17
1
3
電話號碼
95801680
營業時間
今日營業
11:00 - 18:00
星期一
全日休息
星期二至五
11:00 - 18:00
星期六至日
11:00 - 21:30
公眾假期
11:00 - 21:30
付款方式
現金
其他資料
加一服務費
室外座位
素食
食評 (36)
上一篇話嚟到南丫島,梗係唔會就咁停啦。我哋經過另一間咖啡室,見到好特別,有陶笛音樂。上網見啲相,拉花嘅圖案非常之靚,即管睇睇!我哋叫咗一杯果仁Mocha同一份雪糕Waffle。大約10分鐘咖啡嚟到,的確好靚,朱古力味非常之濃反而咖啡味就少咗啲。再等多20分鐘,窩夫就嚟到,識落外脆內軟幾好,雪糕就相對可以再雪涷啲。總體食物幾好,服務既女士好有禮貌,張枱既設計都幾好,上菜速度可提升不過,需要講返餐廳其他位,首先餐廳有非常之多規則,大家要有心理準備,例如係要細聲講嘢,唔prefer追單,最低消費等等。另一樣野係餐廳好大聲咁播陶笛音樂,牆壁同枱上面亦都啲同陶笛有關嘅資訊,電視播住陶笛老師既演奏片段,亦都有售賣陶笛,對於因好奇陶笛音樂嘅客人來講未免太過hard sell,太多鳥。客人因爲夏天亦都唔prefer坐出面,希望餐廳可以調整吓。另外,門常關,未入去似乎睇唔到裏面有幾多人。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-07-28
144 瀏覽
每次去南丫島必食!貪佢夠靜,近碼頭,內有洗手間同埋最重要嘅⋯⋯食物質素!已經有兩年冇嚟,menu都唔同咗有lunch set可以係湯加主菜(99$ UP)或湯+2前菜+主菜+飲品(149$ UP)因為我係上船前餓得滯已經食咗包所以就只係要湯加主菜(+$15的黑椒大啡菇漢堡配粗薯條,正確全名唔太記得⋯⋯)而男朋友好似好餓就叫咗湯+2前菜+墨西哥夾餅配沙律+mocha ($149)因為所有野食都係即叫即整,所以都等咗10-15分鐘先上咗薯仔湯,上面仲好靚咁有塊薄荷葉飲落有淡淡黑椒味,我自己本身好鍾意黑椒就會想有多D但飲得出薯仔好足料!再上咗呢個肉串(又唔記得名)雖然係素食,但仍然做到沙嗲豬肉的肉質同口感沙嗲好惹味,辣度適中,如果可以想食多幾串然後到呢杯(又唔記得名)入面有奇亞籽、香蕉、仲有細細片薄荷係面因為本身奇亞籽冇咩味,但勝在口感夠豐富加埋薄荷成件事好fresh無耐就上埋burger黑椒汁大啡菇漢堡配薯條完完全全感受到佢有幾新鮮!feel到內至外都有熱!因為太大個所以要切開一半除咗大啡菇仲有蕃茄同菜隻菇勁juicy!切開係有汁流出嚟!至於薯條都係熱辣辣好脆好粗好正!然後仲有呢個墨西哥夾餅配沙律本身對佢冇咩興趣因為唔太好夾餅點知好驚喜!夾餅皮唔太厚,厚度適中易入口入面餡有栗米、素蝦同唔知咩醬個配撘意外地好match,會令人想食多幾啖同埋素蝦好有咬口好彈牙!sidedish 牛油果同沙律都好fresh牛油果仲加咗少少lemon juice令佢更清新,又唔會變色最後就係呢杯mocha喇用料豐富層次好rich下次仍會再到訪! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-02-22
306 瀏覽
因為杯靚靚既咖啡吸引左我地去呢間cafe☺️去到其實已經過左lunch時間,所以成間鋪得我地4個,包場😝之前睇左其他人講黎呢間cafe食野係會有個大挑戰,就係講野要比較細聲避免影響其他人,真係好少咁細聲講野🤣不過如果唔得但又想試的話都可以改坐戶外位置我地叫左2個set lunch & salad 佢地既素食好正,勁唔似素,又唔油,好好味👍🏼最驚喜係墨西哥粟米沙律,呢個沙律等左好耐,黎到個樣真係靚到呢,超有心機同心思❤️仲要好味😋😋榛子拿鐵最好味👍🏼👍🏼抹茶拿鐵咖啡,比平時出面飲既苦d,抹茶味濃d不過佢用既杯真係好靚呀😍😍😍 拉花又好有心思❤️雖然野食飲品都真係等得比較耐,但如果你有時間想hea下,絕對推介👍🏼因為有誠意同心思既野都係需要等既 繼續閱讀
(以上食評乃用戶個人意見 , 並不代表OpenRice之觀點。)
等級2 2019-01-13
273 瀏覽
我地揀左 #陶笛咖啡 ☕️,依間cafe 🍽 要講野好細聲🤭好 #安靜 🤫。鍾意靜靜地 #享受 😌 #清靜 #環境 一流,同埋唔好心急追上菜。我地叫左 #吉烈素豬扒巨型漢堡配沙律菜片薯條 🍟。另一個餐就 #歐式全日套餐我地再叫左杯 #咖啡 ☕️同 #士多啤梨乳酪 飲品。首先上左杯#紅菜頭 整成既熱 #湯 同 #沙嗲串燒 配 #有機沙律 🥗,個沙嗲串燒真係好好味。漢堡包🍔好大好高身。素豬扒好好味😋熱騰騰。全日套餐就驚喜🤩位係兩片多士,平時出面食多士通常都比牛油但佢係用蜜糖🍯再放上一層芝士烤焗。咖啡☕️用左隻好靚既紅茶杯裝仲拉花同寫字。士多啤梨乳酪上面仲有舊雪糕🍦,雪糕應該係用Dreyer's 雪呢嗱雪糕 ,因為食到有啲杏仁粒😁。食完依間 #cafe 覺得食物質素真係唔錯,又有 #心思 又 #用心造作 ,有時間又唔趕真係可以試下。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-12-03
256 瀏覽
難得有一日既假期,見天氣又好,我就自己一個走左入去南丫島出走一下。本身已經諗住行完山,想搵一間cafe靜靜地坐下,享受下一個人的時光。行過見到好多唔同既餐廳架,但我諗左好耐都無入去,直至見到這間,以陶笛為主題的餐廳。本來就好喜歡音樂既我,又喜歡恬靜既環境,所以一見到佢這間既特色就決定入去坐了。個老闆娘都好nice, 會走出黎開門招呼你入去坐低,又俾你慢慢揀想食咩。我本來叫左杯regular coffee, 佢都會特意提一提regular coffee 係無拉花。咁我難得今日悠悠閒,都想望下拉花開心一下,所以最後就叫左杯cappuccino.  (個老闆好似係陶笛大師同拉花都好有研究的!?)今次我叫左個set lunch $98, 有四樣野:(咖啡要另外加錢)1) Tomato soup個feel有點像bloody mary, 係甜酸苦辣都有的感覺,幾得意。2) Fresh Salad配Olive oil和黑醋!係我最鐘意既salad dressing3) 沙嗲素羊肉串個素羊肉口感都做得唔錯,不過我個人喜歡清淡啲,所以覺得個沙嗲就濃左少少。4) 香草白汁素蝦長通粉我好喜歡這個!個汁清清的,有微香既香草味,足夠既菇,長通粉個texture都剛剛好,有點嚼口不會太淋,而個蝦就有一點點彈牙的感覺得,都幾得意。我本身好少食素的,所以唔太知道素蝦應該係點。整體黎講,我覺得如果你想搵一個清靜既環境享慢慢坐既話,這裡係一個不錯的選擇。餐廳背景係播放陶笛既音樂,佢唔係唔俾你講野,只不過唔想你太大聲講野。如果想大聲傾計的話,都可以坐出面。不過我覺得間餐廳最特色既都係你想享受清靜既時候,就黎整理一下思緒都好。 這間cafe是頗配合我這天悠閒的心情。 繼續閱讀
(以上食評乃用戶個人意見 , 並不代表OpenRice之觀點。)