Mood Coffee

營業中

休息中

時間過得好快啊一年又完結了(⊃｡•́‿•̀｡)⊃♡︎𝙳𝚒𝚛𝚝𝚢 $𝟺𝟸這家位於尖沙咀街頭的咖啡店主要做外賣店面很小，只有兩個座位咖啡挺好喝的下次來試試他們的𝚖𝚊𝚝𝚌𝚑𝚊 𝚍𝚒𝚛𝚝𝚢

呢間咖啡店既燈箱會係咁變色,真係好似店名咁。見係聖誕,叫左好綠既飲品同食物。飲品係MATCHA跟ALMOND MILK,飲落同平時既奶好唔同,感覺上健康D,同埋而家外國好流行咁飲。食物又係好健康既牛油果多士,多士熱熱地,牛油果有大約半個,有少少調味,真係好中意咁樣食,係好好既下午茶。除左呢款其實仲有其他款式既多士,遲D可以試下。呢度可以堂食或外賣,我飲完杯野就外賣左個多士,個紙袋好靚呀!簡單但型。

趁今日放假，朝早同屋企人喺Mood Coffee嘆返個早餐先唔好因為餐廳細細間就錯過咗佢！門口都貼咗佢哋嘅menu出嚟，啲選擇都唔少㗎我哋一人叫咗一杯嘢飲呢杯係我嘅Caffe Mocha($48)本身個杯蓋遮住咗佢個拉花，打返開個蓋打卡都開心啲。Mocha啲朱古力味同咖啡味融入得好好，唔會話好偏向其中一邊嘅味道，有朱古力味嘅香甜之餘都保留好香濃嘅咖啡味！好飲！屋企人叫嘅Cranberry Lemonade($46)，佢都話唔錯之後我哋再叫咗兩件muffin($28/件)，一件係藍莓味，一件係蘋果肉桂味。我覺得佢哋嘅muffin非常出色，口感好鬆軟，又唔會太甜！因為餐廳座位唔多，所以我估佢哋主要做外賣生意，但係啲嘢食飲品都真係高質的！推介！

潮流興精品，香港寸金尺土，精品店舖遍佈，從精品酒店到精品咖啡店，越來越多，越來越精。朋友在附近出入，說這家咖啡不錯，帶我去試試。兩個閑雲野鶴，遊遊蕩蕩地去嘗新。店面果然精品，裝點非常精緻，咖啡師也是嬌小玲瓏，輕聲細語。🥰我們選了摩卡咖啡和烏糟咖啡（綠茶咖啡），還要了兩份牛油果火腿土司，製作需時，在等候時，又有客人光顧，咖啡師禮貌地打招呼，客人也不介意多等一會，可見是常客。看著咖啡師認真製作，等待變成樂趣。喝著大杯熱咖啡，配上新鮮牛油果火腿土司，看著路上匆匆忙忙的行人，覺得這份早餐特別美味，咖啡是濃香的巧克力🍫和咖啡☕豆味，牛油果軟硬適中，一大片火腿放在烤香的麵包🍞裡，咬在嘴👄裏滋味十足，有種幸福的感覺。

🍵Matcha Soy $46Iced matcha soy latte 😍一向都好鍾意抹茶同埋豆奶既組合 感覺上豆奶會幫助突顯抹茶嘅甘香🤪除咗有好靚嘅外賣杯之外 可以飲得出材料都係貴價豆奶 而抹茶粉可能揀咗一啲冇咁深色嘅抹茶粉或者係已經氧化左 所以茶粉比較黃🤧第一啖係飲到好濃郁嘅豆奶味 之後先至會飲到抹茶嘅苦澀🌿可以話呢杯抹茶拿鐵好足料 一開始好驚因為係加咗冰 成杯抹茶拿鐵會感覺上冇茶味🪨但好彩呢間咖啡店好細心咁攪拌好 絕對係加分位 💯Mood coffee 係一間好有美感嘅外賣咖啡店 唔單止外賣杯 甚至係本身個logo 同埋咖啡店裏面嘅設計 都好有美感 有好多打卡位🤩店裏面剩係得一個服務員 所以人多時等候嘅時間可能會長少少 但每一樣野都係精心製作☺️

過到嚟金巴利街買少少韓國嘢，沿天文台道出番漆咸道時，偶然經過依一間非常的的骰骰嘅咖啡店，隨心就坐低享受一小段下午茶時光。環境真喺晌門面已可以一眼睇晒，只有兩張高腳櫈，明顯就喺做外賣生意，尤其附近寫字樓多，點都有一定嘅客源。基本上，咖啡嘅分類為黑同白，亦有數款特色咖啡，最特別喺呢度有提供豆奶、杏仁奶、燕麥奶，當然，需要額外加錢，但適合對牛奶敏感嘅客人。另外，仲有幾款「Dirty」系列，而食物方面，主要提供多士，以及一啲英式鬆餅。鮮奶咖啡 $42小弟一向就好加入奶泡嘅咖啡，咖啡嘅拉花好靚仔，表面非常平滑，線紋又夠細緻，個拉花亦算喺對稱，入口醇香之餘，有陣陣果仁香，奶泡打得綿密，加上沖泡嘅手勢非常好，故就算無攪過，口感綿柔而均勻。三重朱古力肉桂焦糖流心鬆餅 $28作為下午茶，食個鬆餅就啱啱好，不過，到訪之時只淨番一款口味。堂食嘅話店員會幫忙翻熱，果然喺三重朱古力，朱古力味好濃郁，鬆餅嘅口感帶點濕潤，而咬入去，真喺有流心嘅效果，只不過，肉桂味就比較隱約。呢轉就純粹快閃飲杯咖啡，食件鬆餅，過吓癮，無話攤抖好耐，因為辦完事就返去食做節飯。

喺尖沙咀巷嘅一個小角落，有五顏六色嘅燈光閃下閃下，即刻俾佢吸引住，原來係一間細嘅coffee shop，店舖內外都有一張小枱，飲品都有幾多選擇，而且仲可以揀唔同嘅植物奶，啱晒一啲素食嘅人士！！Hot Sesame latte (milk)，職員好有心機，就算係外賣拎走都會有拉花圖案，Latte好滑，飲落有濃郁嘅芝麻味，好似食緊芝麻糊咁，當日因為冇杏仁奶所以我就選咗用普通牛奶，味道一樣咁好，健康之選！Hot Chocolate cream脂肪之選，朱古力味濃郁而且好creamy，唔會過甜，岩哂朱古力控另外仲試左個朱古力流心鬆餅，烘熱後聞到好香既牛油味，食到中間就會有朱古力流心，Muffin好鬆軟，唔會過甜👍

好姐妹就黎結婚，前幾日去尖沙咀陪一對新人試衫💒經過呢間咁igable嘅cafe時📸決定買d嘢食醫下肚先～🌟Almond Sesame (L) （$46）一到冬天，當然要滋潤養生一下❄️加上已經飲左咖啡，就決定試試Almond Sesame🖤🤍店員好重手咁放左好多芝麻漿，飲到底都仲有唔少芝麻同杏仁香氣濃郁撲鼻，口感綿滑溫和，但唔膩飲完成杯夠曬飽肚，即刻暖笠笠🤤🌟檸檬桑莓流心鬆餅（$28）店員細心地將Muffin焗熱，令入面做到流心效果🧁拎出黎已經聞到香味，入口果香濃郁🍋Muffin口感鬆軟有彈性，味道夠曬清新最適合做早餐或者下午茶點，配埋咖啡就perfect☕適逢聖誕節🎄cafe仲裝飾得好有心思，非常啱大家打卡🤳🏻不過店面較細，主要做外賣多下次等我再試下佢地嘅咖啡先😋～

尖沙咀cafe 休閒小店 在天文台道附近，moodcoffee 黑白色裝修已十分特別再行多步嗅到 咖啡香 就買返杯 cappuccino & avocadotoast 作午餐。牛油果吐司厚身帶脆，烤完後抺滿牛油好香，上面的牛油果十足都有半個份量，最頂放上香料，令到味道更惹味，食晒成件已經十分飽肚，$42就食到。飲品選擇不少仲有特色飲品，不過見人們剛買了icecappuccino 幾好就再買杯來飲，$42 鮮奶幾滑，咖啡味濃之餘唔太甘岩我口味，這裡位置不多所以就外賣去公園慢慢食。

近排一到下午茶時間都會去幫襯一間特色咖啡店覺得味道幾好,而且啲嘢都幾好食.所以決定喺度推介一下地址係尖沙咀漆咸道南81號南海大廈地下E鋪Mood Coffee 舖頭雖然唔大但係做出嚟嘅咖啡同埋食物都好有質素環境又非常舒服地方清潔又乾淨好寧靜嘅環境可以比客人去談天同打卡，今日晏晝坐咗整個下午成個人都輕鬆晒Caffe Latte 牛奶味非常香濃而且入口仲係好香滑入口甜甜嘅牛奶味再到甘香嘅咖啡味，味道層次十分豐富Cappuccino 味道層次比Latte 更加豐富,入口厚厚嘅奶味接著香濃嘅朱古力味，跟住就係香醇嘅咖啡味，三種味道交織埋一齊簡直係完美嘅配搭仲要係咁嚴寒嘅天氣有杯咁熱嘅飲品，飲一啖已經好舒服Balanced Toast 牛油果味道很清甜，加上火腿少少鹹香另外有啲香料調味，幾樣嘢加埋個味道真係好正味道非常之有層次，而且份量仲要好多下午茶來講真係好滿足份量仲相當充足食完好飽有牛油果喺入面感到非常新鮮又健康平時出街都好少食生果，今日真係食返夠本

呢間Coffee Shop位於尖沙咀金馬倫道附近，舖頭比較細間，主要做外賣生意，但都有兩個座位可以堂食。由於就到聖誕節，門口同舖內已經有聖誕嘅decoration。一入到黎已經聞到香濃咖啡味☕️☕️叫左兩杯coffee同兩份輕食。🌟Dirty Coffee $42☕️Dirty係一種新嘅飲法，係將Expresso倒入凍奶入面，唔會攪勻，飲嘅係個shot同奶嘅分層。凍Dirty coffee味道超濃郁，咖啡味超香，真係好適合提神😝🌟Coffee Latte $42 ☕️叫左大杯，都係$42，咖啡香濃醇滑，咖啡同牛奶嘅比例夠balance ，杯面仲有個拉花。👅🌟Balanced Toast $42 🍞🥑🥪多士烤過，所以好香脆，材料有牛油果、火腿、香草，牛油果好新鮮，作為輕食都幾適合😝🌟蘋果肉桂焦糖流心鬆餅 $28🧁呢個鬆餅超有驚喜😳👍🏻👍🏻👍🏻,本身已經好鐘意蘋果肉桂呢個組合，肉桂味好出，加埋焦糖，食落甜甜地，但又唔會好出面有d scone咁太過甜，配埋香濃咖啡，真心正🥰👍🏻☕️地址：Mood Coffee (尖沙咀)尖沙咀漆咸道南81號南海大廈地下E號舖

行得攰就搵個地方坐低飲杯咖啡， 但係因為依家周圍都要安心出行，所以就買就出去食店舖唔係好大但係佈置得幾有聖誕氣氛簡簡單單買咗一杯mocha同埋一件鬆餅店員好細心整到個鬆餅微熱，都幾好食同埋唔貴28蚊一個值得推介係杯咖啡有濃濃嘅朱古力味，但係又冇掩蓋咗杯咖啡嘅味道，微苦，個咖啡豆同朱古力好夾咖啡配鬆餅，非常寫意嘅一天，最完美嘅下午茶

Mood Coffee @ Tsim Sha Tsui📍尖沙咀漆咸道南81號南海大廈地下E號舖小小一間舖，只有企位，但有三個小小既位置比你企係度飲杯咖啡休息一下再出發🥰💛Espresso Lime Tonic $46 👍🏻👍🏻👍🏻👍🏻配青檸竟出奇地夾😋😋，推👍🏻👍🏻好飲到要影埋乾左果隻杯😂😂😂一定會再幫襯👍🏻👍🏻Gear 📸: Sony A7ii + Sony FE 40mm F2.5G

今朝一早出左尖東做野，咩都冇落過肚，真係好需要一杯回魂啡，經過呢間專賣咖啡既Mood coffee, 就諗住入去買杯咖啡飲下，順便食少少野，睇佢雖然舖仔細細，裝修簡約但睇得出花左唔少心思，牆上鋪上心形變色既燈，海鹽粉紅色既雲石吧枱，另外仲有一個企位，好啱做野做癲既時候落黎抖下氣，嘆返杯！店員介紹左我飲COCONUT BREW，我另外再叫左個Balance Toast。呢度就算唔飲咖啡都有其他特別既選擇，健康有營，仲可以轉有機純素植物奶代替牛奶，佢地自己仲有出招牌咖啡豆賣添！Coconut Brew - Cold brew 就飲得多，Coconut Brew 就第一次試，香醇既自家製cold brew，再配合新鮮清甜椰子🥥水，清新涼爽。Balance Toast-厚厚既吐司🍞搽上牛油🧈，咸香火腿配上營養豐富嘅牛油果🥑，再灑上黑胡椒。全部材料都係簡單直接原味道，唔需要多加調味或者花巧野！

今日係尖沙嘴同朋友出街，早左到好肚餓所以想食小心輕食。經過呢間鋪頭見到幾對人叫takeaway，門面唔算大但係好別緻，所以就打算叫下野食。佢有muffin叫，但天氣好凍所以我叫左toast！去到個陣就黎close，所以無牛油果toast😭只可以食火腿芝士traditional toast！不過佢芝士都幾好味，因為係車打芝士，而且個包烘得好熱好軟熟！火腿就係火腿味，下次一定要試佢個牛油果！咖啡我叫左出面好少有嘅椰子cold brew咖啡！飲落去幾驚喜，佢有清新淡淡既椰子味，再配咖啡小小既甘甜味，更加吊出椰子嘅味道～飲完好凍🤪但想試下d特別野～佢位置唔多，不過咁岩有人走所以就有得堂食。