M Zone 親和藝術 (已結業)

之前貪得意，係Facebook參加左個抽獎，又俾我好彩中左個大大獎。今日11點去領獎，早餐d客走曬，全場得我一個，個咖啡師好好傾，佢哋一d都無渣流灘，仲好好service 添，真係令人感動我得到一個價值$98 的意粉， 餐牌上有成7款意粉，都算有選擇，我決定試香草雞扒意粉。 嘩，雞扒外脆內滑，多汁，又香，好味！其實餐廳本身果lunch，包無限添飲咖啡，我自己暗荷包飲左杯Soda ， chill！ 餐廳8 點已經開，下次可以11點前去試試早餐。

星期日係天文台道返教會，之後同姊妹食到好西，真是感謝主!!教會姊妹話教會附近開左間新既CAFE想去試下，只是幾分鐘路程， WHY NOT??坐在玻璃窗旁一邊感受隨著藍天白雲而來的好心情，一邊聽到店內的JAZZ MUSIC我直覺覺得只有食ALL DAY BREAKFAST、BLACK COFFEE  才襯得起這個氣氛。一個ALL DAY BREAKFAST，有最愛的黑松露炒蛋、牛角包、BACON、腸仔、沙律菜、茄汁豆、薯仔、MUSHROOM、生果...... 夠曬兩個女仔食。每次食ALL DAY，總是懶洋洋的，店內的節奏、環境都令人舒服，不經不覺，坐左成兩個鐘，傾到下午茶時段既我地，再黎多個提子玉桂卷、熱朱古力，YUM YUM。感謝主，又多個地方俾我們相聚。

終於俾我搵返，之前因被業主狂加租而迫遷的My Little Coffee， 依家係尖沙咀漆咸圍。個位都要諗一下先諗到，但係話順豐對面，就一定知道。今日專程過黎食lunch，無需等位，即點煙三文魚白汁意粉，等左5分鐘就有得食。賣相靚到一個點，味道亦👍👍。同事就叫左個芝士雞扒漢堡配薯角配花茶（另外upgrade$20），如果食吾到辣既朋友要注意，D薯角都幾辣下。係尖東消失左幾個月，令我最掛住既係佢地D咖啡，依然無變，都是甘香濃、甘好味，因為係無限添飲，我補返之前既數，好滿足！$88 lunch包飲啡，仲要係可refill既正啡，對咖啡控是超值😍因為依家離公司遠左，之前dayday都黎食完早餐先返工，真是要搵日黎食返個早餐V。其實新鋪同舊相比，新鋪大D，有洗手間。形式、價錢、menu都跟之前一樣。唯一不同是個名，前面多左M Zone兩個字。我好奇問過有咩分別，佢哋話之後可以賣埋有酒精成分的咖啡！即使可以飲Iris Coffee 啦，超期待！個人覺得地點離office遠左，要預返足夠時間先可以黎食，不過佢哋話可以早DD打黎落單，甘黎到就可以即食🤪，絕對諗得過喎