MOS Cafe (已結業)

是日的午餐，同事鳥四散，小人反正下午要到上環工作，所以先執拾行裝，逃離食肆荒漠，索性直往上環開餐。走出地鐵站，未幾竟然見到心儀的MOS Cafe，一於去吃蝦漢堡。一個芥末蝦堡薯餅餐才$48，貼地的價錢。MOS Burger的蝦堡向為小人至愛，加了芥末令食味更豐富，包裏的蝦餅仍然是大大粒的蝦仁，伴以鮮爽的生菜絲，是一個星級的漢堡！南瓜薯餅是個新嘗試，薯蓉很滑，混入南瓜更顯清甜；惟較為油膩，一個都差不多吃不完。幸好餐飲要了熱咖啡，幫助消解一下漏滯的感覺。小人還是喜歡蝦堡加炸雞的配搭。

自從Mos Burger改左名叫Mos Cafe之後，佢推出左多種食品如飯類及沙律類等，唔似以前只係食Burger啦依排食得多肉類，有時都想清下個肚，黎依度食個沙律都唔錯我就叫左Saku Saku 雞肉沙律，散叫43蚊，做得唔夠全面既係佢無套餐，只能夠加錢配其他小食或飲品，而且額外加既果份錢比起叫漢堡包另加小食或飲品果舊錢係多啲添。等左陣店員送上食物，賣相不錯，有六粒炸雞粒，配上近期健康之選既牛油果，不錯亦配有雞蛋同埋蕃茄，營養價值好似幾平均叫沙律食可配芝麻醬或者沙律醬二擇其一，我就揀左沙律醬我另外加左13蚊叫左個栗米湯，雖然唔多見有栗米粒，但栗米味夠晒濃，而且好夠熱，值得讚整體而言，我依餐食左56蚊，價錢中規中矩啦，而味道不錯，如果嫌出面既沙律賣得貴嘅話，Mos Cafe會係不錯既選擇

我一直都鐘意去日式連鎖餐廳，唔敢講話食物味道超卓，但從各方面看，都有一定品質保證Mos 依個品牌就係其中一間我常去既上環依間Mos Cafe係我其中一間每一至兩星期都實去一次既餐廳，而依味和牛漢堡扒飯係餐廳既熱門飯食之一碟飯既賣相幾靚，隻蛋煎得幾好，個蛋黃可以流汁出黎撈飯，而伴碟有沙律，令整個賣相感覺好新鮮先食沙律，佢個醬係有輕微芥末味，配番茄碎同新鮮生菜絲，配搭不錯再講佢個飯，係用珍珠米，感覺沾口唔會太乾身到主角和牛啦都幾大塊，配埋燒汁一齊食一流，而牛味都幾濃，一齊送飯食係好味既塊漢堡扒都幾厚身架值得一讚既係餐廳既茶係用Twinings茶包，叫有少少誠意最後值得一提係Mos Cafe既服務，真係好好，雖然係快餐，但佢會自動送餐到你枱上，而且態度好好同有禮貌，執拾枱面有效率同清潔做得幾好，令人整體感覺良好

經常都會黎買外賣返屋企食，味道係ok嘅，特別鐘意食摩斯雞塊，但可惜連兩次黎買外賣，結果都係無俾到任何茄汁/辣醬俾薯條/雞塊，實在令人失望，希望可以盡快改善呢一環...

個排咁啱做緊優恵，燒鮭魚包買一送一，所以就黎試下。原來係用飯黎做上下兩塊包，個飯黏黏地咁，口感特別。主角燒鮭魚，煎得好香，熱熱地，幾鬆化，仲鎖住緊肉汁，上面仲有燒汁，加重咗個味道，不過塊魚比我想像中細，因為之前見宣傳個時塊魚係延伸到出面，仲以為咁抵食。中間仲夾咗唔少椰菜生菜蘿蔔咁，食落去健康啲。雖然每樣野都唔錯，但係一齊食就怪怪地咁，啲汁令到成個包有啲「林」，食菜仲食得多過魚肉，反而分開黎食仲好味。

一心諗住去食南瓜餅....點知店員話暫停左咁就去試下新野啦增量和牛堡($40)：入面個bbq sauce 幾惹味既 但有ddry 我會食返mos芝士漢堡薯條好好味呀！又粗又大條，同m記果隻兩個level 仲有green tea latte 水準都好好，日本快餐店係唔同d!

好耐無食mos burger ，今日黎開上環，記得開咗間Mos cafe，決定去試下Mos cafe 嘅選擇俾一般mos burger 多，去到好多野想試，本來想叫漢堡扒飯，但又想食牛油果，而飯set又唔可以加錢加炸雞脾，所以最後揀咗未試過嘅牛油果漢堡加炸雞脾，餐飲加$9要涷green tea latte ，總共$73因為卡位full 唒，坐咗喺中間有張可容納20人嘅Oval table ，枱上放滿10幾盆植物，但我有啲驚啲植物葉會跌落啲食物度。等咗5-8分鐘食物送上，個牛油果漢堡俾我想像大個，咬落去非常juicy，漢堡亦幾有牛味同少許厚身，配牛油果成個感覺冇咁漏。Green tea latte賣相好，cream 夠多，但飲落去好淡，冇平時Starbucks 咁Rich 綠茶味，飲咗一半唔想再飲。炸雞脾一貫水準，夠juicy，每次必點下次去試飯set

不嬲都幾鍾意食Mos Burger，因為比多少少錢，套餐可以要細沙律，唔駛下下食薯條甘熱氣，公司附近間mos burger轉左做cafe，一於就去試下。雖然改左做cafe，其實都仲有漢堡包食，而且都係快餐形式，無人幫你落單架！menu多加左咖哩飯、漢堡扒飯同沙律，隊長同同事各自揀左吉烈蝦咖哩飯同和牛漢堡扒飯，要飲野就要加多$10。吉烈蝦正確黎講，應該叫吉烈蝦餅，未至於啖啖蝦肉，但都見到都有原隻蝦仔，而且都炸得乾身，唔厚粉；咖哩都幾好味，係日式咖哩，甜甜地，唔辣果種，怕辣既一定like，不過被果舊「疑似」薯仔既物體扼左，原來果舊係白蘿蔔，仲要苦既⋯⋯乜d薯仔好貴咩？始終覺得咖哩同薯仔先係perfect match！同事都分左少少漢堡扒我試，睇落去覺得漢堡扒好似抵食d，因為大塊同厚d，味道就同平時食漢堡包既肉無分別，唔係咩好靚既肉，不過以$50既價錢差唔多啦。不過份量偏少，如果男人食，可能覺得未必夠。

最近，2月份幫襯 Mos Burger 買外賣早餐時，臨走，見到玻璃門貼上告示，由於要內部裝修，2月25日 & 26日暫停營業；意想不到 2月尾經過，竟然轉了店名為 Mos Cafe！繼去年7月首間Mos Cafe進駐康怡廣場之後，意想不到今次於上環開設第二間分店！Mos Cafe 2月27日開張！令我感到很 surprise! Mos Burger upgrade 至 Mos Cafe，口味更多元化！ 女店員稱，早餐款式不變！ 增添了咖哩飯系列，沙律加了新口味款式，還有甜品！帶給食客新鮮感！ 此外，期間限定款式的軟殼蟹漢堡及軟殼蟹沙律，每日限定 30份！兩次幫襯我都錯過了機會！至於裝潢方面，跟以前大致上差不多，似是換了圖畫！店內仍是綠草如茵！感覺舒適優閒！Mos Cafe 跟 Mos Burger 一樣，同樣以半自助形式！食客先到收銀櫃位付款落單，隨即店員便遞上收據及電子儀器，當電子儀器閃亮，食客只要遞起電子儀器示意，店員便會送上食物！店員們也很有禮，送上食物時，會面帶笑容跟食客說聲多謝！新口味系列 (新張期內-$5優惠) ：由 2/27 ~ 3/12四款咖喱飯分別有SakuSaku