Le Coin Cuisine (已結業)

一段時間無過來荔枝角食飯，今晚和友人打完桌球，打算坐地鐵落旺角食飯，途中見到一個紅色西餐廳招牌，仲有塊黑板寫住四道菜188元起，價錢合理，一試無妨！沿住樓梯上到一樓，一打開門，得一枱兩位客，心諗，走唔走好呢？跟住有位侍應走過黎，好有禮貌咁問我幾多位，我便感覺如果走好似唔好意思咁！打開餐牌，選擇唔係好多，只有四款套餐，我和朋友食佐個198嘅dinner，有四道菜，頭盆係一個黑松露天使面，口感還好，無乜特別，跟住我叫佐個要加$28嘅龍蝦湯，湯味夠濃，值得推介！主菜我本來叫個西冷牛扒，但係個侍應話無，但可以唔使加錢換個rib eye，仲正！我叫四成熟，廚師掌握得好好，肉質感好，我朋友叫佐份羊架，外觀都唔錯，朋友話都係好食！最後甜品，係一個芒果puff，可以話無驚喜，又不俗！最後埋單五百都唔使，我同朋友都覺得係一個不錯的選擇！

之前經過都已見到轉了間"LE COIN CUSINE", 新嘢, 當然要試下啦!!唉...今日LUNCH終於試左, 從來無試過一間餐廳係咁.... 真係食到火都黎, 呢間嘢既食物完全唔特別, 都算啦, 試試, 我地每人叫一個餐, 先黎個洋蔥湯, OH...好似飲緊溝左水既洋蔥汁, 勁油, 無味...餐飽都還好, 但都係唔好食...唔知係唔夠人手定點, 等左差唔多20分鈡先上到主菜..唔緊要, 如果係好食既,我願意等..不過!!!!主菜:"煙三文魚意粉" -份量少, 無味, 無汁..最過份係個意粉硬到不得了,"小牛排磨菇汁配意粉" - 唉..個意粉係凍咖..激死, 仲要硬到食唔到, 所謂牛小排, 好彩, 係熱既, 但都係無味"西西里汁海鮮意粉", 又係無味, 只有一只細青口,仲有一舊細魚塊...點可能比啲凍既嘢比人食, 意粉硬到吞唔到..真係食完啃住個胃囉!!到最後每人$110/位, LUNCH黎講, 唔算平, 但這個價錢同之前未轉手前的UNOUNO差唔多, 但質素就無得比 .... 我相信今日咁多人去食, 都係第一次去食, 我諗佢地應該都會有同感..."第一次並會係最後一次"