Le Three (已結業)

本來今日家人生日想去遠啲食餐勁嘅，但天氣不似預期~今日竟然紅雨。諗住落街求其食間算啦…點知行左一條街之後見到呢間西餐廳，見環境幾好又有啲希臘風格好特別，所以就入左去食好西喇。我地幾個人叫左幾樣野食……小食有天婦羅蝦超好食本人十分熱愛蝦又叫左沙律，炸蠔等等等等等等。全部都好好味再黎就係叫左個豬仔扒，同兩個飯一個麵。其中入面個豬仔扒真係好好食，同埋佢又好大塊，我地六個人食剛剛好然後最後因為冇買蛋糕嘅關係所以叫左個都幾特別嘅甜品（其他西餐廳我完全冇見過）就係一個好靚靚嘅藍色綿花糖下面有一個雪糕嘅甜品，最重要係佢唔只樣靚，食落去仲好好味添。呢間西餐廳真係比左我一個大驚喜，下次我一定會帶埋啲朋友去試埋佢其他野食

從網上得知宜安街紅van站頭附近開左間新餐廳，抱住嘗試既心態入去，店內裝潢係簡約既希臘風，一踏入門口就聽到貓王Elvis Presley其中一隻經典歌Hound Dog(仲有其他50/60年代既經典英文歌)。由於仲係下午茶時段，就點了一客巴馬火腿蛋沙律tea set，整體而言，食材份量及比例都很合適，沙律菜都好新鮮。後來跟店員閒聊有關飲飲食食既野，講到扒類，佢似乎頗為推介西班牙黑毛豬鞍。坦白講豬扒唔係我既首選，不過為食兼好奇既我後來都點了一客。等左一陣，豬鞍黎啦，賣相唔錯，煮熟左都有約3厘米厚度，食落去既感覺呢，肉質頗彈牙，仲有濃濃既肉味同肉汁，同平時食到又鞋又硬，除左調味就冇肉味可言既豬扒相比，肯定係一個唔錯既體驗(雖然改變唔到我對豬肉類已根深蒂固既排名)，加上一個本來唔太起眼既薯蓉(內有些火箭菜同芝士，配得又幾好味喎)，係一客好有誠意既製作，值得喜歡食厚切/豬扒人士嘗試。

上堂前同啲同學仔嚟食飯，今次試新嘢三文魚沙律，個沙律汁好好味 是日餐湯芝士焗西蘭花，開頭襯熱食好食啲，但我哋三個女人一個墟，不停吹水，搞到凍晒，咁當然係我哋自己問題啦 😂😂😂帶子墨魚汁意大利粉，其實我之前一向都唔係好鍾意食墨汁嘢，因為以前喺第二間西餐廳食過，唔太好食，但今次同學仔點了這個，令我對墨魚汁改觀了，意想不到，這個真係好好味 牛扒。。好正呀 唔記得咗係咩牛添 😅三文魚，這個我不能評好唔好食，因為我唔食魚的 😅😅😅 但朋友話好食 😄焦糖燉蛋 加 雪糕 。。焦糖燉蛋甜度適中，好味。。個貓貓碗好靚呀 呢餐又係飽到上心口 😂😂😂 下次再嚟試新嘢 😀

有次行街路過，見到新店開張，店內裝修以希臘做主題，感覺好好，決定訂枱來試食。店舖雖小，但餐牌食物種類都唔少，前菜，小食，主菜，甜品，飲品都齊，食物質素唔錯，全是新鮮用料，價錢合理，值得推介。

今日食lunch 同同事食， 見裝修幾靚就比佢吸引左，試新野。我地9個人1:30黎到，唔洗等就入得。我叫左個肉醬意粉， 味道不錯好味過大家樂大快活個啲，但真係好細碟，唔夠飽。女仔食6成飽，男仔食應該3成飽。其他食意粉餐既人碟野都係偏細，飯餐就大份啲，同事話真係夠飽。我個餐$65包湯+餐飲，免加一，價錢都ok。Keep 返張單下次仲可以減單上面既10%，都幾抵！呢間野可encore,但下次會叫飯餐飽啲。觀塘黎講都算高汁。

觀塘罕見高質數意式餐廳，大廚有花心思係廚藝功夫上，值得一試👍🏻🎉無論前菜沙律、餐湯或主菜上都好有誠意，食物選材都好新鮮😋環境以籃白外牆爲主，以愛琴海相片特顯舒適優雅氣氛，待應都好細心，值得一讚，餐廳整體非常好，會推介朋友下次再試其他款式😄👍🏻

好少來觀塘，平時出街去啲少去既地方一向用開openrice 搵食，開咗幾年都冇試過寫食評，今次去朋友介紹呢度新開的餐廳，話裝修好靚，野食好得。前日來食晚餐，果然係，觀塘少見高質素西日式餐廳（去到宜安街發現成街都係中式茶記大排檔、海鮮酒家etc., 呢間野既存在的確稀有！）不得不讚呢度裝修真係幾靚，成間希臘式設計，周圍都係希臘旅行照，藍白色，好舒服，同隔離個啲好大對比（出面咁熱入到黎即刻覺得涼晒）不過，好睇未必好食，我地5個人，2個都叫左安格斯牛扒7成熟，我就唔食牛唔知咩味，但睇個樣賣相唔錯，朋友話真係有七成啱啱好，配菜有紫薯，仲有隻天婦羅蝦，有沙律，有三種餐湯（雜菌忌廉、黑松露牛肝菌、番茄雜菜）我哋全部都揀咗黑松露，無選擇錯！另外叫左個西班牙豬肉眼扒配紅酒汁，紅酒汁勁正，啲肉質好juicy。燒春雞拼大蝦，春雞嫩滑，無咩肥脂，大蝦有兩隻勁大隻，蝦頭勁多膏，啲肉係爽同結實，總之好好食，想食多三隻。最令人意外係個烤雞芝士飯，個飯係焦焦地兩邊，勁香口，似risotto又未至於咁濕，烤雞切件有成5-6舊，都係兩面煎，厚薄適中，食到勁飽！呢個飯人人都話係最好食，（食到尾先留意到隔離枱都有叫）最後想

今日去左一間新開西餐廳。 而家試業中，所以有85折。 嗌咗個天使麵 ，煎意大利飯， 同埋一個黑毛豬扒。 味道幾好， 價錢唔算貴， 可以再去。 老闆話等正式開張， menu會有多啲選擇.搵日再試下午餐先。

星期日同家人一行7人去咗宜安街食晚飯，一向都以中餐為主嘅宜安街，竟然發現咗一間以藍白色為主嘅西式餐廳，應該係新開嘅，因為見招牌仲係貼上紅紙，喺仲為食咩好而煩惱嘅我哋，決定試吓新嘢，其次係因為被餐廳嘅藍色門面吸引住，入坐後，除咗我吔，仲有兩枱客人，眼見坐位應該大概有30個，坐位舒適，唔太迫，裝修簡潔，感覺好舒服，因為我哋7個人入面，有兩個小朋友，所以叫咗5個主菜1個沙律同1個小食開心share，見佢加個set有埋湯，飲品同甜品都係$48，諗都唔諗就加咗5個set,因為新店營業，入坐後，餐廳都會免費送上一碟冷盤: 翡翠螺，係按人頭送的!等咗一陣，餐湯就到，係黑松露什菌忌廉湯:味道唔太濃，很好，蒜蓉包香脆可口，小朋友至愛，仲有凱撒沙律!一邊食一邊見不停有客入坐，唔夠半個鐘就坐滿全埸，仲有客等位!飲完湯接住就到主菜，黑松露牛肝菌意大利燴飯:味道唔錯，黑松露雞肉芝士香煎意大利飯:比較特別，口感好好，吉列豬扒咖喱蛋包飯:豬扒幾滑又夠厚，咖喱又香，香辣鮮蝦意粉:辣味適中，幾惹味，香草蜆肉意粉:唔錯，除咗水牛城雞冀唔係噤夠味之外，家人都讚不絕口，飲埋餐飲，仲有雪糕做甜品，十分滿足，最後老板仲親自出嚟問