La Postre (厚福街) (已結業)

約左舊同事去尖沙咀厚福街食飯，一去到就比呢間用左tiffany blue做主色既餐廳吸引住。一睇原來係之前都食過銅鑼灣分店既LaPostre。尖沙咀分店用左藍白設計，而且座位唔會太迫，坐得好舒服。到食物方面，由於之前都食過佢地既芝士煎蟹餅覺得好好食，我今次都encore左同舊同事再食。呢度既味道同銅鑼灣分店既一樣咁好。傳統西班牙蛋餅，入面有芝士同薯仔，呢3樣材料加埋本身已經好好食。而且加埋主角蟹鉗， 一碟入面有6隻蟹鉗，雖然size唔係好大隻，但入面都啖啖肉，真係好滿足! 唔好睇佢細細碟，作為前菜十分飽肚。到主菜方面，我今次就無要到西班家海鮮飯，要左個牛仔蠔肉燉飯。一上到碟真係嚇一嚇，超級大盤! 食完蛋餅既我地本身已經飽飽地，再黎一碟咁大既飯真係唔知點算。但食完第一啖，我地2個都不由自主咁繼續一匙匙咁食。雖然係燉飯，牛肉味亦好濃，但因為個汁唔會太稠，唔會有好膩好濟既感覺。而且都好足料，有D菜粒，大大舊又燉到好淋既牛仔肉，當然仲唔少得蠔啦。煮過既蠔都有番咁上下size，又唔會哽，成個飯真係好有驚喜。雖然真係好飽好飽，但2個女仔既飯局點會無甜品! 雖然知道呢度出名麻糬窩夫，但真係太飽，所以

今日同媽媽去了尖沙咀厚福街的La Postre食午餐，餐廳座位寛敞，而且十分明亮，裝修簡單舒服。芝士煎蟹餅以煎鍋盛載，剛從焗爐拿出，所以非常熱辣辣，蟹餅有幾隻蟹鉗，表面是一些木魚，下是芝士焗蛋餅，有很香的蛋味，焗得鬆脆。西班牙海鮮炒飯足二人份量，而且有很多海鮮如蝦、青口及蜆，炒飯是用了珍珠米，飯粒煙韌爽口，不過用了幾多油去炒，所以鍋底比較多油，味道帶點辣，非常惹味。綠茶麻糬窩夫甜品外觀精緻，平時窩夫比較脆口，這個加了麻糬去做，口感外脆內煙韌，綠茶味濃郁，配上楓蜜糖及蜜紅豆，甜度剛好，味道清新，直情可以當正餐去食。水果茶有多款生果如士多啤梨、橙、蘋果等，味道清新解渴。綠茶荔枝果茶有淡淡的荔枝甜香，加上綠茶，帶點綠茶澀味。整體食物不俗，份量十足，店員細心，見我成手油即刻自動自覺送上濕紙巾，認真體貼。

放工後與友人相約在厚福街La Postre，厚福街一向出名多不同種類的餐廳，今次選擇La Postre是因友人早前吃過後非常回味，所以我也很想在此吃頓飯！由尖沙咀港鐵站步行至餐廳只需要三分鐘時間，在炎炎夏日下，我們急不及待各點了杯凍飲，再慢慢選今晚的菜式。左邊是友人選的Fresh Fruit Mojito，比較大杯，生果粒粒滿載，我則選了Pineapple Mojito，有豐富的菠蘿果肉，飲品味道較鮮甜！兩杯也很解渴好味！前菜我們選了西班牙青豆煮蜆，熱湯看起來雖然很清，實質是吸收了蜆肉的美味，煙肉也豐富了熱湯的濃味！蜆肉味道很清甜，肉質也算大粒。西班牙牛仔蠔肉燉飯令我們很有驚喜！醬汁豐富每一顆飯粒，十分ＪＵＩＣＹ！當中夾雜薯不少三色椒、洋蔥，吃起來更見香口！而主打的牛仔肉份量很多，主要用了牛腩部分，因此肉質很軟腍多汁！蠔肉也是大大顆，有海水鹹香，肉質很厚而嫩！我們吃到很飽，本來很想嘗此店的窩夫，但怕吃不下，便點了洋妹子遇上沙巴翁！這個甜品的名子很特別，我們也忍不住詢問一下店員，這是用了什麼食材才點的。上枱後發現甜品比我們想像中的大份，大概是適合２－３人的。我切開脆餅皮，發現它是無比的鬆

✿╮❤╭✿ ✿雜感女生 好味日記✿ ˚*•✰。La Postre．浪漫靚位「食好西」。✰•*˚ ✿✿Dolce Vita @尖沙咀✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 尖沙咀最近成為本小姐下班後的主要飯堂 咀尖尖的我，在尖沙咀隨味覺游走 最後選定了La Postre 作為今晚的食點 餐廳的主色調剛好是我喜歡的藍綠色，感覺特別relax 值得欣賞的還有這裡型格的裝修，時尚中帶歐洲風情 古典主義的大時鐘、舒適的長梳化、可愛的美金餐紙、特色的濕紙巾.... 未食先開懷！ 玫瑰草莓牛奶 香滑creammmmmy！玫瑰味與草莓有繽紛的感覺 加入牛奶，又產生了一種溫柔 菠蘿Mojito 熱帶風情的菠蘿果汁特飲，要冰爽，係呢種！ 西班牙青豆煮蜆 有鮮甜的西班牙青豆配上鮮甜的肉蜆 蒜香與煙肉令整個湯汁更是昇華 非常好吃的味道 西班牙牛仔蠔肉燉飯 蠔肉是足4隻鮮嫩大蠔，海水味足而肉厚 加入軟滑入味的牛仔肉，牛油香，腩肉肥瘦均勻 滋味無窮！ 甜品時光： 洋妹子遇上沙巴翁 好有特色，是即點即製，所以熱辣辣的

已經食過好幾次銅鑼灣店同上還店，估唔到La Postre真係開到九龍區，可以帶少去港島區既屋企人黎試下。始終香港西班牙菜本身就唔係多～當然唔少得又叫呢款芝士蟹肉蛋餅，芝士份量真係幾多，相反蟹肉就唔多啦。不過勝在多配料而且蛋香味好濃，我鍾意夠厚既蛋餅個質感！另外MAIN就點左第一次試既豬手。佢呢個整法好明顯同德國好大分別啦！已經烤得香脆既豬手上面淋左醬汁，而且自己可以隨意再淋適當既蜜糖。首先個豬手，真係好大份既！本身豬手烤得都算脆既，但個香氣就唔算好夠。而且肉質如果可以再嫰啲會更好。而另外個SAUCE，我自己覺得尤其係加完蜜糖之後，其實好似HONEY MUSTARD，所以係帶鹹香得黎又甜甜地。仲有好多沙律菜配料添，真係好大份。最後唔少得試埋waiter介紹既甜品，洋妹子遇上沙巴翁！其實就係酥皮夾住又酸又甜既BERRIES餡，勁解膩啱晒食完豬手食。最後飲品都係依舊飲佢地既水果MOJITO。原來都係雜果最好，剩士多啤梨有點兒單調。

厚福街是尖沙咀區內一條名氣食街，最近就進駐了一間連鎖西班牙餐廳La Postre，店內以湖水綠作主調，非常富歐陸風情，見平日晚上都幾多食客應該唔會差得去邊，就決定入內一試。＊＊＊＊＊＊＊＊＊＊＊＊＊＊餐紙巾印上美金圖案，而濕紙巾則包裝成condom一樣，玩味十足。La Postre的餐牌內分為沙律、湯、Tapas、主菜、飯麵和甜品，選擇都幾豐富，圖文並茂非常清楚。左: 鮮雜果莫希托($78)右: 仲夏水果茶($46)莫希托和水果茶都有蘋果、青蘋果和士多啤梨，分別就在於前者加了梳打水和薄荷葉，後者則用上紅茶，個人就比較喜歡水果茶，茶味夠之餘又不會過於苦澀，最重要是價錢比莫希托便宜近一半。蜜瓜黑毛豬(24個月)($198)西班牙Tapas是佐酒小吃，一般份量都比較小，但這個蜜瓜黑毛豬卻是share plate份量，一份等於平常兩份的大小，因為蜜瓜都有成隻前臂咁長，上面每一塊黑毛豬火腿都大大塊，旁邊再伴以黑莓和核桃。火腿油份和鹹度都適中，與清甜的蜜瓜絕對是絕配！西班牙海鮮飯($298)西班牙海鮮飯例牌放在鐵鈑上，上面鋪滿青口、蜆、大蝦和火腿，份量十足，足夠兩三個人分吃。大蝦夠大隻，蝦肉結實。

哩間餐廳已經係食過幾次啦，因為覺得環境呀裝修呀同埋啲食具都係有花心思既！！不過今次嚟到有啲失望呀，因為佢將餐紙變返一張白色既餐紙，而唔係印有銀紙嘅餐紙既🤔🤔🤔不過都係講吓笑姐，都係食嘢最緊要，估唔到星期六都有得嗌set lunch喎，價錢又唔貴👍👍👍👍我同朋友嗌左煙鴨胸菌蝴蝶粉，煎泡菜卷配芥末只星星意粉同埋南瓜蟹鉗忌廉意大利飯，最後仲叫左個雜果窩夫😋😋😋😋😋最好食原來係個蝴蝶粉，首先個蝴蝶粉煙煙銀銀，好有口感，全部包住晒啲忌廉汁，再配埋啲菌，好有層次，略嫌份量少左啲🤪🤪🤪😋😋😋😋😋，然後個南瓜係鉗意大利飯就普普通通，我懷疑個意大利飯好似未整熟，有啲生米嘅感覺，至於個泡菜卷好開胃，啲pancake皮包住啲泡菜好正，至於個星星粉我係第一次食，原來係冷盤凍食既！！我哋再嗌左三杯果茶，都OK呀啲果茶，侍應不停幫我地refill啲水落個果茶度😍😍😍😍最後我哋帶咗個雜果窩夫，賣相真係一百分呀！食落去仲好好味添！窩夫熱辣辣再配上個雪糕，口感真係不得了！入面包住左啲麻薯，所以食咗一兩夠就已經超級飽啦！

每次行過厚福街都會比呢一間餐廳嘅外牆吸引咗，即興放工就同好朋友去呢度食嗰dinner ！店裏面有開放式廚房，坐喺度可以見到大廚佢哋做緊嘅菜餚同埋咖啡師沖緊咖啡！(個咖啡機好靚呀)店裏面嘅座位都比較闊落！傾計緊係要嗌返杯嘢飲解解渴㗎啦，叫咗抹茶紅豆同埋招牌雜果mojito ！抹茶紅豆飲洛口有啲似豆奶嘅味道濃濃一點抹茶嘅香味，配合埋杯底甜甜的紅豆沙，味道剛剛好唔會太甜！而雜果mojito主要係用咗梳打水同埋一啲水果而成，飲落嘅味道甜甜地都幾Fresh！叫咗個西班牙豬豬配蜜瓜開開胃先！西班牙豬豬配蜜瓜一齊食唔會好鹹，味道一絕！再叫埋個蜜糖芥茉鹹豬手！份量十足！可以兩至三個人！鹹豬手燒焗得金黃色！豬皮好香脆，裏面既肉質好滑滑！ 配合埋蜜糖同芥茉醬一齊食好夾，食不停！😂😂😂但食得太多 膩膩了！飲啖水果茶消消膩！

今日同朋友仔行完街街, 係附近搵好西, 就係厚福街行到尾見到呢間好有FEEL既西餐廳, 一於入去先, 內裹比想像中大, 一坐低睇下有咩好食先, 我地頭盤點左芝士煎蟹餅$168, 哈哈....見到好多蟹鉗一隻隻咁走左出黎, 一手就將隻蟹鉗拎起, 就連煎香左既芝士蛋一齊食, 芝士熰得香香, 就連木魚絲也跳起舞上黎, 哈哈.主菜我地點左西班牙豬手$388, 呢個堅正, 大廚也很細心將豬手切件, 仲要切到好鬼靚, 好容易就食得到, 啱哂我地D女仕LOW, HAHA, THANK YOU SO MUCH.... 皮也非常香脆, 再加埋呢個蜜糖就更加野味香甜, 還配上了沙律菜.飲品方面我就點左仲夏水果茶(HOT)$46, 嘩....成壺比哂我呀, 見到水果粒粒好有清新感覺呀, 味道甜甜的帶少少茶味. 而朋友點左荔枝茉莉綠茶(HOT)$43, 雖然外表只見幾粒荔枝, 但味道好香濃既荔枝味, 不會過甜, 仲要大大粒.甜品我地點左什果麻糬窩夫$108, 呢個都好特別, 係窩夫入面有麻糬呀, 口感煙煙靭靭, 還加上了很多不同的水果, 非常豐富, 好滿足!!

今日一個人去左尖沙咀食飯，朋友介紹一間西班牙餐廳，味道是不錯。今日經過就入去食個午餐！午餐餐牌選擇好多，我就叫左Daily special，試試今日推介的菜式！沙律新鮮爽脆，醬汁唔多入口夠清新！入面有車厘茄！主菜是露筍黑松露雲吞。露筍爽甜，黑松露味濃忌廉味道唔會膩口，陣陣黑松露香，雲吞粒粒皮薄，內裡包上芝士餡，三色雲吞賣相很好！雲吞包上忌廉汁，味道好豐富！甜品是有蛋糕，唔甜夠輕盈！飲品叫左熱水果茶，茶味清香仲有陣陣水果味！

終於約到這位好姊妹出來吃飯，這一帶特別多美食，一眼就看見這餐廳，已被吸引去看看，而且都已坐了7成客人，食物亦很吸引，主要是被「無花果」這食材吸引了我，因我十分喜歡吃新鮮的無花果!經一輪相議後，見很多人都是吃西班牙海鮮炒飯，所以主食不必多想，最後我們揀了3款食物和各自叫了一杯飲品，食物逐一慢慢送上。一、飲品仲夏水果茶(熱) - 由於我不能飲凍的，原本想飲MOJITO的，不過這杯水果茶亦很好，水果味濃，綠茶底濃淡適中，晚上都不宜喝濃茶，而這款凍一定比熱的更美味。朋友叫的是荔枝茉莉綠茶，看似也不錯!二、無花果煙三文魚沙律最期待的沙律，有2支麵包條叉住，要自己捏碎，味道和質感似手指餅，加沙律醬拌勻便可吃，份量稍微少了點，但質素很好，還有很多芝士片，無花果很清甜，沙律菜新鮮~三、西班牙海鮮炒飯(2人)人食我又食，似是必叫的吧，賣相很好，面且很大盤，起初都以為可能吃不完，炒飯有點辣，珍珠米偏硬的，但我覺得很有口感，朋友較喜歡軟一點，蝦都挺大隻，彈牙新鮮，青口和蜆都不錯，平時都少吃，因為覺得青口會好韌，這個又不會，姊妹更幫我拆肉，讓我吃得更方便，我們都很努力吃光這盤飯!四、雜莓咖啡雪葩酥條賣相幾靚，

Very nice tables and chairs.Lunch included soup and bread, chicken soup was creamy and thick. Coffee was with beautiful patten.Pasta was full of seafood, shrimps were crispy.With egg and mushroom. Cake was soft and moisture enough. Risotto was creamy, rice not too soft, very standard cook way.

Dates my bff for tea today at tst and she wanna try out this new restaurant. I was attracted by the picture of this waffle on the menu and we ordered it straight away together with their signature fruit tea drinks. The waffle didn't disappoint me it is crispy outside and chewy inside since they added lychee mochi inside the waffle. It comes with honey syrup, custard and fruits so yummy. Will try again soon!

同個fd上星期五見到依間新開既西班牙餐廳，好多人排隊，一票難求，決定平日再戰！終於比我地食到啦！.裝修十分適合打卡，亦坐得很舒服，不限時，同朋友傾計就啱曬，值得提既係這裡服務好好，個個店員都好勤力有禮，加不少分數！.荔枝茉莉綠茶一杯綠茶有大概三到四粒荔枝肉，茶都幾清香，最啱不太喜歡甜既人.仲夏水果茶比荔枝茶甜少少，入面有好多果肉，十分足料.芝士煎蟹餅這道菜與其話煎，倒不如話係芝士焗蛋蟹鉗，個人全晚最鍾意啲道菜，因為好似西班牙焗蛋餅，芝士味十分濃郁，蟹鉗亦都好新鮮，整道菜配合得好好，加上我又鍾意食蛋同芝士，所以呢道菜我會比一百分.西班牙海鮮飯主菜嚟啦，有好多唔同嘅海鮮，有大蝦，海蜆，青口同埋西班牙火腿，最新鮮嘅係大蝦，真係啖啖肉都好爽口，而西班牙火腿嘅鹹香將個飯嘅味道帶出嚟，真係不錯，兩個女仔食真係會好飽好滿足！.雜果麻糬窩夫呢一間餐廳仲有一樣野出名，就係麻糬窩夫，仲有好多唔同口味，好辛苦先揀咗雜果，望到個賣相已經覺得好好食，一切落去，窩夫好熱辣辣同好脆，入面包住麻糬又好鬆軟，加埋雜果同個雲呢嗱雪糕，好正好好味.有時食一餐飯唔單只係食佢既食物，店舖嘅裝修同埋員工嘅態度亦會影響客人對餐廳嘅