Mi2cool (已結業)

今日去左9龍塘又一城睇完戲! 選擇左上foodcourt食.行了1個round決定揀!mi2cool 尼間!因為卑拒外觀吸引左hehe我揀左個咖哩豬扒飯食. 今日仲有個半價升級套餐 都幾抵.朋友食左個辣豬軟骨啜啜面. 等左數分中左右就可以食了.賣相吸引 感覺個咖哩比平時出面食既好 味道夠濃!豬扒味道適中.口感亦可接受.升級套餐有4款前菜可揀2款. 份量亦不會太多飲品試左個特飲"藍莓樂園".雖然加多20蚊都好似貴左d 不過味道吾錯!都算系無加錯的. 頂頭放有低脂乳酪. 底層系藍莓雪沙. 吾會話吾match!朋友食個啜啜面. 自己無試過 不過聽拒講麵既口感吾錯!可能因為拒食得辣.好buy個湯底n啜啜面. 服務員態度亦吾錯.價錢可接受! 整體感覺都吾錯. 如果有機會都會再試過!

今日同女朋友睇完戲, 就行左去food court個到搵野食, 見到呢間之前未試過, 就諗住試吓, 但係真係一試難忘....先飲個麵鼓湯.. 好大陣唔知乜野味, 但都總算飲得落但係個牛肉拉麵, o的麵食落似公仔麵.... 味道又.....,食左一半都唔夠, 真係頂唔順, 要放棄仲有個咖哩吉列豬扒飯, o的咖哩無乜味, 豬扒唔夠熱又無味, 食完都唔知食左o的乜呢間野, 真係如非無得揀, 都唔會再幫親!

平日都好少去九龍塘食嘢，今日有開嘢做過去，行咗Food Court 一個圈，最終選擇了外觀幾好的食店....好可惜，都等咗成20分鐘，都有啲"忟"，個醬油三文魚親子飯先肯交到我手上，其間我都見住碗飯進出個廚房口最少2次。店員將碗飯交俾我嗰時乜都唔講，而三文魚子變咗做蟹子，當場我問店員，佢先話冇魚子......我問佢先問我換唔換其他嘢，有冇攪錯.......其實個飯不過不失，但係問題係點解要個客人問先出聲話俾個客聽佢改咗啲主要食材呢?佢咁唔誠實咁做生意，就算好好食都唔會再光顧囉~~~

昨日見完客發覺已經8:30pm 了, 肚子很餓, 約附近工作的朋友去食我這裡最愛的拉麵~今次叫了北海道帶子拉麵, 紅酒豬軟骨飯~北海道帶子拉麵 - 拉麵依然很彈牙, 但分量好似少了, 可能肚子真的很餓吧~~ 幸好帶子都有5隻, 雖然細細隻但幾爽口呢。我選擇了豬骨湯, 濃而不膩; 下次會試試番茄湯!紅酒豬軟骨飯 - 朋友叫了這個, 一看賣相就很漂亮了, 試了一舊豬軟骨, 好"林"好入味, 汁很濃, 有些少紅酒的澀味, 略咸了一些; 飯是軟軟綿綿的, 我最喜歡, 差不多吃了朋友的1/4...不用多說, 會繼續捧場!

呢排有新PROMOTION....SET LUNCH 有飯/拉麵+飲品+北海道低脂乳酪(REGULAR)都係$35.....第一次要炸雞拉麵......炸雞份量極少...雞肉俾湯浸到好淋.....拉麵又未淥散....十分普通的拉麵.....第二次要白汁什菌魚柳飯...白汁香濃....有大量什菌o係汁入面.......吉列魚柳新鮮熱辣.....份量絕對足夠.....超讚!!!如果飯換上珍珠米就更好.....北海道低脂乳酪..係有COUPON 送既...味道普通....質感亦平平.....仲有唔少雪粒夾雜O係乳酪入面...略為失色....

黎到又一城的food court，見到依家個名叫"mi2cool"，個名有點同"misocool"差唔多 (但我未食過, 不過知有間咁ge野), 咁就試下啦..有拉麵食啊! Lunch time時間，叫左lunch set！1. 日式炒牛肉拉麵 - 牛肉真係炒過，好有個種"炒"的味道，唔會係"煮牛肉"味 內裡都有不少雜菜，幾balance。拉麵唔會太林，湯底飲左都唔會話太口渴，仲要幾好味，比"味千拉麵"好食得多! 2. 炸雞拉麵 - 無試到．．但人地都話好食過味千啊!

第一個是牛肉飯，另外在foodcourt 吃的是咖哩吉列芝士魚飯。咖哩真的不錯，這個如其實香港日式的咖喱一樣，只是這個比較辣。咖哩香濃可口，杰度適中，個人是喜歡的。伴菜的薯仔沒炸過，煮得淋，不過紅蘿蔔就煮得不夠時間，還未算淋。魚柳很大條，魚身雪白，可惜間中吃到有魚腥味。面層炸得香脆可口，炸粉不厚，不過芝士不夠多，吃下去時那些少的芝士也會被濃味咖哩蓋過。因為咖哩汁好吃，所以這個飯也算滿意。五十元不包飲品，在又一城來說，是平民價了。

之前都食過幾次, 我就覺得拉麵好食D, 今次食呢個北海道牛奶湯海鮮墨魚麵, D湯好味道, 濃之餘又不會過咸, 我飲到碗底反光呢, 墨魚麵亦很彈牙, 海鮮普普通通啦, $60一碗算對辦了~~朋友那碟紅酒極上牛筋骨飯, 試了少許, 牛筋骨都好"唸", 飯是珍珠米(我的最愛), 但略嫌汁有些過咸~+$10有飲品+麵鼓湯+鰻魚卷, 麵鼓湯有些淡, 鰻魚卷就幾好食, 起碼紫菜不是"唸"的, 鰻魚都算有鮮味。 有些食店類似的小食好恐怖的, 不知放了多久才給人食...

帶了一大袋Tony Wong,Ceres及Cova去跟男友公司開餐,但我的甜味覺仍未被滿足,於是收男友帶我去買乳酪士多啤梨乳酪 : 老實講,很普遍,士多啤梨不新鮮就是必然是,然而也不甜...乳酪也缺乏乳酪該有的味道...我個人反而比較喜歡Nestle的原味乳酪...何以這麼多人對它有高的評價?實在令我費解!

多謝 open rice 請睇 Planet 51，去完 AMC 睇完再黎搵食。見呢間店明顯係 Misocool 的姐姐店，連 menu 都很潮，明明是下午茶時間，我都花多 d 錢試一試這裡的定食。北海道的 low fat yoghurt 好想試，但 $28 for 1 topping 仲要無乜選擇，確實係唔抵....最後都係選了 三文魚飯團，牛肉茄湯，加$20可以變餐....但食過中環店的 steam egg, 卷物 and miso soup，不咁恭維了。服務員說要等 10-15 mins，無問題。見到 2 個飯團煎得好香，第 3 個就浸住湯好新鮮既感覺。雖然肉眼看不見有三文魚，但食落又確係有三文魚味啵。茄湯裡的肥牛略少....番茄不夠茄味....，不過湯底倒幾好。Overall，貪新鮮的一餐，不過 3 點多吃都要 $42 ....哈，貴左 d。

同dad係AMC睇完OPENRICE送既外星51, 出到黎四點幾, 就去搵野食最後揀左FOODCOURT, 因為可以叫唔同類型既野食.另一間就係Mi2cool由dad發板, 叫左個紅酒極上牛肋骨肉飯($50), +$20連奶茶, 蒸蛋, 麵豉湯紅酒極上牛肋骨肉飯: 冇紅酒味~~, 多汁, 不過d肉冇乜特別, 唔知何來極上~蒸蛋-夠滑, 但偏鹹麵豉湯, dad話麻麻奶茶: dad話茶餐廳好飲好多P.S. 多謝OPENRICE送既外星51戲票, 套戲好搞笑~

面對又一城Food Court數間食肆~實在令人費神去選擇~~大比原想選擇吉吉家的牛肉飯~但小比再三強調這間的質素差劣得很~就決定試試express版的misocool – mi2cool~比起初開舖的時候~食物選擇少了~移除了小比想試的和風沙律等~因今午吃過拉麵~就改要一個咖哩吉列豬扒飯[$48]~可以半價$10升級為套餐~但小比要單點就可以了站著等了約10min後~就有野食了~眼見碟內的咖哩汁份量偏少~擔心不夠拌飯~~吉列豬扒賣相都頗為合理~金黃色的~唯粉漿可能較為厚實~先試中間的切件~肉質帶點實但不失肉味~不會有雪藏味等缺點通通敗露出來~~~吃到最後~發覺原來咖哩汁是恰好夠拌~只是有點疑惑為何最近在街食到的日式咖哩都是小辛而非甘口~~~最值得一提的是頹廢的三色椒伴碟~~活像燒味飯的"喳菜"~凍而軟~拖跨面前咖哩飯的質素~用金錢與地點的角度來評價的話~尚算可以的~豬扒炸得通透乾身~也是飽肚的正常份量~但始終未能為這個Food Court加添生氣~

最近有好多唔開心既事發生,都無心機開飯...見今日約左個朋友仔黎又一城睇戲 咁就上黎foodcourt搵食la 知道呢間開左無耐就試一試佢喇大根餃子 個樣好靚好靚呀 用蘿蔔做餃子皮 d蟹子同魚子賣相真係加曬分 個汁酸酸地好開胃 味道都幾特別 係其他日式鋪頭應該好難食到呢 卷物及蒸蛋 三選二,件卷物好似超市貨仔,紫菜淋淋的,碟底個d沙律醬完全9唔搭8總知就唔好味蒸蛋淡淡的,入面d冬菇呀鳴門卷呀都係得個樣,無味的,不過蛋幾滑,okay la~叉燒拉麵 叉燒肥瘦適中好淋又夠味,湯底唔算好濃唔駛食完勁飲水 拉麵都彈牙既 值得一試係個糖心蛋個蛋黃真係流心既好好味foodcourt黎講呢間都算有水準的 食完都幾滿足,下次黎開呢度呢間都可以翻食既

一零‧一月十一日感覺到自己的motivation回來了。來吧~~是努力增肥的時候了。新學期伊始，又重投校園的懷抱~~放學先來親近一下最近的又一城food court~~走過新開的Mi2cool，女店員落力的要為查看餐牌的人落單……好，也試一下吧~唔~~對它的拉麵未有信心，試飯好像較穩當。就要了燒雞玉子飯，這天還可以半價升級(+$10 三選二小食+茶/汽水)，但蒸水蛋售罄也只好要兩件卷物和麵豉湯罷~~飯是珍珠米，多洋蔥軟淋帶爽，蛋也夠滑，雞縱使無味也較滑，算不錯的說~~只是汁呢，雖然我愛多汁，但這也未免太多了吧……幸好飯不至於被浸爛……兩個小食：湯呢，至少夠熱，也濃味，但…...味道不大好；卷物，近乎難吃，飯很濕……也還不錯說。只是減價後還要五十多個大洋嗎？選擇還多著呢~~

1月2參觀RTHK,我夢寐以求的電台,希望將來可以在港台工作,yeah!之後跟同學去到又一城food court,大家各自尋找午餐!呢份係咖喱芝士魚柳飯,其實係食唔到芝士既,咖喱係日式的,我覺得以自己能力,在屋企整到!飯就一般,比想像中少了份口感可能舖租、人工等關係,呢個飯$50!去街都係食舖租架la! = ="