La Rosabelle Bar & Grill (MONTEREY Place)

營業中

休息中

最近同屋企人打算行下海濱吸下新鮮空氣，講講下之前歐遊趣事，想食返當時嘅西餐，就搵到e 家意大利餐廳😍。餐廳外面放左幾張枱，佈置格局都令我諗起布拉格果邊嘅小餐廳🥰可以下午飲下coffee,晚上飲下酒。餐廳入面以胡桃木作為主調❤️風格好似東歐嘅餐廳，天花仲掛左水晶燈🤓牆壁掛了唔少畫作裝飾。門口仲有個樓梯，可以打下卡💖還有吧枱。店員安排我地坐沙發位置🥰好闊落。店員細心咁介紹菜式。餐點方面，有意粉，海鮮，扒類等等，當然都有唔少飲品類。我地叫左個法國青口鍋配薯菜😌同德國拼盤。青口鍋係用忌廉汁去煮🤤食落青口，好鮮甜，忌廉冇蓋過青口嘅鮮味。係藍青口，海水味都好濃。仲有隻隻青口都有肉唔會得個殼🤗德國拼盤，有咸豬手，3條德國腸，沙律同埋薯菜。咸豬手外皮脆脆但又保留到肉汁，入面嘅肉好嫩滑。唔會太咸👍🏻😋3條德國腸都係唔同味，有少少香草味。都好似當時歐洲食嘅腸仔🥰幾地道🤩薯條係鮮炸😋😋食落脆卜卜，又有薯仔味，重點係唔油🥰所以好快比我地食哂🥳我地仲叫左2杯飲品，一杯雜果賓治，一杯Mocha😍雜果賓治飲落唔會太甜，同薯條好夾🥰 mocha 就咖啡味較濃😋我地食嘅時候，見到隔離枱飲嘅啤酒好大杯，下次同朋友可以再黎試

見朋友影呢間餐廳個佈置好靚 , 所以book枱 , 我放工搭巴士入將軍奧 , 大約半個鐘到將軍奧地鐵站 , 開始肚餓....見有時間入地鐵站口 , 預半個鐘搵路去海傍....慢慢行.....本來睇google map行入左個屋苑 , 但原來穿唔到出海傍 , 繼續行大路 , 係經過幾個大型私人屋苑 , 終於到餐廳 , 外圍係個草林 , 都有幾張枱 , 不過當晚不時落毛毛雨 , 入門口店員叫我自已揀枱入座(我係第1個客人) , 原來室內係密封, 只得門口左右邊先有玻璃窗 , 唔係我想像既window seat. . . .見一邊成張長梳化隔離有個懷舊枱燈 , 同埋有條假樓梯 , 咁就揀長梳化 , 同老公落order , 邊等邊傾計 , 我腳痕唔覺唔覺R左幾粒蚊爛 ,  我都有忍住唔R , 不過唔忍得耐 , 食物都未到添, 老公問店員有無蚊怕水 , 佢地話無 , 話呢度近海同出面係草林係會有蚊 , 又好在店員去買蚊怕水返黎, 比一支我叫我用先....總算食得安落

將軍澳海濱真係開左好多新餐廳其中La Rosabelle Bar & Grill 內有乾坤餐廳環境大賣西式古典味 分室內同户外室內樓底好高 仲設計左條假樓梯俾人打卡影靚相📸️.《烤海鱸魚配烤雜菜及酸辣汁🐟》鱸魚每日新鮮運到架 賣完即此呢味菜好多人嗌 所以驚食唔到就唔好咁夜先去食飯喇魚質嫩滑 好香魚味 魚皮烤到岩岩好魚皮連魚肉一齊食會有少少煙燻味配埋個蕃茄洋蔥一齊食 更突出到魚既鮮甜同埋條魚好大條咖 好好味😋.《燒羊扒配薯蓉🐏》羊味好濃 medium岩岩好肉質幼嫩 食落又唔乾身薯蓉應該係自家制 唔係溝粉整果d食落去香薯味 唔會好重牛油味 比較健康.唔講唔知原來呢間已經係第三間分店每間舖既食物同環境都有d唔同真係好想去埋其他分店試下

La Rosabelle Bar & Grill 喺將軍澳南嘅 Monterey，環境清幽，絕對係嘆世界嘅好地方！室外位可望對出的公園和海景，真係心礦神怡！店內裝修充滿品味，連個Bar位都特別醒神！仲好幾個好靚嘅打卡位，等緊嘢食嘅時候可以瘋狂Selfie，我最鐘意呢個樓梯位！法式青口鍋 $168勁大鍋青口配勁大藍薯條！份量大到嘩一聲！薯條即炸，香脆可口，食極都唔厭！青口隻隻水嫩飽滿，一粒沙都冇，配埋個法式汁真係一流，滑嫩鮮美，推介！德國咸豬手 $198巨型的咸豬手！配沙律菜和薯條！啲皮真係脆到不得之了，仲幾香口，下面層油脂都處理得唔錯，入口唔會膩，而且啖啖肉，啱晒我呢啲食肉獸！逢一至五 3-8 點都係Happy Hour，一定要記住！

La Rosabelle 係澳南其中一間食肆，店面比較隱蔽，但都有戶外座位，戶外枱凳簡約，感覺開揚。走進店內氣氛好唔同，高雅復古，仲有條樓梯裝飾，差點以為餐廳仲有二樓😂Lunch set 包餐湯/ 沙律， 主菜及餐飲。坦白講沙律一碗仔， 同餐湯大細一樣。相比附近既西餐廳， 沙律份量稍少。 不過我選擇左磨菇湯，磨菇味唔強， 磨菇蓉，奶味較重， 如果有磨菇粒增強口感仲好。我點左pork loin配薯泥， 豬略乾，但有燒烤味道，可以juicy 點仲好。薯泥應該未有加奶般順滑，就是簡簡單單的薯蓉。女士食量足夠，但男士就未必夠喉。另外朋友點左個beef cheese burger & Mushroom risotto. 如照片所見未有太特出地方， 而risotto 則偏硬。 最後以熱咖啡作結，好難得咖啡配上熱奶， 值得一讚！P.S. 會想再光顧品嚐晚餐，Good!

今日嚟到將軍澳探朋友，之後行咗嚟澳南海岸嘅商場見到呢間餐廳裝修好靚😍所以同老公決定係到食嘢😋餐廳環境好舒服，職員安排我哋坐户外位置，天氣涼涼哋好舒服🥰呢間餐廳主打法國菜🇫🇷我當然要叫番個法國鵝肝配蘋果嚟食啦😋鵝肝煎到剛剛好☺️入面超級Juice👍🏻仲好香，蘋果酸酸甜甜好開胃，剛好中和番鵝肝嘅油脂🥰蘑菇意大利飯超級多芝士🧀同埋勁多蘑菇🍄意大利飯口感Creamy又煙韌，非常好食😋芝士超多🧀可以做出拉芝效果😻龍蝦意粉隻龍蝦勁多膏🦞龍蝦肉好彈牙又新鮮👍🏻意粉口感彈牙，意粉就算凍咗都好好食😋🦞龍蝦爆多膏😻餐廳用咗扁意粉更加有口感，每條意粉都包住濃厚嘅芝士汁，非常好味🤤餐廳裝修好精緻又古曲😻環境非常靚👍🏻價錢合理👍🏻食物質素非常之高👍🏻坐係室外位置仲可以一邊享受美食☺️一邊欣賞大自然嘅風景非常寫意🥰大家都嚟試吓💖真心推介😘

由於疫情關係，已足不出户個多月。終於按耐不住，在星期天傍晚時分，同太太去將軍澳海濱長廊漫步，令精神鬆弛一吓。海濱長廊確是一個運動好地方，同老婆行了一個鐘，有點攰。見長廊一旁開了很多bar 及cafe，一於在這裏食晚飯才打道回府。最終選了La Rosabelle Bar & Grill。這裏侍應態度非常有禮，我們選擇坐在室外。倆人點選了兩個main course，包括煎三文魚配薯蓉及烤法國春雞。三文魚煎得非常好，魚皮非常香脆，但三文魚肉仍保持嫩滑。配選了香草橄欖油酸汁同食，非常開胃。薯蓉份量很多，忌廉及牛油份量恰到好處，薯蓉香滑但不會過份油膩。法國烤春雞則充滿炭香，春雞充滿肉汁，雞肉非常嫩滑。配上黑椒燒汁，食落有畫龍點睛之效。薯條份量多且大，炸得非常乾身及香脆。加了少量鹽及燒汁，食到唔停得口。這裏室外環境非常開揚，令人心曠神怡，加上食物水準不俗，這晚餐令人食得非常開懷、滿足。埋單共$340 ，計及食物及環境，性價比非常不俗。

之前去過馬灣La Rosabelle佢哋加勒比風情feel令人好relax印象深刻💕 知道新分店上個月新開張就响澳南海岸，梗係要再試吓啦☺️☺️响將軍澳站出沿唐俊街方向一直行唔洗10分鐘...嘩！遠處望到原來呢度係走高格調嘅歐洲風格😎裝修華麗，戶外座位又可以感受到海濱風景好Chill呀🥂🍸🍹🍻呢個環境已經可以hea大半日啦😂😂打開餐牌都有唔同嘅新菜式😍仲以為會同馬灣分店一樣添😛我哋叫咗2個maim course：🍽FRENCH-STYLE LAMB SHANK法式燉羊膝配薯蓉：羊架牛膝豬手都食過🤣第一次食羊膝！原來超好食😋燉到好淋身好入味，輕輕一liu就離骨一啲都唔韌👍🏽🍽BEEF PARMIGIANA焗千層紐西蘭牛柳芝士茄子配薯蓉：茄子輕輕調味，嫩滑牛柳切薄片，用千層煮法將茄子牛柳夾住一層層，仲有濃厚芝烤焗至金黃！好邪惡呀😈出嚟嘅牛柳仲係medium真係要比like啊👍🏽👍🏽食完已經有九成飽嘞...份量好足！下次要帶埋朋友嚟支持🙌🏼🙌🏼可以叫多款啲😉

知道海旁開了幾間新餐廳，當然要一試！今天選了這間西餐廳，是被這間餐廳的裝潢吸引了餐廳裝修很有古典味，看得出花了很多心思在裝潢上。枱與枱之間空間足夠，有浪漫的感覺三式香腸拼盤 - 有三種香腸、薯條和沙律。最特别是有比較少見的chorizo，是西班牙肉腸，加了紅椒粉 有點辛辣，但鹹香味也令人回味地中海三式燒烤串配薯條- 燒烤串有羊，雞和牛肉。牛肉燒得焦香，而且肉汁滿滿的！羊肉則完全沒有羶味。值得一讚是薯條，炸得十分香脆可口在將軍澳區都可以找到如置身中環的高級西餐廳，食物質素又高質，值得一試

朋友新居入伙，参觀完佢單位後，一起到將軍澳海濱附近餐廳共進晚餐，這裡環境不錯。餐廳有提供露天和室內進餐，露天位置相當闊落非常寫意。而室內以樓底高、璀璨吊燈、大幅油畫、棕色木枱、皮椅、棕色地板等種種元素，營造出高雅華麗氣派以及細緻美感。場內播放埋外語情歌甚有情調，環境浪漫美食高質價錢唔貴，是一間不離地的浪漫西餐廳，拍拖慶祝首選地，值得推介。烤原隻大蝦 配烤雜菜及酸辣汁 $228兩隻新鮮大蝦以原隻烤製，蝦殼煎過迫出蝦殼香味，蝦肉味濃，啖啖爽口彈牙，好高質，蝦肉表層醮滿芝士牛油香，食落一點也不膩，雜菜蕃茄碎在旁，撈左酸辣汁及檸檬汁的確醒胃和解膩，健康高質菜式女仔一定鍾意。黑松露帶子意大利飯 $158新鮮帶子味道鲜美爽口彈牙，只得兩粒非常珍貴，飯中有帶子碎間中食到份外驚喜，個飯好香菌味，好多黑松露碎，飯粒飽滿外軟內硬粒粒分明，個汁收得好靚好creamy，味道豐富每粒飯都好有味，簡簡單單煮出水準來，值得一食。

將軍澳南邊開始好多新餐廳，實在太令人興奮！我今晚就黎La Rosabelle，係間法國菜！裝修令人眼前一亮，超古典風，木系裝修，牆上掛滿畫。侍應都係講英文嘅，特別有feel！除左有室內，仲有室外位，可以吹下海風，日頭都幾嘆。你地食肉獸今晚揀左兩款肉類嘅dish!Surf n’ Turf ($398)即龍蝦大戰西冷牛！西冷目測有10oz，厚切，肉汁爆棚，牛味好夠！作為西冷當然筋比較多，不會絕對唔過份啊！龍蝦係有龍蝦籽！第一次見！肉質都算彈牙，唔會霉。Pork Knuckle ($198)豬手真係超大隻！外面燒得好脆，但入面絕對係雞髀嗰種軟軟口感，超正！味道唔鹹，完全係我鍾意嗰嘢！每道菜都伴薯條，薯條上略灑鹽，另外可以要求茄汁，都好正啊。

今晚約了S食dinner, 佢話帶我去一間情調非常好又近海濱的餐廳，頗期待！未行入餐廳已隱約見到餐廳環境好有情調，還可可以選擇坐户外，欣賞吓海濱嘅景色，但由於下雨的關係，雖然有太陽傘，但我今晚都係prefer坐裏面先。一直走進去，感覺好有氣派，餐廳以木為主調，牆上全部掛上古典味甚濃的油畫，配以水晶吊燈，還有一個仿火爐的裝飾，甚有格調。Bar枱自成一角，擺放着不同類型的名酒，在這裏和朋友飲杯酒，傾下計也很relax!Snack Combo$138~小食拼盤有燒烤醬雞翼，水牛城辣醬雞翼，魷魚圈和洋葱圈。洋葱圈外面炸得好鬆脆，裏面的洋葱又甜又爽腕脆, 好味！魷魚圈鮮甜彈牙，正！雞翼炸得金黄香脆，肉嫩多汁，2款醬料各有千秋，BBQ醬酸酸甜甜好開胃，而水牛城辣醬帶少許微辣，好惹味！美國安格斯肉眼牛扒(12安士)$318~件扒份量好大，足夠2人食，還有新鮮的車厘茄和，沙律菜和薯條作side dish!安格斯肉眼扒肉質香濃嫩嫩滑，油脂分佈平均，肥瘦相間，牛味濃郁，肉汁豐富，非常滋味！薯條也很有驚喜！外鬆脆，內軟熟，好有薯味，正呀！

將軍澳豪宅越來越多，除左popcorn商場之外，近住海皮嘅餐廳有好多，有bar有西餐。出mtr行分鐘左右，一條直路到尾，再轉左就會見到餐廳。係電梯隔離 見到呢間裝修幾靚，好宮殿，就入去試下。有假暖爐，有酒bar，好chill咁。法式青口鍋 $168個汁白汁，幾開胃，唔會話好重酒味。勁大勁多，好入味。特級芝士漢堡配薯條 $138好鬆軟，感覺好新鮮，個包烘得幾脆，薯條分量多。整體環境唔錯，可以同朋友傾計。食完仲可以去散步。

朋友住喺將軍澳，佢帶左我去將軍澳海旁既一間餐廳食晚餐，呢間餐廳埋室外座位，可以望住個海旁食野，感覺好似去左外國咁，好chill。呢度有好多唔同既選擇，唔錯！我地點左Steak Tartare，呢個steak tartare係用左marinated 既牛肉去整，大慨就等於一成熟既牛排肉，要加埋生蛋黃撈埋一齊食，第一次食咁生既牛肉，估唔到又幾好食！另外，仲有呢個Chicken skewers，雞串烤到好惹味，薯條又香脆，配埋紅酒，好chill啊！

今日收工入左黎將軍澳搵一搵個朋友，就周圍搵食，打開開飯搵左一陣，我地選左間遠離少少既西餐廳 !! 諗住 Chill 一下 ~~黎到有室外坐都好舒服，完全唔駛等位，地方都幾大，仲坐得幾疏下 !! 唔錯 ~~ 叫左兩杯野飲再睇下有咩岩食 ! 果然夠 Chill ~~隻佬叫左杯 Stella，而我就 Ginger Ale，好放鬆既感覺 !! 環境又舒服，都可以逃避一陣唔帶口罩既緊張感 !!我地相量左好耐，又好似唔係好餓，不如選兩樣野食，唔夠再算 !! 首先叫左個 Butter Clams Pot With Fries，蜆既份量都 OK，個汁不得了 !! 精華左個蜆係哂個汁入面，我地將薯條不停放入去沖涼，堅係一條接一條 !! 一路食一路叫邪惡 ... 哈哈 ~~ 食到完全忘記左個茄汁，我話哂都係一個茄汁精，今次都真係可以忘記 ... 個汁你諗下有幾勁 !!再黎就係 Mixed Grill Skewers with Fries，我地又叫到忘我 ... 原來呢個都有薯條跟，想唔飽都難 !! 哈哈 ~~ 呢個有3串唔同肉類既串燒，有雞 / 牛 / 羊，個雞好味，香料味好重，好似仲有D雞軟骨係入面，好