Next Station Dessert (已結業)

旺角晚飯後再來Next Station，水準依舊 點了Pink Lady($58): 賣相十分討好，猶如一個心形女孩穿著一身粉紅色。pink lady材料豐富， 有士多啤梨泡沫、士多啤梨乳酪雪糕、玫瑰奶凍，還有新鮮多汁的marinated strawberries!奶凍玫瑰味不太突出，我覺得味道反倒像士多啤梨味多一點，可能因為其他材料都是士多啤梨味，但奶凍質感滑溜，和其他材料口感形成對比，仍是一個重要的元素。士多啤梨雪糕加上士多啤梨泡沫，令到雪糕更滑更香，每啖都像吃到新鮮士多啤梨一樣。整體口感層次豐富細膩。士多啤梨味好fresh，甜甜酸酸，味道清新。****我們還點了店內另一人氣產品test tube 2.0 ($68)。店方用了boiling tubes來盛裝三款不同的甜品(左至右)：Oasis (椰子奶凍+菠蘿慕絲)，伯爵紅茶奶凍，特濃朱古力慕絲，可以一次過選到三款甜品，適合愛試新東西的人。而test tube 2.0的餐具還別具心思，選用了spatula, 很有做lab的感覺呢！先試味道最清的Oasis(椰子奶凍+菠蘿慕絲)，我和男友都最喜歡，底層的椰子奶凍添有椰子粒，增加口感，

成日有鋪甜品癮 晚餐食完咸既 就想搵啲甜野滿足下我第2個胃 不過個晚既晚餐食店無甜品 所以我同朋友就搵左間係附近既甜品食下又順便吹兩句 因為晚餐食既時候大家好肚餓 暴風式吸入甘好安靜依間甜品之前都幫襯過 覺得氣氛同食物都幾好 幾岩同閨密談天睇睇menu 我同朋友都鎖定左依款甜品 而我就再揀左紫薯窩夫 內心有個紫薯魂 一見紫薯野就忍吾住點環境暗暗地 幾有feel法式朱古力班戟配青檸雪芭 其實我不嬲麵鍾意食班戟 而今次依個係朱古力味 岩晒我 佢既班戟皮好薄 欣賞 朱古力既慕絲係裡頭 最入而就好似吉士甘 凍凍地 整體吾會勁膩 但如果3個人一人一件就會更滿足 物以罕為貴嘛 同埋多人食試多啲會開心啲 另外佢既雪葩配搭又係一流 因為青檸清新又fresh 可以一洗膩感 酸酸地又冰凍 好刺激紫薯窩夫配雲呢嗱雪糕 窩夫好重蛋香 雪糕係雲呢嗱味 都幾重 同埋會見到雲呢嗱籽既蹤影 窩夫一切滿滿既紫薯另外佢又烘得暖暖 所以滿足到我依個紫薯控 加上薄身 外微脆內軟 口感不錯 但食食下略嫌有啲dry 我就點下側邊既醬 創意一下新既味道有糖漿同埋朱古力糖漿 蘸完再hi啲雪糕上去 一冷一熱甘 冷熱交融 同朋友兩個人

一個人的下午,無聊等人,倒不如來個甜品呆坐一會!呢度既甜品一向特別又精緻今次點了個酸酸甜甜的粉紅甜品My Pink Lady草莓泡沬HKD58單單看其賣相已愛上養眼度十足它由"Tequila Roase Pamma Cotta, Marinated Strawberry, Pink Lady Yogurt Ice Cream"而成味道酸甜一入口已有陣陣草莓香氣滲出最愛其草莓泡沫加上草莓乳酪雪糕乳酪好濃冰涼口感,更不錯味美醃製草莓:微微鹹味,加上草莓的甜酸味,十分特別而底層係Tequila酒玫瑰奶凍,有點點酒香,同時有玫瑰奶凍的幼滑口感及玫瑰香氣味道獨特一款清新特別的甜品,值得推介!

晚飯過後到甜品的時間，我和家人路過這間甜品店next station dessert , 看見店內環境清潔衛生和給我舒坦的感覺，便決定入去試試朱古力心太軟（$62）朱古力心太軟和曲奇雪榚的配撘恰到好處，朱古力甜不膩，心太軟軟綿綿，曲奇雪榚吃上來有一粒粒的曲奇，制作認真紫薯窩夫（$58）甜綿清香的紫薯蓉灑落外脆內軟的窩夫之中，十分有創意，再配上雲呢拿雪榚，十分開胃最後，我認為這間餐廳的食物質素不錯，環境寬敞，店員有良好的服務態度，所以我覺得這間餐廳值得再惠顧

The first time I tried Next Station Dessert was when it was located in Jordan. I had thought at the time the desserts were pretty good and we had return there a few times. But it was often very quiet as maybe the location wasn't very good. Later it moved to Mong Kok, in an area where there are already three other dessert shops. There was always a decent line but my friends seem to like to choose HeSheEat across the street.Well, on this night, I was with boyfriend! We decided to have dessert afte

甜品癮起係open rice見到食評不錯🤔 坐低每人一杯水，好小甜品店有呢個服務，抵讚心太軟係甜品中數一數二既至愛，配埋曲奇雪糕，呢球雪糕有餅底墊住，呢個配搭口感不錯至於呢到既心太軟有另一個玩法 可以揀加酒，我就揀左草莓忌廉甜酒吱落心太軟中間 。next station 既心太軟岩哂我〇味，高純度巧克力味道，唔會食幾啖就覺得好漏好濟。加埋草莓甜酒，食到中間似食緊酒心巧克力

女朋友突然話想食甜品，咁我就緊係即刻上網睇下有咩好推介啦，好快就見到一間有好多人推介，而且佢既紫薯窩夫仲大愛好評，對於我呢個紫薯迷黎講，諗都唔洗諗就出發啦！好快就到埗啦，快快入去醫肚，入面裝修都比人好舒服好休閒既感感，好適合行完街黎抖一抖，傾下計。由於我黎呢到已經有鎖定好既食物，所以好快就揀左紫薯窩夫配雲呢拿雪糕。除左紫薯窩夫仲有2個醬，一個係蜜糖醬另一個就係朱古力醬。窩夫新鮮整好，做到外脆內軟，除左面頭會有紫薯粉之外，入面都有紫薯蓉，微微既紫薯甜味，特別適合男仔既口味，如果喜歡食再甜一d，仲可以加個蜜糖醬或者係朱古力醬。但我就喜歡加埋雪糕係面食，簡直係又凍又熱又脆又軟，滿足曬你幾個願望。呢個雲呢拿雪糕，好香好滑滑，而且唔會雪到無曬味，味道好濃郁。而我女朋友就叫左個朱古力心太軟配草莓忌廉甜酒。上面既係一個草莓甜酒，比你擠入去心太軟既內部，因為心太軟會有微苦。甜酒正正可以中和番，而且唔會搶走左可可豆既微苦味道，真係絕配。當然心太軟既重點都係要流心啦，呢到絕對做得出呢個效果，外面軟綿綿加上流心既朱古力，食過真係番唔到轉頭。我都好欣賞佢地對整甜品既熱誠，同埋好創新，值得一讚。

悠閒嘅週末加上姊妹淘相聚…甜品當然不可缺少啦今次揀左位於旺角黑布街嘅next station dessert…全落地玻璃,由外面望入去…木系嘅設計…一邊係高檯,旁邊係寫滿粉筆字嘅黑板,介紹著甜品…另一邊就係平時嘅檯…不擠逼…感覺很舒適…係relax嘅好地方…接過menu…甜品款式都很多 … 有signature嘅test tab, cheese tart, 各式嘅慕絲,窩夫,拿破崙…我地當中有綠茶控,紫薯控及朱古力控…我地喺menu入面都揾到自己嘅target紫薯窩夫…淡淡嘅紫薯香…窩夫很鬆軟…份量都十足…它們有配上楓糖醬,朱古力醬及雲尼拿雪糕…我偏向配雪糕…因為唔會蓋過紫薯及窩夫嘅味道綠茶心太軟…一切開…wow…很濃嘅綠茶醬湧出…很香綠茶味綠茶與紅豆永遠都係最夾暖朱古力慕絲…很豐富嘅一杯面層係朱古力慕絲配士多啤梨雪人,下層仲有雜莓及brownie…莓味中和左朱古力嘅甜…以至不會太膩芒果拿破崙都很推介…餅嘅部份很鬆化…吉士醬不會太甜…芒果就很鮮甜呢度嘅甜品份量都十足…好適合我地幾個女仔share嘅時候都唔會覺很唔夠喉

今日和友人去完旺角食完飯,想食甜品知道黑布街開了好幾間新派甜品鋪,便同友人去試下,見到依間個名幾特別,見到門口個餐牌又好吸引,所以揀咗依間。行到入嚟，有啲似去咗酒吧的感覺，有啲暗,有3行bar 枱櫈,有一行。更對住廚房位,見到廚房的廚具大部份都是不銹鋼的材料,好渴望自己都擁有這樣一個廚房 我和友大揀了粟香紫薯山,買相很靚,紅,黃,啡,紫唔同顏色好sharp. 相信這個是必叫之選,因見到店鋪的黑板也畫上了這個甜品這甜品用了個長碟,吱滿了粟子蓉,上面鋪滿了杏仁碎片。紫薯蓉亦有多粒分佈在碟上。粟子有好香粟子味連同杏仁一起吃,很香口。純紫薯蓉,好似吃咗一個蕃薯紫薯球,底有焗蛋白襯托著杏仁碎,甜中有好香的紫薯蓉,好似食緊毛士,好滑流法式朱古力班㦸配青檸雪芭。有3件朱古力mouse用蛋皮包 著,食落好rich ,裏面 加了些脆脆粒粒,,內裏還有些黃色好似奶黃的物體,原來是餐廳秘製的,感覺林林地好得意,朱古力迷不可錯過,配上青檸雪芭,一濃,一清新,形成好強烈對比。芒果乳酪,沒有用太多冰和乳酪混合,不會飲到只是得冰碎,好香奶和芒果味,芒果味好出可能現在是當做季節.還帶點酸酸的乳酪味,食完咁Rich

甜品係女仔心目的最愛，因為覺得食完之後會有幸福的感覺。今日同友人去呢間甜品鋪，入到覺得有復古的味道；桌子用木造；天花用吊扇做裝飾；仲有吧檯坐。侍應好好人，一見到我地入到去：就即刻遞左杯水俾我地，覺得佢地好細心。 之後點左紫薯窩夫和綠茶心太軟：由落單到上甜品：大約10分鐘；始終叫呢兩個甜品製作時間係比一般為長。落左單之後就俾餐具，餐具都好乾淨；紫薯窩夫先嚟，佢配左雲呢嗱雪糕：旁邊有楓糖同朱古力醬用嚟點窩夫。首先先食原味：窩夫的蛋味好濃，紫薯蓉都幾多，紫薯味都好重：但兩者無搶大家的味，好配合。點朱古力醬，我就覺得朱古力唔太甜又唔太苦；而點楓糖之後，好似食熱香位餅嘅感覺，好味。而雲呢嗱雪糕旁邊有玉桂粒，先食淨雲呢嗱雪糕，唔太甜但又夠滑。之後加埋玉桂粒，玉桂粒好脆，食落玉桂的香氣徘徊在我個舌頭。綠茶心太軟配上左士多啤梨雪糕：綠茶外表好似綠茶蛋糕，一吉開D綠茶汁流哂出嚟；先食佢個餅，好夠熱而且食到綠茶的甘味，無得彈。

吃飽了飯後，又是餵飽甜品的胃的時候。第一次和媽媽吃甜品，就決定再來next station dessert，貪這裡的甜品用料比較特別。天氣熱，加上剛吃完飯不想吃又飽又滯的甜品，所以就挑了兩款比較清新和輕食一點的款式。*佛手柑吉士($58)最上層是加入了佛手柑果蓉的吉士；在吉士和吉士之間，是一層士多啤梨雪芭；底層是一個餅底；伴了兩片啫哩。佛手柑吉士打得很CREAMY，不會太甜太漏，酸酸甜甜的，所以胃不會感到很沉重；士多啤梨雪芭在剛上枱的時候都很硬，比較難切開，吃了約十分鐘後，軟硬的程度就剛好了，又不會溶成水一樣；餅底札很薄很硬，很香牛油香，大概是用了完整的一塊餅，而不是餅碎加牛油；啫哩的味太淡，不知是否先吃了一比較甜的吉士。*熱情果梳乎里配野莓乳酪雪糕($56)熱情果味的梳乎里，配上野莓乳酪雪糕和熱情果醬。梳乎里的可塑性很高，可以加入不同的味道，而不會有違和感。梳乎里剛出爐，就算在中間切了一刀，不會很快塌下來。熱烘烘的梳乎里很軟綿綿，杯內掃了很多糖所以沒有痴杯底；梳乎里雖有淡淡的熱情果味，但將熱情果醬倒上輕輕的梳乎里上，更添美味；野莓乳酪雪糕內有果肉，且很冰凍，一熱一冷的；不過這球雪糕太

今日食完飯時間仲尚早，難得約咗朋友出黎冇理由咁早返屋企架…於是你決定尋找一間甜品鋪坐多陣hea多陣再吹下水！聽說黑布街左好多甜品舖，所以我都決定去嗰邊尋覓一下！最後揀咗next station , 因為見到佢門面裝修都幾靚！最緊要係睇佢個Menu裏邊有好多款甜品揀有啲都幾吸引！上網睇呢度嘅紫薯產品都幾出名所以都心思思想試一試！經過一輪掙扎後我哋決定揀栗香紫薯山！果然相片與實物好相符！係一樣咁靚！見到已經流唒口水，急不及待想開動！本人一向都喜歡食紫薯！試過有d餐廳味道比較淡…但係呢度嘅紫薯非常之濃郁！好似真係食緊一個新鮮嘅紫薯一樣！好有紫薯而且好有口感！栗子蓉更加有驚喜！甜而不漏！加上雲呢拿雪糕成個感覺都好夏日！朋友一向係綠茶控！對於所有綠茶嘅產品都會好想試！所以揀咗一個綠茶窩夫配紅莓乳酪雪糕！窩夫充滿淡淡的綠茶味配上紅豆簡直係無得輸，綠茶同紅豆係最襯嘅配搭！而雪糕方面紅莓乳酪雪糕大有驚喜，實在係好清新！食完整個窩夫都唔會覺得好飽，因為乳酪中和返個飽嘅感覺！今次緊緊甜品鋪的確無錯！甜品埋身美麗而且坐得舒服！仲會有水俾你飲，服務唔錯可以再黎！

在難得悠閒的星期六下午，悠閒地品嚐美味的甜品是最大的賞心樂事。在年輕人蒲點旺角區，有不少甜品點選擇。位於黑布街的這間甜品店於網上食評好評如潮，早已想來試試。 甜品店給予人舒適悠閒的感覺，檯椅的放置不會像一般的甜品店般擠迫，裝潢雅致。開放式的廚房乾淨衛生，讓食客更放心。店家提供的甜品款式都是自家創作的，心思十足。款款甜品都很吸引，令我選擇困難症發作。最後選擇了近年大熱的紫薯甜品和身為綠茶控的我不能錯過的綠茶甜品。 栗香紫薯山紫薯山的底層以脆脆杏仁蛋白餅承托，紫薯山上有一球濃郁的雲尼拿雪糕。綿綿的紫薯蓉跟香的栗蓉份外匹配，兩者混為一體來吃味道豐富，甜而不覺膩。 焙茶心太軟配金莎朱古力雪糕加入了抹茶元素的心太軟，從香濃的朱古力漿中滲出抹茶的清香，口味一流。熱辣辣的心太軟再配合冰凍的金莎雪糕來吃，爽! 香蕉乳酪新鮮香蕉乳酪，不會太甜，感覺清新又健康。 這間新派甜品店出品的甜品不但美味，而且賣相極佳，可見製作甜品的嚴謹，值得推介!

我相信女孩們真係有兩個胃的 某個週五晚上同朋友食完正餐後 急不及待到Next Station Dessert延續下一份美味我地點左法式朱古力窩夫配青檸雪芭 同 綠茶心太軟配野莓乳酪雪糕先黎既朱古力窩夫幾香軟 口感亦唔錯 而綠茶心太軟就帶少少應有既苦澀味 配合心太軟上既紅豆食都唔會過甜 另外青檸雪芭同野莓雪糕都非常清新 配上窩夫同心太軟食恰到好處下次一定要再黎試其他甜品

甜品是治療精神緊張、沮喪、心煩、口淡的偏方，但是女仕門要小心晚上食過量甜品或太夜食甜品會引致肥胖?! 事關做野太辛苦太累，真係要揾野來「調劑」下，於是臨時8點幾約老友，走去食番個甜品，又諗起網上提及過Next Station Dessert好食，聞名不如見面，就走去旺角試試啦。星期四晚上還不像週未，所以不用等就可安排位置給我們，我想食飽肚的甜品 (事關無食東西而空肚飲酒會好易醉)，我朋友則想食酸咪咪的甜品，於是叫了 紫薯窩夫 配 雲妮拿雪糕 和  佛手柑吉士。紫薯窩夫 配 雲呢拿雪糕:繼紅豆後我喜歡紫薯，雖然窩夫本身實在普通不過，呢個紫薯窩夫的紫薯真是好足料，單睇個橫切面就見到紫薯有幾厚。紫薯味好夠，我朋友話熱辣辣的窩夫再配上朱古力醬和糖醬，個味就出哂黎，對我來說朱古力醬味道過濃，紫薯的甜味好像唔夠濃，單食唔沾醬就剛剛好。另外，我欣賞這個雲妮拿雪糕，雲妮拿味好重，質感好稠好實在，放在碟上很久才開始慢慢溶掉，雲糕裏有一顆顆小小的籽，証明老闆不是買市面上果種「鳥巢」級數大眾雪糕來頂當。半溶的雪糕沾上紫薯窩夫，無疑提升了窩夫的境界。佛手柑吉士:我朋友十分欣賞這個甜品，我試了一點都好認同，因為