Leonidas (已結業)

好鍾意呢家朱古力店，店內收益係幫人，所以食得黎寧舍有意義我最愛呢個輕量食左唔濟既cheese cake ，strawberry 酸酸甜甜，令柔軟的creamcheese一點都不漏，難怪是我一路的最愛！！新的旦糕，又是吃上口好清新，好啱夏天食，芒果味好香結實的口感，重身朱古力味，係飽肚之選，用料是典形的外國口味，較甜……賣相挺討好，一層朱古力旦糕，一層白色的微酸乳酪，白色部分是硬身的，還用上少少白朱去做吧，吃後有點飽！！！

新年前落SOGO買定禮盒拜年，其實晌附近已買咗好多盒禮盒，不過經過Leonidas見到個福袋裝住D朱古力幾靚，就行去望下，之後個店員就順便SELL埋我買羊年朱古力禮盒，因做緊買二送一。起初見到都平都有D心動，但親戚又不太好朱古力，所以最終買咗兩盒做緊8折的Benji’s 無花果曲奇，一盒比自己，一盒用嚟拜年。返到屋企即拆嚟食，入面有兩PACK，曲奇淋淋地，不過牛油味好香，入面的無花果肉煙煙韌韌，甜甜地，感覺好清香，幾好食，不過一包份量唔算多，食下食下好快食完，為有下次再買啦。

早陣子, 同個成日出去搵平靚正好野既朋友食飯~ 佢同我提起一間幾出名既朱古力店Leonidas~ 佢既介紹之後, 有日要去朋友到食飯我就特別去左sogo既Lenoidas 買左個Chocolate Truffle Deluxe - $220呢個蛋糕, 朋友話好RICH但唔太甜同膩, 去到就諗都唔諗要呢個蛋糕。不過~ as 一間都幾出名既chocolate shop, sales 係完全唔care我既存在, 係咁傾計… 我係要講左2-3次excuse me 佢地先有一個行埋黎但只係企係到…咩都唔講….我話想要呢個truffle cake, 問佢地佢唔佢溶, 因為我張坐2個hr車, sales 話唔會。 That’s already end of our conversation… 冇問我要唔要生日牌or whtsoever… 比錢拎走佢地再傾過… 嘩? 我去美心, 東海堂都好service過你….Anyways..講番個蛋糕呢個chocolate truffle 睇落都真係幾grand. 朋友一見到就好開心! 佢黑得黎好靚, 而且有少少金薄, 真係一個做禮物既好選擇!到我地食既時候, 切

早前不經意地在Facebook看到Leonidas這家品牌的朱古力專頁，深深被誘人的朱古力相片吸引著，剛好這天經過Sogo便尋找少量朱古力過癮。看見櫥窗內的朱古力種類繁多，隨即有「選擇困難症」，哈哈，所以立即問店員有什麼推介的朱古力。從他口中得知Fresh Butter Cream系列較出名及獨特，朱古力吃起來質感比較軟滑，所以譽為皇牌朱古力。聽起來好像很好吃的樣子，即買1粒原粒榛子及1粒菠蘿奶滑試試看吧!先來原粒榛子朱古力，咬開後發現朱古力軟滑順口，入口即溶，最意想不到的是內藏的榛子超大粒!!!又脆口，配合夾心的奶滑咖啡味，兩者相得益彰!菠蘿奶滑外殼是白朱古力，四四方方，並印有圖案，貌相吸引。白朱古力外層脆口又不太甜，入面Cream狀的菠蘿奶滑，食落口感軟身，帶點菠蘿的清香味~超好味!!!雖然只是一啖一粒，但也想再買多幾粒Encore呀!!!

這日, 行經Leonidas, 看見櫥窗內的macaroon, 口癮又犯了看見一個又一個精緻的macaroon, 又怎能忍到手呢,本來是打算買2-3個過過口癮的, 但聽到店員說盒裝正在做優惠, 便改買了一盒8件的盒裝,第一個食的應該是杏桃味, 餅比paul lafayet的出品要硬, 內有杏桃果醬及帶少許果肉, 不算太甜, 口感還算不錯,但第二個開始, 我便開始覺得中伏了!是什麼味道的, 我也沒深究, 但給我的感覺就是硬硬硬!除杏桃味外, 不知為什麼, 其他的macaroon 餅又厚又硬, 內裏的果醬很少, 餅跟餡的比例失衡, 餡過分稠, 而且太黏牙, 果醬變了糖膠 其中一件米白色的, 我一咬, 餅居然像一般零食餅乾般碎開了......口感絕對是慘不忍睹, 其他的也是大同小異, 也不多說什麼了唯一不錯的只有第一件, 如果不是花了那麼多錢買, 我不一定有勇氣將它食完比Leonidas差的macaroon 我不是沒食過, 但像Leonidas的macaroon一樣, 又貴又差的, 真是第一次嘗試只能說是口癮引起的禍, 我個人是不推薦Leonidas的macaroon的

為朋友補祝生日，匆匆的沒甚麼可預備，唯有到西餅店找來一個蛋糕以表心意吧。其實是第一次在這裡買蛋糕的，但因為外型可以，又是自己喜歡的味道（Tiramitsu），所以就買下來了。四方的外型其實是不錯的設計，因為可以更容易地計算要切的部份來分給不同的人。而味道也很好，朱古力味很香濃。上層軟軟的配合下層的蛋糕，給人兩種不同的口感。而唯一認為美不足的是旁邊的餅在未切的時候已脫離了蛋糕的主體，有點不夠美觀。

身為一名馬卡龍忠實粉絲，我對這可愛的小圓餅充滿熱情。某日在FACEBOOK看到有朋友分享了一則「Premium Macaron 極品法國馬卡龍」的消息，知道La Parole Bistro首次由法國引入六款經典口味馬卡龍到香港。好奇點進專頁，看到這家的小圓餅竟自稱為Premium Macaron 極品法國馬卡龍，而且還要索價20大元一粒，在好奇心的駒驅使下，很想試試，於是Simon特意在約會前到Sogo地庫把六款口味都買齊給我。　　　六款口味分別為朱古力、開心果、檸檬、紅莓、香草及焦糖。　不過，把六款口味的法國La Parole Bistro所出品的macaron都呑進肚子後，我不禁開始疑惑起來，這樣的水準竟然有勇氣自稱極品？　　小圓餅挺身爽脆，賣相不俗，不過以頂級馬卡龍的水準來評分，卻未能達到脆得來要薄的要求，令這個「少女的酥胸」失去酥軟的感覺。　　而且甜味偏淡，只屬中上水平，很難令人一試難忘，與「極品」還有一段距離，多款味道中，唯有雲呢拿及朱古力較為凸出。　　雖然自吹自擂成極品，但真與假一試便知，我會告訴你，它只能徘徊於中等水平，但這樣的價錢，畀多3蚊食Pierre Herme吧-

六月九日 (星期日)這一年，最注目的甜品非馬卡龍莫屬除了不少來自法國的馬卡龍名店進駐香港外，不少品牌也相繼推出自家製的馬卡龍六月頭先有甜品界畢加索的Pierre Herme登陸香港前天又在面書得知朱古力品牌Leonidas亦運來了馬卡龍取名Premium Macaron，代表極品究竟有幾Premium，也耍親自試過才知！現在只有銅鑼灣SOGO特設的推廣專櫃發售供應的口味不算多，包括朱古力,開心果,檸檬,紅莓,香草及焦糖自問對馬卡龍的要求挺高，點了白白淨的呍呢嗱味一試牛刀馬卡龍的裙邊實在做得不算突出吃起來口感有點鬆軟，沒有外脆內帶嚼勁口感只屬一般，味道上，香草還算合格，散着一點清香看來弄甜品，尤其是馬卡龍真是一門深奧學問要努力改善

甜品個個都鐘意食,但口味就大家好唔同我平時好鐘意d西式糕點,尤其係macaron之前去過中環試過幾間唔同既舖頭,但都覺得麻麻地今日行sogo見到呢間舖頭話岩岩開始做macaron既promotion仲話係法國運黎好,等我試下先!買左6件返屋企,諗住同屋企人一齊share但見到實在太吸引忍唔住食左件嘩...個味真係好rich!!估唔到法國運黎真係有分別首先,皮夠口感,唔會一咬就扁左落去其次,中間既料個味好新鮮我食左朱古力味同綠茶味兩隻個口感同味道都好突出!d味唔會淨似糖漿或者太人工,感覺好fresh絕對好食過中環果幾間下次會再黎幫襯!

甜癮發作...本身想去銅鑼灣嘅chez shibata, 點知執咗，變咗做Das Gute所以去sogo睇睇，店員話佢哋嘅蛋糕全部都係用歐洲材料製成，未試過Leonidas就give it a go......早知睇咗食評先^^"而家thankful week promotion cake 買4送1買咗件blueberry cheesecake（$32），用普通紙袋裝住，蛋糕毫無包裝，搞到啲jam沾到紙袋好少見呢類型店舖嘅蛋糕係完全無包裝反而蛋糕墊就好唔同，用厚膠片做，好實淨但矛盾嘅係，店員用膠紙痴住蛋糕墊同紙袋，但件蛋糕就咁擺係面，即使固定咗張墊，件蛋糕依然可以隨意走動而味道就完全唔值呢個價...蛋糕嘅芝士味唔突出，味淡，粘稠濕潤，濟濟地..果醬普通，正正常常甜甜地嘅藍莓味藍莓就幾好，淡淡嘅甜，唔酸，有莓味消化餅底好普通，homemade都整到嘅質素...成件蛋糕最好味嘅係果醬連埋果醬一齊食先食到一半希望可以改善下啦^^"可能佢始終係chocolatier, 應該用番朱古力而唔係蛋糕嚟judge佢好唔好

Leonidas既朱古力係好好食 , 我之前都有講過架 , 但係從未試過Leonidas既蛋糕 , 日前咁岩行過 , 就買左幾件試下 . . . 結果 . . . 1. Apple Crumble , 個中文名叫蘋果脆批 , 其實一D都唔脆 , 又無味 , 入面以為有蘋果肉LA , 有幾粒LOR~ 大部分都係提子乾 , 咁點叫蘋果脆批ar? 2. Chocolate Banana Cake , 其實就得香蕉味 , 無朱古力味 , 咁有舊香蕉係入面都幾得意既 3.Coffee Cake , 嗯 . . . . 我諗係唔係想個客有coffee有cookies食 , 最低有舊cookies , 又加埋D開心果 , 個組合係怪 , 好唔match 可能佢地想開拓多D產品 , 但係似乎仲未做得好 . . . . 真係唔想因為佢地D蛋糕唔好令到其他客人對Leonidas印象差 , 始終因為好多人因為做慈善先買Leonidas既product.Anyway, 加油 , 希望下一次會買到D好食既口味

我吃過很多不同鋪頭的Mont Blanc 因為我超喜歡栗子的!而這間的Mont Blanc 是我覺得最好吃的其中一間! 吃進口內真的會覺得不同層次的栗子味滲出來!Opera Cake反而令我有點失望蛋糕也算濕潤, 但每一層也是分離的, 很容易散掉, 味道也一般

行過SOGO, 發現LEONIDAS正在做買五送一的推廣, 呢個比VIP 咭更平的優惠, 立即買咗:朱古力咖啡旦糕 Opera, 冧酒提子朱古力 Rum Raisins, 德國芝士旦糕 German Cheese Cake : 口感幼滑, 甜度OK. 紅桑子日本枝豆 Raspberry Edamame Mousse: 紅緑相間, 剎是好看, 但味道卻較輕盈. 檸檬撻 Lemon Tart, 車厘子朱古力 Cerise Forest : 外表其貌不揚, 但卻最有口感, 前者又酸又甜的, 後者的車厘子和朱古力好濃, 質感也較豐富.

第一次寫食評，不吐不快！一心到Sogo分店買朱古力，可惜掃興而回。女店員只招呼相熟客人，還與持勢凌人的「尊貴」客人指責我的朋友「阻住晒」，如此服務，誰受得了！！！為了消消氣，不會選擇Leonidas，怕了如此不禮貌之待客之道。

對於有社企責任的食店, 我絕對萬二分支持 所以近年來買朱古力也會光顧Leonidas 其實除了社企責任外, 她們出品的朱古力也乎合我口味,但以蛋糕而言, 她們出品則略遜一籌。有幸是上星期某人送來的Opera, 重燃我對她的慾望 。是夜於Sogo Supermarket 掃貨後, 再到餅櫃搜羅一下, 雖然心水選擇不多, 會先以朱古力出品埋手, 最後挑了一件Chocolate Truffles 作為飯後甜品。按捺不住了, 返到屋企立即用解決 先以一片幼滑而入口充滿牛奶香的朱古力片作為前戲 外層是濃黑而富立體感半圓形, 喜歡那口感幼滑而柔順的鏡面朱古力漿 接著再要子脫去那黑色外套, 看看那誘人的黑色張力。原來內裡包含著那性感而濕潤的黑朱古力mousse 和純朱古力蛋糕, 口感一流 濃度高之餘亦絕不花巧, 充斥著穩穩的甘味, 而甜度沒有搶去主場的身份 每一口也有點罷不能的感覺, 奧賣葛。我雖然不是朱古力專家, 但我絕對是追求濃度和幼滑度的食家, 這款蛋糕完全乎合我的要求。 試過此蛋糕後, 進一步確定了她在我心目中的地位。