庭，都抵讚。餐廳位置近商場出入口，所以排隊位置同餐廳最外既位置都比較熱。