Lex Coffee (已結業)

嚟到西環嘅舊區鬧市之中嘅呢間餐廳，門口望落十分優雅，而入到去已經感受到充滿藝術感嘅一個地方。入面樓底十分高，令cafe嘅空間感十足，而牆櫃放住各種精品，配住雲石枱，不失優雅。先點左蟹肉蟹籽芒果沙律，賣相好吸引，蟹肉同菜加埋蟹子，令食落個口感有層次，再加埋芒果汁，作為前菜相當醒胃。招牌安格斯肉眼牛扒，叫左5成熟，上菜時剛剛好，牛扒入口夠嫩滑，另外值得一提既係蒜焗得好淋同好香，作為配料都相當惹味，再加埋廚師秘製嘅醬汁，配埋牛扒一齊食非常美味又好夾。烤三文魚配蘆筍佐龍蒿奶油，整得好在三文魚嘅火喉岩岩好，令外皮脆口，內裡肉質又唔會過”鞋”，而且魚嘅品質都唔錯，夠新鮮唔會食到有雪藏味。餐飲方面叫左杯伯爵茶Latte，味道都唔錯，但如果相比食物同飲品就覺得野食性價比高d。

前幾日落好大雨，好彩朝早唔洗上堂。下午返學之前就近近地，喺hall附近食個lunch。🐟Grilled Salmon with Asparagus and Tarragon Cream Sauce $198三文魚皮脆肉嫩，香滑多汁，煎得啱啱好，唔會過熟。有幾條蘆筍，增加清新感。Tarragon Cream Sauce嘅奶油香好重，仲有啲薯仔蓉喺入面，就算係就咁食都好食。呢份主菜食完啱啱好，又唔會感覺太heavy，幾好。🇰🇷Korean Style Kimchi Risotto $168係韓式同意式嘅fusion，都幾特別。Risotto入面啖啖都有好多泡菜粒，但唔會好辣，食落惹味。另外仲有三塊好厚嘅辣醬五花肉，五花肉食落滑嫩。上面仲有一隻流心嘅太陽蛋，撈埋飯食就更滋味。🍰Tiramisu $78手指餅口感濕潤，充滿咖啡酒香。夾層嘅芝士口感滑溜，味道香濃，好食。🧇Mixed Berries Waffle with Banana and Ice Cream (Small) $98有大同細揀，大嘅就$148，適合多啲人share。人少少就叫份細嘅會比較好。Waffle外脆內軟，搽滿厚厚嘅榛子

失望的一餐唯一算好食就係牛扒牛味夠香 焗蒜頭都係一般，未焗夠時龍蝦焗飯都有淡淡的龍蝦味但份量偏小溫泉蛋卡邦尼意粉味道不足，只有煙肉味道同埋奶香味，但係鹹味不足 甜品正正常常 唔值$88服務比一般更差😓根本沒有服務可言

喺網上成日見到呢間餐廳，今次終於可以帶埋愛人一齊嚟食，果然名不虛傳，呢度嘅食物同環境都真係一流。餐廳喺繁忙嘅堅尼地城站附近，步行3分鐘就到，餐廳環境好舒服，光猛而且樓底好高，空間感足，令人心情愉快輕鬆。今日食午餐，午市套餐價錢大概$180至$200左右，包餐湯及飲品，另外加錢就可以食到當日嘅精品蛋糕。是日濃湯配十谷麵包是日餐湯南瓜湯，非常濃郁嘅南瓜味，很有口感好甜，美味非常！雞肉青蘋果沙律另一個頭盤沙律，沙律菜好新鮮，配上開胃嘅醬汁，係夏日一流嘅頭盤。波士頓龍蝦意大利麵198煮食擺盤好靚，龍蝦新鮮大隻，最好味嘅係意粉吸收了龍蝦湯嘅精華，味道鮮甜口感又好，食到停唔到口，非常好味，難怪好多人都叫呢個餐。泰式冬陰功海鮮意大利飯178好特別嘅fusion 冬陰功味香濃而且都幾辣，配上意大利飯嘅口感，我覺得比傳統嘅更好食。German cheesecake比較硬身嘅芝士蛋糕，好香濃嘅芝士味，不過我喜歡口感鬆軟嘅多啲。Tiramisu $78做得好靚嘅甜品，味道係朱古力和咖啡味之間好平衡，好好味，大愛！

🎨對Lex Coffee嘅印象來自於女朋友早幾年住堅尼地城，成日經過見到佢好有格調嘅落地玻璃裝修，超高樓底，加埋沉穩又簡約嘅型格黑色門框設計，完全一見到佢就覺得去咗英國咁🇬🇧仲要入面好多藝術品，例如 #KAWS 同 #AndyWarhol 嘅作品，真係令人印象深刻🤔但一路到咗早排先第一次入去食，原來食物都咁高質素❤️不過因為食晚餐，試唔到咖啡，所以玩唔到佢地好出名嘅藝術拉花，下次中午時間去再整下先😆🎨西班牙厚汁五花腩。酒漬櫻桃。法式紅酒汁 $198 - 對西式煮法五花腩都算情有獨鍾，好多時如果餐牌有呢樣料理都會叫😆😆六大舊五花腩份量多，處理得啱啱好，有焦香感，肉質juicy，配埋酒漬櫻桃咁食好夾👍🏻🎨烤三文魚。蘆筍。龍蒿奶油醬 $198 - 熟嘅三文魚整得好食都算難，呢度係其中一間做到好食嘅👍🏻最主要火喉控制好，出到嚟魚香十足，三文魚肉又好嫰滑，上乘之選！🎨雪橙冰紅茶 $78 - 一壺熱茶，可以自己倒入冰同橙片入面變成冰紅茶，成個擺設打卡一流📸🎨番石榴有機果汁 $58 - 現成嘅有機果汁，但好好飲，個水果味道好真唔會過甜😋

今次終於去到呢間位於西環嘅cafe，環境好寬敞，食物選擇多。1️⃣Lex Burger $178呢個招牌牛肩肉漢堡牛肩加上鹽令肉味更濃郁。配上芝士，蛋，蕃茄仔，煙肉，生菜🥬好惹味，配菜有酸瓜及doritos 薯片！漢堡包用咗brioche bun，甜甜地外脆內軟。🙆🏻‍♀️美味指數:7.45/102️⃣龍蝦意大利飯 $198開邊龍蝦爽彈有咬口，龍蝦膏及龍蝦肉嘅份量。最令我有驚喜嘅係意大利飯，粒粒都好掛汁，配上芝士好香。🙆🏻‍♀️美味指數:7.35/103️⃣Tiramisu $78冧酒較突出，忌廉香滑。唯一係蛋糕質感唔夠濕潤。🙆🏻‍♀️美味指數:7.12/104️⃣Artsy Print Coffee $88呢杯朱古力上面印有梵高嘅畫作The Starry Night，凍朱古力香滑唔會好甜，配tiramisu剛剛好🙆🏻‍♀️美味指數:7.35/10Lex Coffee (西環)地址🐾:西環堅尼地城卑路乍街100號地舖

餐廳好多收藏品⋯⋯好似去咗藝術館咁，好高級又Artistic 🪆🖼虎蝦意粉 擺盤用心 ，用花做裝飾，賣相吸引 ！意粉入味但唔會過分濃郁，蝦肉爽口鮮甜😙招牌安格斯高級肉眼牛排(10oz)塊扒大過我手掌！肉眼位置都有少少脂肪位，大部分都係偏瘦，裏面保留住粉紅色的肉，仲好鮮嫩！醬汁係酸酸地，幾開胃！仲有啲沙律伴碟🥗招牌墨西哥式煎蛋有啲粟米片插係包上，好有創意、有趣！啲包更塗滿滿的牛油醬，太陽蛋一切即流心，成個配搭我好鐘意！麵包中間嘅位置會軟熟啲，側面兩段就會脆身~👍🏻混合莓果榛子醬waffle 好巨型的甜品塔！朋友們個個都爭住打卡！waffle好香脆，仲有充滿果香的榛子醬伴以獨家味道的雪糕球。吾食甜野嘅朋友都吾緊要，仲有水果:香蕉、blueberry、士多啤梨🍓食！一班人叫呢個開心share 一定會較難忘！😍❣️

甜品令人開心舒暢， 排憂解悶， 好心情的時候更是錦上添花， 就像春天的感覺。 女生對甜品是毫無抵抗力的， 舒適應的環境，優雅嘅擺盤，漂亮嘅造型， 細緻的味道。 每隔一段時間就回到這裏， 享受 悠閒的一刻。意大利芝士蛋糕綿密香濃的忌廉芝士， 夾在 濕潤的咖啡酒手指餅， 咖啡酒味回甘， 香氣散發在每一個味蕾， 香滑細膩的口感， 配上香濃的可可粉， 微甜回甘 有層次的味道。焦糖法式燉蛋紫色的花朵吸引著我的眼睛， 焦糖味道芳香四溢， 鬆脆不黏牙。 忌廉 燉蛋香濃， 幼滑而結實的質感， 令人一試愛上。招牌安格斯肉眼牛扒除了甜品，當然要品嘗招牌安格斯牛扒， 份量十足，煎至兩面微微焦香， 沙律菜新鮮爽口， 平衡了牛扒的肥膩感。龍蝦意大利飯龍蝦意大利飯一如以往的漂亮， 意大利飯吸收了湯汁精華， 芝士味道濃沃， 龍蝦爽口彈牙,味道真的不錯。

之前做野經過呢間好靚的餐廳 今日終於約左朋友來試樓底非常高 好有空間感裝修好新 好有特色 充滿藝術氣息玫瑰洛神花茶除左裝修之外, 餐具都好精緻呢個花茶用都係用一個好精美的杯同壺分開上味道淡淡 感覺養生招牌安格斯高級肉眼扒Order左7成熟 出來都ok肉眼扒有肉汁 椒鹽的份量都ok 加埋焗蒜 烤薯 沙律 蕃茄仔 都幾豐富龍蝦意大利飯呢個真係有原隻龍蝦 賣相已經好吸引加埋龍蝦係拆左肉 好細心唔會食到好麻煩 唔錯意大利飯略為淡左少少 不過加埋龍蝦食整體唔錯意式提拉米蘇本身想叫蛋糕 但sold ou左店員推薦試一下呢款結果都唔錯 賣相不錯tiramisu好香咖啡酒味 好濃郁同朋友share 一件 剛剛好店員都好有禮貌同效率 值得一讚

2021年6月20日 晴今日父親節，早幾日訂左Lex 做父親節Lunch。係附近住左咁耐，睇住佢裝修、痴咖啡豆牆，到開左咁耐，終於黎試佢la。餐廳裝修靚唔洗多講，中間仲放左兩件展品咁，坐位由以前多矮枱矮櫈變到而家主要正常枱櫈，坐位都幾舒服，一去到見到餐廳九成枱都放左留座牌，大家想食最好都係訂一訂位好d。蟹肉蟹籽芒果沙律 $128，蟹肉都算多，味道幾fresh 幾好，配埋芒果甜甜地唔錯。龍蝦意大利飯 $198， 呢個飯就唔算多，龍蝦雖然唔大但都叫啖啖肉，個頭仲有龍蝦膏，味道適中，好食溫泉蛋卡邦尼意粉 $158，夠creamy，芝士味唔會好濃，有好多煙肉同一大塊ham都唔會過咸，好味慢煮紐西蘭草飼羊4枝骨羊架配紫薯蓉佐日式燒汁 $238，呢個羊好好食。首先佢唔羶，其次好淋好軟熟，然後唔會好肥，配埋紫薯蓉成件事好優秀值得推介。雜莓朱古力冰塊配熱牛奶 $68，朱古力香濃幼滑，牛奶可以倒幾次，不過牛奶個樽arm arm 黎個陣會比較熱，要小心。仲叫左杯手沖咖啡 $65，有幾款豆可以揀。呢款豆果味重dd， 唔會好濃味，幾好。總括食物種類唔算多，價錢都偏貴，仲有叫左杯Americano 埋單$983

呢間Cafe樓底高，周圍都放滿顏色豐富既藝術品，好吸引眼球，每邊牆都有唔同特色，我係平日lunch Set既時候去，都已經滿場，會有個沙律/湯+主食+餐飲，沙律份量算多，叫左個藍芝士牛肉漢堡，成個burger size都大個，好飽滿，牛肉厚身但味道淡，藍芝士味道唔會很濃烈，整體有d乾身，配左幾塊墨西哥脆片，但個size就好滿足，餐飲係蜜糖檸檬水，正常，價錢偏高，平均$200個人，有一樣野下次想試既係個tiramisu，賣相好靚~Good Try 無壞~

落堂之後係附近搵間餐廳食晚餐，一直都bookmark咗呢間餐廳好耐，終於黎試下🥰 呢度樓底高，有好多藝術展品～🦞 龍蝦意大利飯 $198龍蝦肉份量多，真係啖啖肉，口感彈牙、唔會軟爛，證明幾新鮮👍🏻 而且翻轉個頭見到有一大排蟹膏🤩 真材實料！意大利飯飯粒飽滿結實，醬汁creamy但唔會太膩～🎨 藝術打印朱古力 🍫 $88為咗呢杯飲品而嚟！夜晚無曬咖啡☕️，所以要咗朱古力base🍫 揀咗梵高嘅Starry Night，真係好靚，還原度💯 味道方面，面頭嘅art print係厚厚嘅一層cream，少少🤏🏻甜、軟綿綿幾好口感，個base飲落似mocha，開心🥳 🌹 玫瑰洛神花茶 $58養生之選～ 聞到好香玫瑰花味，飲落熱騰騰，酸酸地，幾清新健康。🇮🇹 意式提拉米蘇 $78除咗藝術打印飲品之外，tiramisu都係必食！隔離臺仲插支蠟燭慶祝生日😂 手指餅唔會太硬或者太腍，cream比得幾多，配埋一齊食幾夾～🍮 法式焦糖布丁 $68呢個好有驚喜😋 面頭係焦糖脆片，內裡嘅布丁蛋味香濃，口感綿密細膩，份量可以兩個人share，大力推薦👍🏻Staff幾好態度，呢間一定encore☺️

西環有一間精品咖啡店，食物非常高質 仲要賣相好吸引😚 食物走比較高價嘅路線，不過朋友都話價錢對得住質素👍🏼 今次試咗招Tiramisu，見其他人叫打印圖案咖啡都好特別💕.✨意式提拉米蘇 $78: 見每個人嚟食都必試Tiramisu🤓 雖然cream唔會太多，但係手指餅比咖啡浸到夠淋同入味👍🏼 忍唔住食多幾啖😜 朋友都一路大讚，不愧為招牌甜品😊.🌟厚切吞拿魚三文魚籽 菠菜汁意大利飯 $168: 賣相非常精緻🥰 有一大排三文魚籽係燒吞拿魚上面😆 吞拿魚肉厚而且魚油好香😋 Risotto唔會太濕，菠菜汁主要令顏色更鮮艷😂 .🍝大蝦意粉 $178: 兩隻大蝦好厚肉爽彈，扁意粉夠煙韌，掛汁度好高👍🏼 醬汁好重蝦味，應該用咗蝦頭嘅膏煮過😍.🦀蟹肉蟹籽芒果沙律 $128: 蟹肉份量好足，加上芒果蓉同汁令沙律更清新🌟 蟹籽令口感提升，整體好高質❤️

呢日同朋友去左堅尼地城呢間環境超靚既餐廳食dinner，入面擺左好多靚既藝術品，一路食野，一路欣賞，好正。打開餐牌，見到有好多好吸引既茶式。我地點左夢幻早餐，食得多all day breakfast ，好易就分得出邊啲係用心製作，呢個夢幻早餐絕對係top 3！沙律係配上芒果醬，好清新。炒蛋下面放左燒菠蘿，酸酸甜甜，好開胃。仲有火腿薄片、三文魚同埋蔬果仔咁，令人好滿足但又唔heavy！另外仲有西班牙厚汁五花腩，呢道菜真係勁邪惡啊，五花腩煎到勁香，上面既油脂好惹味。伴菜係酒漬櫻桃，可以消去五花腩既油膩感，配埋法式紅酒汁，真係好夾啊！飲品點左matcha latte同hojicha latte，超高水準！

平日放假就梗係要去搵好嘢食啦今次就遠少少去咗西環呢間餐廳環境非常舒服我同朋友2:00去到人流唔係太多食完之後都可以輕輕鬆鬆坐低傾偈✨✨✨✨✨✨✨✨✨✨✨✨✨✨✨✨✨✨波士頓龍蝦意大利麵----啖啖肉🦞喺OpenRice見到龍蝦嘅相都好吸引一見到lunch Menu就叫咗呢個啦佢嘅意粉都充滿龍蝦汁好入味而龍蝦都有兩大舊肉意粉份量又唔會太大食完你會好想再繼續食蟹肉芒果沙律----夠fresh🥗蟹肉加芒果嘅配搭夠清新用黎做前菜非常唔錯同埋夏天咁熱係要食啲fresh啲嘅嘢Tiramisu----🍰又係見到佢個賣相好吸引所以叫咗果然冇令人失望一路食一路感覺到好香嘅咖啡味入面嘅手指餅軟綿綿程度啱啱好唔會淋到一pat野咁而且味道唔會太甜感覺好似健康啲😂✨✨✨✨✨✨✨✨✨✨✨✨✨✨✨✨✨✨依間餐廳可以再次到訪下次再試埋佢其他嘢先