MoMo Café

營業中

休息中

打從北區南下數起到沙田為止，具水準的酒店大概只得幾間，而位於石門的萬怡酒店，更曾經是電視劇的拍攝場地，空間感十足。近日餐廳推出「情繫香港地」主題，將部份港人喜歡的菜色送上。 海鮮陣容是越來越進步，一般酒店都是4至5款海鮮，家陣有7款選擇，算是不錯的了。波士頓龍蝦大部分都有蝦膏，食得過。而龍蝦鉗無須剝殼，好啱在下這種懶人。加上加拿大藍青口、法國黃金螺、加拿大蟹腳、泰國熟蝦及越南蜆，可以慢慢品嚐。 刺身有三文魚、八爪魚、鯛魚、希靈魚及鯖魚，是日腸胃有點不適，生冷食物還是少踫。 熱葷 薑蔥炒蟹選用花蟹及白蟹，體形適中，而且好入味，又不會佔胃納，值得一試。 金瑤肉碎清酒浸大蜆蜆肉幼嫩無砂，淡淡酒香及肉碎湯，令蜆肉更鮮甜。 蝦乾蘿蔔浸魚腐其實當中蘿蔔清甜入味又無渣，真係好正，有點喧賓奪主的感覺。 上湯菜膽浸珊瑚蚌最愛用珊瑚蚌打邊爐，因為真係好爽口。 即煮艇仔粥，粥底係廣東開花粥，可以加配蝦仁、豬皮及魷魚。 食得粥，最啱配肉絲炒米粉，濕濕地，但又不過份，還是可以的。 香煎海鮮韮菜薄撐微脆口感幾香口，比預期中好味。 另外，仲有印式牛油雞、清蒸龍躉、什錦海鮮金寶及西梅豬柳卷配砵酒蜜糖汁

還記得第一次來這間酒店餐廳吃自助餐，已是數年前的事，踏出石門車站前往這酒店的路上，兩旁還是地盤，未有興建任何建築物，日前再次到訪這酒店吃自助餐，石門車站前的地方，左右兩旁原來已變成有商場，有食肆、有寫字樓的地方，變化可真不少啊！今次酒店推出的自助餐，主題是「情繫香港地」，以多款代表「香港地」的美食，在新春期間至三月底，讓客人可以在餐廳中享用各款中西美食。 先說「凍海鮮」，這裡雖沒有生蠔供應，但開邊波士頓龍蝦、長腳蟹爪、青口、翡翠螺、凍蝦等海鮮源源不絕供應，而且都算新鮮。刺身方面，則有鱲魚、三文魚、醋青魚、八爪魚等五款可揀。 沙律方面，雖然款式不算太多，但幾款開胃中式冷盤，就更合我意。 來到熱盤，惹味的「薑蔥炒蟹」、爽口的「上湯菜膽浸珊瑚蚌」、鮮味「原條蒸魚」、材料豐富的「雜錦海鮮金寶」和西式的「西梅豬柳卷配砵酒蜜糖汁」都各有特色，而各款燒烤，我就較為喜歡「燒牛舌」和「燒菠蘿」。 這兒的燒味都是酒店餐廳自家烤製的，在「鹵水乳鴿」、「蜜汁叉燒」和「白切雞」三者中，看來外表不太漂亮的「蜜汁叉燒」無論口感和味道都不錯，比乳鴿和白切雞都好。有「雲耳蒸滑雞」、「老乾媽蒸茄子」、「臘腸蒸

老實說，位於石門的沙田萬怡酒店，對我來說一點都不就腳，要在大圍站轉乘烏溪沙線搭乘四個站才到達，不過周一在他們的MoMo Café吃自助晚餐有六折，龍蝦、長腳蟹等海鮮任食，現正在做「情繫香港地」主題，很多本地懷舊美食，性價比高，值得特地來一趟。 第一次過來吃自助餐，餐廳位於二樓，偌大的玻璃窗，十分光猛開揚。由於酒店鄰近車公廟，所以枱面也放了一些「籤桶」，其實每枝籤都刻上了枱號，方便大家去live station取麵或取粥時不用站著等候。 我的首輪目標向來都是凍海鮮，這裡都有很好的選擇，如龍蝦、鮮蝦、長腳蟹等等，龍蝦都佈滿蝦膏，吃起來啖啖肉，好滿足；但說到鮮味，我則更愛長腳蟹和大蝦了，蘸些檸檬海鮮汁，好鮮甜。 當然不少得大家喜歡的壽司刺身，這晚的刺身有三文魚、希靈魚、𩶘魚、醋鯖魚。 凍海鮮旁邊有個很大的麵檔，單是麵食已有四種選擇，另外還有好多鮮肉、蔬菜、肉丸等等，今晚我吃了小小的一碗，加點酸菜和辣油，分量剛好。 肉食方面，有西式的焗三文魚、牛柳，亦有中式的滷水乳鴿、叉燒、香妃雞，我一向是乳鴿的fans，這晚還是不會上火的滷水鴿，實在太完美了，前前後後拿了幾次。

去外地旅行，我喜歡吃當地有代表性的美食，如泰國冬蔭公湯、台灣三明治、肉燥飯等……那麼，香港呢？多的是啦﹗沙田萬怡酒店MoMo Café由1月至3月推出以｢情繫香港地｣為題的自助餐，除了食物種類，場景佈置也花了點心意啊﹗ 這晚就一起細味一下昔日漁港風情和香港地道菜式﹗鑊氣十足的避風塘炒蟹，香辣惹味可口，佐酒美食，若再辣一點點會更合我心，另外，有辣酒煮花螺、豉椒炒蜆等……港式燒味，這晚的叉燒不錯啊﹗肉質幼嫩，油潤有光澤。特設了這個粥檔，紅膠燈與斗笠，盡顯漁港情，荔灣艇仔粥我至愛，粥底綿密滑口，好美味﹗一口砵仔餸如雲耳蒸滑雞、臘腸蒸肉排、蛤蜊蒸蛋，突然令我想到兒時跟外婆去酒樓時的情境，懷舊卻讓人思念的情感。即製香煎海鮮韭菜薄撑。每日精選烤肉有烤牛、蕉葉/鹽焗魚，這晚有烤蔬菜和龍蝦鉗，肉質結實鮮甜，推介﹗自選車仔麵 ，有麻辣湯、酸辣湯、濃湯選擇，麻辣湯辣勁十足，好辣朋友可試試啊﹗不可忽略的，當然是極受歡迎的凍海鮮，龍蝦、長腳蟹、凍蝦、青口、法國黃金螺等。另有多款前菜、精選新鮮刺身及壽司。香港集體回憶系列的甜品就最夠本土風味啦﹗即席炮製的港式格仔餅，既滑溜又有濃郁豆香的豆腐花，以傳統豆腐花碗盛著

2019.01.25 😊【懷念老香港情懷】食在石門當各大酒店臨近農曆新年都以各國美食主題為自助餐想突圍而出 讓客人留下深刻印象亦不是件容易事這次跟姊妹們來到石門的萬怡酒店就有十足驚喜香港由漁港發展成今天的國際大都市 經歷了不少變遷造就由漁鄉風味至國際美食佳餚各式其色是次自助餐走親民路線「尋味香港地」✨在佈置上亦花上不少心思模仿實景除常見的國際美食外 亦有供應一系列的香港代表性菜式老少咸宜 讓大家細意回味地道情懷🔸冷盤在「大開吃界」前先以冷盤熱身吧新鮮刺身及壽司不可少還有一系列開胃前菜及各式沙律:手拍青瓜、四喜烤夫、雪裡紅、陳醋雲耳、涼伴貢菜、煙三文魚、芝士🧀當中以少有的藜麥沙律最特別 🔸海鮮胃口大開後 就是回本必食的冰鎮海鮮時間龍蝦、麵包蟹、熟蝦、蟹腳、法國黃金螺、蠔、藍青口🦞🐚🦐款式選擇不少 樣樣新鮮 還源源不斷Refill蟹腳肉肥美清甜 龍蝦滿帶蝦膏🔸熱葷國際美食: 烤西冷牛扒、牛肩肉、肉眼扒、鹽焗三文魚、蕉葉紅魚、泰式手撕雞青瓜沙律、西梅豬柳卷配砵酒蜜糖汁、什錦海鮮金寶、老干媽蒸茄子、車打芝士汁焗椰菜花、魚咖喱、素菜金必多忌廉湯等雖然是次走懷舊老香港主題 外地菜式卻沒有因而忽略款

自助餐有任食龍蝦，阿拉斯加蟹腳，螺，龍蝦要快手夾，未攞出來已有很多人出來排隊等，要食就要睇實幾時出了。沙律款式算多，喜歡食素的朋友有很多選擇燒味酒店自己出品，自己燒，夠曬誠意！熱盤有避風塘炒蟹，豉椒炒蜆，有即煎蠔餠，龍蠆，啱曬長輩口味。甜品推介即製窩夫，雞蛋仔，整得好脆，有三款HD雪糕，傳統甜品有白糖糕，豆腐花，馬仔等。呢到地方好寬敞，坐得好舒服。呢個價錢，以環境食物，酒店buffet來說，真是算抵食！

普天同慶就是要食聖誕大餐🎄☃️ MoMo Cafe值得入去感受節日氣氛 同時可以食大餐。餐廳就在萬怡酒店2/F，面積好大，座位多，少至2人座位到10人大枱都有。食物種類多樣化，有自製沙律、冷盤、粉麵、熟食、魚生，甜品等等。以聖誕價錢、CP值算不錯，只係人太多，食物refill未能趕及，尤其海鮮區。燉湯-松茸響螺瘦肉湯，味道鮮而且沒味精。聖誕佳節，餐廳更安排聖誕老人🎅向客人祝福，一起拍照，令節目更添氣氛。

終於可以嚟到間食自助餐啦環境比足一百分真係真係寛鬆嘅空間即使推BB車黎食都適合凍食熱食選擇其實唔算多嘅可能食完頭一轉嘅時候就覺得已經冇乜款全晚唔會轉其他款式供應但係凍食嘅都唔錯 都好新鮮同埋都好大件同埋refill嘅速度都好快值得一讚嘅係佢甜品部款式好吸引好多樣樣都好好食最開心嘅事佢連豆腐花都係好滑好正仲有負責整pancake個哥哥好好人好有心機小朋友自己拎嘅時候 都提小朋友要小心但係最可惜嘅係嘢飲就冇得任飲只限一杯

真的沒太多選擇，海鮮只4-5樣，不新鮮，沙律、甜品選擇少，就是什麼都少，吃過那麼多buffet,如果是$528/位，這真的太差，好彩我加錢飲white wine,吃少些沒問題，但招呼住這裡的台灣朋友，真有點不好意思，連他們都說沒什麼東西可選，所以他們都說怪不得星期五晚都沒什麼人，但服務是一流的，我因為飲洒，想轉坐sofa位，職員很好為我安排坐了一寧靜地方，環境是很好的，服務質素很很好，但未來希望會改善食物種類及質素

好早到達，我們同行4位，要求卡位，帶位接待員話卡位全部俾人book左，成晚全場得幾枱客，幾張卡位一直空的，沒有人坐，真係吾明，點解甘樣對待係openrice訂座的客人，雖然7折優惠，折後$440左右，就要特別對待？幾乎每個月都會食這間自助晚餐，今次食物簡直過份，龍蝦只見過一次，出好小盤，蟹腳全部係迷你腳，熱盤幾款都係茶餐廳菜式：肉碎茄子，粉絲海鮮煲，牛肉炒瓜等，真係好過份。 以往甜品款式靚又多款，今晚只得一些普通西餅甜品款式。

差到極點，完全無食物，上了當.   只有甜品及冷麵. 仲要所以甜品也是抺茶.只可重覆吃冷麵,紫菜,再紫菜,冷麵, 最後也只是一大碟紫菜！簡直大整古.  要去補吃一碗云吞米

西環個間就食咗幾次，因為地方細，食物種類亦比較少，沙田呢間就好似唔係咁就腳，係xxxbook訂位有兩個成人可免費帶一小童或長者，計落抵過有折，所以今日兩公婆帶埋奶奶黎食，個場都好闊落，有啲8人枱都幾大張，食物有必食嘅龍蝦，呢度嘅凍龍蝦都相當唔錯，新鮮又好味，凍蝦都夠爽鮮甜，熟食我基本上都無乜食過，因為我係龍蝦控，甜品有芋圓，但係可能長期用爐熱住，啲芋圓都冧晒無乜口感，最鍾意佢地嘅home made 雪條，有珍珠奶茶味，係有埋珍珠嘅，不過雪到硬晒，我食個枝係紅苺，唔太甜，啲味好自然，好清新。

$468+10%一位, 住客和eatigo訂位一樣, 20%off。 大失所望, 三年前和今晚, 己經是面目全非。 除了有海鮮: 波士頓龍蝦, 長腳蟹, 蜆, 青口及蝦, 其他食物普通過普通,完全不值4舊幾, 5舊水! 牛仔骨, 海蔘: 經常照鏡。 杏浦肉, 只出過一次, 之後都冇加。飲品: 只供應凍水; (咖啡茶, 只包一杯)! 果汁汽水? 加錢,吾該! $58+10%一位。嘩! 自助晚餐只包一杯飲品? 真是見識.... 小朋友的喜歡的糖果, 一粒都冇! 真心想問問酒店F&B是否換了管理層, 食品和三年前相比,差了那麼多! 酒店房間是好的, 但這樣的F&B, 實在太離譜了。大家見圖, 照鏡/照鏡/再照鏡,就是$468+20%! 難道是(成本控制)的要求??

上星期六約了好久不見的好朋友聊聊心事，朋友說聊心事當然要找個好地方，於是她訂了MoMo Café 吃自助下午茶，我們一邊聊天，一邊享受著那精美的甜品，而款式也非常好，看著這些甜品都忘了要說什麼了，什麼也不用多說了，看圖就知道甜品有多甜美。甜的東西本來就可以讓人放鬆心情，再加上美觀的甜品，心情開朗事半功陪，就這樣我們渡過了一個悠閒的下午。中間的抹茶紅豆蜜糖窩夫，而窩夫很香很鬆軟。最喜歡吃這個抹茶紅豆，吃起來皮QQ的，紅豆餡也不會太甜。

知到6月呢到有抹茶主題嘅下午茶，就即訂咗今日同友人嚟試下~ 上年11月同友人一齊試咗尖沙咀 Park Café 嘅~ 訂咗位，都要準時3半才可入，不過可以攞飛先，到時就可以唔洗排隊俾飛職員可直入。場內以和風為主，簡單清潔又舒適，加埋出面少少陽光咁都幾 relaxing 架~ 不過d音樂都係輕快嘅~ 職員基本上一見到吉碟就即收~ 抹茶窩夫可加紅豆和蜜糖，唔多抹茶味，亦無廣告入面嘅抹茶粉可以加，凍咗比較韌。抹茶紅豆銅鑼燒較淡，都係無廣告入面嘅抹茶粉可以加，紅豆都唔多。有一大盤好似抹茶布丁，一個字「甜」，無抹茶味... 圖中比較有抹茶味嘅就係抹茶擂沙湯丸，同抹茶糯米糍，不過就無廣告咁講可沾上椰絲、花生米和糖。抹茶忌廉卷蛋糕內有抹茶忌廉、紅豆蓉，蛋糕太薄試唔到質感，面頭嘅抹茶粉有抹茶味。其他都係一個「甜」字。相中間嘅抹茶意式蛋糕係全部甜品之中最好味嘅，外層嘅濃朱古力脆皮加入面嘅抹茶cream超夾。 抹茶焦糖燉蛋唔係廣告咁杯裝，係一大盤，不過上面嘅焦糖就真係好味嘅，加埋生果就正~ 抹茶拿破崙扁扁的，不過就真係3層酥皮配好淡抹茶忌廉。其他兩個都係得個「甜」字......本嚟我對豆腐花無興趣，已經無