Munch Now (已結業)

經過左幾次呢度，終於有機會嚟試吓啦~今次我哋六個女仔一齊去食生日飯，雖然鋪頭細細，不過坐落去都幾舒服架!!我哋叫咗豬手啦、炸雞籃、黑松露意大利飯，仲有啤酒煮青口~份量都岩岩好，整體黎講都唔錯~不過炸雞籃就有少少失望，可以食其他野食取代呢~

除了餐廳menu上的大路西餐菜式，有幸食到新鮮運到三地吾同的生蠔，包括從西非，東非及南非。全都很新鮮可比媲酒店的質量，當然食到當天送到就最頂瓜瓜，但我個人意見，西非果種會適合大眾口味。主菜叫咗安格斯牛肉約500克，煮到3成熟，肉質嫩囗，我自己係屋企做吾到咁效果。還有豬手好過預期，皮夠脆，肉夠嫩，味適中。還有意大利燴飯，黏口感適中，黑松露帶出香味。最後，啱到一杯高水準的咖啡配焦糖燉蛋及芝士蛋糕；但係tiramisu就欠俸。

之前也有在此餐廳吃過，水準以價錢來說並不差，而且這裏的咖啡亦的確好喝，以我來說甚至可以說喝咖啡才是主，而餐是次。相信餐廳亦對他們的咖啡十分有信心，畢竟也是自己主打推薦啊。當然，期望越大，失望也越大。在家點了2個餐，當然咖啡也加了。本想先享用咖啡，才發覺只有1杯，便立即打了電話去問，結果便是扣錢了事。看來餐廳的服務素質追不上其食物質素啊，依我看下午3-4點下單理應非繁忙時段才是，就算是繁忙時段，亦非作為服務周的理由就是了。希望日後餐廳能夠對自己的服務態度更加著緊，在確保「顧客能獲得自己所下單的食物」這樣「基本」的事情上多加留意。而我，可能短期內都不會光顧這餐廳了。

又到Sunday要出街搵食😋！難得見係馬鞍山餐廳有生蠔食！所以找個食伴就去試一試！今晚order咗！一個沙律、半打生蠔、一客香辣雞亦👍🏻、一個set dinner 肉眼扒！食物質數性價比高！味道ok! 送餐時間都快！南非生蠔$100 有3 隻！價錢很合理！不過星期天係要加一服務費！😝

今晚真係行暈馬鞍山想食西餐，無意發現呢間就試一試，掂喎，有heart喎，今晚叫肉眼，牛柳同龍脷柳，好食！就連杯熱朱古力都有打奶嘅！價錢同性價都絕對值得試，我下次喺馬鞍山，都會再第一時間再諗到佢，最正係唔駛等，仲有留位！

之前行過見呢間餐廳環境氣氛都唔錯, 於是星期五晚嚟咗鋸扒~試咗佢嘅香煎美國安格斯西冷牛扒Set Dinner ($149), 套餐包飲品, 餐湯同餐包,我再加$15要多客炸薯條!餐湯係甘筍忌廉湯, 味道都幾香濃, 本身一見到餐包係牛角包好高興㗎, 點知拎上手就知道個包係微波爐加熱.....已經腍晒了....好彩客炸薯條幾正, 應該係即炸嘅~ 上枱時熱辣辣好好食~~ 而主角西冷牛扒我要咗7成熟...但食落發現有啲位置似係overcooked咗, 令到質地有少少嚡, 不過塊扒係煎得幾香!味道嚟講, 無論塊牛扒定係個黑椒汁都唔錯~伴碟亦唔馬虎~感覺幾有誠意~除咗有長賴賴嘅煎豆角之外 (不過好鹹), 仲有原條小甘荀同埋紫薯蓉, 碟上面仲灑咗啲黑醋同埋羅勒油, 令到成碟嘢更加香~不過整體就更油膩了~

馬鞍山廣場地舖有間小清新的西餐廳「Munch Now」, 食物既水準很好, 環境頗寧靜, 我們點選了「海鮮焗飯」和「夏威夷薄餅」。 「忌廉磨菇湯」     ~   餐湯是忌廉湯, 很香濃和 creamy,  味道OK。 「海鮮焗飯」   ~   好多材料, 海鮮有魚、蜆、青口、蝦 . . . 等, 也很鮮甜, 飯是炒底的, 醬汁很足夠和creamy, 很香的忌廉味, 好味。「夏威夷薄餅」 ~   薄餅很鬆脆, 材料亦足夠, 亦是滿意。餐廳裝修是長梳化, 磚牆, 壁燈, 穩陣又舒適感的餐廳裝修模式。 食材新鮮和烹調也出色, 是間有質素的餐廳, 價錢亦相當合理, 會再來光顧的。    是次消費 : 約 $139

首先我已預早訂好位子，但到場根本沒有預留位置，推說要重新等候，我有六人(兩位小朋友)，說叫我等三張散枱，其中一張兩人才剛點餐，還說很快有枱。在要求下，才勉為其難給一張四人枱暫坐，一人只有企在旁邊。其次，送餐湯時送漏了一份。再者，我點了四份餐，來了一份。等了四十五分鐘追問下，才說機器有問題只漏了我一張枱的單。問侍應是否要重新等候，說廚正在煮。結果旁邊三枱剛來的客人食物都來了，等了二十分鐘，才再煮我的三份。極差的服務及安排平心而論，食物質素ok。

見到開左新野梗係要試下！入到黎氣氛幾好，暗暗地，有d music 好浪漫，適合情侶黎！餐牌夜晚都係around $80-$150, 牛扒燒雞豬手都有🤤 Delicious~d野好食！有驚喜！嗌左西冷，$98，好正，好香牛味好嫩！ 呢個價錢收曬貨！另外嗌左個燒雞，$119，全隻雞上！好味之餘又唔會話太少，岩岩好！個餐仲包飲品同湯~好少係馬鞍山搵到d咁好既西餐！希望長做長有hahahahaa好正，下次會再黎~Highly recommend~~~

去馬鞍山食晚餐 呢間都算係新開咗無幾耐的餐廳 都好多人食 ~ 見餐牌都幾吸引 所以就入去試下啦咁就叫左個香煎美國安格斯西冷牛扒 同 墨魚籽醬煙三文魚闊條麵香煎美國安格斯西冷牛扒 是有餐包 湯同野飲剛好是羅宋湯 很不錯~-墨魚籽醬煙三文魚闊條麵好多墨魚籽粒粒 食落咸咸地的 麵質感比較偏硬的感覺整點有點普通 係墨魚籽粒粒 比較特別 -香煎美國安格斯西冷牛扒 呢個比較出色 ! 我地叫左六成熟 剛剛好肉汁鎖住~  好好食 還配了點時蔬 ! 餐廳暫是只收現金同不用加一~ 都幾抵食~

2013年已在大埔開業的 Munch Now，繼年前在荃灣開設分店後，馬鞍山分店也在10月開業了。裝修雅致，坐得舒適，店員殷勤友善，菜單方面，除套餐外、還提供多款廚師推介。今晚點了兩款廚師推介，香煎紐西蘭西冷牛扒，比我預期中熟，還算嫩，味道不錯，配菜用心，$98 收貨了。另一推介香草番茄醬燴牛尾，牛尾炆得腍滑，醬汁恰到好處，配飯或意粉需另加 $10，這道菜，我選擇配意粉。若果想轉套餐，加 $30 可配餐湯、餐包及飲品。而晚餐加 $15 可轉芒果沙冰、曲奇咖啡沙冰、玫瑰桂花茶或蜜桃桂花茶。馬鞍山極之缺乏這類西餐廳，雖然店子不是設在商場內，而是在商場地下街舖，但若食物質素穩定，絕對不愁沒有生意。

約左班fd去食lunch咁岩海栢d餐廳全層裝修所以轉場來呢度食好正呀焗豬扒飯係真的厚切因本人對芝士敏感有得走芝士真的很感動而且真的係足料平日我都算大食我都食唔哂配餐的餐湯。蘑菇湯。真的足料，

一個月之前嚟過Munch Now食晚餐, 當時點咗Deep Fried Fish Finger同埋兩個set dinner-厚切Rib eye同埋燒豬手。當晚食物質素相當唔錯，分量十足，服務好周到，價格亦算合理，所以都有介紹朋友，亦決定會再嚟試下唔同菜式。可惜呢晚真係有啲失望。呢晚我地約6:30pm到達餐廳，當時已有一枱2人用餐， 但竟然見到有餐廳職員(後來發現此人正是餐廳嘅替更Manager)坐喺相隔我哋一張枱嘅位置正在用餐。 其實原本我係見唔到佢喺度食嘢，不過佢食嘢食到好大聲我先發現到佢 之後有客人揮手要點餐飲，佢一路一路落單…… 唔好意思，我真係覺得有啲噁心，亦認為咁樣真係好唔專業。原本想order一份炸洋蔥圈伴魷魚圈，Manager 接咗order先同我地講唔好意思，魷魚圈已經好耐冇返貨。如果已經好耐冇返貨， 咁點解我哋order咗之後佢先至發現冇貨呢? 好明顯開店前無同Chef了解情況。其實本身好小事，但係好多小事加埋加埋就會令人失望後來朋友們order咗兩份牛扒set dinner，我就order咗一份燴羊膝set dinner。呢晚Soup of the Day係西芹雞

九月十一日那周，共吃了兩次。每次都係一行三人吃晚餐。平日晚上人較少，周五周六很爆。食物方面，水準不錯，咸猪手跟香醋出色，雖然猪手皮未夠香脆但肉質不會太乾，跟酸菜畧為太少，配菜也新鲜。魚方面，调味用了黑椒，比較有些少辣，我個人比較喜愛燒春雞，上碟時，雞的味道樸面而來，印象深刻。另外牛扒肉質鲜美·值得一提而且不可錯過的是餐後的咖啡係另一驚喜，不太大杯，一試便知係非一般的咖啡·值得一試，有少許貓屎咖啡的影子。

在馬鞍山這片飲食沙漠上，終於又有一家親的西餐廳。早上十一時至晚上十時营業。我們在週日中午十一時三十分到，已有三批客人在餐廳，可見這家店都頗受歡迎。四個人點了四個餐。先上了羅宋湯，味道濃郁，湯中的蔬菜紅蘿蔔也很足料。香草大虾天使麵，虾大又新鮮弹牙，天使麵的軟硬度也恰到好處。黑椒豬手很大份，可惜外皮沒烤到脆皮，感覺比較膩。龍脷魚柳配白汁，一樣是份量十足。買單沒有加十。總體來說，實惠足料，價格適中，值得推薦。