Neway Karaoke Box (已結業)

可能唔係星期五六房間都算夠坐(4人)野食有鐵板, 串燒, 冇骨海南雞, 即整蛋卷, 刺身, 熱盤等等由晚上6點唱到11點 真心覺得酥皮龍蝦忌廉湯同鐵板好正但好野都會限量供應例如酥皮湯就由7點到9點9點後就會轉cream brûlée 同心太軟如果好彩就可以食到幾轉服務都幾好不斷有職員會清走啲吉碟價錢包2杯野飲檸樂同咸檸7都唔洗加錢最後有學生證就免加一

友人生日 Neway 唱K & Buffet 生日者免人頭費 送疍糕香檳(5位送1位)可以唱到5pm~5am 219+48+10% 約$300@ 有2杯冇酒精飲品 “但唔可以轉酒或啤酒“再買啤酒半打就要 另加$218+10% 唱到12點都聲都沙 很愉快…… 閃訂位要小心 注意 : 開咪前確認幾多位 就要畀幾多位錢人頭可加不可減 小心……訂咗10位 房間很細 坐6個人就較理想得2張枱 又要放咪 又要放食物 又要放飲品坐10個 開玩笑 連企起身都有困難想起甴曱屋 黐實唔好喐 點可以咁差後加到11位轉房 房就大啲…… 因接待員話: 不如加多位(11位) 換間房就大啲……友人嚟咗加多1位就轉房 “竟然間房係大1倍”咁都只係合適夠坐 ……可以舒服啲行出行入 去吓厠所 講吓電話男女侍應都係靚仔靚女 有禮貌 有反應換咪 落單 要水 執嘢 都快手 讚人山人海 自助餐 6~10點 任取食物都豐富嘅 係普通質素 炒菜炒肉 燒味 輪流出品 冇勿重覆 錯過就下次再來幫襯 或者會見到食得飽冇問題 大廚手藝味道好彩遇見燒鴨半隻 攞倒隻脾想留畀生日妹之後就冇再見”燒鴨“出 (幾百人食半隻燒鴨!？)食嘢啫！ 都要講

原先訂左 8 人，最後改得 6 人出席…房間比預期中細，可能因為星期五晚關係，沒有大房，細房也玩得開心。K buffet 由6:00-10:00供應，印象好似比其他分店較長…食物質素可以喎，當然不能與酒店那些作比較。一般不會對K buffet有太大期望但呢間既食物，由壽司、燒物至甜品，總有啱食的味道不錯的選擇。食物相就無特別影了。呢間既服務快捷，飲品一叫轉頭就送上，換咪速度都好快…唯獨是洗手間…好似水戰過咁，濕濕滑滑。

今次小妹係第一次嚟食K buffet, 以往都係唱開下晝k！而今次就想試下食K buffet 不過經過今次之後我都有少少失望。 我知道假期係會好多人唱K既,於是就前幾日去打電話去Book定,不過我由成日改時間，因為要遷就番朋友，啲staff都好好冇嫌我系咁改時間…… 18:15去到去到5/F登記，我地係要食埋buffet 唔知點解啲職員可以俾間房可以俾到我地咁遠,要行一大截 好啦！入到房之後，搞掂好哂 我就出去攞野食，而我朋友就繼續揀歌…… 啲野食俾我第一個印象，唔係好吸引而我攞左少少啲生腸，個湯就係青紅蘿蔔湯，不過我就搵唔到青紅蘿蔔……茄汁腸同生腸好好味，同埋一啲甜品幾個蛋糕，同一個椰汁粟米布甸 好好味 ，不過就係唔見有刺身(原來7點之後先有)，由於我唔係咁肚餓擺左少少去食先，食少少唱住K等刺身……過左7:00之後刺身就報到而我係三文魚刺身同鰻魚迷，不過每人只可以攞兩款三文魚四件，鰻魚就三件，啲蝦都好好彩得最後幾舊都可以攞頭先見到好多人攞意粉，我又冇去排，等到啲人少啲先去攞……而意粉有兩個汁底一個係白汁，一個係茄汁，而我揀左白汁，仲有兩個topp

It was the first typhoon no.8, the best activities of typhoon day should be sing K or play marjong. .We selected sing K. Because of typhoon, one price could sing from 5pm till the next day. .Around 270 per person, included a dinner buffet. .Cold dish included smoked salmon, soft but not much taste. spring roll was good.

幾個麻甩放工的晚上，成班走去唱K ,我地決定黎個任食buffet，D人成日都話好伏好伏。火腿白汁意大利粉又幾得意，不過一食就知白汁都係比較cheap，火腿就好咸，意大利粉普普通通冇乜特別。蜜瓜哈密瓜西瓜，生果夠哂健康，估唔到呢到有得揀好多生果，新鮮切出黎幾爽口。生菜牛肉鍋D牛肉質素好低，似係＄20.1磅個種批發價，食落冇乜牛味，而且D生菜有少少黑色，唔新鮮。腸仔青口夠熱，但青口有D韌，難咬左D。炒飯田螺唔夠熱，好彩田螺冇沙！食物真係普通到唔普通，勝在選擇夠多而且價錢唔貴

今日同成班朋友唱k,好耐無食K Buffet, 攞左三文魚同油甘魚刺身，厚切有魚味，唔孤寒喎!有素魚翅，可以自己選配料，有:蟹肉，魚肚，花膠，仿鮑絲，滾好放竹筒，賣相唔錯，貴價碗仔翅，另外見到有蛇羮，有菊花同脆卜卜，不過蛇羮唔見有蛇肉，所以我無攞，中湯係年藕髮菜蠔豉豬骨湯 ，飲了一碗無味精，味道夠搵到章魚年藕材料，鰻魚手卷，師傅傻左俾好大件飯黎包，食唔晒，辣酒煮花螺，堅辣但好惹味，螺肉唔韌入味，蒜芯炒雞肉，夾了一些蒜芯好清甜，炸雞扒炸豬扒，普通無特別，海南雞飯，雞肉起骨，油飯好香好吸引，食得飽肚凍蝦比想像中新鮮，爽口有蝦味，仲大大隻，翡翠螺都爽口，青口無特別，點一試茄汁醬和辣椒仔，仲有中式蒸魚，不知道什麼魚，應該養魚，蒸得還算滑，就有酒店水準，有飲品椰汁冰，椰汁味好濃，唱K只包2杯飲品，椰汁冰添加了多次，很解渴!食物尚可，生日前後5日免人頭，現在neway有很多外籍客人及老人家添，相信因為晚餐抵食。今日星期日，可以無限唱!

同好友過年三十，睇完戲就過旺角唱卡拉ok!順便食個K-buffet!價錢唔貴！$198入場（包兩款無酒精飲品），buffet加$48，房間唔大，設施幾好！6點準時開始，食物分開幾個區，款式都幾多！凍蝦：幾爽口青口：點汁好味啲凍螺肉：有咬口，不過無乜味！ 三文魚刺身：厚切，肥美！幾新鮮炆豬手：炆得入味！皮彈牙！海南雞飯：賣相靚，雞無雪味，不過胸比較厚，所以偏嚡！芒果糯米飯：糯米飯彈牙，加甜椰汁好味！芒果好甜又大隻，好香甜！太史五蛇羹：湯底香濃，入面材料多！好味素翅：一般炒秀珍菇：厚肉彈牙，微辣香口炒四季豆：炒得香口！豉油王炒腸粉：彈牙，但豉油王唔夠入味！茄汁腸：腸衣唔彈牙，正常切餅：朱古力最好味！紅莓好味，芝士味好濃！凍檸茶：正常Lime soda:朋友飲食物水準比以前好，大部分都好味！店員就比較hea，炒意粉兩個後生一邊玩一邊炒，我哋6點出到去，好似海南雞檔口嗰個店員，佢仲慢慢戴帽戴手套！係啲客人企咗响度等，佢都唔會理你嗰隻，不過態度唔係唔好！佢都肯招呼我哋！好似芒果好靚，第二轉要求唔要飯只要芒果都得！雞要雞胸都得！呢個價錢都值得食！食物區地板好黏會員折咗$208一位！

暑假時段唱K真係要打定電話去～如果唔係就真係冇位！暑期時段就會限時限刻去處理人流，所以都好趕架～邊唱方食，食完都夠晒鐘。。。旺中呢間都算好多野食揀而且質素我覺得好OK～唯一美中不足就係你入左房，但廚房未開始就冇得嗌野食，令到食既時間更少。。。夏天想入房後即刻飲杯涼浸浸既野都唔得，要等。。。今次叫左沙薑海南雞飯！有驚喜雞既份量好多，等如係外面食既兩倍，食雞都食飽呀～最緊要有好多薑蔥!仲有黃油飯同湯附送～埋單連加一連一杯無酒精飲品只係＄89, 算係咁啦掛！

今日即興同兩個朋友仔走左去食k-lunch本身諗住唱REDMR， 因為啲野食好食啲，可惜撞正星期六加埋六四，好多K房都冇位，最後終於係旺角中心既NEWAY搵到，諗住好既又一餐唔好既又一餐，都係唱K姐，野食都係其次啦。入到去點野食，餐單入面都係慣例有A-J咁多選擇，同行友人揀左個咖哩肥牛飯，但我作為一個專食伏野既食家，見到個叫雲吞雞煲加個飯既餐，嘩! 認真9唔搭8，所以決定就叫佢，正所謂，唔賭唔知時運高，唔食唔知好唔好食嘛，還掂NEWAY既野食都唔預會好食。好快咖哩肥牛飯就黎左，我試左一啖，嘩! 咁好食既，咖哩係日底咖哩，一上菜就聞到佢既香味，略辣但容易入口，咖哩甜味亦適中，肥牛大若有6塊，油脂分布平均，飯亦都係用左日本白米，白飯粉粉分明圓滿可口，總結就係呢個飯非常有日本餐廳水準！NEWAY轉死性呀，定係終於知道今昤今日咁既食物質素先至掂呀，搞到我開始對我既雞煲有啲期待。終於，雞煲終於上場，waiter好禮貌咁幫我打開個蓋。首先，我飲左啖雞湯，好肯定係史雲生雞湯，雞肉雖然係冰鮮，但仍然做到好滑嫩既口感，白菜亦唔係菜頭菜尾，份量足夠，絕對係有誠意既K房食物。總結黎講，NEWAY野食係好食左

朋友同我即興，到NEWAY唱K順便幫我慶生。2女1男的組合，唱起歌來都易拼很多。店員先帶我們入房，間房個主題係醬油，都幾搞笑。應該係宣傳手法一種。留低一位點住歌唱...安頓好後，2人立即出去拿東西吃。類別都好多，差不多每個範圍都有一至兩個店員負責服務。首先經過呢個火腿雞絲翅！同朋友一人叫一個，味道都係碗仔翅咁，偏咸，只能當湯，沒有真翅的高尚！但用竹筒實在係幾特別！跟住去到大堂，見到最奪目的就是那隻片皮鴨！一路轉轉轉，一路睇表演，雙重感官的感覺！味道的確好好味！皮薄餡靚！咬入去啖啖肉加埋醬汁好滋味！但真係等左好耐~~佢慢慢去搓個皮好蒸熟佢需要好多時間！個店員又不多理會，一直都得我一個耐心咁等！諗住房深係包2杯飲品出面個BUFFET就冇飲品！竟然仲有2款COCKTAIL! 一款你MOCKTAIL一款你COCKTAIL！都係落左STRAWBERRY，BLUEBERRY，青檸，薄荷葉等等，味道一樣好飲一樣麻麻地，一樣香果味，一樣似清潔劑！但至少可以多D水份飲下...都5錯有幾款海鮮！有扇貝、有大蝦串、有鮑魚、響螺、青口..青口同響螺都係以冷盤做的，5腥，可入口，青口腍身，響螺切片會食得方便D，

雖然K Lunch只有兩個鐘，要唱K又要食野，但食既野都唔可以求其架。巴西雞脾扒芝士腸伴香飯配紅酒汁 $87雞脾去骨，夠細心，話哂要忙著唱歌，仲邊有時間慢慢拆肉呢。再配上車厘茄、粟米、翠玉瓜，色彩斑斕。但紅酒汁…竟然有啲似燒汁、洋蔥汁既味道…皇牌車打芝士肉腸焗豬扒長通粉 $87一睇賣相就好吸引，一大堆芝士肉醬，仲有塊厚切豬扒，相當足料。蠔油菜心 $8要食得健康，就要追加一碟菜。菜心大大條，係啲蠔油整到碟邊都有，整潔度扣分者。Fruit PunchLunch set包一杯無酒精飲品，fruit punch好有汽。

難得放假有時間就來同班Friend K Lunch下既然這個是食評，唱K 內容和趣事就不說了，只是討論食物。這是本日菜單，有五個菜選擇。第一款本來都想試下，不過要加$10感覺略貴。就選了第二款，韓式泡菜雞柳大碗飯，以及凍檸茶。本來都不是太大期望，想不到比想像中好味。賣相不錯，放滿泡菜及雞柳，感覺好韓式同新鮮，色彩又繽紛，仲有堆冬菇。小小辣，雞柳都幾滑口，幾好味。大家下次唱K如果見到有這個一定要試下。

It is obviously cheaper at Neway compared to CEO but for Tea, you only get a mug whereas you get a flask at CEO which has at least two cups in it.The tea was luke warm so the tea flavour wasn't really strong.

今日同朋友去慶祝生日，就唱k(happy hour) ...我地叫野食，五分鐘就到(服務都算幾好，原因我問佢地幾次又要求拎野又落order)。但老實講，唔好期望咁多...我地叫左2個炸薯條、一個迷惘海鮮卷、一個茄汁燒牛肉意粉、炸雞翼、千島菠蘿沙律；一個薯條凍、一個好夠熱；慶幸薯條有薯肉。而迷惘海鮮卷，食到我都幾迷惘；因為食哂成舊，都無海鮮在裡面；最好的dish 已經係燒牛肉意粉，個茄汁內有茄蓉。都尚算夠多汁，係燒牛肉少D之外。個炸雞翼係全餐最好個兩樣嘅其中一樣。夠熱又又夠脆口。千島菠蘿沙律我係食菠蘿係真係幾好,栗米都只係罐頭粟米，所以唔評啦。野飲方面，叫左熱檸水，杯熱水係苦嘅，檸檬苦即係個檸檬係爛的。好多茶記都犯呢D小問題，更何況一間neway...PS.我覺得呢間野的食物係比較普通之外，我欣賞佢的服務態度，話我有朋友溜左個水樽，有職員主動走出嚟俾我地。