Knockbox Coffee Company (已搬遷) 新店位置

小編平時好少飲咖啡，但之前上openrice見到依間咖啡店既comment都唔錯，特別係個窩夫樣貌好得意，所以想試一試~ 先要說一下，店鋪坐位不多，假日大約12點半多已經有不少客人，建議早點幫襯~小編叫左個窩夫同一杯咖啡：(1) 意式鮮奶咖啡 $38咖啡味道同平時飲既有點兒不同，帶有淡淡既果味，奶味又唔會太重蓋過咖啡味 (其實落order時待應會問客人喜好，可選擇不同產地的咖啡豆)，可惜份量比較小，飲幾啖已經冇剩幾多~(2) Tropical Bomb $60這個窩夫係以新鮮的熱帶水果配上knockbox造型獨特的咖啡豆窩夫，外表非常吸睛，但窩夫入口稍硬，唔夠鬆軟，而且咖啡味唔夠濃郁~ 朱古力雪糕朱古力味濃，配上生果一齊食好夾~小編覺得自己嘆緊咖啡好似過緊中產的生活咁，但餐廳環境稍窄，坐得唔太舒服~

適逢就黎生日，就約左好耐冇見嘅中同聚聚~入左去文青一下個門面好靚~係影相位haha入到去環境都好好，好有格調。舖面係窄長嘅空間，位置唔算多，可以近距離睇住staff沖咖啡=]同朋友叫左朱古力，呢度嘅朱古力幾特別，送黎嘅係一杯熱牛奶，連帶一粒truffle,俾人放入牛奶攪勻。攪嘅過程有啲漫長，呷一口，感覺偏濃偏苦，朱古力大約係70-80%個種。同場叫左芝士蘑菇包，包比較硬身，邊稍脆，饀都ok。冇試咖啡同主食，就嗌嘅野食，感覺cp值唔算高。不過好啱影相同埋啲野都特別，而且可以坐好耐，同fd黎hea下傾下計都幾好，可以一試。

踏入新一年第一個工作休息日要好好享受, 對我來講早上既動力必定從咖啡而來, 一杯回甘味重既咖啡真係令我睡眼醒醒.   平日好難幫襯到呢間CAFE, 事關早上11點才開店, 唯有星期六休息先可來品嚐.   入到店你就發現佢同一般旺角區既咖啡店係完全不同, 首先更係陣烘焙味啦,  然後由咖啡師到咖啡機都好專業, 你怕自己唔識揀邊款咖啡唔緊要, 水吧前有一大張不同咖啡既比例圖, 睇完都可以扮到專家.    現場見好多客都愛飲滴漏咖啡, 而烘焙咖啡豆可揀nutty/fruity,  Cappuccino厚泡上有心型拉花, 咖啡底滲出回甘味, 奶泡濃厚好滑, 真係又有牛奶味又有咖啡味.   另有試Piccolo,  我比較愛上這款奶泡較少, 回甘味更突出.食物方面, 我們點了三文魚比高包, 材料頗多, 烘暖後包身脆脆.  另有賣相吸引既鮮菓waffle, 純粹被咖啡豆狀既waffle吸引, 食落好像雞旦仔, 外脆內軟, 讚.    份量不少可供2人share. 

好少黎旺角，驚人多gip多，上星要黎旺角買野，經過一輪可怕既西洋菜街後無意中經過呢間店，門口好靚，未有人等，一試不得了，咖啡我推介long black, 咩都唔駛加，已經係好香既咖啡味，又係半自助，買完野會有人叫你拎野食野飲，如果坐bar枱就可欣賞埋佢地專業沖咖啡既年青人。

同細妹經過食返個sister's tea 先招牌好大 好易搵而且門前有張文青櫈可以比人影吓相位置唔多 不過我下午去都仲有位坐❤️我都細妹一齊點左個all day breakfast 食賣相唔錯👍🏻不過Toast 係凍嘅 個人有d唔滿意炒蛋夠滑但味道偏淡最鍾意係個薯餅 好脆👍🏻不過overall 份量對比我食過嘅ADB偏細食完係唔夠飽嘅😿

追溯到九月，同一條街食完拉麵，就走了去這小店買咖啡，一開始是給門外吸引了，進到店內看到有「咖啡豆窩夫」，腦中浮起問題，難度將咖豆打碎粒再加入粉醬之後再烘？嗯，咖啡味一定很濃郁了。坐下點了茶，Mocha，花茶是洋金菊，好香。說回咖啡豆窩夫 一端上來真想退貨呀，同想像差太遠了，雪糕又是本地品牌，賣相是不錯的，定價是4x ? 我也不肯定了，味道一般，不算突岀啦。

由於平日黎親旺角掃街食野，一路都覺得市井文化就應如此，好少搵食搵到黎黑布街。冇諗到呢處開左好多特色小店，其中呢間咖啡室裝潢同設計更令人耳目一新。入到黎非但冇連鎖咖啡店的俗氣，從牆邊咖啡豆介紹以至餐牌中簡介咖啡沖調方法特性處處展現。或者，這種味道便是格調吧。有格調之餘，連食物質素都喜出望外。下午時段，同女友分別叫左Smoked Salmon Salad with Balsamic Vinegar同Parma Ham and Cheese Soft Bread。先說Balsamic Vineger，濃稠得黎味道又未至於太嗆鼻，用以沾上充滿橄欖油香既烘焙麵包，好正！Smoked Salad則稍為偏咸，配點檸檬汁食就更好；至於soft bread勝在新鮮軟熟，女友都愛食Parma Ham，但覺得cheese味道有點寡，如果焗熔再夾埋食會更吸引。

星期日兩點到附近，想食個hea lunch,見呢間多人，應該唔錯。好似係好專業嘅一班咖啡師，好多唔同產地嘅咖啡豆選擇，我咩都唔識，一杯latte(仲有得揀fruity定nutty...) nutty嘅~拉左個好靚嘅花，似天使？好rich嘅咖啡，同commerical嘅連鎖店飲得出好唔同，full好多。見到有其他人食fish and chips，唔知好唔好食呢

悠閒的星期六下午，當然要學懂享受悠閒的事情，最好就係搵間小小的cafe嘆啡食好野，去到黑布街找了一家店子，綠色的門面，十分搶眼。 面積小小的店子，環境一目了然，白色牆身、不修飾的石屎地、木系枱椅，感覺簡約寫意，柔和的燈光，有relax feel。 MENU。 Cappuccino，$38，拉花好靚呀，咖啡味道濃郁，夠香滑，真不俗呢。 Flat White，$38，友人的。 All Day Breakfast，$100，All Day Breakfast，$100，有香腸，蘑菇，炒蛋，薯餅，茄汁焗豆，煙肉，蕃茄，多士及沙律等，十分豐富，炒蛋幾好味，不過份量較少，其他味道正常水準。 Citrus Delight，$60，咖啡豆窩夫，有特色的賣相，窩夫微熱，口感外脆內軟，據聞窩夫內加入檸檬皮碎，但又唔多覺有檸檬皮的味道，只覺微甜，有蜜糖及espresso伴食，好特別的配搭，窩夫淋上蜜糖後浸一浸咖啡，加上香草雪糕一齊食，味道甜甜地又有咖啡香味，幾好食呀。 食物有水準又有創意，咖啡是王道，下次會再來呀。

驟雨天往café 食tea 似乎係有點詩意,, 令中女走入knockbox 的小吧枱點了fish & chips、waffle (Citrus Delight – Aromatics Espresso, Fresh cream, Vanilla ice-cream, lemon zest waffle in honey sauce) 和一杯piccolo。大大塊fish加少許檸汁好清新, 魚塊一啲都唔鞋口肉質非常嫩滑!! 最顯心思還是waffle,, 它被造成是一粒粒咖啡豆狀,,配溫熱的aromatics espresso做source，再沾凍雪糕/🍯一起整口吃,,冰火效果 + 啡苦澀連帶雪糕/蜜糖甜味,,令口腔內同時充斥不同味道和溫度的層次,, 口感一絶!! ☕️主菜piccolo 也處理不俗,, standard coffee 也會給客人揀豆,, 簡化了兩款 (口感型和香氣型)，即使唔係幫襯手沖都有得揀~ 又加分!! 坐bar枱, 除了可觀賞barista沖咖啡外,,也感受到幾位應該本是朋友的店員忙裡有說有笑,, 又咁岩見隔離枱有barista 給學員在上手沖咖啡課,,, 滿滿感受到

其實我係幾個月前同朋友去的。店唔大但好cozy。我朋友係一個"十萬個為什麼"嘅人，不停問咖啡師問題，唔同咖啡有什麼不同、產地、味道、咖啡機等等。咖啡師傅都好有耐性解答佢(反而我覺得佢好鬼煩)!Anyways，問完一大堆問題後我地終於叫了以下：Fish and Chips： 外cripsy內juicy！Very Good!Smoked salmon bagel: Not badLatte：NiceIce Cream Coffee：幾特別，咖啡好濃仲有原來佢地有coffee courses。本來我同個朋友話下次過來join一個beginner's course，點知忙碌嘅香港人幾個月過了都未再約到時間返去，aiiiiiii。。。。PS：我經鍾意佢地嘅"Seasonal Quote"

$38一杯flat white, 冇拉花，這個價錢到底值不值得？？個女侍應仲成杯咖啡咁係台面＂線＂到我面前！我一秒間以為自己在睇雜技表演！毫無服務態度可言！不會再幫襯！

大胃聯盟盟主呢日黎到Knockbox扮文青。呢間店主打特別環境+精品咖啡。盟主飲既係圖中透明玻璃杯冇拉花既"Dirty"。咖啡師吩咐唔好搞均, 飲番個層次。一拎上手, 會感覺到半杯熱半杯凍，第一啖感覺比較薄，但超滑, 雖然奶味都重，但唔會搶左咖啡香。Fish n Chips (for two), 魚柳外脆內滑, 薯條幼又脆, 唔會太鹹。basket裡面仲有茄醬同一種類似燒烤醬+豬腳薑既醬, 以供調味。最後不得不提,就係咖啡豆型waffle, "citrus delight"。厚厚既waffle, 又綿又少少煙韌, 蘸上espresso、糖漿同埋加左檸檬皮既cream, 口感好複雜, 响口裡面好清楚分辨到個樣野既存在, 又有D混亂, 感覺又好清新。去到Knockbox, 就算唔飲啤酒,唔飲咖啡, 唔食沙律, 都一定要試下Citrus Delight!

工作壓力大，有時真係要搵一啲野黎調劑下。所以今日就約左親愛的女朋友黎到旺角買野減壓，再醫醫肚，訴訴苦。黎到黑布街的 Knockbox Coffee Company，門口好吸晴，很有外國風味。 內裡是摩登的咖啡店擺位。我們坐在一邊，點了一些食物慢慢談。先來的是青瓜味的手工啤酒，淡淡的青瓜味道，很易入口。女朋友說很適合她，我就二話不說地飲了幾啖來麻醉自己，減減壓。到<<炸雞>>上場，用黎配啤酒一齊食真係一流。一來入口不會感到很油膩。二來炸得香口，入口外脆內嫩呢。<<Tropical Bomb>> 看似雞蛋仔的咖啡豆窩夫，上面放上糖霜調味，入口有甜甜的，也很濃的咖啡味。最重要是內軟外脆，而且配以兩款醬給大家自由配捨。不過個人就喜歡原味。隨餐更有雲呢拿味雪糕，藍莓及香蕉片，令到口味更有豐富。最後再一個AFFOGATO雪糕咖啡做終結，底部們了ESPRESSO，雪糕當然是主角。將底部的咖啡撈埋雪糕一齊吃。有一種又苦又甜，又熱又冷的感覺。咖啡的味道非常分明，雪糕也不會被咖啡掩蓋了其味道，推介。

這家咖啡店落在黑布街當中，來這邊是為了享受人手沖調咖啡店內掛著正採集咖啡豆的照片可選擇咖啡種類很多，朋友跟咖啡師直接說出想要的味道，由他來為我們調出最適合的咖啡坐在吧台欣嘗著沖調咖啡的過程，從溫杯到注水也是一絲不苟巴拿馬咖啡中度烘培，先迎的是果甜味，尾段回甘，略放涼又有不同滋味。咖啡豆造型窩夫底部凹了一條模仿著咖啡豆的窩夫蛋香味濃，鬆軟又不膩，還附有一球綿厚的巧克力雪糕塔。看見鄰座吃著炸雞啤酒津津有味，也就點上一盤。用叉子叉進炸雞時，並無半點骨酪，用上的是雞胸的部分，卻又不覺嚡口，脆薄外層不油膩，配上麥味香濃的啤酒果真不錯手工啤酒果味香濃，鼻子湊近便能嗅到陣陣果香。進口麥味濃，伴隨香甜味，尾段溢出啤酒花甘味。