林昌記 藍哥 (新東海商業中心)

😘呢個係唔食魚嘅人會食嘅魚蛋，正！ ❤️ 魚蛋有彈性，唔腥！ 想睇真實食評防伏？Follow @omw8110 啦🥗🍹🍱🍤🍮 👇🏻👇🏻👇🏻👇🏻👇🏻即刻睇❤️詳細食評❤️👇🏻👇🏻👇🏻👇🏻👇🏻 果日晏晝OMW去左尖東掃街，食咗雞蛋仔、鍋貼同咖喱魚蛋😍 係呀，今次終於講咖喱魚蛋😆 如果識OMW嘅人都知道：OMW唔食魚，唔鍾意魚味。呢日就食咗我覺得唔抗拒嘅魚蛋（利申：本人好討厭食某數字便利店嘅魚蛋燒賣，放落口就想即刻lur返出嚟，次次買完都後悔。好～咁大家可以知道我對魚嘅口味大概係點喇～）。林昌記係我以前成日放工去食嘅魚蛋，宜家忙咗又冇咩機會去買魚蛋食啦～所以當日掃街第一站其實係咖喱魚蛋😘 💯咖喱魚蛋（大）$20其實OMW每隔一排就會想食咖喱魚蛋，呢間算係好少數我會覺得唔錯、放得入口嘅魚蛋。佢係白魚蛋質地，彈滑口感，我覺得唔腥（其他食魚嘅人食完可以話返我知你哋覺得腥唔腥🤣）。大size魚蛋應該12粒。咖喱汁都做得唔錯，味道不會過鹹；我鍾意佢以前咖喱汁嘅質地做到有啲杰身、感覺係煮個咖喱汁時煲薯仔煲溶咗嘅質感，當時真材實料，宜家少咗呢種texture。不過都好唔錯啦～ 💜建議食法：OMW好鍾意喺佢辣油底撈啲辣椒籽出嚟一齊食，食得辣嘅可以試吓😘💜佢地點有少少難去，個位置係：喺PolyU去尖東條天橋，留意天橋右邊有條小小橋通去一棟大廈。過咗橋之後，左邊就係咖喱魚蛋啦～ 注意：呢間係外賣舖，冇堂食～ ✨亮點：唔食魚嘅我嘅少數選擇～魚蛋有彈性，唔腥！❤️ 📍林昌記（💯外賣-尖沙咀） 🙇🏻‍♀️特別嗚謝：冇偷懶、肯出去行吓掃街嘅自己！ 𝕃𝕖𝕥’𝕤 𝕗𝕠𝕝𝕝𝕠𝕨 @omw8110 𝕗𝕠𝕣 𝕞𝕠𝕣𝕖 🥗🍹🍱🍤🍮 #omw掃街 #omw食街頭小食 #omw食魚蛋 #omw尖沙咀 #omw油尖旺 #hkfoodie #尖沙咀lunch #hkfoodshare #hktaiwanfood #hkrestaurant #香港美食 #油尖旺美食 #尖沙咀美食…Read More

炸燒賣就聽得多，炸魚蛋就好特別🌟 佢係新鮮炸嘅，熱辣辣得嚟又好香👍🏻 魚蛋外面好脆，而且裡面係淋得嚟又好有咬口、口感唔錯！$20一份，裡面都有11粒，性價比唔錯👍🏻…Read More

同事介紹我食好野， 未食過街邊魚蛋咁彈牙， 聽聞小店係重開， 可能大家唔知佢真係似食魚蛋粉面檔D彈牙魚蛋咁既質素， 街邊小食好少有LＥＥ個水準。大家如果經過不妨一試， 當日我叫咗個雙拼＄２０。因為燒賣得２粒想再試真D個味， 我下午LUNCH 再出去買過＄２０有８粒。試真D佢Ｄ燒賣魚肉都係彈牙個隻， 所以都好好味。不過可能質數高所以成本高， 份量少咗Ｄ。…Read More

我都唔記得自己有冇分享過呢一間😆喺公司附近好方便，所以間唔中都會過去買外賣～呢度嘅香辣魚蛋好好食，仲有炸海鮮棗～所以lunch 過去買左個粢飯、炸海鮮棗、加一杯豆漿～•炸海鮮棗依然都係咁好味，佢仲會問你要唔要千島海鮮醬，我叫咗少少～點少少醬汁又係另一種口味🫶🏻另外嗰個豆漿比較淡，本來唔甜係好嘅，不過冇乜豆香～•不過有少少失望嘅係粢飯！！本身好幾個人想買粢飯，但係老闆娘話我係最後一個買完之後啲同事指住外賣袋入面嘅粢飯😂😂我先至發現到咩事咋！一個粢飯$25，但係份量少之又少，同之前嘅完全唔一樣⋯⋯希望就算係最後一個粢飯，都唔好咁樣勉強🥹🥹🥹…Read More

🍴林昌記• 今次想介紹位於尖沙咀嘅林昌記‼️依家係一間外賣嘅小食店 主要賣魚蛋😋佢嘅招牌白魚蛋真係好出色 聽講高峰時候3日賣出超過10萬粒魚蛋😨白 魚蛋有3款口味 包括原味、香辣和咖喱味🤣 醬汁都係自己秘製😽————————————————❶ 炸金蛋 $20/份金蛋其實係由白魚蛋炸到金黃色🤣 魚蛋外皮炸到香脆而且炸粉夠晒薄 唔會好油 所以保持到乾爽脆身✨ 入面係富魚肉香的白魚蛋 內裏軟滑香甜😽記得配埋泰式酸辣醬！呢個配搭會令到人食上癮🤭❷ 香辣魚蛋 細$10/份 大$20/份如果係第一次試林昌記 建議大家一定要試佢個白魚蛋！魚肉和麵粉比例啱啱好🤩入口食到魚肉嘅香味 爽滑之餘又有彈性🥰 如果食得辣嘅話 一定要加佢個辣汁‼️ 辣汁唔會掩蓋魚肉味嘅同時 亦令到魚蛋更加香口！————————————————推薦指數: 🌕🌕🌕🌕🌕🌕🌕🌕🌑🌑| 8/10環境指數: 🌕🌕🌕🌕🌕🌕🌕🌑🌑🌑| 7/10服務指數: 🌕🌕🌕🌕🌕🌕🌕🌑🌑🌑| 7/10好食指數: 🌕🌕🌕🌕🌕🌕🌕🌕🌑🌑| 8/10性價比指數: 🌕🌕🌕🌕🌕🌕🌕🌗🌑🌑| 7.5/10回訪指數: 🌕🌕🌕🌕🌕🌕🌕🌕🌑🌑| 8/10————————————————🌟歡迎留言話俾我哋知你哋食完嘅𝐟𝐞𝐞𝐝𝐛𝐚𝐜𝐤🥰•🍴 林昌記 📍尖沙咀加連威老道98號新東海商業中心1樓109B號舖…Read More