Next Station Dessert (已結業)

心太軟半價，襯最後一日就去試吓啦！同朋友仔叫咗兩個心太軟，一個係焙茶心太軟，另一個係酒心朱古力心太軟。焙茶心太軟好少地方有得食佢個味道清清地，唔算太甜雪糕應該都係焙茶味，好夾！推介！另一個酒心朱古力心太軟配曲奇雪糕我哋揀嘅係橙酒！朱古力味好濃郁，反而冇咩橙酒味蛋糕入面嘅朱古力醬比較企身，唔會一切開就湧出來鍾意濃郁朱古力味嘅朋友應該會鍾意晚餐都冇乜點食，食完真係好飽！

又來到黑布街的Next Station Dessert, 超多人排隊，原來係五月為左慶祝開店兩週年，心太軟半價優惠，咁我地都唔執輸排埋一份。大約排左三個字入座，環境都比較迫，睇黎大家都係為住心太軟而來的！點了焙茶心太軟和抹茶心太軟 (半價後為$31/$29) 抵到爛，每一個都係熱辣辣出爐，絕無馬虎，流心餡好rich! 焙茶味都十分特別，有少少回甘味，啱哂想試新嘢的朋友！而抹茶的流心無咁杰，不過朋友鍾意呢個多點，而且心太軟仲會配上雪糕🍦，去中和其甜膩感，大愛金莎味雪糕，好香的榛子味而奶香又幼滑！ $29食一個心太軟，係抵食架！

因為經常聽朋友說，今天的旺角，已很難有港人的容身之所，說的是旺角已經被大大小小的表演者所招據，故此，如非必要，我也不會選去踏足這彈丸之地。適逢今日約佐朋友去潮特買球鞋，所以，我來了。到達食店的時候大約晚上8:30，正值甜點的「黃金時間」，所以人龍也比較長，大約有4-5 group人，為了食好野，當然等啦！等了大約15分鐘，店員便為我們安排座位了，這等候時間是絕對可以接受的！走進餐廳可見，裝潢非常新淨，你不會相信此餐廳已開業一年多！打開餐牌，他們的選擇的確非常多，而且很多也十分有創意！例如用test tube去盛放甜品啦、番薯山啦，等等，而且從圖片所見，每一款甜品也制作精細，感覺把它們擺放在酒店的餐牌也絕對夠班！而今次我們便點選了2款比較特別的甜點。栗香番薯山 ($65) 7/10這個甜品做得非常漂亮，首先在它的頂部放有一塊很甜的糖塊，雕刻成一把尖刀的形狀，然後下面用栗子蓉拉了一條像跑道的軌道...超濃的番薯蓉上面再放了一球vanila 雪糕波，我和朋友花了5分鐘去為這件藝術品拍攝才捨得「起筷」呢！由於個人不太喜歡栗子做的甜點，所以沒有吃太多的栗子蓉，但喜歡的，必定懂得欣賞，因為真的超濃

五月廿六日，六點半左右，同友人一行三人黎試下。一入到被安排坐高櫈位置，講真其實唔太想，坐得好唔舒服，而且無櫈背既。一心諗住等普通位果邊啲人走左，就調位坐過去。點知啲人食完都坐左好耐下。落左單四圍望下先見到有個牌寫住like fb 有九折，之後入到fb 睇又發現五月份叫心太軟有半價優惠。梗係要嗌黎試試啦。搞到店員改左兩次單真係唔好意思。不過店員都好好禮貌。紫薯窩夫食落好脆口，中間既紫薯味都好出，但略嫌紫薯份量少左啲，啲邊位就有啲無紫薯味啦。另外有古力同楓糖醬點。芒果乳酪由於坐左bar 枱，杯野飲個杯又係好高，每次飲都要拎起，放返自己個水平位先飲到，有啲麻煩，又滴到啲水。味道方面略為淡味，不過就夠大杯。焙茶心太軟 配 金莎古力雪糕本人一向鍾愛心太軟既甜品，一冷一熱，蛋糕加雪糕，多重口感，複雜既感覺響口腔內交織，每次食都會有種幸福既感覺。一切開見到好多漿流出黎，同友人第一句都忍唔住講 太多漿啦，焗耐少少會蛋糕口感多啲，就會更好。焙茶既味道好出色，心太軟係焙茶味都係第一次食，好香好濃郁，絕不欺場。古力雪糕亦好點晴，兩樣加埋都唔會太漏。

下一站唔係天后。。。。下一站係。。。。。。。甜品！食過午餐，行左陣街，悶熱天氣驅使我地入去食個甜品消下暑呢款法式朱古力班戟配青檸雪芭 ($58)朱古力非常香滑, 一舊切開兩份可以一啖一舊, 朱古力充滿晒我口腔內, 最令我LIKE既係佢唔太甜, 食落唔會有好膩既感覺; 而個青檸雪芭夠晒清新又夠凍, 炎夏日子食真係透心涼, 可能係法式關係, 以雪芭黎清洗一下味蕾, 再食下一個甜品........哈下一款出場係今期甜品紅人 - 紫薯, 化身成九宫格內既紫薯窩夫配雲呢拿雪糕 ($62)一客兩件, 切開窩夫見到有紫薯餡, 甜度適中, 食到紫薯香甜味, 另有朱古力醬/糖漿伴食, 個人覺得加糖漿會梗加好味, 當然伴以雲呢會雪糕都唔錯啦, 一凍一熱, 味蕾新衝擊兩款甜品賣相吸引, 份量適中, 食完成個人都Refresh晒！

食過番尋味，上次食完覺得其他都好吸引，決定再食。今次同朋友一齊試新款，3點開門。3點幾黎到，都已經9成入席。上次都試左以上餐牌中有名氣既紫薯萵芙，都係很不錯。甜品種類算多 而且不少款都幾特別少見。芒果班戟配雪糕。 與街外既款式不同，係長條形 而且面層淋上芒果醬。所以口感比較特別 。 cream同芒果分佈平均 。唔會食到成〇都係cream。 芒果當造 夠香甜。佛手柑吉士。朋友話唔想食太甜。見到餐牌寫住推介比唔太食甜既朋友。的確佛手柑吉士酸酸甜甜 。配中間一層草莓芭菲一軟一硬 口感好得意。佛手柑甜品少見。可以一試雖然差不多坐無虛席。但環境氛圍舒適放鬆。同朋友可以慢慢詳談

🔅Test Tube 2.0 $68 小編建議食法次序:1.Oasis (椰子奶凍、菠蘿慕絲）最頂部有檸檬薄片嘅精緻裝飾，食落唔會好酸而且好脆，椰子奶凍較為淡味，菠蘿慕絲則很滑很有菠蘿香，有啲清涼感，三者混合食，食到夏日嘅感覺，很清新😀2.伯爵紅茶奶凍唔知點解小編第一聯想到嘅味道係。。。奶茶😮初時聞到好濃嘅紅茶味道，嚇親我，以為好膩，夜晚唔洗訓教😟點知食落係淡淡香醇嘅茶味，一試難忘😌3.特濃朱古力慕絲最上層有白朱古力碎碎；接着有果醬，應該係莓醬，入面有莓籽，幾有咬感；最下層就有主角-朱古力慕絲，好滑好濃郁，最喜出望外之處，唔會好甜，一啲都唔膩😋🔅長長長香蕉班戟配野苺乳酪雪糕 $55其實呢個甜品本身係配朱古力布朗尼雪糕，但小編偏愛野苺，所以轉左雪糕味道😙先講下雪糕，食落唔會太酸，但入面啲乾果粒就好酸，好醒神!!😛至於班戟，同平時出面食嘅好唔同，用少量奶油(淺黃色，香蕉味!?)包住適中Size嘅香蕉，入面仲有少少朱古力脆米，口感豐富，啱哂怕食奶油食到膩而又怕肥嘅女士們（小編）🙈🙈*用班戟點溶左既野苺雪糕，好開胃而且仲好夾👍🏻所選用嘅餐具都好特別哦😗用起來就知很貼心😚👍🏼店內提供水，方便清清

位於旺角黑布街的Next Station Dessert早已聞名遐邇，在附近吃過午飯後，距離Next Station Dessert的開門營業時間仍有一段距離，於是到附近媽咪買了一底雞蛋仔逛了逛，直到下午三時後終於有機會到訪，其實心中早已有目標清單，決心這次難得來到定必要一次過全部吃進肚子裏去獨自吃了三款甜品，倒是覺得店員姐姐有點被嚇到😂只有一人的我被安排坐於吧桌位置，雖然拍攝食物照片有點不太方便，但是就能窺到師傅製作甜品的過程，窩夫更是師傳直接遞給我呢紫薯窩夫配雲尼拿雪糕 ($62)首先上桌的是紫薯窩夫，窩夫中間夾著一層紫薯蓉，面層再灑上紫薯粉，未吃已經先垂涎三尺！紫薯蓉味道十分天然和足夠，帶有紫薯本身淡淡的薯香和質感，半點亦不過甜而窩夫本身亦做得相當出色，外脆內軟，即使經過歷時甚長的連環拍攝後依然香脆，沾上半融既雲尼拿雪糕，冷暖交融，不過略嫌雲尼拿雪糕有點遮蓋了紫薯蓉的味道，所以個人認為先嚐一口窩夫然後再嚐一口雪糕就最好不過了旁邊還附有糖漿和朱古力醬，不過我認為朱古力醬味道和紫薯窩夫不太配合，忽發奇想如果換上紫薯醬和紫薯雪糕，豈不是更天衣無縫？抹茶心太軟配野莓乳酪雪糕 ($58)心

食糖水既呢間的確幾好食，款式夠特別，又唔會太甜，今次就試試其他款式！Baileys軟心心太軟，賣相特別，由自己選擇注入幾多baileys！注入baileys後，又唔會影響朱古力既味道！有四款酒心選擇，橙酒，草莓忌廉甜酒，朗姆酒...外面心太軟既皮做得好，食落同baileys朱古力蓉，脆軟分明！到呢個焙茶鬆餅，金莎朱古力脆脆雪糕，鬆餅軟得黎唔會粉，配上醬料都唔會好甜，其中一款醬似earl grey，幾特別！擺法都好精美，甜品都可以咁有藝術感！

6 May 2016與筆友們享用完晚餐後，大家都耳猶未盡，便到附近找個落腳店，適逢長期住於熱門餐廳的甜品屋沒人等，便來光顧一下。友人1號點了個紫薯窩夫，我偷食了一口，只覺窩夫口感偏硬，紫薯偏乾，沒有想像中好吃來到我的朱古力心太軟配曲奇雪糕和百利甜酒，將甜酒加進去，然後一剖開，朱古力便滿瀉，味道很濃郁，雪糕感覺則一般以性價比，我覺得CP值不高。雖然聲名很高，但實際一試卻覺得平平。 

第一次食到流心嘅酒味心太軟，舌頭係心太軟嘅甜與苦之間遊走。紫薯窩夫脆又香，唯紫薯夾心太少，窩夫可厚身啲就更好嘞。而且人不算太多，坐bar 檯嘅好處係甜品可以第一時間新鮮送到客人嘅檯面。洗手間得一格，真係要等好耐，洗手間地下又有啲油，可以改善一下。都算是不錯的甜品舖。

黑布街一帶有很多甜品店，next station dessert是其中一間經常很多人排隊的甜品店。和朋友今天有點貪心，點了4道甜品，每樣都賣相精緻，味道多層次，不是普通甜品店的水準。Test tube 2.0未進店已經決定一定要點這一道了，3枝tube分別是oasis(椰子奶凍，菠蘿慕絲）伯爵紅茶奶凍，特濃朱古力慕絲Oasis味道清新，菠蘿味顯然是主角，清新後帶來奶香味。伯爵紅茶側奶茶味重，不會膩。朱古力愛好者必然喜歡最後一枝，超級濃郁，甘中帶苦。My pink lady,草莓泡沫可愛造型即時加分，草莓慕絲與泡沫入口即化，帶來濃濃草莓味，中間有很多煮過後的草莓，口感軟熟，整體搭配有多層口感。佛手柑吉士佛手柑打蓉後加入吉士，酸酸的。怕酸可以和草莓芭菲一起吃，平時很少見佛手柑甜品，感覺新鮮，上面的檸檬乾脆卜卜幾得意，不吉歡吃甜的可以試這道甜品。焙茶心太軟配金莎朱古力脆脆雪糕流心效果一流，未吃已聞到很香茶味，口味成熟，不甜，雪糕很香金莎味，吃到脆脆，增加口感。感覺next station dessert與一般甜品店不同，比較精緻，追求口感與味道的融和配搭，在口感上也考慮周全。

今晚同朋友唱k，唱完就搵下甜品食啦！搵搵下，就見到呢間next sataion dessert門口大大個牌寫住5月心太軟半價優惠，當然就比佢吸引左啦！心諗半價心太軟其實會唔會唔掂?但結果又......真係ok喎。埋單29蚊一個，堅抵呀!

旺角食肆林立，甜品小店開到成行成市，今晚與朋友晚膳後，意悠未盡。當然是再來一個甜品，才是完美。旺角黑布街近年開了很多西式甜品店，這家「next station Dessert 」是以實驗室的格局，配合柔柔燈火下，型造玩味甜品。店面時尚陳設, 門外餐牌亦相當吸引, 女孩子經過時一定把持得住去光顧。待應端上甜點時「芒果班戟配士多啤梨雪葩」這件藝術品一定已吸引你目光。薄薄的餅底裡面包着芒果慕思和朱古力脆粒，卷起之後成長條形，一片片切開進食甚方便。芒果肉微微酸甜，配合慕思同吃不會腻，果肉的份量足夠，還有配上士多啤利乳酸雪糕，酸甜度剛剛好。這個「紫薯窩夫」的賣相賞心悅目。窩夫焗得外脆內軟，紫薯粉鋪滿整個餠。熱騰騰的窩夫一咬下去，紫薯的香味四溢，令我們一口再接一口。沾上蜜糖及朱古力漿，令口感層次升格，雪糕是雲呢拿。鬆脆的窩夫配上雪糕，一冷一熱，十分美好。

Next station dessert未到九點已排長龍，排了十五分鐘。之前已吃過紫薯山，味道未見突出。一進店內，已聞到心太軟的香味。今次點了佛手柑吉士。第一次接觸佛手柑，黃色吉士味道有點像檸檬酸，帶少少柑的味道，甜甜地又酸酸地，一點也不膩。中間的草莓葩菲有微微的草莓味，也是帶少少酸。比起只有甜味的甜品，帶酸味的甜品更吸引。夏天將至，吃完之後感覺很清新。服務方面，店員十分醒目，雖然客人很多，但店員很留意每位客人的需要。見到menu上的每個甜品也有造型，伴碟也花了很多心思，十分有誠意