Marouf Coffee

營業中

休息中

Weekend同男朋友見到呢個coffee shop想試下同坐低抖下，原本只係想輕輕鬆鬆醫個肚，點知幾樣野夾埋竟然意外咁夾。個三文治第一啖咬落去就聞到陣陣香料味，好香又唔會太辣，雞肉嫩滑得嚟仲帶少少燒香味，夾住脆卜卜嘅包，食落有層次感。個沙律食落有啲驚喜。薯仔唔係煮到淋晒果種，仲保持住少少咬口，同啲醃製過嘅菜混埋一齊，酸酸地又帶微甜，幾解膩。飲品方面，開頭揀咗杯開胃嘅開心果冰奶，一入口係滑滑地又有淡淡果仁香，飲完唔會膩，幾適合夏天。另一杯熱飲偏向濃味啲，奶味重得嚟又帶住啲咖啡香，暖笠笠咁飲住，成個人都靜落嚟。整體嚟講，唔係話咩高級菜式，但搭配得好，食完有種舒服又滿足嘅感覺，係會想再嚟多次嗰種。

Marouf Coffee 主打中東特色咖啡，咖啡飲品選擇豐富，另有輕食可以選擇。🥖Roasted Beef Sandwich烤過的麵包，口感挺不錯，搭配軟嫩的牛肉片，與一旁起司和生菜，鹹香的口感讓人胃口大開。🥗Soba Noodle Salad with Prawn新鮮的羅馬生菜，混入番茄黃瓜與鮮蝦等，沾著日式胡麻醬，口感清爽。主食蕎麥麵帶點彈性，蕎麥的香氣很清新。☕️Hot Pistachio Latte開心果與咖啡融合的香氣濃郁，喝起來非常滑順。咖啡味道並不會太突出，能完美帶出開心果的香味，十分出色。☕️Iced Crème Brûlée Latte炎熱天氣來上一杯沁涼的飲品最適合。焦糖帶出微甜的口感，與咖啡的苦味結合的很巧妙，喝起來非常爽口清新。整體而言，Cafe環境舒適，咖啡有特色，輕食也都有唔錯的表現，是品嚐特色咖啡的好選擇。

Marouf coffee位於尖沙咀啲間coffee shop係成日都會經過既有室外有室內 ICED PISTACHIO LATTE淡淡綠色 淡淡開心果味 但又無完全遮蓋咖啡味道 冰咖啡 夏天飲 特別精神Strawberry Smoothie少女感滿滿 士多啤梨味濃 入口非常順滑Roasted vegetarian sourdough麵包內有茄子紅椒黃椒 麵包有彈性 配合一齊食 唔會乾 而且好食 唔會有單調感Walnut BrownieBrownie外有一層朱古力 內有粒粒合桃 唔算太甜一個下午 邊食邊飲邊玩電話 開心

呢日約左朋友到歷史博物館睇兵馬俑展覽，所以就到附近搵野食，我地冇特別諗想食咩，但呢日真係又曬又熱，經過見到呢間coffee shop就諗住入去飲返杯野消下暑，順便食啲野。 先到收銀處點餐，另外喺櫃到揀想食嘅野，之後坐低職員就會送餐。 Matcha Latte朋友點的，佢話綠茶味香，不會苦澀味，牛奶不會太膩，和綠茶平衡剛好。 Pistachio Chill最近好多餐廳都推出開心果產品，而我亦都好鍾意，呢杯開心果味非常濃郁，又唔會太甜，夠哂凍，很適合消暑，佢唔會好似沙冰咁有啲冰碎，我有敏感牙齒都飲到。 蔬菜千層麵蕃茄和芝士味香濃，千層麵口感剛好，裡邊夾了瓜和蔬菜等等，很豐富。 烤素食酸種麵包朋友因為未食過酸種麵包所以叫黎食，麵包外皮酥脆，內裡鬆軟，裡邊夾住幾款烤過的蔬菜，例如三色椒和茄子，好夠林，又烤得香口。 我地食完之後先發覺原來我地今日叫嘅幾款食物都係素食，食物配搭非常豐富，所以就算食素食都唔會覺得悶，而且很有驚喜。 依間餐廳環境都幾舒服，又好食，下次經過都會再嚟食。

近排好多嘢要喺尖沙咀買，忙完一個朝早，就去咗食一個悠閒嘅下午茶，先繼續我嘅忙碌,食完滿足晒叫咗兩樣嘢食同飲品，食完都幾滿足，不過店舖位唔多都等咗一陣先有位坐Roasted Beef Sandwich都幾驚喜，牛肉烤得香口又滑，配上生菜同醬汁，味道濃郁又唔膩Turkey Ham & Cheese Croissant，牛角包酥脆，個樣冇頭先嗰個咁突出，但火雞火腿同芝士份量都好足，每啖都充滿層次感跟住叫咗兩杯飲品，近期開心果真係大熱，所以就叫咗杯Iced Pistachio Latte，都幾令人印象深刻，開心果嘅香氣濃郁，咖啡味平衡得宜，重點係唔會好甜，清涼又順口。而Iced Coconut Latte則帶有淡淡椰香，唔鍾意咁重味嘅會比較鍾意

今日返工前約左同事去歎個靚早餐先，呢間係我其中一間最中意ge coffee shop，因為環境空間感大，不會太擁擠同嘈吵，可以比我地慢慢傾計歎咖啡☕️💖而佢地食物選擇都多，有沙律、乳酪、蛋糕、包類🥪咖啡更加多款式任君選擇🥰同埋佢地有不同的咖啡產品選購，中意飲咖啡的朋友一定要來試下☺️起人潮擁擠的尖沙咀可以搵到間世外桃源般的咖啡店真係唔容易～💖🥪烤牛肉三文治🥪火雞火腿芝士三文治☕️焦糖拿鐵☕️西班牙拿鐵

喺尖東行完街，經過天文臺道，見到呢間Cafe幾舒適，就入去試吓：Soba Noodle Salad with Prawn蕎麥麵彈牙，搭配脆口的青瓜及沙律菜和鮮嫩的蝦仁，非常清爽。沙拉的芝麻醬份量剛好，不會過於油膩，讓整道菜品更加清爽可口，適合夏季享用。Coconut Latte椰子拿鐵的香氣濃郁，咖啡的苦味和椰子的甜香完美融合，椰子的味道突出。Roasted Beef Sandwich好熱後麵包外脆內軟，一啲都唔乾，仲有粒粒嘅穀物，非常突出。烤牛肉又香又嫩，搭配新鮮的蔬菜及黃椒紅椒，口感層次豐富，十分滿足。Raspberry Smoothie這款冰沙口感順滑，覆盆子的酸甜味道恰到好處，讓人感到清新提神。冰沙的甜度控制得很好，適合喜歡果味飲品的人。

Relaxing Day in Tsim Sha TsuiAfter shopping and sightseeing, we are tired and hungry. It is good for us to take a rest in the cafe. We find it is not far away from the Science museum.🐥🫔Chicken Tikka SandwichesChicken breasts are rich in protein. You’ll be amazed by how delicious it is. This bread is chewy. It’s not bad though. The vegetables are moist in the sandwiches.🥩🌯Roasted Beef SandwichesThe roasted beef , seared to perfection, is slathered in cheese and topped with fresh lettuce, an onion

週末在Marouf Coffee的悠閒午餐很治癒～好多咖啡選擇冰鎮蕎麥麵清爽彈牙， 加埋胡麻醬，夏日感十足。 牛肉漢堡超乎預期，厚實多汁的肉排搭配焦香酸種麵包，每一口都超滿足！ 開心果咖啡香濃順滑，堅果味和咖啡平衡Fizzy Orange見到推介，就試一試，氣泡感十足，酸甜橙香讓人瞬間元氣滿滿，是童年的快樂味道～環境安靜舒適，食物簡單但用心，是個適合發呆、聊天或獨自工作的好地方。已經想好下次來要試試他們的招牌鬆餅了！

放完個長假期，留返喺香港嘅週末都要搵啲地方Hea下，今日懶洋洋起身之後，就想食個開心brunch，於是就嚟到尖沙咀天文臺道呢度，最鍾意呢度嘅咖啡好有特色，而且環境好優美，坐落去都好舒服，店員亦都永遠都好有禮，香港有咁闊落嘅咖啡店，仲要唔限時，真係好難得！creme brulee latte 好特別，唔會過甜，咖啡味夠濃郁，而朋友叫嘅cold brew都好出色 ，濃而不酸。vegetable lasangna雖然細細份，但係份量好足夠，每一層都好飽滿，入面好多蔬菜感覺好健康，蕃茄醬亦都好正！beef meatball and mash 其實都幾好食，啲肉丸好紮實，薯蓉亦都好creamy。

尖沙咀健康輕食好去處！Marouf Coffee地方夠晒闊落，坐得舒服唔會逼，食物選擇都幾多~好鐘意佢有沙律同三文治可以揀，絕對係輕食之選！💛
🍞 烤牛肉三文治 - 牛肉嫩滑，包身烘得脆脆地
🥗 雞胸沙律 - 蔬菜新鮮，雞肉唔會太乾
☕ 開心果拿鐵 - 堅果味香濃，唔會太甜
🍓 士多啤梨果茶 - 酸甜清新仲有好多咖啡豆同周邊賣，咖啡控可以睇下～有沙律、乳酪、蛋糕、包類～～不會太擁擠同嘈吵好食推介！傾計歎咖啡幾好‘

忙碌的時期，每天坐在同一位置特別upset不得不轉換一下工作環境，偶然發現這家不錯好chill嘅環境，特別係樓底夠曬高，坐得特別舒服見星期日都幾full，想要靚位嘅就最好早啲到啦～地下有插電位，帶埋部電腦係到做嘢都ok! 用上自家品牌咖啡豆，當然要試試latte，好香😋有好多不同輕食，比連鎖咖啡店的出品來得吸引，而且分量更足特別推薦 Chicken tikka sandwich! 像枕頭的是Vegetable Lasagna🤣 輕盈版本的千層面，0罪惡感! 🍴加一服務費：✖

雖然呢間Cafe遠離地鐵站，但佢嘅開心果沙冰實在太好味la！如果想坐低靜落嚟 做吓嘢 chill吓或者傾吓偈都好啱~PISTACHIO CHILL只有一個size14安士，但對我嚟講都可以飲好耐，因為佢係比較稠，但又唔會咬到一粒粒細冰粒，呢個size已經好足夠，飲完都飽咗4成😂 而且超濃郁開心果味，唔會假同死甜，真材實料！COOKIES 'N CREME有啲似麥當勞嘅曲奇麥旋風咁樣，經典之作，一定唔會差😆Beef Meat Ball & Mash本身隔住櫥窗睇已經覺得薯蓉好滑，好似蒸水蛋咁樣，食落去的確非常幼滑，加埋瑞士式牛肉丸，好似迷你版手打牛肉漢堡配薯蓉，好味Artichoke Potato Salad整個沙律低熱量兼營養豐富，係一個健康健身好選擇，就好啱素食人士添！

呢間位於尖沙咀天文臺道嘅Marouf Coffee 之前有介紹過佢哋嘅麵包好好食～適逢weekend有啲時間, 想坐低休息食少少嘢，就再去回訪☺️🔸Smoke salmon bagel with cream cheeseBagel 控表示好滿意個Bagel ! 烘熱咗煙煙韌韌, 夾住煙三文魚同cream cheese，好味🤤🔸Soba Noodle Salad with Prawn蕎麥麵加埋胡麻醬，配搭唔錯，加上蝦肉爽口彈牙，健康得來又好食！🔸Spanish Latte咖啡味香濃，飲落好滑好香👍🏻🔸Crème Brûlée Latte比想像中唔會太甜，latte味都好香，非常之唔錯

我本來以為呢間Cafe冇咩嘢食但原來除咗沙律同包之外仲有薯蓉同埋千層麵我同朋友叫咗兩款食物同兩杯飲品環境仲幾舒服，好適合一邊坐喺度食嘢同做嘢或者幾個朋友嚟呢度傾偈都唔錯💚燒牛肉三文治牛肉燒到好腍，份量仲幾多個包又唔會太硬，唔錯💚牛肉丸薯蓉肉丸比IKEA嗰啲大粒同埋濃味啲有啲蕃茄醬在加埋薯蓉，超夾💚開心果寒冰唔假嘅開心果味再加少少沙冰，夏天飲啱晒💚薄荷朱古力寒冰好濃味嘅朱古力，再加淡淡嘅薄荷味都係不錯不錯