MX (友誠商業中心) (已結業)

我向來中意打邊爐, 一直都覺得美心火鍋喺快餐店來講算好食。但因為住元朗, 元朗冇美心, 所以好少食。 呢日同男朋友放工出左旺角行街, 就去左美心打邊爐。美心最近出嘅追鍋族火鍋, 有3款可以揀: 鮮氣迫人海鮮火鍋、酒不醉人醉雞火鍋同牛氣沖天肥牛火鍋。而我地就叫左鮮氣迫人海鮮火鍋同酒不醉人醉雞火鍋。HAHA, 成枱都係好豐富酒不醉人醉雞火鍋呢個真係冇得頂! 我本身係醉雞怪來的!勁中意食醉雞湯底同醉雞! 一見到有, 當然就要叫!!個湯真係好好味! 我勁中意! 醉雞又大碟, 有六大舊!然後明明係雞火鍋, 仲有2隻大蝦! 然後除左醉雞, 仲有雞片, 一樣好滑好食!跟住仲有個飛魚子雞滑, 但呢個就一般般, 淡味d~配料仲有2粒水餃啦, 2件腐皮角,1條蟹柳, 1件魚片頭, 1件南瓜, 2件粟米。個底都仲大量生菜同油麥菜!食過幾間連鎖快餐店一人火鍋, 美心真係最抵食最豐富!食完真係好滿足鮮氣迫人海鮮火鍋呢個就係男朋友食嘅, 佢就叫左芫西湯底~圖中呢個多芫西嘅陣容, 係我地自己後加芫西的店內有自助調味吧, 個度有大量芫西碎可以拎~中意食芫西嘅朋友, 記住要去拎呀同樣, 呢個係海鮮火鍋, 但除海鮮外,

星期六下午去了這間餐廳，都未食晒所有食物，就已經覺得好凍，並且凍到頭痛。食咩我就不嬲對佢都覺得冇問題，環境更加覺得佢比較好但係實在太凍都唔知點解咁樣設計間餐廳。坐一都凍到頭痛。

今日行完街,諗住去食個tea,咁近近地又可以涼冷氣咪去美心過下冷河,買野食走,n年無黎過,記得以前黎到美心,最鍾意就係食燒味飯,同埋海南雞,但果陣時岩岩出黎做野,之後都好少再黎,今次都係因為星期日ot,先食下以前入行既辛酸,黎到望一望餐牌,通脹都幾犀利,諗住食個撈麵啦,番到公司一打開,變左硬頂頂既,我明take away既都一定會有少少發脹/乾左,咁佢都好好人有湯可以撈番,可能佢個都太多,定係佢個碗太細,仲知撈起上黎唔勻,搞到個都忽咸忽無味,雖然燒賣係唔錯,但呢個質素不如我自己撈好過！

下晝去食下午茶，俾同事帶咗去食個簡單快捷嘅湯麵，去咗旺角西洋菜南街嘅美心MX!! 依家美心要落地底，由於我都好耐冇食過美心，所以唔知道佢有啲咩選擇~我同事見到我好迷惘，就同我講話湯瀨粉最好食於是，我就叫左燒鴨湯瀨粉 佢個餐仲送埋可樂,所以覺得好抵因為我有特別要求，就係唔要鴨胸，所以到我等得比較耐少少，但係都唔好過十分鐘！拎到瀨粉之後，先食瀨粉，覺得好好味，好軟身，雖然就冇我食開個隻瀨粉咁正宗，但係都味道正👍🏻👍🏻 燒鴨腳皮好脆，咸度啱啱好，燒鴨既汁，配合淡淡嘅瀨粉，中和返，好味，會再黎食

我覺得美心 時不時 都會出下新野，有心想做好d. 新野 唔係豬肉轉牛肉就叫不同款，係有特色的。本來想食鐵板，但某快餐廳的唔太吸引，就轉左來美心。美心的不是鐵板扒，係碟上的，但就附 酥皮龍蝦湯， 好似仲吸引喎. 就嗌咗個西冷扒套餐，$69 包凍飲上菜時， 塊扒極厚， 仲必緊啲泡泡汁，約5成熟吧。即叫即製。好味。 至於酥皮龍蝦湯， 因為個人很喜歡酥皮浸湯的味道， 所以很喜歡， 但公正啲講， 湯的味道是一般， 冇中伏亦冇驚喜。同埋呢間沒咁多大陸人識來，會小人d, 同舒服d。overall 來講~ Maxim I will come again~~

因為花園街美心倒了，就只好去地鐵站附近的mx.排了很久终於拿了外賣回家。不知是否地點 關係 所以上湯浸菜 也變得要加 11元。今天點了新菜式泰式湯河粉。 沒有上次的撈烏冬好吃。 湯底沒有特別。豉油湯底 配的牛丸牛栢葉 和牛肉也沒有特別好味。 就是一個非常普通 剛合格的味道。 要說的一定是那驚嚇的上湯浸菜。 其實已經吃了一些 但 再繼續吃的時候突然發覺它有一件不尋常的東西浮起來就看一下。 為何那東西是有腳的! 即時嚇得不敢再繼續吃了! 之後 拿了出來看一下，我也不知道那是蟲還是曱甴! 總體來說就是一堆驚嚇! 我想我應該不會再去這間美心了。我很怕呢! 這些蛋白質我覺得不需要補充啊!

去咗美心點咗抄蛋叉燒飯套餐。加杯熱奶茶。埋單要$55。個套餐有中湯送。係紅蘿蔔雞腳湯。個抄蛋叉燒好熱。新鮮抄起加入細粒叉燒，入口好滋味。混入飯就更加好食。加上個紅蘿蔔雞腳湯好清甜。好飲。屬老火湯。杯熱奶茶好香濃。$55就貴咗D。

今早我們去咗旺角嘅「美心MX」買外賣自取食！我們買咗薯蓉·脆嫩魚柳配牛角包嘅魚柳炸得唔係好香脆，炸粉亦比較厚身，魚柳嘅肉質都算嫩滑，牛角包就烘到燶咗啲！榨菜肉絲湯米粉配腸仔煎蛋嘅榨菜味道比較鹹，肉絲嘅份量唔係太多，米粉都幾爽滑！火腿湯通粉配腸仔煎蛋嘅通粉都幾煙韌彈牙，腸仔嘅外層煎得唔算好香口！

當然, 身為一個窮人, 要搵美食, 只可以搵D平民價架啦而平民價既野, 快餐店一定成日會食夜晚一個人係旺角, 去咗食美心快餐好好味, 好好食, 我真係覺得個雞扒飯係好好味加杯野食都係41蚊, 晚餐黎講, 算係咁個雞扒炸得好脆好味又多汁, 皮又脆, 肉又多好值得食, 當自己一個唔知食咩好個陣

尋晚係旺角做完野，一個人冇咩想食，咁又好少食美心，近近地就走咗落去咁見到我平時快餐店我都會叫既焗豬扒飯，咁都係$44，價錢合理，叫完到拎咗個飯坐低，全程𣎴用5分鐘，真係好快重點黎啦，個賣相真係馬馬地，表面芝士好硬，感覺放咗好耐，塊豬扒係幾乎軟到爛曬，一啲肉質既口感都冇好失望啲飯表面個部分都算可以，食咗上半，下半係飯焦，好硬，究竟係焗太耐定放太耐？個底仲要好多油下次都係選擇其他餐種可能好d

美心有得食糯米雞，咁早餐又諗唔到食乜好，最尾就叫左呢個好大件嘅糯米雞，望落都覺得好濟。糯米雞飯唔算好乾，都算蒸得幾好，入面有一隻雞翼，但係超級瘦冇乜肉，所以其實唔係話好豐富。另外亦都有啲冬菇粒，整得幾香。同埋有好多唔同嘅碎肉粒，食得唔想太悶，但如果有更加多配料就更加正啦，因為佢有好多糯米雞汁，不過配料方面就唔算太多，連我鍾意食嘅臘腸都冇。所以普普通通啦！基評分(5個基為最好):**味道(基)**外貌(基)**抵食(基基基)**服務(基基)**最後基言:吃前三思

上星期五約咗舊同學Jimmy去聚舊。去咗旺角間地庫美心食晚餐。我點咗個MX焗豬扒飯。加埋杯熱奶茶$44。個飯賣相好正。塊豬扒好大塊，要自己親自切開。個汁好厚底。配料有蕃茄加菠蘿。混入一齊食，食到菠蘿汁甜味，加上有蕃茄鮮甜，同塊豬扒混入白飯食就好正。美心個招牌豬扒焗飯同其他快餐比，美心個豬扒焗飯最有特色。有自己美心風味。

美心呢個下午茶又係叫常餐,不過又幾豐富嘅！有個白麵包夠大件夠厚、有腸、有蛋仲有火腿，不過分開上。但個滑蛋好好味，生熟剛剛好！杯咖啡就普通d，仲有個叫做自家製既肉丁意粉，味道彷一向食開嘅五香肉丁，不過個味道就比較甜唔辣，個味道酸酸甜甜嘅都算幾好食，味道不俗不俗，算幾好味

感受一下被喼神圍攻下的下午茶雞翼薯條$23波浪薯條有它自己好味之處，皮脆之餘薯肉更是綿綿的; 燒雞翼雖然我是鍾意食，不過一放久了，又經水吧的油浸處理，它雖然是熱但已經不脆口，蜜汁甜味已沒有，吃下去皮是腍、肉質又有點奇異！身為紫薯控，連吃份茶餐也要跟配 真。紫薯汁，只可熱飲，有多量薯肉，甜度少，有點稠，對我個人來說是好好飲 👍

有咩正得過食雞唔吐骨？美心的燒味切雞一向有水準今次試她的無骨海南雞真正無得頂！啖啖肉，香滑而不肥膩3款汁都出色但我最中意都係中間的豉油甜甜地因為雞本身已夠香唔點任何汁都得所以，D汁用來撈飯仲正！唔洗50蚊仲有個老火湯呢個套餐真心抵！