Kobe Beef Meat Pie (已結業)

崇光地庫的超市大執後重開，多了很多新食店，暫時最多人排隊的還是這間賣神戶牛肉批的店子。我還是忍唔住要跟吓風，排隊嘗過究竟。分截式排隊，唔駛阻住其他人，到咁上吓會有人帶你去counter，安排唔錯。大概排了廿分鐘，終於輪到我。老實講，我在神戶食過真正的神戶牛，深明其應有的價錢。試問幾草野點會食到神戶牛那種油香感，但不得不讚佢既牛肉批真係整得唔錯，尤其係佢既咖哩牛肉批（方型）。個批酥皮雖不及港式酥皮蛋tart那麼多層，但層次也不少，含少許洋蔥的咖哩牛肉辣度剛好，剛出爐的話入口酥香，唔錯！食多個大的神戶牛肉批（小批外貌像角仔），其實用料同咖哩批一樣，只是沒有咖哩味，比較之下還是咖哩批好D。唔知係咪件批唔係剛出爐，擺左一陣，感覺D牛肉較咖哩批的乾了少許。若同茶記的批比較，$38一個批其實唔太抵，食落感覺唔會同港式咖喱牛肉包差太遠，性價比相對較低，雖然味道唔錯，但除了咖哩批外，要我回頭再買同款的批可能性也不大。

見sogo 個超市裝修好，一直未有機會去買呢個咁出名的神戶牛肉批。今日放假，一早就起身去崇光百貨個超巿潮聖一吓。由於之前7:30收工去買已經無晒，問過d職員佢哋話神户牛肉批係限量發售，但通常開咗舖幾個鐘就會賣晒。為咗食呢個批，決定等佢10:00開門第一時間衝入去買。間舖嘅位置喺 cashier 旁邊好易搵到，去到見無人排隊，就衝過去第一個買，我買完之後都開始有少少人龍。順便一提，每人每次最多買6個批。批類選擇有5款，分別係主打的神户牛肉批、咖哩神戶牛肉批、紅豆批、紅玉蘋果批、安納芋甘薯批。神户牛肉批：分咗2個size，大的$38/1個，細就$21/1個。今次買咗個大size同朋友share食，酥皮好鬆化，神戶牛食落好juicy, 好香牛味，又有洋蔥粒，囗感好豐富。真係值得一試，下個星期一定再買過。紅玉蘋果批：$33蘋果係用日本產的紅蘋果，聞落已經好香蘋果味，d餡算多，味道少少甜。安納芋甘薯批：$28見係期間限定，又要一試，呢個批都算唔錯，甘薯味好出，微甜，酥皮依然出色。如果唔係即時食，可以拎返屋企放入微波爐叮20秒就食得，好方便。

今日和媽媽在中環吃完拉麵後，和一班吃貨朋友去到銅鑼灣Sogo超市掃街，超級開心呢。 DALLOYAU的蛋糕店 i CREMERiA Dolce Giapponese的 日式厥餠串 Beard Papa's的抹茶萢芙Croissant Taiyaki鯛魚燒 Kobe Beef Meat Pie蘋果批 BAKE Cheese Tart 的Bake Cheese Tart 華御結的Sakura Cookies Helfit Deli的Helfit Deli Lobster Roll Quiche Yoroizuka的厄瓜多爾可可農場朱古力批 baby Mon cher的蛋卷阿 Juchheim年輪蛋糕棒 Godiva Chocolatier的朱古力 Hotel Chocolat焦糖朱古力酥皮蘋果批第五站來到，不少朋友說它的神戶牛肉批好好食，可惜我遲黎乜都食吾到。幸好服務員俾左1/4件蘋果批我試試，好開心阿拿上手仍保持熱度，淋上甜甜糖醬的蘋果批，黏住我的手啦。一咬，嘩，好酥好脆好甜，不得了，好好食阿媽咪。