My Own (已結業)

呢間小店由厨師一人一手包辦，所以食物款色不多，主要係日式的料理為主。因為店內座位有限，很多時會客滿，以及留意彈性的開店時間。今日是1230開。店內環境佈置，明顯是厨師的愛好和收藏，充滿懷舊的童趣氣氛。我哋叫咗一個牛肉烏東同一個炙燒豚肉丼。另外再叫咗一支山形的樽仔奶茶。牛肉烏東湯底比較淡味，牛肉肉質正常，烏東Q彈，充滿蔥花的香氣。炙燒豚肉丼比較香口，充滿蔥及麻油味，豚肉十分爽口好食，正！樽仔奶茶選了現代口味，不甜，但本人喜歡奶味重，這個味道不及茶餐廳的味道。

太肚餓嘅時候唔可以黎😭老細一路煮一路聞到好香愈黎愈肚餓😭（同埋大機會黎到無哂位）炙燒豚肉丼$68🌟🌟真係食到滿滿嘅心機🥰🥰豚肉（其實係咪豬頸肉？）炙燒同超級香，油脂出哂黎😋😋將大部分串燒/日式定食都比下去，惟一可以挑剔係唔夠熱🙈蔥同洋蔥都切到超級幼（自己煮過飯切過就知要幾有耐性🥲）洋蔥caramelised 得好好，蔥對我黎講就太辣🙈飯可能煮得過左少少，嘥左啲高質米🙈焙茶奶凍 $38🌟🌟茶控嘅我表示可以再濃啲，呢個係大眾程度？但絕對係足嘅，同埋唔會太甜質地滑到痴線，入口食唔出魚膠嘅感覺，已經係似mousse / cream🤩有好多樽裝奶茶選擇，可惜嗰日無😢然後餐廳裝潢唔係好grand 嗰啲，但個feel 好温馨好有日本居酒屋feel🥰

“My Own” 直譯為「我的」，既是代表著店主打造出來的露營小天地，也是對自身出品的一份自信表現。炙燒豚肉丼以焦糖洋蔥配上煎香後以火槍輕炙過的豬肉片，油香四溢中帶著洋蔥的香甜，蓋在淋上胡麻醬的白米飯上，再灑上滿滿的蔥花，最佳的食法便是一匙由上而下插入，同時感受食材多層次交織出的豐厚感。沖繩風豆腐沙律份量極大，尤其喜歡其中豆香味濃郁的豆腐，再配上切成薄片的沖繩苦瓜，與帶有柑橘香氣的沙律汁，以新鮮的材料製成製成最清新的配搭。不因世俗而妥協，保持自己的步伐，走出自己的路，或許就是這小店迷人的地方。My own space. My own pace. My own recipe.Representing the owner’s personal faith, My Own is the little cozy space of his camping soul, and a creation hub of his Japanese gourmet, including grilled pork donburi rice and Okinawa style tofu salad.

lunch time去左試呢間高質日式小店, 可惜因為全部野由店主一手包辦, 位置只有around 10個比較少, 不過值得一試💯1. 野菜烏冬 (另外有蕎麥面揀)而家冬天最岩食烏冬暖胃, 碗野菜烏冬有6-7款野菜包括比較特別嘅羽衣甘藍, 烏冬係手打烏冬個隻質地好有彈性2. 玉子牛肉丼玉子係流心蛋王可以用離撈飯, 令到成豌飯唔會太dry, 而且牛肉好淋好入味, 牛肉下面鋪左一層洋蔥吸曬牛肉嘅肉汁, 配飯一流Overall 非常滿意, 會encore😋

從店鋪裝修就睇得出店主係行山+露營+figure愛好者🙌🏻店主同一時間只會接6檯客嘅order 完成手上order再接新order 大家要比啲耐性 唔好急！一個人經營絕對唔係gimmick咁簡單 所以嘢都親力親為之餘 仲可以保持食物質素 好犀利👏🏻👍🏻·玉子牛肉丼 $78牛肉肉質鮮嫩 醬汁同飯嘅比例啱啱好～加上蛋黃、少量洋蔥同蔥 撈埋一齊食 口感超豐富！·滑蛋鰻魚飯 $98鰻魚飯上面嘅滑蛋真係超出色 好似一層疊一齊咁 食落夠香滑又唔會好油膩～鰻魚表面油亮 香氣滿滿 醬汁可以甜翻少少🙌🏻·牛肉蕎麥麵 $68牛肉好似越南牛肉湯河嘅牛肉 湯底好清 飲落都好舒服 最近天氣咁凍食完個人即刻暖哂！不過肥Glor都係鍾意凍嘅蕎麥麵多啲啲！下次要試下佢地個冷面～·豚肉蕎麥麵 $60豚肉都煮得啱啱好 唔會好鞋 鍾意豚肉嘅朋友可以試下～📍 My Own (西環)西環南里16號地下A3號舖*去之前記得留意佢地社交平台 如果唔係就有機會摸門釘㗎啦！

小店係店主一人運作，由接待、落單、煮食、收銀都一腳踢，暫時只招待到堂食6人，同另一位朋友去剛剛好坐bar位，食物款式唔算好多，但係睇得出有心機，最緊要係好食，仲要唔洗加一服務費。同朋友分享，叫咗個苦瓜沙律、炙燒豚肉飯同素菜烏冬，沙律🥗個量好足唔會偷工減料，而且個sauce好好味。而個飯係3樣中最好食，燒得啱啱好唔會好「鞋」，配埋個汁又係一流，初初以為叫3樣2個人會食唔晒，但啱啱好。下次會再去，但都係要早啲去，唔想排隊😂😂😂

早前睇open rice發現樓下原本間糖水舖轉左做間日式小店, 今晚專登黎試下裝修都幾靚,走日系懷舊風,墨綠色牆既另一邊掛住露營用品我地order左一個豚肉弁，牛肉烏冬同抹茶奶凍。唔記得影下個牛冬 豚肉弁：豚肉燒得幾香，加上麻醬好夾,蓋上大量芝麻同青䓤推介 但個人覺得個米飯既質地偏林身同濕,可能加多左水？牛肉弁：友人讚個湯底夠濃郁原本想order焙茶奶凍不過今日無。抹茶奶凍：不太甜而抹茶味足夠，同上面個幾粒脆米好夾呀我發現全店既風格都好一致無論食具同d器皿都好懷舊風，店主侍應同Background music又好文青feel XD哈哈哈😆我個人最鐘意光顧d心機小店, 果然無失望。希望下次再幫襯可以試埋個焙茶奶凍

料理，十個家庭就有十種風味南里，一人料理就有My Own的日式風味 新開的My Own是一間小店店內環境似置身日式家庭裡今次來到用午餐，料理CP值很高，價錢公道，食物質素不錯值得推薦雞胸沙律芝麻醬 $65 蔬菜配料很新鮮，味道確實清甜，配上香口的芝麻汁有一定保證鰻魚炒飯 $88 飯炒得很鬆很香，粒粒鰻魚口感豐富焦糖燉蛋 $42焦糖表面燒得很脆，蛋亦很滑整體來說，餐廳用餐環境不俗，食品用料新鮮，值得再回頭，下次可以試蕎麥麵