La Serre

營業中

休息中

之前黎過覺得啲食物都ok，今次之後我唔想再返黎。服務欠佳，唔緊要，我都係為咗食。食材其實唔差，但係好明顯廚師質素差！今次叫咗份burger， 除咗薯條 ，仲有沙律。成碟嘢都灑滿鹽，大大粒嘅鹽！自問我忍受能力已經好高，今次都畀塊沙律菜KO咗，忍唔住lur返出黎！個burger啲牛肉幾好，但係個包同啲生菜就唔係好新鮮。最後杯咖啡，一個字，好淡！如果為咗環境，呢度個view 真係好正真係好舒服。但如果對食物有少少expectation，咁就要三思。

行到邊食到邊～觀塘-今天天氣很好，La Serre三面是落地玻璃，陽光投入餐廳內令人感覺好寫意，再加上面臨維多利亞港，仿如自己身在外國海邊的餐廳一樣。-HK$58牛角包配炒蛋、煙肉、沙律🥐的油酥味完全充份顯示出油的質量完全不合標準，有待改善；炒🥚的蛋漿好似一早打定儲存，導致🥚的顔色是瘀黑色；-HK$148 La Serre Breakfast 賣相不太吸引，物鋪平面；烤大啡菇內釀了蕃茄及芝士，烤得剛好，大啡菇水份充足；煙肉有點冷🤦🏼‍♀️，好彩冇煎過濃；香草腸Juicy;炒蛋同牛角包那款一模一樣，還有唔夠滑；沙律菜完全冇水份，橄欖油完全係碟底，真係夠不知所謂；-二款Bruch的價格與食物質素真的不成正比。特別是La Serre Breakfast 每款食材份量唔多，當初我以為大啡菇同香草腸各有二舊，點知得一舊好鬼失望。貴價材料又無，食完又唔夠飽，竟敢收HK$148. 我猜租金已佔價格一半；-🍽：La Serre📮：觀塘海濱道90號地下1號鋪

今日同朋友行觀塘海濱長廊，順便試下朋友一直話想試既cafe。我地到左之後，特意挑選了戶外既位置，想一邊感受涼風，一邊品嚐美食，順便打下卡，扮下有quality of life。我地叫左兩個set一個side dish：1. 芝士蛋糕 + americano2. Opera cake + cappuccino 3. 炒菠菜本身佢個menu話有藍莓芝士蛋糕，但係職員話依家轉左，得淨芝士蛋糕，我朋友即刻話轉食窩夫餐，佢又話今日冇，唯有叫番個淨芝士蛋糕。上菜了，我地都仲覺得賣相不俗，結果食第一啖就覺得伏左。第一，cappuccino 味唔夠濃，不過泡算打得濃密。第二，opera cake雖然睇落層次豐富，但係其實主要得兩種味，就係朱古力同拖肥味，個蛋糕面同底仲要係硬既朱古力，完全冇蛋糕既質感，落叉既時候冇左一叉到底既快感，入口又冇果種creamy既口感。朱古力味都夠既，但係都覺得超失望。第三，芝士蛋糕唔似用芝士做，似用乳酪整，仲要同佢個肉桂味餅底互相搶味。我地食第一啖果時唔知自己食緊咩，每個部分分開食先食到係咩味，估唔到咁簡單既芝士蛋糕可以做到咁。我地得出一個結論：唯一好食既係炒菠菜。然後我地

第一次來到觀塘繞道底的觀塘海濱公園。講起來有啲慚愧，搬到將軍澳區八年，才是第一次到來，才知道原來觀塘繞道下面有這麼一大片公共開放空間及綠色草地，還可以遠眺舊啟德機場跑道，擁有開揚景觀。公園其中一段又設置了一些兒童遊樂設施，其實很適合一家大細散步及消磨一兩個小時。只可惜公園位置很差，從本身已經較為僻靜的牛頭角地鐵站行路過來也要5～10分鐘，加上附近全部都是工廠大廈，吸引力及方便程度大減，難怪人流稀少。可能因為這個原因，公園內沒有什麼餐飲配套設施，如果不想再走10分鐘路程去海濱公園一頭一尾的商場食肆或熟食中心，除了「La Serre」之外，基本上沒有其他選擇。以有限的外語知識，「Serre」乃法文，解作「溫室」，名字非常配合餐廳的玻璃盒外牆設計。室內樓底夠高，其中三幅外牆大部份都是落地玻璃（除了開放式廚房那一側之外），充分利用了天然日光；加上面臨維多利亞港，再配合休閑舒適的簡樸裝修風格，恍似外國的海邊小餐廳。本來對餐廳出品有期望，結果是 ⋯⋯是日星期六，來到時又已經差不多三點，過了午餐時段，加上並不太肚餓，只叫了一個小食拼盤及主餐牌揀了一個意粉。小食拼盤（$128）本來有爆爆雞、洋蔥圈、香

呢間餐廳位於海濱道都開咗一段時間，我見上次去食嗰間三文治執咗，所以今日轉陣去試吓佢。佢入面環境好舒適，仲可以坐外面曬下太陽啲外國人都好鍾意㗎，呢區係少有嘅。Set lunch 選擇好似有五、六款，range 大約＄140至$200 左右，呢區其實偏貴。食野既人七成滿到啦，但係啲waiter就真係好忙囉⋯⋯入座唔會主動斟水，望咗好耐先搵到一哥哥仔叫做得閒。斟左三份一杯個水壺冇晒水，OK啦，我以為佢會攞個第二壼來斟，點知佢就咁走咗，沒有再回頭.........我唯有隔一陣，再重複努力嘗試攔截第二個幫手，但整體waiter都有禮貌嘅。講返食物，我叫左蝦扁意粉 set ， 有生果沙律同埋一個扁意粉仲有一杯咖啡。生果沙律整體OK，但係有幾條沙律菜就霉霉爛爛俾我 tick 走咗。麵包都算熱辣辣鬆脆好味，不過乾啃好難頂，水都冇，唉........蝦扁意粉太細碟，唔算太夠飽。而且食落冇乜味要加黑椒同埋辣汁先掂。最後咖啡是 good 的，不過唔記得影相。埋連加一好似差唔多$160 ，唔抵，一次足矣。

今日同朋友去咗行觀塘海濱行行下見到有一間餐廳都幾靚覺得行到好攰所以就入去食lunch入去之前都預咗價錢唔係平不過見環境幾好所以就入去試吓一入到去坐低就覺得超嘈枱同枱之間相差好少，完全係傾唔到計之後個侍應行過嚟，同我地落單嘅時候講嘢又好快，咁我哋要諗一諗佢喺度講緊咩先答佢。而且嗰度真係好嘈都唔係好聽到佢講咩嫁啦之後佢又好似好唔耐煩總之態度真係超差不過嘢食黎得都幾快咁啲嘢食味道都OK不過份量真係少得可憐我哋叫咗個燒春雞，$19x黎到見到只係得半隻另外一個意粉都好少份量，每人分到幾條最後我哋食完因為太嘈有啲頭暈所以真係留都冇留多一陣就走咗總結就係後悔入咗去食下次一定唔會去！

呢間餐廳真係唔會推介呀。本身喺觀塘海濱行都熱熱地見到呢間餐廳零舍小人，有落地玻璃，又天然彩光，十分之唔錯，仲介紹話happy hour啤酒買一送一，就乾脆入去試一試。餐廳入邊有吧枱，又有長枱，同高枱，氣氛唔錯亦都好大，揀咗個窗邊位，叫咗個香腸拼盤同埋啤酒。坐咗兩個鐘左右都冇乜嘢嘅。但係就有啲烏蠅飛下飛下，個香腸拼盤都得幾條成>＄70 CP 值奇低。本身諗住啤酒買一送一都算啦又有得坐下。點知買單嘅時候先講話個discount 係for yourself only, 但之前就一直都冇講，又冇問我地要唔要多杯。中大伏。最後二百幾蚊買單，真係唔會再嚟，一肚氣啊。

早在一個月前和同事來有個不愉快經驗……上餐時間太慢。今日路過再來看看……見餐牌食物上有改變入去試試。今次令我覺得進步很多才留食評！上餐速度快，加上員工態度改變得有善。已今次個pumpkin risotto很好味，賣相也好好。明天可以帶同事再來

第二次幫襯此餐廳，無論是食物質量和服務速度都大大改善，可以講窩心。份量比上次大了，廚師水準好像高了。在觀塘區有這樣的環境和食物水準，值得一讚👍👍有大餐廳水準。一定會再來

The restaurant is spacious, nicely decorated with outdoor seating area. We ordered various lunch sets pairing with wine and beer. All the main dishes and alcohol choices were nice. The daily special was fish, very fresh and generous portion. I liked the prawn pasta, creamy source with large prawns! The weather was a little gloomy but I could imagine a sunny view overlooking the old airport. It is a perfect setting for hanging out with good friends. Such a nice meal, nice afternoon. Will come aga

環境還可以，食物其實一般但價錢偏貴，一個好簡單嘅煙三文沙律加幾粒鮮果，配上奇怪拖肥味沙律汁，我覺得似頭盤多d，收$128咁嘅價錢，我連飽肚嘅感覺都無，其實都算，講到最差一定係服務，尤其女服務員成日板起口面，有位都選擇性比客人，窗邊位置話有人預訂唔比你坐，但一直係無人坐，之後又係用嚟招呼街客，有朋友同小朋友到要求加位，更加睬你都傻，叫飲品又唔睬你，咁嘅服務仲要加一服務費，本身食物價錢已經偏貴，食物又等得耐，我覺得成餐野貼錢買難受，唔會再去。

專程開acc寫食評比呢間餐廳已經提早訂枱，落左單叫餐，一點已到達，三催四請下食物1:30才開始上菜。食物要準備得咁耐，以為一定係好好食啦，我叫個grilled beef burger ($138)1. 塊牛好熟overcook2. 個包好燶好苦我懷疑廚房冇人睇火環境不太好，等得又耐，除非有3小時食lunch，不過就算有3小時lunch hour都唔會食佢。侍應已經沒有服務，仲要加一，一個set lunch $152，又難食又貴最有效率就係叫埋單

價錢同時間都付上去向conment 挑戰食物質素只能說ok 但價格不值時間用上1.5小時等一碟一哥焗豬上的豬扒份量而且全場人數不算太多 亦不是滿座我錯了 下次不再挑戰conment sorry

今日唸住開開心心同男友試下海濱間餐廳一去到叫完野食，仕應講完今日餐湯係咩湯男友已經話個仕應質素好差，因講野無態度可言。我仲講笑話d 野食應該好好食呢！？12點半去到落order,等到1點隔離枱都上埋菜，我地都未黎。我地一追再追個order, 點知上錯菜黎左個burger, 我地無叫過個burger, 問個waitree 係落錯單定上錯菜，如果係落左burger 我地要burger 就算。 但個waitress 由頭到尾都無聽過我地講乜野，問左我地原本係叫咩就閃，知道佢自己想知的資料就無理個客的需要，我地講左3次無落我地就食burger就算，已經唔想再等, 個金毛女waitree 完全由頭到尾無回應過我地，當我地廢up,完全無服務可言。完全無聆聽顧客的需要‼️真係一肚氣‼️無禮貌‼️最終黎左rosted pork HKD168同意粉HKD128個豬唔夠嫩同熱。意粉如下，收得咁的價錢，但咁概質素（我只講食物），無論係色香味定係份量，觀塘區平過佢，好食過佢的多的是。最後比錢再加一我地見到張單的落單時間係1:08pm. 姐係我地白白坐左半個鐘原來係無落過單‼️係我地追先有，可以想像到客人坐左咁耐，但d

一行十幾人黎食lunch, 一早book 定枱。準時黎到，叫野食之後等左超過一個鐘頭先出菜。我地見佢full house, 都等左大概九個字後先開始問下有未⋯⋯ 可惜職員超級冇禮貌，竟然話有五十位客人，有三枱差不多時間到所以冇咁快，一句道歉都冇！觀塘呢啲上班一族區，正常午餐時間真係千其唔好黎，食到一肚氣😡就算假日，出去海濱坐下好過！！還有食物方面，午餐一個約$150，觀塘區絕不便宜。大家都覺得漢堡不好吃，麵包好淋，五六位朋友叫左，人人都食剩。還有等左一個幾鐘的伴碟薯條竟然係凍的！！意粉味道普通，份量細加上沒有賣相，似大xx 快餐店出品。牛扒$188，多根，味道也一般，這個價錢有很多更好的選擇。一間餐廳有黑面員工，不懂招待客人，加上不懂妥善安排出菜時間；即使餐廳有多好的環境，客人都不願再次來光顧。Very bad experience. My lunch spaghetti took more than an hour to arrive. And the staffs don’t feel sorry and even dont apologise! Will never get ba