Misugu Bento

營業中

休息中

今天經過舖頭及試吓外賣，下單後問幾耐可取，5分鐘可取。在隔離小店遊後，果真5分鐘後可取。多菜及新鲜好味，最重要少味精及油脂。下次再試試其它，看看是否保持健康烹食水準

這間小店在公司附近，所以都常常幫襯外賣自取。這兒的menu是勁多蔬菜，而且食物質數都好好味👍🏻。好少在街外吃到這麼多纖維的飯盒🥰不過佢哋有好多order,每次都要預早落order

好食又健康但係！！！落單12:30拎，去到仲未有，先即刻入單入廚房，就話即整好啦咁等下，等極都未有！間鋪細，啲人企曬係門口同收銀叫單就有人取聽唔到，一係就入唔到去拎前面水蛇春咁既單有啲12:45同1:00既單就有得拎左先做唔切唔好接咁多單啦有人walkin買十個餐，就即刻整比人😅一早落單就要有排等😅最後12:30自取既單變到13:20先拎到好食都唔再買啦咁既出餐速度錢就你賺曬 人地上班族啲時間唔係錢咩😅

話說放lunch前已網上嗌定飯，個陣係12:45，結果個飯成13:35先拎到！大佬，打工仔成個lunch無晒囉，仲邊有時間慢慢食！！最搞笑係啲職員勁無系統，你上網落左單都好，你去到佢間舖，你要努力擠入人群中，嗌自己個單號佢先開始整，呢個咁公平嘅操作，邊位智將諗出黎？好多迫唔到入去嘅人，根本唔知要嗌單，就算嗌左阿姐都聽唔到！最終返到去要勁趕咁食，建議大家想享受lunch time，又想食便當，後一條街都有選擇！同時建議呢間野，麻煩衡量下自己有冇能力accomodate到咁多客，即使冧晒檔都仲不斷收緊外賣單，係咪搞笑？生意唔係咁做的。

有時放飯想食得健康啲，初時會揀Fete Up響量健康飯盒，近排發現有間又平又抵食的健康餐盒店🤭位置在日式餐廳《京一》旁邊，小店名係Misugu Bento🫶🏻Misugu Bento先選主要配菜，再選要沙律餐還是熟食餐，沙律餐是沙律菜+新鮮水果+番茄螺絲粉+鷹嘴豆+流心蛋半隻；熟食餐則是野菜+流心蛋半隻+紅米飯🍚！小店鋪面不算太起眼，有一次行過見到咁多人等外賣嘅，於是乎就買嚟試下啦😄小妹透過OpenRice既外賣自取，預先揀妹時間幾點自取，然後提早落單，差唔多時間就行去拎外賣！首次食過《日式燒汁黑豚肉沙律🥗配日式蜜味燒汁》$68好抵食呀！黑豚肉掛晒汁、量又多😍😍再推薦同事一齊食《香汁外柳粒沙律配焙煎芝麻汁$68》、《蒜片香汁外柳粒飯$58》，沙律餐勁多菜、牛柳多汁鮮嫩，紅米飯軟硬適中、野菜即使揀了少菜依然份量十足👍🏻👍🏻👍🏻👍🏻👍🏻決定下一次揀香煎雞扒沙律配泰式酸辣汁😍😍真係覺得CP值高❣️

健康午餐蒜片香汁牛柳粒牛柳粒是由嫩牛肉切成小塊製成，肉質嫩滑。在烹調過程中，牛柳粒經過快速翻炒或煎炒，使其外表表面呈現微焦，內部保持嫩嫩的口感。在烹調過程中，牛柳粒可能會被裹上一層薄薄的麵粉或淀粉，這使得牛柳粒的外皮在高溫下能夠形成一層香脆的外殼。這種外皮賦予了牛柳粒一種口感上的層次感，同時保護了牛肉的嫩滑質感。蒜片是牛柳粒菜餚的重要調味料之一，蒜片經過翻炒或煎炒後，釋放出濃郁的蒜香味。這種蒜香味與牛肉的鮮香味相互融合，為菜餚增添了一層特殊的風味。蒜片香汁牛柳粒通常搭配濃郁的醬汁或香汁，這些汁液在烹調過程中與牛肉充分融合。這些汁液能夠提升菜餚的味道，使得牛柳粒更加多汁，口感更加豐富。

出街食飯最大問題就係成日都唔夠菜，所以刻意搵下公司附近有咩健康飯盒食第一次幫襯叫左黑豚肉飯多菜，佢既多菜係真係好多菜勁健康，味道好食，所以要花半個鐘頭去拎個飯盒都一定會再幫襯

今日午餐好想食沙律，就喺公司附近間沙律專門店買咗個外賣沙律，個沙律都幾多菜，配埋個沙律醬好好味！肉類就揀咗牛肉，都算入味，再加埋半隻糖心蛋，糖心蛋非常流心，滿足咗我食沙律嘅願望😂

位置係鰂魚涌英皇道港鐵對面，步行數分鐘即到，環境簡潔乾淨，店員親切有善，今次嗌左個三文魚沙律:有沙律菜，半隻流心蛋，配菜，提子藍莓生果，螺絲粉，配日式蜜味燒汁。便當份量多，食材新鮮，採用煙三文魚，生果亦鮮甜，螺絲粉意外地好食，推介蜜味燒汁，甜度剛好！下次會再試埋其他沙律，建議可以先打電話落單先

總分，4/5食物方面，食咗個吉列豬扒沙律。佢沙律嘅配菜係健康得來同埋非常之符合人嘅需要。有通心粉，蔬菜兩種類別，一種豆類，有藍莓，蕃茄，提子。仲有好食嘅豬扒。即場整即刻熱熱地返上樓食啱啱好。同埋佢有三隻汁揀燒汁好食，甜甜地幾容易入口。會好想試其他食物，$78我覺得唔算非常之平，但係絕對幾抵。最平係$58，但係嘢飲要加錢好貴。未試到。環境方面，6/10其實望落去幾舒服，但係舖位太細，同埋冇好容易睇嘅Menu，係幾辛苦。覺得唔太方便，服務方面，7.5/10幾友善，同埋佢會介紹嘢食。嗰日拎住其他嘢，服務員拎咗個大啲嘅袋俾我，方便我哋裝埋自己嘢。好人。

有日去買隔離間台灣嘢，見到呢間日本便當，應該係新開無耐，見佢門面簡單得黎又乾淨，就諗住買黎試下。佢有得配沙律，配飯，配水煮雜菜都得，都幾多組合。第一日試咗 岩鹽乾燒鯖魚($58)配全菜(+$8)，叫埋多菜個樣係真係超多菜！佢有西蘭花、紅蘿蔔、椰菜、菇同椰菜花嘅組合，全部水煮，但唔會煮到無晒菜味，好健康。鯖魚唔會腥，都好多肉，有骨嘅，但都係大條嘅骨，易食，仲有半隻蛋，都好好食！咁試咗一日，諗住都可以翻兜，食多日啦第二日食黑松露煎雞扒($58)，都係全菜(+$8)，叫咗多菜。塊雞扒切件嘅，好高質！唔會鞋仲好嫩，好入味！煎得啱啱好，唔會有無何位好乾好柴。有圖有真相連食咗2日，都好高質，超好食！佢有個QR code可以預先落單，落完10分鐘行到去就攞得，好方便！希望呢間可以繼續keep到呢個咁高嘅水準，$66嘅呢2個餐好健康得黎好食又飽肚，very good ah!!!!

呢間misugu bento 開咗業冇幾耐，只係做外賣， 但係見成日都好多人喺門口等，然後偶然發現可以網上落單再去拎，於是就決定試吓。因為平日返工嘅午飯時間，呢頭附近小店人非常多，唔想花時間等，上網叫完再自取就係最好嘅選擇。呢間餐廳主打一啲健康輕便嘅日式便當， 款式都算多，有沙律餐同熟食餐，我由於鍾意食飯，所以通常都會喺熟食餐度揀。選擇有滑蛋蝦仁，麻婆豆腐，黑松露煎雞扒，日式燒汁黑豚肉,岩鹽乾燒鯖魚，蒜片香汁牛柳粒，野菌焗龍蝦，吉列豬扒配咖喱，秘製煙鴨胸同香煎三文魚。我今次就揀咗香蒜牛柳粒，仲有得揀多菜，啱晒上班一族。牛柳粒好香份量亦都好多，同蒜片好夾，另外佢嘅錯亦都唔係he’s,有好多款式嘅雜菜，我在加錢配左個麵豉湯，好濃郁同好香魚味。呢間餐廳絕對會之後經常幫襯，下次唔會想試吓過煙鴨胸。

呢間店係屋企附近，成日經過，店面好細，無得坐低吃，所以一直吸引唔到我吃。今日落街打算求其搵間近既餐廳買個便當，就揀左佢～叫左個日式燒汁黑豚肉飯，師傅即場整，等左5-8分鐘（11點半，未到繁忙時間）。飯盒拎到返屋企，打開後最驚喜既係菜既份量幾多，佔左半個飯盒。黑豚肉整得好香脆，個日式燒汁醬汁夾得幾好！整體黎講，$58 一個便當份量唔算特別多，岩女仔吃，菜夠多（加返少少鹽去烚會好味啲😉），肉即時煮，夠熱（唔似煮好左擺係度既兩餸飯）

真係估唔到，之前經過見到相都幾吸引！咁就試吓先！點知真係好驚喜，個個朋友都讚不絕口！價錢同出面叫既到會價錢差唔多，但真係份量好足夠，我地10-12位大人都食到飽呀！我見到佢地舖面唔大，但平時lunch time都見到佢地有客人訂便當🍱！原先考慮購一個個既便當🍱，定係到會既時候但佢哋既同事知道我猶豫不決就介紹我訂到會，同埋佢地既服務真係好好👍🏻餐具🍴所以醬汁都跟得好齊全！第二日仲要問下我地有無咩問題需要改善！真係咁既價錢可以做到咁既服務真心好少🙏辛苦晒

🍖秘制煙鴨胸便當$68 (轉螺絲粉+$8)鴨胸肉厚，有咬口，帶少少煙燻香味😝多菜，鴨胸大大舊，仲有成10塊咁多😆 仲有埋溏心蛋🥚正😋 如果揀飯，飯系紅米飯🍚今次轉左螺絲粉有驚喜‼️估唔到咁好食，蕃茄醬濃酸中帶甜同鴨胸好夾😆野菜🥕🥬系清烚夠健康！仲可以自己揀多/少飯，多/少菜👍🏻餸都有唔少選擇，聽聞吉列豬扒都好食😉CP值高，仲可以提早落單，lunchtime就唔洗同人迫啦～