影片
以上資料只供參考, 請與餐廳確認詳情
上星期我哋出中環行街，係鴨巴甸街見到有間新開雪糕店🍦見到門口水牌口味好特別💕每日都有特別Daily Special 😍即刻心心眼🥰入店後店員都介紹佢哋嘅雪糕係低糖，低脂，無添加人造色素🫶🏻Gelato 雪糕相信大家都熟悉，比較特別嘅口味你又試過未👇🏻而佢哋雪糕店之前就同好多奢侈品牌合作過🙌🏻例如Fendi , Miu Miu 等👍🏻成間店裝修好復古，好適合打卡📸亦都有室內位置坐低慢慢享用😚每款口味都可以試左先落單😌味道創新之餘仲好高質💯今次我哋揀左以下幾款🍦雪糕可以選擇單球，雙球，三球再加Topping ❣️🍨斯里蘭卡伯爵茶+山形縣白桃梅酒威士忌估唔到佢哋嘅雪糕咁大球😝呢款係經典嘅伯爵茶口味🍃齋聞都忍唔住要即刻試一啖😚高級得嚟又細膩，入口好順滑，完全唔會有過澀感覺，鐘意茶嘅你必試🥰而山形縣白桃梅酒威士忌係店員介紹👌🏻入口係好清新嘅口味，清淡嘅白桃香mix 梅酒💕完全有驚喜😚味道唔會互搶😍🍨比利時72%黑朱古力+馬達加斯加雲呢拿比利時朱古力香濃順滑，每啖都食到朱古力碎，72%啱啱好，唔會係死甜👍🏻雲呢拿係我哋食過最香嘅一款，味道非常出色，見到粒粒雲呢拿籽，入口即溶，勁香香草味☺️加埋棉花糖裝飾，完美😘如果你都係雪糕愛好者🍦一定要嚟試啊🥰
繼續閱讀
位於中環鴨巴甸街「L’antico Gelato」意大利雪糕店，品牌源自米蘭，最近在中環開設實體店，主打多款每日鮮製Gelato，包括人氣開心果、威士忌、紅酒車厘子、柚子、72%朱古力、宇治抹茶、雲呢拿，亦會有期間限定口味，更可以免費試食，試啱口味先買，堂食及外賣都得👍👍價錢方面，自選一球$58、兩球$78、三球$88，如果要威化脆桶就加 $ 15，而且仲可以加錢加可愛topic，賣相靚之餘仲好好味，食雪糕都食得開心，仲可以打咭😋😋😋💚Italian Pistachio私心大推，果然係超人氣嘅意大利開心果口味，口感極香濃嫩滑，重點係開心果味非常之濃郁，開心果控唔食一定後悔😆🍫Belgium 72% Dark Chocolate比利時72%黑朱古力，雪糕中藏有超級多的朱古力碎片，真係好慷慨，朱古力味濃而不甜，好食🍵Kyoto Matcha宇治抹茶味道一樣係超香濃，味道帶甘香的抹茶味，而且唔太甜，一樣非常推薦🍷Italian Red Wine with Cherry意大利紅酒車厘子，口感有點像雪葩，味道酸酸味味好清新，但係有淡淡的紅酒香
繼續閱讀
見到呢間Gelato出好多唔同酒嘅口味~咁啱嗰排出咗個紅酒口味🍷酒都未飲過 但難得有Gelato出呢個味 就即刻走咗去試～仲要係期間限定 剩係得兩日出！(之後發現佢不定期都會出唔同味嘅限定 真係要mark實社交平台!)去到除咗有限定口味，亦都唔少得一啲好經典朱古力 雲呢拿等等。除咗特別嘅口味冇得試之外，其他嘅Gelato都可以試咗之後先再叫～嗰度都好貼心有水可以refill✨就唔驚食完雪糕之後口渴啦～環境都舒服同埋好好打卡💛咁啱經過中環同埋有鍾意飲酒嘅朋友就一定要試吓。佢哋定期都會出唔同酒嘅口味！
繼續閱讀
中環實在有太多唔同嘅雪糕舖，而呢一間雪糕舖我係俾佢嘅名字是士多啤梨朱古力雪糕味道吸引而去試嘅。一日到舖頭，店員已經非常熱情，咁同我哋講話歡迎試味，而且是幾多隻味都冇問題，呢一點比起其他雪糕店佢真係做得好好。之後試咗幾隻唔同嘅味，之後我哋揀咗佢嘅雪葩。因為佢嘅雪葩實在做得太出色，口感完全唔似雪葩，好似食緊普通嘅Gelato咁樣而且味道10分濃郁。希望之後有機會可以再試多啲其他唔同嘅味道！10分推薦大家去試！
繼續閱讀
驚喜口味gelato?!行上PMQ個陣意外地見到佢地出面個牌寫住有「海鹽巴馬臣芝士奶蓋」 ，原本都1516緊要唔要食雪糕🤣 ，見到呢個味就知一定要試了🤣 。 覺得佢個海鹽同芝士嘅味道平衡得到，有啖啖鹹香味，啱晒我呢啲鐘意鹹奶蓋嘅人🫶🏻，仲叫左菠蘿味，食落非常之夾，好似飲左杯手搖落去咁。大推！值得一提嘅係，佢地堂食係用冰杯，亦都冇咁易會溶。店員亦都好好，所有口味都任試🫶🏻。
繼續閱讀