My Little Bella

店內坐位大概十多個。佈置簡單舒服，尤其適合小朋友。店員十分友善。本來想試下另外一種牛肉三文治, 但由於自己表達人夠好。錯點了呢個黑椒牛肉有三文治。三文治用麥包。裏面除咗有生菜，番茄同黑椒牛肉之外，還塗上少少芥辣醬。味道與牛肉很夾，而且冇咁寡。輕食之選，會再去。…查看更多

聖誕節係D2 place行，見肚餓，又唔想食D2 place既貴價餐廳，行行下見到對面有間小店，就入去試下。見menu 又唔貴喎, 而且野食又吸引。朋友點左 紅油麻辣牛肉餃子，食得出餃子係自己包既，起碼皮薄唔太厚，入面牛肉唔太咸，配埋出面既紅油麻辣醬簡直係絕配，夠香口，麻得過癮奉勸各位食左其他淡味野食先，同埋叫杯凍飲，因為食完包你麻辣味係口裡留香，鐘意食辣既人可以一試我自己就叫左個 慢煮牛肋肉芝士三文治伴自製薯條 我個人比較鐘意食慢煮既肉類，因為留得住d juicy 口感，又keep到肉味。正正依個就做到啦，牛肋肉口感同味道都配合到，加埋芝士，十分香口，不過個人不太好芝士，所以食到一半就覺得漏同飽，所以女仔應該會食唔哂。反而薯條有驚喜，原來係蕃薯條，砌得又靚，食落又唔會話太乾身，而且蕃薯夠粉，所以食落好夠味 另外點左兩個湯，一個中湯：響螺海參豬𦟌湯同埋西湯：牛肝菌忌廉湯中湯個人認為有少少咸，不過都可以接受既，料都好足下，真係似住家湯既感覺，不過無咁咸會仲好西湯反而淡味少少不過牛肝菌好濃而且個湯都好creamy ,唔似得出面餐廳咁得個咸字總括黎講都唔錯，老闆好人會走黎傾下計問下意見，而且聽講佢地會不停轉下menu , 所以會再黎食多次…查看更多

炸薯超好食！外皮極之香脆惹味並帶有少少黑椒味，內在好有薯味極新鮮唔乾身，即叫即炸夠晒熱辣辣！等待時間唔長，大概7分鐘左右，賣相十分好，芝士牛肉漢堡芝士味重，洋蔥及其他配菜新鮮，牛肉煎得好香而且勁多汁超好味，絕對係用心高水準之作！份量夠，夠飽肚！食材及質素比我平時食開過百元既burger絕對有過之而無不及！有驚喜！地方舒適乾淨環境寬敞，服務招呼也很好，老闆會主動同我吹水，很nice。👍🏾👍🏾👍🏾下次見😋…查看更多