M2 DOVE SEI MAMMA M.I.A Pasta House (已結業)

今日經過見到這間新開專做外賣意粉，買咗兩款試下。1. 溫泉蛋卡邦尼意粉，芝士味濃，份量十足。2. 牛油果煙三文魚意粉，材料豐富，白汁香濃，份量多。新張期內套餐有特價HK$80，包飲品及芝士蛋糕，好抵食。👍

由啱啱開舖，到而家已經幫襯咗好幾次🙂最鍾意食佢嘅香蒜蜆肉意粉！本身好鍾意食一啲炒得好乾身，有蒜香嘅意粉，每次食呢個都炒到好啱心水😋蜆肉又多，啖啖意粉都可以食到蜆肉！另外最常叫嘅仲有蕃茄忌廉蟹肉意粉，每一次蟹肉都好足料，比起其他大型連鎖西餐仲足料，同埋個忌廉汁又唔會太滯，creamy夠香！套餐入邊有個蘑菇忌廉濃湯，係一個驚喜😋😋拎到返屋企到出嚟飲嘅時候都仲keep住好熱，同埋真係有粒粒蘑菇。甜品就最鍾意食佢嘅原味tiramisu！如果套餐飲品有更多選擇會更好～希望一路keep住水準🤩🤩

果茶好味，可惜有少許苦澀味，不知是否檸檬皮的苦澀味呢？意粉也好味，可惜醬汁太少，有少許乾，我買了牛油果三文魚意粉，亦買了卡邦啦啦，牛油果三文魚較乾，能夠加多少少汁更加好

見到呢間新開張，試左$100套餐，有一份甜品和湯，蕃茄蟹肉意粉好好味，蟹子和蟹肉份量夠，提拉米蘇好味，包裝袋好靚，店家有心思，冷熱分開裝，甜品拎到屋企都無溶，蘑菇湯也好好味，總體黎講算高質素，值得繼續幫襯，試埋其他意粉

本身上網落單，叫咗個蟹肉意粉套餐意粉加飲品，加甜品 $100去到發現現場買只係$80😅行到返屋企，佢打嚟話俾錯咗肉醬意粉我因為懶得行返去，所以照食算個意粉無咩汁比較乾 (睇圖)整體而言，今次經驗唔係幾開心

淨意粉有啲貴，見有套餐幫襯下，叫咗個牛油果三文魚意粉、抹茶芝士蛋糕、凍蜜桃烏龍水果茶，意粉同甜品好食，水果茶唔甜好好飲，$80性價比高，難得喺三煞位開鋪，值得推介！包裝精美，相信成本頗高，建議可降低包裝成本，可用qr code下單，方便唔使等