Lúa (已結業)

Lúa | #銅鑼灣成日經過見到都未試過，今日經開就入去試下。2層高嘅餐廳，樓上有唔同燈籠作裝飾，色彩繽紛，打卡嘅好位置，其他地方都好有越南風情🇻🇳 ⪧經典越南法包 $98 法包十分香脆，但個人口味略嫌太脆，咬得好困難，但入面嘅醬汁同餡料好食！⪧越式香茅豬肉飯 配特色蛋餅 $128 賣相好靚，薄切豬肉好入味而且唔韌，為個飯提升不少。蛋餅有木耳、粉絲，撈埋太陽蛋同蔥油，配飯一流。唯一係飯略硬~ ⪧自選小食 (春卷、粉包、牛肉) 豬肉春卷香脆，唔會太油膩，不過不失。粉包皮薄餡靚，外層粉皮晶凝通透而且好滑！入口煙韌，加埋入面嘅豬肉、木耳，好爽脆，十分有口感。牛串嘅牛好嫩滑，重香茅味，加埋邪惡鹹蛋黃醬，好滿足，成餐覺得呢個最好食。 ⪧椰子奶蓋咖啡 $62 好似上面有椰子奶蓋咁，好香椰子味，細滑，中和咖啡嘅苦，加埋一齊好夾。

成日經過銅鑼灣東角都見到呢間佈滿哂好多燈籠嘅越南菜餐廳好有特色又搶眼😻餐廳有兩層嘅而我地坐到上層呢個打卡位好幸福😍感覺去咗越南咁 户外位就得兩張枱好似遠離市區嘅感覺 而食物選擇都好多 我地就叫咗個brunch咩都可以食到👍🏻呢個套餐包小食、主菜、飲品同甜品☺️ 🍡街頭小食滋味拼盤 HK$208有選擇困難症嘅人就岩哂 叫拼盤係明智嘅選擇 包括有豬肉春卷、秘製柑桔汁雞翼、甘蔗蝦、甘蔗豬串、魚扎肉、配迷你春卷 份量好足 每款都有兩件 炸雞翼好滋味雞肉就好滑 豬肉春卷炸得好香脆加埋加酸辣醬真係好好味👍🏻🍚越式香茅豬肉飯伴特色蛋餅 HK$128呢個埋相都好唔錯 上面舖咗煎蛋 蛋餅好足料好香口 用嚟撈飯都幾唔錯 豬肉好香用咗蒜片嚟炒🍦班蘭布甸法包配自家製椰子雪糕 HK$128呢個好推介🫶一上枱就聞到好香嘅班蘭味仲熱辣辣😍法包🥖焗到外脆內軟而中間嘅班蘭就湧出嚟 班蘭味好香加埋個椰子雪糕口感更豐富🥤凍越南純天然青芒果汁配天然蜂蜜 HK$58好想飲翻啲健康嘅飲品 所以簡咗呢款青芒果汁🍹再倒入蜂蜜混埋一齊 好fresh嘅

平時經過銅鑼灣sogo，我每次都有比呢間掛滿燈籠的越南餐廳吸引目光，呢幾日長假期終於夾到時間的起心肝去同朋友打卡。餐廳兩層高，2樓露台掛滿燈籠，主打傳統越南手工菜，店名Lua源自越南文中「稻米」的意思，主打正宗越南風味。<綠糯米炸原隻軟殼蟹配熱情果醬> $158綠糯米好像穀物脆片，本來沒有味道，主要帶出脆卜卜口感，軟殼蟹質感酥脆，配上熱情果醬，酸酸甜甜頗清新。<香煎大頭蝦配秘製海鮮汁檬粉底> $198撈檬最搶眼的一定是大頭蝦！大蝦炸得香口美味，肉質偏淋。附送的醬汁偏甜，如果想味道有更多變化可以搭配枱上既有的醬汁。<班蘭布甸法包配自家製椰子雪糕> $128覺得呢個有驚喜！法包烘得外脆內軟，班蘭流心creamy滑溜，質感確實好似布甸，加埋自家製嘅椰子雪糕，一熱一凍配合得好好。<凍越南純天然青芒果汁天然蜂蜜> $58飲品用咗天然青芒果打碎成蓉，味道清爽，一旁伴有天然蜂蜜，方便調整飲品甜度。

呢間越南餐廳嘅裝潢極具特色紅色嘅門面設計相當吸睛再加埋色彩繽紛嘅燈籠🏮真係啱哂打卡影相📸️佢哋嘅食物設計得好有心思味道亦都好地道正宗就好似去咗🇻🇳越南一轉🔸香茅豬肉撈檬 $119呢個撈檬嘅香茅豬肉有少少辣，食落肉質嫩滑，非常惹味。檬粉口感滑溜彈牙，配埋餐廳嘅秘製醬汁同各款配料撈埋一齊食勁正。🔸生牛肉雜錦湯河 $119雜錦湯河有多款配料，相當豐富，包括生安格斯牛肉片、牛札肉、牛肉丸、牛肋骨、牛皮同埋黑柏葉。個湯底牛味香濃，河粉好滑溜索晒牛湯汁，非常出色。🔸香茅牛串伴秘制鹹蛋黃醬 $138一碟有四串，牛肉燒完之後有濃濃嘅焦香味，肉質依然保持到嫩滑，食落好juicy。秘制鹹蛋黃醬同牛肉串燒好夾。🔸Lua招牌素粉包炸兩 $48粉包炸兩即係由滑溜粉皮包住越式春卷，春卷炸得好外脆，外軟內脆口感，食落好有層次感。做小食伴住粉麵一齊食好正！🔸班蘭布甸法包配自家製椰子雪糕 $128呢個係餐廳嘅招牌甜品，法包🥖烘到外層脆卜卜，裡面嘅班蘭布甸非常creamy，班蘭味濃郁，做到外脆內軟嘅口感覺。椰子雪糕香甜，配埋一齊食，口感豐富。

大愛呢間越南餐廳💛對於選擇困難症的我呢到菜式選擇真係花多眼亂@@除左傳統的越南菜之外仲有唔少新派特色菜選擇即叫即蒸手工粉包係越南非常普遍的小食呢到的粉包皮/河粉/檬粉/札肉/丸類等等都係自！家！制！ 或者越南自己工場製造真材實料😌好有誠意難怪粉包皮特別煙煙韌靭配埋伴碟的酸蘿蔔及魚露揀呢個作為開胃前菜真係正確😋大叻特色手工肉丸酸甜湯配法包一道大叻的著名小食肉丸充滿肉汁 咬落去非常juicy👍🏻配埋個酸甜湯 酸甜可口完全唔會覺得油膩非常開胃😋極力推薦掙扎叫湯河定撈檬🙈最後揀左雜錦牛湯河材料有鮮牛肉、牛扎肉、牛肉丸、牛肋骨和牛皮第一次食牛湯河有牛皮 各式材料分量都唔少湯底清而濃 河粉細而滑牛肉和牛肋骨夠哂鮮嫩最喜愛呢到肉丸和札肉 非常彈口想試呢到斑蘭布甸好耐😍斑蘭控點會錯過 原來仲有個榴槤斑蘭味店員姐姐好醒目主動話等5-10分鐘就有得食榴槤係微暖 法包夠熱夠脆斑蘭真係流心到非常澎湃💚配埋自家製椰子雪糕 冰火交融好好食啊～～～～～～呢到的飲品又係令人花多眼亂有買一送一手工啤酒、水果沙冰做完運動想飲d滋潤飲品都有甘蔗汁配鹹柑桔👏🏻即刻幫我解哂溫清甜解渴！餐廳有個小舞台 夜晚有歌手表演聽住現場音樂

呢度既燈籠裝飾相當Signature真係有種置身於越南既感覺, 唔似係香港會見到既餐廳🍴食物選擇方面都幾特別, 有好多都唔會係其他越南餐廳見到, 用QR code落單可睇到每款菜式既相好方便👍🏽酸甜柑桔汁無骨鳳爪🐓($108)無骨鳳爪爽口彈牙配埋酸酸甜甜用柑桔整既汁勁開胃😍西北燜羊肉通菜鍋🍲($368)羊肉好香帶點羊羶味連湯都有淡淡既羊羶香, 菜索曬啲湯汁好惹味😋黃薑雞胸苘香葉撈檬🍜($119)黃薑撈檬呢個配搭幾特別, 加埋苘香葉更加香, 雞胸肉好滑身🥰班蘭布甸法包配自家製椰子雪糕🥖($128)熱辣辣外脆內軟既法包中間夾住滿滿香濃既斑斕醬超好食, 啲醬係滿瀉出黎又唔會太甜, 加埋椰子味雪糕又凍又熱好正🤩呢度既地方好大坐得好舒服, 仲有室外座位可以同燈籠打卡添🏮 想食啲特別啲既越南菜既話可以考慮下呢度😋

今晚和朋友在銅鑼灣吃晚餐～亂入一家被裝修佈置吸引的越式餐廳(*ˉ︶ˉ*)在會安古城的回憶即刻comeback！ 餐廳的 vibe 真的很棒～食物水準也很不錯！ 我們點了：雜錦牛湯河 $119果真是雜錦！ 想到、想不到的部位也有！ 有牛肉、牛扎肉、牛腩、牛肋骨、牛丸、牛皮、黑柏葉！第一次吃牛皮，原來口咸像啫喱，充滿骨膠原的感覺！p.s. 呀越式湯河向來配有不同香葉及辣椒等材料供客人自調口味，不過這裏的辣椒超級辣～嗜辣的朋友，絕對要一試！越式香茅豬肉飯 伴特色蛋餅 $128 其實是自己大頭蝦，看錯了，以為自己點的時候香茅豬扒，沒想到錯有錯着，香茅豬肉飯亦相當有特色，相對來說會更薄切、肉味更香濃，油脂更豐富！特色蛋餅，亦餡料十足！內有木耳絲、粉絲(*ˉ︶ˉ*)豬肉春卷（4條）$42 本來打算點過簡單的小食share !沒想到豬肉春卷的味道這麼好！米網紙炸得超香脆～豬肉餡料非常新鮮，充滿肉汁～配上多種蔬菜如蘿蔔、洋蔥、粉絲等，超有口感！越南三色冰特飲 (Che 3 mau) $58椰奶飄香～不過與其說是特飲，我覺得更像是甜品，滿滿的大半杯都是不同的材料， QQ彈彈，認真飽肚(≧∇≦)鮮熱情芒果

超有feel的越南餐廳。去過會安古城，見過越南獨有掛滿燈籠同兩層樓啲餐廳。🤩Lúa完全複製了那種感覺。趁還未炎熱，坐下露台的確休閑，俯視東角街道，👀看着色彩斑斕的燈籠🏮吃着飲着談着天聽着live music，度氛圍感包裹着。特大原隻菠蘿沙冰$132真係好大隻，🍍頂層鋪滿一球一球菠蘿肉，沙冰很甜。惹味蜜汁烤雞鎚半雞翼尖小辣$128味道偏咸，蜜糖味很輕，很輕微的辣。😗覺得如果甜味重啲、會好食啲。香茅豬頸肉撈檬小辣$119食物中最好食😋喜歡的檬粉彈牙帶有米香，粉質好好。豬頸肉爽口帶肉汁，加埋佢自家製的酸汁，唔太咸唔太酸，好食。原隻芒果黑白糯米飯$138餐具好美，芒果🥭很多。糯米很軟很軟，無牙都食到，炸椰子碎🥥很甜很香。

掛滿搶眼燈籠嘅越南菜餐廳裝潢設計充滿心思 周圍都係打卡位供應冇味精越南菜式 越式香茅豬肉飯 伴特色蛋餅 $128賣相夠豐富 豬肉好香 夾埋炸蒜片更加香口蛋餅內有粉絲同木耳絲 口感紮實 好味！仲有煎太陽蛋同蔥油可以撈飯食！南瓜花炒鮮牛肉片 $168牛肉片嫩滑入味南瓜花清淡甘甜 口感有點似翠玉瓜甘蔗豬肉串配生菜 $78食到入面係粒粒免治豬肉 好有口感豬肉春卷 $42一份有4條 好香脆 抵食！斑蘭布甸法包配自家製椰子雪糕 $128即叫即焗 斑蘭香氣散發 切開流出熔岩超吸引配上雪糕冷熱交融 幾有特色嘅甜品

今日去咗銅鑼灣嗰邊行街，其實都經過過呢一間新開嘅越南餐廳好多次！只不過都冇機會入去食，今日忽發奇想就想食下越南嘢，決定同朋友入去試一試！餐廳嘅裝修都好有越南風格，場上都有唔同嘅壁畫同埋越南風采嘅海報 座位亦都唔算太迫，都算幾好坐比較推介嘅嘢食，有豬肉春卷，一份有四條，熱辣辣即刻炸 可以選擇包埋生菜同埋本身嘅酸菜一齊食，減低油膩嘅口感 春卷入邊有粉絲雲耳絲，口感配搭上好好食 豬肉撈蒙都值得推介，個蒙粉加埋酸辣汁非常開胃！越式嘅豬肉口感非常特別，調味做得非常唔錯 埋單$300度

每每經過都想著總要試一次，餐廳的裝修實在太吸睛🤩，最後終於的起心肝大伙兒起行了！🕺👍🏼 生牛肉雜錦湯河🐮 $119內容超豐富，有牛肉，牛扎肉，牛肉丸，牛肋骨，牛皮，黑柏葉！除了黑柏葉很硬很柴又沒有什麼味道之外，其他的牛味都挺濃。特別記錄第一次吃牛皮，充滿骨膠原的黏口感很好👄，也很入味。湯底則比較淡。整體不錯。👍🏼 粉包炸兩小食內裡一直保持著鬆脆，外皮比一般炸兩少油，米味更濃，沾點醬油，挺好吃~！👌🏼 街頭小食滋味拼盤$208雞翼很香口，調味也很惹味，熱呼呼，棒棒的！其他的都比較乾，味道還好。🫥 自選串燒拼盤 $198兩個字，很乾！👌🏼 滴漏黑咖啡☕咖啡不夠濃，香在越南喝到的也真的差太遠...總結: 試過就可以了~ 

銅鑼灣越南餐廳 門面紅色設計超級搶眼，左邊仲有一大幅黃黑色手繪畫牆，前面有四張凳可以比客人坐喺度傾吓計飲吓嘢，好Chill，遠遠已經望到，樓上一層主要用餐區，裝修超級靚，尤其Outdoor 五顏六色嘅燈籠，越南會安嘅景象立即重現眼前，鍾意影相既朋友打咭一流🏮餐廳的枱枱櫈櫈亦充滿越南街頭風味，枱頭放上傳統越南醬料，猶如去旅行時坐喺越南街頭食越南的河粉一樣😋🫔▪️經典越南法包 $ 98即叫即做，法包焗得香脆，餡料超級豐富，有越南傳統扎肉，豬肝醬，洋蔥，醃蘿蔔，酸青瓜，菜，好好味，尤其豬肝醬味道濃郁，保留住最傳統越南菜嘅風味😋😋🍱▪️街頭小食滋味拼盤 $ 208全部都係越南經典小食，即叫即炸，一次可以試哂咁多款，春卷、甘蔗蝦串、甘蔗豬串，魚扎肉3款口味、柑桔汁雞翼、迷你春卷，最喜歡是包在甘庶的蝦和豬肉好彈牙，配合配酸甜汁，好滋味👍🏻👍🏻🍤▪️越南大蝦米紙卷（2件）$ 108最愛吃米紙卷，因為它色彩繽紛，而且包含多款蔬菜，既低卡又有營養，米紙包上鮮蝦、青瓜、甘荀、米粉、生菜配搭九層塔、芫荽，配合酸味味嘅醬汁，好開胃🥭▪️原隻芒果黑白糯米飯 $ 138最精彩既甜品，大芒果厚肉又香甜，黑糯米飯包住白糯米

毫不誇張的說是吃到過最難吃的越南菜，與其高價格的定位成反比。首先上菜的是豬肉春卷，居然一點不熱，甚至沒有一點暖意，一口咬開可能是裡面的魚露吧，腥到反胃。後來上的炒牛肉河粉是熱的，但不是滾燙，裡面居然有個生雞蛋！個單點的法包九十幾蚊但雞肝醬又係腥到爆，食完一小塊實在無法食曬其餘法包。以前係其他店鋪食嘅豬肝醬都無咁腥。單點的三色冰要58蚊但居然杰撻撻好似倒咗一整杯椰奶俾我，又漏又甜完全唔可以解渴。成餐飯三個人食咗近900蚊，真係伏伏伏🥵🥵🥵。

要咗兩個生牛肉雜錦河粉午餐，分別配珍多冰同鹹柑桔蔗汁，用電話落單後大約10分鐘先上一碗河粉，幾分鐘之後上蔗汁，但發現冇咗粒金橘，叫咗兩次之後終於有侍應話會補返，再等七、八分鐘左右上另外一碗河粉同埋散叫嘅蒸粉包，第一碗我俾咗媽媽先，第二碗先到我自己，點知發現第二碗冇匙羹，再望吓媽媽嗰碗，原來都係冇，環顧自己張枱同其他枱，相信唔係枱面放匙羹自己攞，即係又漏咗，咁唯有再叫侍應攞兩隻匙羹，食緊嘢嘅期間上埋漏咗嘅鹹柑桔同埋杯珍多冰。講返食物，湯頭普通但非常夠熱(奈何餐廳冷氣唔夠，我哋食到大汗疊細汗)，配料有三小片牛肉，一小粒牛丸，一件扎肉，一件牛肋骨，幾條仔牛柏葉，兩件不知名膏狀物體。牛肉片冇味，牛肋骨應該係燉或者慢煮嘅方法，軟淋有牛味，牛丸同扎肉應該係來貨，味道OK，雖然不出色但至少冇隔夜味油億味，最差嘅係牛柏葉(相中黒色一絲絲嗰啲)，從來未見過，可以將牛柏葉切到咁幼，而且嚴重Overcooked，好似橡筋咁開完全咬唔開。平時我極少食淨嘢，如果生牛河嘅湯係出色嘅話，我仲必定會飲晒，但因為餐廳冷氣實在唔足夠，而且食物平平，最後我食淨咗啲粉，牛柏葉同湯。埋單時男待應問今日啲食物點，我冇望佢，只係苦

一入到黎坐低無幾耐就聽到有人自彈自唱live，唔講以為駁左SOGO 門口busking入黎播。一路點餐就一路比d歌聲滋擾。點餐阿姐自己寫得慢，仲叫我地自己寫完比返佢仲好。野食黎到，無樣好食。米紙卷個米紙超硬，煮蜆無味，串燒又凍，越南咖啡衰過公司pantry咖啡機。一路食一路聽住好難聽既歌，仲有蚊同烏蠅，成個氛圍唔講以為去左越南河內。埋單仲要700幾蚊，燒鵝價錢，大家樂既味道。以後唔會再食，好後悔。亦都唔推薦大家去食。可以既話我一粒星都唔想比。