La Parrilla Steakhouse

新開業入黎試下 裝修係唔錯平日中午時間無咩人前菜叫左餃子同tartare 好食但係沙律唔知點解會好咸 食唔到Main dish 正常 不過食開嘅medium rare無咁多血水以200蚊多啲嘅質素黎講係OK不過service就麻麻地可能趕住落場 未食完野就叫人埋單 感覺好似趕人走咁如果想做落去 希望改善下staff啲態度

之前睇咗北角人社交媒體網站知道呢度開咗間新餐廳，講到中環都要諗好好食，帶着好大的期望嚟到。門面見到擺肉嘅櫥窗雪櫃都靚靚哋，諗住都算幾OK啦，有中環咁嘅質素喎。門口個外籍部長/經理著哂full suit 咁，餐廳入邊嘅食客全部都係街坊裝，都幾大對比服務慢、食物嚟得慢，服務員全部用東南亞人士，預咁會慢，唔會係香港人節奏。Lunch /dinner set menu 係同一款，只係晚餐就加$30。叫咗sirloin 同rump 各一份，sirloin 好柴，rump見到好多血水滲出嚟就知未解凍就烤。兩樣都唔合格，雖然薯條係freeflow 任加，不過都係一般般啦，未去到好食到想加。呢個真係食個環境氣氛囉，之前係百佳鋪，由超市改頭換面變做餐廳，裝修方面有落過功夫，有付出努力過。帶住好大期望嚟到，結果帶住好大失望地離開。冇咩特別大改進嘅話，都唔會有下一次

性價比之選環境舒適, 最啱一家大細嚟幫襯晚餐$228頭盤🥣+主菜🥩+無限薯條🍟+啤酒🍺麵包同餐湯都好夠熱, 薯條係新鮮即炸呢個價位食到咁好質素嘅牛扒, 真係好唔錯值得一試👍🏻

我哋係附近街坊，成個北角炮台山天后，真係冇乜高質嘅牛扒餐廳。平時食牛扒，灣仔上環中環一帶先有好嘢，但係都唔係間間牛扒餐廳好食。今晚呢間餐廳牛扒晚餐二百幾一位，真係物超所值，地方非常闊落，我好耐以前食過佢中環嗰間。掛住食，唔記得影相。今晚套餐有頭盤有主菜，仲有薯條和飲品，牛扒不錯，頭盤叫咗beef tartar，再加叫salad . 因為趕住走，冇時間叫埋甜品。今晚星期日全場爆滿，呢頭真係好少有咁高質素嘅餐廳。

間嘢啱啱新開有無限嘅薯條同埋兩杯啤酒送俾諗住同屋企人過嚟食吓嘢啦點知坐低過咗大概10分鐘先有人serve個薯條等咗成30分鐘 期間啲侍應仲要過嚟將我屋企人啲刀叉擠返好（好似 話我哋個table manner 咁） 牛扒真心好食 雞一般般 建議如果唔介意等候時間長同服務態度差可以嚟試下

北角算是港島區的舊區份之一，感覺食肆都會是一些偏向老派的風格，但最近 Keith Ku@古家私房菜 就造訪的一間以阿根廷菜為招徠的新開張扒房，看看能否帶來一點新衝擊。 🔹餐廳鄰近堡壘街，算是傳統的中產區域，處於北角與炮台山站之間，交通尚算方便。紅磚牆身襯上白底牆與柔和燈光的設計，帶著點點鄉村風，加上深色木系傢俬和倘大的紅酒櫃，滿有外國小鎮情懷。 🔹小店主打阿根廷菜，門面設有自家肉類熟成櫃感覺專業，牛扒選擇齊全，很多外面少見的部位均有供應，但礙於新開幕關係，餐牌選擇暫只侷限於Set Menu， 晚市有齊頭盤主菜飲品只盛惠約$250已有頭盤、主菜、份量質素性價比算高。 🥖脆百吉包，點菜後店員即端來外脆內綿密的麵包，包身微暖脆口，鬆軟中帶點韌性，麥味突出，蘸上橄欖油和意大利黑醋，微酸中滲著橄欖香，香口醒胃。 🐂🍽生牛肉他他，粉嫩牛肉切成小粒，撈上香草、胡椒、鹽和芥末，入口滑溜富彈性帶著牛肉的原始野性風味，蘸點伴碟醬汁佐上香脆多士，味道微酸鮮濃開胃。 🥟雞肉餡餃，香脆酥皮包著香草雞肉碎餡料，入口香濃豐盈，蘸上伴來的辣椒香草橄欖油醬汁，添上酸香刺激更顯滋味。。 🥩特級精選阿根廷封門柳，封門柳本身

上菜非常慢。。。。話薯條可以免費添加，但叫極唔黎。其他服務。。。慢。。。慢。。。啤酒免費兩杯，但如果有細路就我覺得比多個汽水選擇好D牛柳味道OK，算係咁。雞肉一般，正正常常