Little Mario's Pizzeria (駱駝漆大廈) (已結業)

好多款pizza揀，搞到我揀左勁耐😂最後決定揀左松露卡邦尼薄餅🍕個皮好脆，薄底，味道唔錯幾好味如果啲料可以多d就好喇同埋張紙痴住個pizza底，一切就爛晒，唔得係幾好，希望可以改善下呢個千層麵好足料，明顯用鮮蕃茄整，夠新鮮

駱駝漆大廈內有很多餐廳，入面竟然有一間隱世Pizza店。餐廳以自助形式及用外賣膠盒食具，今次經某app訂位有7折，平均每人約$60，性價比高，好抵食！Margherita Fungi Prosciutto Pizza (Small 9'') 瑪格麗特蘑菇意大利風乾火腿薄餅 (小 9'') $95薄餅即叫即焗，餅底及批邊焗得十分香脆，料很足，芝士夠多又拉絲，意大利風乾火腿夠咸香，配搭起來好好食 Caesar Salad with Smoked Salmon 凱撒煙三文魚沙律 $75 新鮮既羅馬生菜和煙三文魚配上凱撒汁好難唔好食，唯麵包脆粒太硬

前日去咗這間樓上意大利餐廳食午餐.用咗ENTERTAINER嗰個七五折coupon。因為用這張coupon的原因所以唔可以叫套餐。叫咗一碟黑松露卡幫你意粉同西班牙火腿Pizza個意粉都唔錯,黑松露同芝士味忌廉味都好重。西班牙火腿Pizza就正常因為叫咗大嘅關係.我同個朋友食完一碟意粉之後只係食咗兩塊Pizza就打包了。整體感覺不過不失沒有什麼驚喜價錢也不便宜。最好就係用外賣盒裝所以感覺上比較安全汽水$10罐。屬於正常水平。

約咗個朋友聚舊，忙左三幾個月冇見，諗住搵嗰舒舒服服嘅cafe坐下食下傾下計。綱上睇餐廳環境，主要影牆上裝飾，感覺不錯，就試吓啦！點知，行到門口，望入去，枱橙係飯堂setting，由於有訂位，所以同朋友企係度等人出嚟confirm booking。餐廳當時只有一枱客同一個外賣員取外賣，但冇職員理會我哋。最後我只好行入餐廳最入處收銀員問（全間餐廳，一眼望去最容易確認到佢係職員，其他三幾個唔肯定係未坐好嘅客、買外賣嘅定係職員😅）佢同我講confirm booking，我望一望setting，唯有問係咪自己搵位同要到counter 先付款買野食，答案「係」同朋友唯有叫左一個pizza同一個意粉，都係廚師推介的。上意粉時，嚇左一跳。尼個係外賣嘅買相，味道還可以，畢竟松露同卡邦尼尼個配搭好難煮到難食，但只有汁同幾片煙肉碎，佢唔算好好食，並冇令人想encore 嘅意欲。pizza 買相好一點，但味道依然不夠香，topping上的海鮮唔算多。最令我食得唔舒服嘅係佢全部餐具都係即棄，堂食變咗食外賣嘅感覺都算，最重要係實在太唔環保啦！期望與現實落差太大，只好急急食完離開。

最近愛上左食印度菜，可惜係觀塘區真係無乜印度菜餐廳有一日同事突然同我講係駱駝漆個邊見到有間PIZZA店派傳單，而傳單入面有一欄係印度咖哩套餐，急不及待第二日就搵埋同事去試啦餐廳裝修好簡單，不過好彩過左午餐人潮，大把位可以揀我地點左一份牛油雞配飯+沙律同埋一個9吋pizza，口味揀左印度香料烤雞牛油雞配飯+沙律比想像中多個飯係印度黃薑飯，米質乾身而偏長條形，老實講其實一直都覺得印度米個質感好似隔夜飯配牛油雞都算幾夾牛油雞入面既雞肉都剛好夠兩個人share，個咖哩汁唔辣，但唔夠我係中環食過既咁好味，勉強合格pizza就即叫即製~熱辣新上枱個pizza餡有雞肉、青紅椒、洋蔥、印度masala同埋mozzarella cheese青紅椒係偏辣個種，青椒係勁辣個隻，好彩我無食中啫芝士餡都幾香濃，雞肉就唔算多整體黎講個PIZZA夠哂火辣惹味，好彩跟餐有一罐汽水，如果唔係真係食唔到

最近成日都周圍去發掘新菜式，今次就嚟到觀塘呢間上樓嘅薄餅店。佢哋除咗有薄餅之外仲有pasta，小食、酒同啤酒，都算幾多嘢揀。我哋今次嗌咗個二人餐，試咗佢哋嘅margarita同焗雜菜通粉。個薄餅又幾好喎，個底好有咬口，批邊都焗幾香😊但係個通粉入面啲橄欖就多咗少少😅整體上性價比高，絕對係觀塘抵食之選🤤不過二人餐份量好大，如果細食嘅話，建議散嗌會好啲😉💚Margarita pizza 瑪格麗特 (14”)💚Baked vegetarian macaroni with cheese 焗雜菜通粉Meatless pizza on green Monday 😉Been trying to explore and support local shops recently and accidentally found @littlemarios.hk ~ a pizza restaurant in an industrial building in Kwun Tong. They offer pizzas, pasta, curries, snacks, craft beers and wine😉T

此pizza絶對可以用得上隱世美食形容，入選2018香港首十位pizza店，餐廳環境乾淨整潔，本身以為一般，但外在美不如內在美，食物既質素簡直無得彈試左兩款食物，松露卡邦尼🍕，忌廉蘑菇雞螺旋粉，先講個粉，一上枱我第一個反應係下？同我自己煮既一樣，如圖示。但我心諗，煮到埋黎都要食嫁啦，食落有驚喜🤩，就好似食神薛家燕上身咁，好好味啊....(誇張左😂)口感一流，好滑，有濃烈既忌廉香，芝士香同螺絲粉調配得超夾，🐔菇就少左小小，外表睇平平無奇，原來內有乾坤薄餅🍕就相當精彩，無論外表同內裹都一流，上枱果刻巳被薄餅上面既流心蛋吸引住，由於即叫即整既關係，所以香氣逼人，熱辣辣，聞到松露香，不過食落無咩松露味。唯一唔好係切果時，因為流心蛋就麻煩小小，味道特別過連鎖薄餅店既好多，完全另一個層次，手工餅皮厚得黎，微微脆邊，😋食得出係靚芝士仲要量多，直頭可以拉到成30厘米左右長都唔斷，餡料方面煙肉同洋蔥都好配合，再加上松露味道層次多左好多絶對值得大家一試，尤其係一班芝士控😋

呢間餐廳間唔使經過都會見到佢個廣告牌，今日終於的起心肝黎試坐低揀緊Pizza嗰陣，都見到有好多人黎嗌外賣自取，估唔到都幾好生意Pizza方面佢都有好多唔同嘅款式，好多係連鎖店都搵唔到嘅，另外仲都有啲套餐俾大家揀，真係花多眼亂，諗咗好耐個個款都想食最後揀咗一個二人餐Pizza個批底係比連鎖店普通批嘅薄，同埋睇相都見到都好足料，岩哂我心水意粉揀咗芝士焗通心粉，好漏兩個人係食唔哂既啲餐具係自助形式，價錢來講我覺得都算合理，我會再次嚟幫襯，試埋佢其他款式嘅Pizza。另外，雖然佢本店好似冇外送服務，但係佢都有同一啲外送公司合作，下次打電話叫返屋企食都得

今日又約左朋友食晚飯，話說係某app見到有折頭，咁啱又係附近，就決定上去試下。一入到去個環境設計都幾舒服。叫左三樣野食，分別係small size既意式肉腸pizza，黑松露意粉同印度咖哩蔬菜。個pizza都幾足料，夠熱，芝士都拉得起，另外中意佢一個批有四款蘑菇味道幾好黑松露意粉正路野，醬汁夠杰夠濃，好食最後個印度咖哩蔬菜，印度薄餅都香口既，點個咖哩黎食都幾野味咖哩辣唔辣就見人見志，我就覺得唔辣既整體來講都幾好，對得住個價錢，但如果你係環保人士就要有心理準備佢堂食都係用外賣盒咁比你。

由 訂位有7折。1:30到得一台客，經查問原來套餐冇折，散點先有，加埋都係散點平D.點了lasagna 同 印度燒雞加罐可樂。先上雞，份量算多，因為我以為只是3隻雞鎚，點知出咗三隻大肶前肉。辣但超咸，食到但唔每一啖都好咸。Lasagna 份量適中，味道冇特別。成餐飯好似食外賣咁，外賣盤，膠盒，食具；所以如果同朋友食飯傾偈就唔太好。

工廈抵食之選，職員友善晚上收工， 因為見有 優惠 -30% off，咁啱觀塘附近離地鐵站只需步行4 分鐘，一於試試先到店內地方唔大，大約可容納 20~30人，其中近一半部份係Bar 枱，個人認為無坐得咁舒服，而店內裝修簡約，野食需要到櫃枱直接購買，職員便會送到好啦，講返今次食物質素先1. 黑松露Pizza 9吋 ($95) 熱沸沸上既，由於有大量沙律菜在面上，食落好Fresh清新，一d 都唔覺好Heavy, 仲有我最愛食香菇係面上，正😋2. 印度辣香雞 ($65）香料足，非常野味，朋友都話拍得住正中的印度餐廳，每件都大大件3. 牛油烤餅 ($15）香雞味濃，配上烤餅一流，加上有汁在烤餅上就唔會太乾，而且佢一d 都唔燶，就唔會覺得熱气，但個人認為再焗多一陣會再香口由於使用EatXX優惠，所以餐牌上頭兩頁可選擇，必需散叫，飲品係正價，而凍櫃上有礦泉水賣，心想應該沒有水供應，店內只有一位職員，我都係抱住一試心態到櫃面問職員，估唔到即刻係廚房準備兩杯水給我，先加冰再加熱騰騰的水中和變室溫，又見我有手受傷又主動幫我拎到餐桌上，十分helpful 又nice , 服務態度真抵讚整體而言（4分）

人唔太多 經eatigo即日book位都book到 仲有30% off一行3人叫左個普通size松露pizza, 雞翼, mozzarella芝士條, 肉碎肉千層麵上野食都快，唔會要等好耐，啲野食都仲熱辣辣頭盤芝士條唔錯，而雞翼就味道唔太出，不過夠哂熱辣辣而個松露pizza都幾香松露味，鍾意食松露既可以一試最後個千層麵就一般，份量比想像中細，而麵量麵偏少，下次再食會試其他款式既粉麵埋單200舊水，呢個質素係好抵食

佢個印度辣雞加埋個印度米，實係好食到形容唔到！又辣又香，但個雞真係唔可以齋食，因為會好咸。但夾埋個印度米就真係完美！雖然間鋪出名係pizza, 我都承認pizza 係好食過出面好多。佢個辣肉腸比出面高級，濃味啲同有辣味，出面果啲都係淡味多，醃得唔夠。呢間個pizza 又薄又夠烘！但個雞真係令人欲罷不能！買咗個餐飲劵冇留意原來星期一至五先用得，落咗個外賣order 取消唔到，好彩員工好好人，肯俾我改單！不過店內太多人搞到好熱！但好食都值得一去嘅！

我係經eatigo訂座，有50% off 半價就幾抵食，但我都應該吾會再惠顧啦，佢味道上冇乜驚喜，除左食到好飽外都冇其他印象。叫左一個14吋印度香料烤雞薄餅（內有雞肉，青紅椒，洋蔥，莫扎里拉芝士），一客肉醬千層麵，一枝本地釀造嘅啤酒MoonZen餐廳環境乾淨寬落14吋印度香料烤雞薄餅 原價$150餅底夠薄，餅邊脆脆地，好香麥味，好符合我個人對餅底嘅喜好。雞肉偏少，但有大量青辣椒，個辣味蓋過晒其他食材味道，除左餅底做得頗出色，個味道一般，實在太辣，要邊食邊飲野止辣。肉醬千層麵 原價$88面層烤窿嘅芝士賣相好吸引，但d油多得有點驚嚇，芝士控可能會好中意依個千層麵，但佢千層效果好吾突出，肉醬都較少，食黎食去都係芝士，芝士同麵嘅比例猶如5:5MoonZen Amber Ale favor $40味道幾特別，較重果香味，尾韻有回甘味，可以一試扣左eatigo優惠後，埋單$159, 好抵食，但味道方面吾太岩胃口，我太概吾會再幫襯了

喺工廠大廈發現到呢間美食，真係好神奇， 估唔到呢棟大廈平平無奇入面有間咁好食嘅意大利薄餅。入面嘅食物都幾多選擇有普通pizza雞髀 ,沙律 漢堡包等。 個人覺得佢嘅pizza幾足料同埋幾大件 ,焗飯都好香同好多餸喺入面 .下次一定會再來試下其他味道嘅薄餅因為佢pizza嘅味道非常之多 ,個人推介海鮮波羅味