LEVELthirty 觀景酒廊

營業中

休息中

📍香港📍沙田📍LEVELthirty Lounge & Bar📍沙田安平街1號香港沙田萬怡酒店頂層 (石門站C岀口)📍主要都系 12:00~14:30 & 17:00~00:00🦄2打生蠔 $398🦄評分:7/10呢間餐廳成日都會做唔同既優惠！前排就系逢星期二仼食三款生蠔！但基本上full booking🤢今個月做緊$398@24隻生蠔and两杯酒精飲品🥂生蠔系即叫即開 所以等左around 30mins😾😾不過真系好新鮮👍🏻我覺得法國生蠔最好食🤙🏼🤙🏼

2打生蠔 $398評分:7/10呢間餐廳成日都會做唔同既優惠！前排就系逢星期二仼食三款生蠔！但基本上full booking🤢今個月做緊$398@24隻生蠔and两杯酒精飲品🥂生蠔系即叫即開 所以等左around 30mins😾😾不過真系好新鮮👍🏻我覺得法國生蠔最好食🤙🏼🤙🏼

沙田石門俾人感覺工廠多，無咩好野食，但近來京瑞進駐了不少食肆和陳根記開張，要吃東西便多了選擇。這間LEVELthirty觀景酒廊在沙田石門酒店頂層，叫是酒廊，其實也是間餐廳，平日有午市套餐，頭盤沙律，主菜，甜品。平日也有小食，意粉，pizza等，當然有酒和其他飲品。午市套餐$200內已有，份量超大，重點是餐廳望到外面景緻，好清楚，你還拿杯飲品，走出外面欣賞沙田河畔和馬埸景觀，吹吹風。酒店級食物和服務，靚景，值得推介！

#levelthirty 今日係人日，人人都生日快樂🎂 午餐要食好d,這區來說已是頂級😝 先講環境，景觀是不錯，開揚望馬場河景，真是很舒適。價錢也不貴，質數屬正常，主要喜歡那裡環境。lunch set 包主食、湯、麵包、飲品及水果🔹Augus steak $168 重牛味，但牛肉質一段。🔹sushi set $128 真心普通，沒有驚喜，感覺與自助餐吃的差不多, 唔明點解會是sushi roll, 一心諗住會是壽司lor.🔹餐湯反而最好味，麵包也ok

這天約了朋友到沙田一聚，想吃得舒服，她帶我到了沙田萬怡酒店的頂樓「LEVELthirty」吃午餐，風景好，食物也好，果然是不錯的選擇。 在等電梯到餐廳的當兒，發現不少打工族都是上來吃飯，周五的中午，餐廳座無虛設，也難怪，這裡的無遮擋沙田靚景盡入眼簾，的確好舒服。 LEVELthirty設有吧枱，本來就是主打飲品與靚景，三五知己來「飲番杯」，近來更推出了午餐，所以吸引了很多上班族來光顧。 飲品餐牌有好多選擇，包括色彩繽紛的cocktail和mocktail，我要了一杯「Spring Breeze ($78)」，裡面有玫瑰茶、荔枝蓉、蜜榶糖漿、青檸汁、薑糖漿等，喝一口，竟有點薑醋的感覺，有點辣，有點甜，很有趣。 安格斯西冷牛扒配黑椒汁及薯條 ($168) 午餐有齊餐湯、主菜、水果，今天的餐湯是雜菌湯，粒粒雜菇在裡面，味道香濃，湯夠滑身，不錯；牛扒也很好，點了五成熟，肉質仍保持鮮嫰，很有肉味，好滿足；最後吃一些新鮮水果，夠健康！ CurlyStars ⭐⭐⭐⭐ 4.5/5

星期日約左班朋友諗住傾下計影下相，所以簡左黎試下佢既下午茶!因為間野係酒店既頂層，所以個景望出去好開揚好靚~係酒店HIGH TEA 呢個價錢真係好抵~分左三層，有鹹食同甜點~個樣都幾靚咁~味道就一般般啦~但呢個價錢都唔可以要求咁多，叫不過不失HAHA牛肉漢堡個味普普通通有少少乾，如果熱D就好啦~蟹肉酥餅D蟹肉都幾鮮甜~個SCONE 都幾好食，甜甜地~最好食係呢個HAHA我覺得黎呢到食最好就係食個景，同朋友傾計好岩~又唔會太噪又可以慢慢坐!想平平地食個AFTERNOON TEA 都可以黎試下~

聖誕正日和同事相約在萬怡酒店嘆個下午茶。LEVELthirty Lounge & Bar位於酒店頂層，風景開揚，可惜當日天氣不佳，拍不了藍天白雲。下午茶餐牌，看似是朱古力主題。High Tea來說，這個價錢可以說是相當便宜，連加一每人只需$185左右。鹹食一碟，三文治、鬆餅、甜點分為三層，食物外型也尚算精緻。先來評評鹹食。我認為食物的溫度尤其重要，溫度不佳，是絕對會影響食物的口感和味道。而這裡的四款鹹食，連微暖也清不上，大大扣分。蟹肉酥餅的酥皮已經完全與鬆脆抵不上關係，淋身酥皮更顯油膩。聲稱用上和牛的牛肉漢堡乾身無肉汁，如果真的是和牛的話，只能說真的浪費了本是高質的牛肉。說到這裡亦無謂每款食物細評了，　一字記之曰：差。甜點也沒有驚喜，但不至難吃。朱古力愛好者可能會非常喜歡，但我感覺大部份都很「滯」，不太喜歡。價錢來說，這個價位有這樣的景觀，其實抵食，但食物味道真的需要改善改善，不然實在吸引不到人回頭光顧。值的一提的是，有一位女侍應樣子可愛（不是重點），接待我們的時侯笑容滿面，語調活潑，很cheerful！已經很少看見這麼敬業的侍應了！看在服務周到和不錯的價錢及環境，給一個OK。(如果只

上一趟來到沙田萬怡酒店吃自助餐時見到LEVELthirty Lounge & Bar逢星期一及二供應的冰鎮海鮮山配美酒盛宴好吸引，終於約到朋友在這個星期一來享受場心野夜！ 位於酒店30樓的LEVELthirty Lounge & Bar居高臨下沙田河畔美景盡收眼簾！可惜户外工程進行中未能為大家拍攝一幅迷人夜景！ 甫坐下已見到這杯Rainbow Mocktail＄78好吸引，一於先來一杯再嘆小食！Rainbow成品顏色很美用紅莓、橙汁、新鮮菠蘿、蝶豆花等材料炮製而成，味道充滿果香甜美可口。 佐口小食選了鴨肉春卷擺明是北京填鴨D朋友，不過吃得更方便而且香脆口感很妙！ 冰鎮海鮮山配美酒盛宴收費＄538/2位用，另贈送紅、白餐酒或氣泡酒2杯，只在星期一及二6:00pm~1:00am供應，如果這兩天沒空也不打緊！因為星期三、四也可來享受無暢飲兩小時精選美酒也很正、另外還附有2款小食及一客凍肉芝士拼盤配搭佐酒！ 冰鎮海鮮山附有三款汁醬跟檸檬角供配搭各式海鮮，吃鮮之餘同時增添味道的層次。 海鮮山內有多達10款冰鎮海鮮，頂層有新鮮波士頓龍蝦、多膏甘甜的麵包蟹、鮮味的鱈場蟹腳、酒香撲鼻的彫杞子醉蝦、

有時，做人唔使太清醒既～ 坐在落地玻璃窗前，俯瞰沙田夜景，手執芳香白酒，快活過元帥。 是的，我又是在沙田萬怡酒店，頂樓的LEVELthirty。呢個環境與景觀，好岩feel。 先整個小食最實際，鴨肉春卷，香脆惹味，咬落發出咔嚓咔嚓的亮麗聲響，邊吃邊與老友有說有笑，食到飲到唔捨得走，乃人之常情。 原來逢星期一和二，酒店做緊冰鎮海鮮山配美酒佳餚，晚餐後再來呢個海鮮山，我係咪痴左線？ 由下層講起，鮑魚加入和風元素，藍青口與花甲鮮味十足，泰式生蝦最緊要配埋汁醬。生蠔即開，可惜始終不是時令。 頂頭嗰層就堅了，波龍與琵琶蝦開邊，啖啖肉，不羨仙。凍蝦原來唔係咁簡單，而是花雕杞子醉蝦，入味非常。黃金螺唔會韌得像趙香口膠，鱈場蟹腳夠鮮甜，仲有原隻爆羔麵包蟹...... 要吃過晚餐的我們清掉呢班蝦兵蟹將，談何容易？好彩我哋有外緩。 呷一口芬芳Sauvignon Blanc，酒不醉人人自醉，抑或是酒入愁腸愁更愁？Who cares！ 唔飲酒既朋友，可以來杯彩虹特飲，慢慢Dap彩虹～

今日天朗氣清，好想去一間餐廳可以望到藍天白雲，心想無其他選擇，只有沙田萬怡酒店頂樓先可以滿足我的要求餐廳其實以酒吧形式，晚上提供不同酒類、海鮮及小食，放工可以與朋友來輕鬆一下，而日間有午餐供應，大約有五至六款選擇，價錢由98元起。但客流不多，不用訂枱也有位。講真餐廳賣點係個無敵馬場景，食物味道及質素平均，因為現在大部分客人都要求聲色藝具全，如果食物方面再花點心思會更理想。

沙田無論任何時間的而且確係迫爆人，想搵間餐廳同朋友聚會傾下計都無咩可能，因為唔知幾時開始，大部分餐廳都變左規定90分鐘交枱。如果要傾計，又要再轉場搵地方飲野或者食糖水。Level thirty, 就在酒店頂樓。 打過電話黎， 但原來只限walk In。我同朋友坐咗喺門口果張枱對著吧枱。簡簡單單點左啲小食Tortilla 內層夾著芝士，配上切粒蕃茄醬，味道也不錯。另外再點了buffalo wings, 味道酸甜有一點辣，最喜歡食完配上一條西芹， 平衡一下味蕾。還點了mini burger, 一份有三件，份量小小的，味道不錯，如果可以配上薯條或薯片伴碟，會更加完整。上到黎當然要飲番杯，同行朋友點了一點無酒精mocktails，我點了一杯chardonny，大約只有五份一杯的份量，平時去餐廳飲酒從來未見過倒咁細架跟平時tasting份量差不多呢。至於風景，就是對著住宅和馬場，沙田區來說是不錯啦，始終附近無同類型餐廳或酒吧，價錢平民，所以回頭率很高啊！整體來說：食物是OK 但酒吧確實有待改善，如果價錢貴一點，紅酒白酒大杯一點我都覺得無問題，只係咁細杯，有啲奇怪。Mocktails 朋友說是梳

星期五黎到叫左pizza 同推介嘅辣炒蝦仁。兩樣野上到台都係凍嘅。pizza又唔好食，pizza hut 仲好食過佢好多。推介嘅辣炒蝦仁味道淡，唔好食。自己炒都好食過佢。黎過一次都唔會再黎。而且餐牌選擇少。想叫支紅酒又冇貨。係得個風景靚 係酒店三十樓 。其他一冇是處，野食真係難食，求其搵間西餐都好食過佢。

剛過去的星期日跟車婆婆請了一天假，跟車爸爸到了Courtyard by Marriott Hong Kong Sha Tin居高臨下的LEVELthirty Lounge & Bar享受了一場超值的河畔寫意醉人四道菜Sunday Brunch！ 不止一次到來LEVELthirty仍舊被那開揚的沙田河畔美景吸引著！還幸這日天公造美大放晴天須有點煙霞但仍是感覺良好！ 餐廳現起至6月底逢星期日11:30am - 3:00pm供應Sunday Brunch＄398/位，四道菜連兩小時無限添飲氣泡酒、紅酒、白餐酒、啤酒、橙汁和氣水，另外更可用＄100-＄200升級享用埋Laurent-Perrier香檳和Laurent-Perrier Rosé！喜歡喝酒的我跟車爸爸真係覺得超值非常！ 我當然揀選了Laurent-Perrier Rosé任飲啦！瑰麗的玫瑰紅色帶有濃郁紅莓與紫羅蘭的香氣，入喉後綿密的氣泡在口腔中彈跳，充滿了柑橘果香與均衡的細緻口感，喜歡酸香的朋友必定愛它！ 車爸爸的Laurent-Perrier香檳也十分可口，具有白色花朵和蜂蜜的新鮮香氣，交雜香草、堅果和柑橘的芳香，清香

連續寫了兩篇遊記，是時間給自己小休一下；昨天上教會後，毅然放下兩兄妹、重訪 沙田萬怡酒店，因得知酒店新推出11:30 - 15:00 ，三個半小時任飲氣泡酒、葡萄酒、啤酒、橙汁及汽水的$398四道菜 Sunday Brunch，兩口子決定一起開心買醉去！ 認識沙田萬怡酒店，是由它的 MoMo Cafe 開始，但後來頂層 LEVELthirty Lounge & Bar 開張後，甜魔媽媽馬上變心更愛這裡。要知道，LEVELthirty 與尊貴的 總統套房／行政酒廊 Executive Lounge 同層，消費卻十分合理，想要 Executive 享受的，自然要上來慢慢嘆了～ 與行政酒廊一樣，LEVELthirty 都可欣賞到城門河景；居高臨下的位置，更可眺望到沙田海，景觀清幽寧靜而美好，正是星期日放鬆身心的好地方。 $398的任飲 Sunday Brunch 定價超值，但加$100-200，就可升級至暢飲 Laurent-Perrier Brut 法國羅蘭香檳／Laurent-Perrier Brut Rosé 法國羅蘭玫瑰香檳，也非常的吸引！考慮一陣，這天終於忍不住選下玫瑰香檳

今日公司老闆請客 係呢到一邊飲酒 一邊開會呢到紅白酒兩小時內任飲炸洋蔥圈 炸春卷都係任食會送一碟芝士配餅乾 幾好食紅白酒質素一般 有d酸 唔易入口炸物就幾好 夠熱 食得出係新鮮出爐