MOS Burger (D2 Place ONE)

營業中

休息中

📍MOS Burger 荔枝角長義街9號D2 Place 1 期3樓304號舖。。一直以來我都係Mos Burger 珍珠堡Fans💜次次都必嗌海鮮珍珠堡！知道今次有新品推出，我又點可以唔食試下！原來D2 place依間Mos Burger坐得幾舒服，夠大夠光猛👍🏻🍔【MOS BURGER X JFOODO：和牛芝士玄米珍珠堡「玄」美誕生！】珍珠堡上亦破格加入北海道芝士片、嫰滑的太陽蛋、煙肉三種食材，最後鋪上紅洋蔥絲、生菜及淋上秘製黑胡椒汁，創造另一嶄新的和風漢堡！

收到小師妹報料，話荔枝角 D2 有兩個商場，其中一個內裡有個小巿集，佢睇到有人擺欄用紫微斗數，易經牌，天星等等方法幫客人占卜問事，小師妹又話想擺檔，仲想話叫我幫忙一齊幫人占卜添.於是抽空上嚟 D2 睇睇環境.差不多20年無踏足荔枝角，當年係到返工日日 OT 至天旋地轉，放工個天都係黑未試過天光收工，只知返工時間唔知幾時放工!依家荔枝角變哂了，D2 仲有唔少特式餐廳，當年邊有咁娛樂㗎! 最後揀咗摩斯漢堡，因為唔想食太多，留肚食晚飯.上一次幫 mos 最少有十年，漢堡 Size 係細，但係同當年 Size 一樣無變過，即係起碼無偷工減料.牛肉當然比老麥幼嫩，老麥d漢堡極多根，牛肉亦比較鞋口，質素較差是常識吧，炸薯條唔係我中意口感，內層比較粉.最欣賞係炸雞，當初推出時，朋友即刻買嚟食，仍然記得友人當年嘅食評係 "外長不佳，食落驚訝!" 外層香脆內層 juicy又極少骨，份量又無明顯減少又無 KFC 果D無那那辣味，雖然平平凡凡但相比起老麥同 KFC 羸成條街.個 D2 巿集最大問題係D通道頗窄，巿集又唔做多D宣傳，最欣賞係D廁所好乾淨，如果師妹話攪檔占卜的話.... 有得諗!

黎到荔枝角要速食lunch，一出地鐡出口就見到mos burger 新開張嘅招牌，而平時又極少食，所以就衝左入去食。🏃🏻‍♀️💨和牛漢堡 $31 🍔+ 粗薯條 $23 🍟+ 熱檸茶☕️平時好少食mos burger 所以一開始冇咩期望，覺得係同M記差唔多。但係拎到個餐之後發現完全係兩回事！佢好過M記好多！！！首先塊和牛漢堡扒🥩係仲大過個包😋，仲要有一定嘅厚度大約1cm，咬落去仲有肉汁標出嚟💦。因為佢個包裝唔會封實個包🍞，所以麵包唔會吸左啲蒸氣林啤啤，好鬆軟。🍅番茄亦都係厚切，生菜都好新鮮。第一眼望落去好吸引。🤩因為係粗薯條嘅緣故，薯條挺身唔會林晒。但係我覺得可以多少少鹽調味🤏🏻🧂。普普通通嘅熱檸茶都有驚喜！個茶底係English breakfast tea 茶包，唔係一般檸茶嘅Standard 茶底。